عالم الحياة الزوجية - منتدى

بحرينيه و النعم · 09-03-2008, 17:42

السلام علسكم
هذي اول مشاركه لي في المنتدى ابيكم تساعدوني
خطيبي كلش ما يعرف شي في الرومانسيه و اهوه دفش واااايد يعاملني جني ولد غشمره ثقيله وايد
غشمره الاولاد معافر قوي جنه في حلبه مصارعه و من بدال ما يمسح على شعري يسحب شعري بقوه و يعوي يدي مليت والله وجم مره اكلمه في هالموضوع و افهمه اني مو ولد اني بنت والبنت رقيقه ولين اكلمه وافهمه يزعل او يقول انه هلون وماعرف اتعامل مع البنات وهاي اسلوبي ولين زعلت يتصل و يقول خلاص باتغير ونفس الحال يعصب و يقول هاي انه والله تعبت معاه

قولو لي شاسوي ابيه يصير رومانسي ابيه يعاملني برقه و حنان ابي حل

روآآبي · 09-03-2008, 18:13

شوفي حبيبتي
واضح ان اسلوبه العام دفش ..ومايعرف يرقق نفسه امام انثى وترى يمكن هالشي في صالحك من ناحية اخرى

لكن الان انتي ودك انه يحسسك بانوثتك .... اذن انتي نبهتيه واعطتيه اشارات بانه اسلوبك مو عاجبني

المكالمه الجايه خلي نقاشكم حول هذي النقطه (كيف يتعامل مع الانثى )
ووضحيله انك بحاجة له كرجل تستشعرين رجولته وليس كصديق يلعب معاك ويشد شعرك

وابدأي عامليه على هالاساس .. انتي تعاملي بكل رقه وغنج وهو مهما كان في الاخير رجل مصيره ينطق ويحس

لكن نبي نفهم بالاول

اذا قلتيله مثلا وحشتني ..اش يرد عليك ؟!!

*لـــمـــار* · 09-03-2008, 19:56

خطيبك فله هههههههههه

هو من النوع اللي مايعرف يتعامل مع الانثى ويبيله تعليم

يعني راح تتعبين معاه

بس الخوف من بكره ياصار يفهم وش يبي يسوي <<<<مرعبه هههههههههههههه

الحل بيدك .

شويه نقد على جفاء مضاف لهم نوع من الشوق يتخللها كلمات غزل ومدح وثناء وطراء

بيجي ميه ميه معاكي .

<<لو أحلف عنها ماهي فاهمه خخخخخخخخخخخخخخخخ

موفقييين ياااااااااااارب

بحرينيه و النعم · 09-03-2008, 20:08

مشكوره سحايب على هالنصيحه و باقعد معاه باتفاهم معاه اكثر على هالموضوع

ههه لمار فهميني شلون بالضبط خخخخ

الحر الأبي · 09-03-2008, 20:17

أهلا فيك أختي
الأمر هذا سهل وبسيط
المرأة ممكن تروض الرجل والعكس صحيح أيضاً
الأمر في يدك ولكن ليس بزعل وصراخ وهواش .. لا ..
يعني لا تقولي .. أووه ليش سويت كذا ؟؟؟
ياأخي إفهم .. أنا بنت مو ولد
لالالالالا
خذيه باللين
دربيه على الكلام المعسول
إشرحي له معنى الحب .. معنى الكلام الجميل
أرسلي له مسجات فيها حب وغزل
شوي شوي ويتعود لأنه باين مو متعود على الكلام الناعم والرومانسية
وهذا بالطبع يدل على ثقافته وقلة تجاربة
وفقك الله
تحياتي

بحرينيه و النعم · 09-03-2008, 20:28

تسلمين والله
ومشكوره عالنصيحه

*لـــمـــار* · 09-03-2008, 22:05

احم أحم

كح كح <<<صدقت حالها انها مهمه.

شوفي لما تكوني معاه كوني أنثى بمعنى الكلمه غصباً عنه بيخق

يعني كلامك معاه برقه وبثقافه ونقد وكلام حلو <<<عاد بالحلو خليكي بخيله عشان التوفير للمستقبل

ولما يعاملك كواحد من الشباب أنقدي عليه

قولي له أبو الشباب تراني فلانه مو واحد من الربع <<<الربع هاه اللحين مين العربجي خخخخخخخخ

>>>أقول انثبري خليني أسولف مع الادميه خخخخخخخخخخ

هو بحينها بيحس بس مابيهون ومع الزعل بيتعدل

خليكي لما يكلمك يحس انه بعالم غير عالمه

فهمتي والا أشرح لا لا فهمتي زييييييييييييييييييين

موفقه يارب

بحرينيه و النعم · 10-03-2008, 01:42

هه
ماتقصرين حبيبيتي
تسلمين

رورو ♥♥♥ أبو أيه · 10-03-2008, 01:54

اسف لو كنت هاقولك

عاملية برقة ونعوومة جداااااااا وكانة صديقتك او بنت عكس نوع جنسة متل مايفعل معك هو > سورى باللفظ
لدرجة تعجلة يتعصب ويقولك انا رجال فقوليلة وكذالك انا بنت
ويتعلم انو يراعى مشاعرك
ويفوق من حركاتة الدفشة هذة لانو شكلو هاياخد فيها

ويعاملك بخشونة
ومش بعيد يراكى مثلا فى اى مكان يجرى عليكى ويسلم وياخدك بالاحضان كشاب لاخوة الشاب ولا يجى بيوم يقولك تعالا يابنى نروح الاستاد نحضر هالمطش

انتبهى وعاملية بالمثل يفوووووق ويتعدل تمام >>> وعلى رأى المثل زوجى وانا حرة فية زوجى افردة واتنية ههههههههههههههههههههههههههههههههههههه
تحياتى
اخوكـــــــــــى
/
/
رورو

* الـنـجـلاء * · 10-03-2008, 03:09

الله يعينك

عارفه حبيبتي 00 يبي لك شوي صبر 00 وكثير دلع

وجربي مرهـ لما يطينها ويلوي يدك تبكين خليه يشوف بعينه انه الي قدامه بنت مو واحد من الشباب

ومرهـ ثانيه لما يقرب لك 00 انكمشي وابعدي عنه 00 ولو استغرب 00 قولي خايفه تعورني

أمسكي يدهـ بنعومه والعبي فيها 00 بيحس انه مسكتك مو زي مسكة خويه

وإذا مافاد 00 ما للك إلا طريقة روحيم

والله يحنن إيدهـ عليك 00 ويخليه اكثر رقه معك

بس على فكره لازم تتعودي عليه 00 لان تغييرهـ ممكن يطول 00

روآآبي · 10-03-2008, 09:52

طريقة روحايم ممتازه جربيها وخبرينا النتايج

بس ماقلتيلنا لما تقوليله وحشتني اش يكون رده ؟

a.and.a · 10-03-2008, 10:53

اعقد العالم وفوا وكفوا

واحس اني حكون مثل خطيبك لانه كلام الرومانسية احس انه صعب جدا ومايخرج من اللسان سهوله

انا ماجربت ولاعندي خبرة

بس احس انه بسحر انوثتك تقدري تروضيه

تدلعي عليه جدا جدا جدا

انتوا مع بعض

اذا واحد حار والثاني بارد

يبقى المجموع وسط

واذا واحد رومانسي والثاني ماهمه يبقى المجموع وسط

فاني خليكي رومانسيه على الاخر

ولاتقولين له تعامل معي كانثى (لانه ممكن ياخذها في نفسه)

بل يمكن لو مثلا تتطلعون السيف ولا الدانه تشوفون فلم رومانسي محترم

او في التلفزوم ماكثر الومانسيات او تجيبين فلم وتشوفونه في البيت

واذا صار شيء رومانسي

قولي له سوي لي كذا

طبعا حيبدأ في البدايه تمثيل الى ان يتعود

اكرر مرة اخرى

انا ماعندي خبرة لا 0%

لكن رأي اتمنى انه يكون مصيب

سلام

~{ ديـــــم .. · 10-03-2008, 10:58

خليك طويلة بال ومع الايام بيتغير

لان في الغالب يكون تعاملة مع رجال ومتعود على هالشي

سأرحل ولكن! · 10-03-2008, 14:44

مبين ما عنده أخوات
مع ان فيه كثير من الشباب ما عندهم أخوات وتعاملهم جدا راقي مع البنت ,,
يعتمد على التربيه
انت الحين راح تبدين حياة جديده
ربيه بطريقتك ,,
حسسيه برجولته ,,
امدي رجولته دائم ,, واعملي مقارنه بين اسلوبك الناعم واسلوبه الرجولي !
اتركي له الفرصه انه يميز بين اسلوب الرجل واسلوب البنت ,,
اسأليه :قولي له تخيل لو اصير عربجية مثلك ؟؟؟ وتخيل لو اكون دلوعه مثل فلانه او فلانه (مثلي له ناس دلوعات يعجبونه) ..
حسسيه انك دايم تحتاجين لقوته ,, وان فيه أمور ما تقدرين عليها لأنك بنت ودلوعه ,,
هذا اللي عندي بصراحه ,,
والله يهديه يارب
ويصلحه
ويكون لك اسعد زوج
وأرق رجل لك على وجه الدنيا

warda485 · 11-03-2008, 01:13

قتلتوني بالضحك خصوصا روحايم حبيبتي اصبري وزني على ودانو بنفس الموضوع وانشاء الله تكون نتيجة والله الى خايفا عليك منه الله يحفظك.
بالتوفيق

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ساعدوني خطيبي يعاملني كني ولد