عالم الحياة الزوجية - منتدى

كلي دلع وأنوثه · 11-03-2008, 04:34

*****بسم الله الرحمن الرحيم*****

وش اخباركم وش علومكم وش احساسكم(كل شي يخطرعلى البال
الييييييييييوم انا حاب اطرح موضوع لكل رجال يبغى
يتزوج لازم يمر هنا
المهم ببدا على طووول بدون مقدمات

باب الملــــــــــــــــــــــــــــــــــــــكه

اذا تملكت وخلاص سو اللي تبي واول شي تسويه انك تجحد شياب الحاره واذا سلم عليك احد منهم قل له شكلك مشبه يا شيخ
ثم خذ رقم المدام((المفروض اني ما اقول اصلن
وابد شبكها ....بس لاتصير مطفوووق وتبدا تخنبق اركد
وعرفها بنفسك وبميولك وطبعك وهواياتك وخلها تعرفك بنفسها
بس فيه اشياء مهمه لازم تحطها في عين الاعتبار....اولها
انك تكون طبيعي وتلقائي ولاتكلف ابد وخلك صادق معها
مو تعطيها من هالرخيص .. تكلم عن نفسك بكل صدق وتجرد
عشان ماتاخذ عنك صورة اخرى ولا تقعد تسوي فيها رومنسي
وانت من جنبها ولا تهك عليها وتقول انا احب جلسات البحر
وانت ما عمرك رحت للبحر الا مرتين
ولاتقول انا احب التوليب واللوتس والاوركيد وانت ما تدري هو ورد ولانوع من انواع الفقع .. ولا تقول انا كريم وانت اخر من يقط مع الشباب .. من جد لازم من اول مكالمه تعرفها بنفسك
وبشخصيتك الحقيقيه بدون اي زبرقه او زخرفه او رتوش .. وابدا بالعيوب قبل المزايا صح انها يمكن تنصدم كم صدمه بس صدقني انها اهون من الف مره انها تنصدم بعد الزواج
لانها من المكالمه الاولى مهيأه لتقبلك بعيوبك
بس اذا قمت تعطيها من هالرخيص وصدقتك وبدت تطقها هواجيس وتخيلتك ضلال عاصي الحلاني واكتشفت بعد الزواج انك ((اشهب كسائر الشهبان((بتجيها صدمه غير طبيعيه
والنقطه الثانيه خل كلامك طبيعي وقل وشلونك وش علومك ولاتحاول انك تسوي فيها ان عندك بريستيج وتكتاكي ((وش لونكي وش اخباركي وش علومكي لانك مفضوح مفضوح لو تكتاكي سنه
وحاول تسير عليها كم مره عشان تطيح الكلافه وتكسر حواجز الحيا والخوف بس عاد انتبه لا تصلح لك الدعوى وتصير لزقه
وتسنتر عندهم كل ليله واذا جيت لها الافضل انك تجيب معك هديه مهما كانت قيمتها الماديه لان الاهم القيمه المعنويه
مهوب تجيها كل مره تدودل ايديك وتدب في عشاهم وتمشي
والافضل ان فترة الملكه ما تكون قصيره عشان يمديكم تتعرفون على بعض ولا طويله عشان ما تشبعون من المكالمات يعني الزين من الشهرين الين 3 شهور يس لاتزود اكثر

******
باب ما قبــــــــل الزواج

فصل الملابس
اذا قرب الزواج ازرق لسوق البلد وطق لك درزن صراويل( السنه
وفنايل وشماغين وفصل لك كم ثوب ووزهم عندك وخلها للعرس
وتصدق بخلاقينك الا ولى ومن ناحيه البشت دور لك واحد من ربعك توه معرس وازرف بشته ووفر دراهمك لنك بتطفر اذاجتك المدام بس اهم شي يصير رفيقك طولك لايصير قصير ويوصل لين ركبتك ولا طويل لين توطاه وتمسط خشتك فيه بالزفه
عاااااااااااااد وقتها بيصير وجهك كانه وزار زيدي من كثر الالوان اللي بتجي فيه .....

فصل الاثاث
هذا امصل فصل واغث مرحله واشين نقطه
شف يا طويل العمر بعضهم يشاورها المدام في كل شي حتى في لون البيزه وهذا بينهبل قبل ما يعرس وبعضهم ما يشاورها في شي ابد وهذا ما يوصف عند هتلر بالدكتاتوريه لاهذا زين ولا هذا زين شاورها شوي .... واللي في راسك اريح لك
**********
نصيــــــــحه مهمه لشباب

اعرف اي واحد يتملك تفرك كبيدته على انه يطلع مع المدام
بس نصيحه لوجه الله لا تقعد تسوي فيهل رومنسي
وتطلع معها عشان ما تطقك الطفره لانكم اذا طلعتوا مع بعض
وصلحت لها اشيا تبي تشتريها لو انها غاليه وفوق طاقتك
ورجلك فوق ركبتك لانك بتستحي تقول والا هذا غالي
اما بعد الزواج عساك بس توديها لاهلها
المهم خل التقضي عقب العرس عشان تصير تمون عليها واذا قالت ابي كذا ولا كذا وصار غالي تقدر تزحلق مندوبها

نصيــــحه مهمه للبنـــــــات
لا تسوين فيها حيويه وتعيين تطلعين معه تتقضون ولا تاثثون
ترى الفتره الممتده بين الملكه والزواج هي فرصتك الذهبيه
في انك تشترين على كيفك من ارقى مكان تبينه وتخلينه يسوي لك اللي تبين وهو مايشوووووووووف الدرب
وترى الحياه فرص فاغتنمي هالفرصه ((اموووووت انا عالنصائح
لانك ان قلتيله نبي التقضي والتاثيث بعد الزواج راح بك للحراج
وان سولى فيها كريم راح بك لاسواق النخيل
وان بغيتي شي غالي قال لك ((مشي غشتك))

فصل العطوووور

اكيد انك بتشتري لك كم عطر قبل الزواج بس الاهم من العطور الخارجيه هي عطور الجسم اما بخاخ
((body spray))
او العطور الزيتيه ولازم ياطويل العمر تمر زهور الريف
ولا نكتار ولا
The Body Shop
وتاخذ لك كم عطر جسم وفيه بخاخات رهيبه لاتفوتك
مثل
vanilla,oceanus,ananya
وواحد بعد ثاني بس نسيت اسمه وفي عطور زيتيه بعد رااايقه
لو تبخ بها محمد نور عقب المباراه صارت ريحه ابطه
كنها ريحه جوري اشتر لك كم واحد وتروش بهم ليله العرس
وعقب بخ بخ بهم دايم مهوب تطفر بهم في شهر العسل ثم تطنش
عقب ... ترى كلش تتحمله الحرمه الا ريحه الصنان))
***************
فصل تنظيف الجسم
اذا بقى على عرسك يومين رح خذ لك حمام مغربي تراه زين
وقبل ماتروح اوزن وزنك واذا طلعت من الحمام اوزن وهاذا وجهي ان ما نقص وزنك 3كيلو على الاقل واذا قضو مفركينك
بتحس انك لبناني من زووود النظافه ثم ارفع رجلينك
وقل لهم مع مراعاة اللهجه البدويه عشان يرتاعون ويفركون صح(( صنفروا الشقوق ولا عليكم امر
لا تقول ما فيني تشققات ((تسذب ))ما فيه سعودي ما فيه تشقق
واصلن لو يجي سعودي ما فيه تشققات سحبت منه الجنسيه
ولو اني من الاحوال كان احط في البطاقه صوره لرجليين ان كان فيها تشققات فهو سعودي اكيد وان ما كان فيها فهو متسعود
ولا تنسى تكتب اسمك على رجلك لانك عقب منتب عارفها
وتبي تشك انها رجلك لانها بتصير انعم من خدوود نانسي عجرم
*********
فصل تنظيـــــــــف الاسنان

رح لاقرب مستوصف اسنان وخلهم يسون لاسنانك تنظيف وتبيض لاتقول اني افرش داايم ان كانك جيد فانت تفرش فتره ولا قضى المعجون طنشت التفريش وتعيجزت تشتري لك ثاني
واذا جو بينظفون والله ياهم بيلقون بلاوي بيطلعون منهم باقايا سيرلاك ما اكله يوم انك صغير وباقي تونه ما كلها في الفسحه
يوم انك في رابع وباقي شبس ما اكله من ثلاث سنين ((

**************

باااب ليله الدخله
هذا انا لي ساعه ادور مدخل لها الباب ولا لقيت ... الزبده
ان زوجتك ضيفه وحق الضيف 3 ايام وترى الركاده زينه
والعجله شينه وان كان فيه احد قايل لك ان حرمتك بتطير عقب يومين تراه نصاب ولا تخليها تحس ان ((ذاك وذاك ))اكبرهمك
لان الزواج اسمى وارقى من هالامووور
واهم شي الرفق في سائر شوؤنك وليكن منهجك قول الرسول صلى الله عليه وسلم :ان الرفق لايكون في شيئا الا زانه ولا ينزع من شيئا الا شانه
وخلك طبيعي ولا تشيل
هم الامور اللي تبي تمشي وفق عمليه مدروسه وبالرفاه والبنين مقدما
وخلوني اقفل هالباب ياشباب عشان ما اجيب العييد
**********
باب ما بعد الزواااج
بالتاكيد ان للكل طريقته في ادارته لدفعه الزواج ولكن هناك امور لابد من ان ناخذها بعين الاعتبار
وهي ان الزواج عباره عن انصهار جسدين في بوتقة روح واحده

تراني كاتب الموضوع عشان اقول بوتقه انتبهوا عاد
"
والزواج يبنى على عده اسس
العطاء بلا انتضار1
2 التضحيه
التنازل 3
التسامح 4
وبما اننا بشر والبشر مليئون بالاخطا ومشبعون بالنقص
فمن الاجدى الا يترصدكل زوج اخطا الاخر
ويحاسبه على النقص
بل يترصد اخطائه ويحاول اصلاحها واكمال النقص الذي فيه
ماخليت لسقراط شي ))
هذا والله اعلم وصلى الله وسلم على نبينا محمد وعلى اله وصحبه اجمعين
سبحانك اللهم وبحمدك اشهد ان لا اله الاانت استغفرك واتوب"
اليك"

الموزوع منقوووول

ياني ضحكت ضحك اووووب صاحي

لهيب الحرف · 11-03-2008, 08:10

ههههههههه

انا لما قريت العنوان قلت بس خلاص ضمنت زوجه اخرى

هههههههههه

مشكوورة على الموضوع الطريف

..00..

كلي دلع وأنوثه · 11-03-2008, 11:06

هههههههههههه
تفكيرك راح لبعيد
وبعد زوجه أخرى كملت ه
على العموم شاكره لك على المرور

روآآبي · 11-03-2008, 14:21

موضوع حيوي
ههههههه احلى شي اذا وداها سوق الحراج بعد الزواج

نقل موفق

*لـــمـــار* · 11-03-2008, 17:13

نصايح مش شينه <<<الله اكبر عليتس

خذ وخل

يسلموووووووووو

كلي دلع وأنوثه · 11-03-2008, 23:16

مشكووووورين على المرور

мόόη Ļίģħт · 13-03-2008, 13:29

رهيب الموضوع

نصااائح مهمه بـ قالب كوميـــــــــدي

تسلمين كلي دلع وانوثه < اسمك مشوااااااااار !! خخخخ

واحد وده يعرس · 17-09-2008, 09:33

خخخخخخخخخخخخخخخخخخخخخ

حسبتك بتقولين فيه أحد يساعد بفلوس خخخخخخخخخخخخخخ >>>>>>>>>مطفر

Eagle Man · 17-09-2008, 11:34

موضوع حلو ومختلف اسلوبه

معانق الريم · 17-09-2008, 13:41

حلوووووووووووووووووووووووووووووووووووووو هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هه

@جوري الحب@ · 17-09-2008, 15:46

هههههههههههههههههههههههههههههه

يسلمووووووووووووووووووووووو

بجد موضوع مفيد ومضحك بنفس الوقت
يعطيك العافيه

فقيره حظ · 18-09-2008, 00:13

والله موضوع ختير هههههههههههههههههههههههههههه

صدوووق الود · 18-09-2008, 00:41

اسلوب خطير وشيق في توصيل المعلومه
بتشكرك كلك غنج وانوسه على هيك موزوع

AHMED1999 · 18-09-2008, 01:03

اختي ناقلة الموضوع بصراحه اشكرك كثير عليه..

موضوع مفيد ومضحك بصراحه،، اما انا يا مت ضحك على هالجملة

اقتباس:

مهوب تجيها كل مره تدودل ايديك وتدب في عشاهم وتمشي

يقطع شيطان الكاتب بصراحه مبدع..

اما عني بصراحه ما شفتها ولا تبوني ازورها بعد مافي أمل << انواع الإحباط

شكرا

تائبه · 18-09-2008, 03:43

رووووووووعه
ونستينا شوي
بس ليش تعلمينهم بعطورات بودي شوب احس ماتصلح غير للبنات هم ياخذون العطورات الرجاليه والدهن من محلات جنيد والعربيه للعود وعبد الصمد القرشي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

نـــــــــــــداء عاجل لمن يريد الزواااج >>