عالم الحياة الزوجية - منتدى

اسير الفهد · 16-03-2008, 00:06

السلام عليكم روحمة الله وبركاته

ابي المشورة يا جماعة بسرعة تراي حيران ( وابي اشوف هل حصلت لكم من قبل ام لا . اذا كانت حصلت من قبل كيف الاوضاع بعد الزواج )

بالنسبه لي انا خطبت قبل شهر وشفت البنت وبعد كذا استخرت والحمدلله ارتحت لكن بعد شهر جتني كتمه وودي اهون عن البنت وادور بنت ثانيه مع ان هذه البنت ما فيها الا كل خير ولا سمعت عنها الاخير لكن كذا جاني هم من دون سبب وصليت الان صلاة استخاره ولا فادت
مع العلم ان بقى على العقد حول اسبوعين

وش الحل

حيــــــــــــــــــــــــــــــــــــــــــــــــ ــــــــــــران

الحر الأبي · 16-03-2008, 00:21

السلام عليكم
أخي العزيز .. إسمح لي أقول لك إنك موسوس.
مو معقوله كل من جاه كتمه تراجع عن الزواج أو عن أي شي يقدم عليه.
إذا البنت تصلح لك كزوجة توكل على الله وإترك عنك الأوهام والوسواس.
ماحدث لك هو أنك أكثرت التفكير بعد الإستخارة الأولى وهذا زاد الطين بلة.
وفقك الله
تحياتي

روآآبي · 16-03-2008, 00:25

ادري قلت بس الشباب لكن مشرفين القسم بس بنات ^_^

عموما
الاستخاره ... نتيجتها ليست متعلقه بمدى شعورك اتجاه الشئ

نتيجة الاستخاره تكمن حول (تيسير الامر ..او تعسيره)

استمر في الاستخاره ..واكثر من لاحول ولا قوة الا بالله
وتوكل على الله ...

اذا مالك خير .. ماراح يستمر الامر ..

وتيقن
(عسى ان تكرهوا شيئا وهو خير لكم )

*سحر الشرق* · 16-03-2008, 00:28

اولا ارجو ان تسامحني من غير قصد ضحكت من موقفك
حسيتك برئ
..بعد شهر حسيت بضيقة وهم
تدري هذه وساوس ومن كثر التفكير حسيت نفسك متردد
كثير تصير
التردد والحيرة والقلق ووووووووووو
طبيعي
الغلط منك انك المفترض ملكتوا قبل كذا
واذا البنت عاجبتك خلقا وخلقا
استخير ثانية وثالثة واعقلها وتوكل

lunar maria · 16-03-2008, 00:52

هم من ايش ؟؟
اذا بس كذا مجرد احساس
يمكن من كثرة التفكير
اما اذا فيه شي اصلا في البنت شي مب عاجبك حاول تفكر بهالنقطه ممكن تتقبلها او لا !!
ولا تشغل نفسك كثير بكثرة التفكير
استخييييييييير لين موعد الملكه
واذا الله قاسمها لك ان شاء الله ربي بيوفقك
أنا مريت بنفس تجربتك بالضبط بالاول عادي ولما قرب موعد الملكه نفس وضعك !!
ومع كثرة الاستخاره ربي وفقني لأخذ قراري بعدم الزواج
بس تعوذ من الشيطان ولاتفكر كثير
الله يكتب لك الي فيه الخير

a.and.a · 16-03-2008, 11:10

ياناس انتوا فاهمين صلاة الاستخاره غلط
الله يهديكم
مو معنى صلاة الاستخاره انك حتحس براحه والخزعبلات هذي
انت مانت نبي او رسول عشان ينزل عليك وحي
الاستخاره معناها
انك محتار بين اشياء او متحير في شيء ما او مقدم على امر ما
تروح تصلي وتدعي الاستخاره
وتتوكل وتسوي اللي انت شايفه
وربنا هو اللي حيمنع هذا الشيء اذا ماكان خير لك (باذنه تعالى)
او حيسهل لك امور هذا الشيء (باذنه تعالى)
والاهم من هذا وذاك (ورضني به) اللي في الدعاء انه ربي حيرضيك بهذا الشيء ايهما كان الخيار (باذنه تعالى)
هذه هي الاستخاره
اما شغل الخزعبلات انه لازم احس براحه في قلبي وماادري ايش !!!!!

فاللي عندك وسوسه
تأكد اذا كنت صليت الاستخاره بنيه صافيه انه اذا ماكان لك فيها خير ربي حيمنع هذا الزواج وان كان لك فيها خير ربي حيتمم على خير باذن الله تعالى
عموما
مبروك مقدما
توكل على الله وصلي استخارة وكررها (كله باجره) بس لاتنتظر ينزل عليك وحي لانه ماحيصير
سلام

Tera. · 17-03-2008, 00:44

صباح الخير ..

اهلا فيك اخوي ..

راح اقولك شي ..

طبيعي ان احنا نتضايق احياناً .. او نشعر بنوبات اكتئاب عرضية .. تمر علينا من وقت لآخر ..

وهذا شئ جداً عادي .. خصوصاً لما يبدأ الإنسان في بناء كيانه المستقل ..!

المشكلة مو في الضيقة .. او حتى في الشعور المرهق اللي يتزامن معها .. لا ابداً ..!

المشكلة تكمن .. انه بمجرد دخولنا في الإحساس بالإكتئاب .. او الضيقة .. تبدأ تتزامن معها اشياء

كثيرة ..

منها..

انخفاض مستوى التفكير لأدني مستوى ..

عدم التعاطي مع الأمور الحياتية العادية بكفاءة .. ( بمعنى ان الإنسان يصبح فاقد الإحساس .. او يتعامل

مع الأمور التافهة بعصبية ) ..

وايضاً .. النظرة السوداوية للأمور ..

وهذا يندرج تحتها مسألة القرارات المصيرية مثل الزواج أو غيره ..

فتجد الإنسان بمجرد شعوره بالضيق فوراً تبدأ معه إلحاحات نفسية حول المواضيع المهمة في حياته ..

فتجده في صراع دائم مع نفسه ..

لذلك تجده يحاول أن يجتنب الصراع مع الذات .. بالإنسحاب ..!!

ظناً منه ان هذا قرار .. ويجب اتخاذه .. وهو في الحقيقة هزيمة معنوية امام نفسه لا أكثر ..!!

لذلك انا انصحك .. ان تبتعد عن اتخاذ القرارات المزاجية .. خصوصاً في مسألة الزواج ..

ولابد .. ان تعود نفسك على اتخاذ القرارات وانت في أحسن حالاتك ..!

لذلك انا من رأيي .. ان تستخير ..

وتراجع نفسك أكثر وأكثر ..!

الله يوفقك ويسمح امرك .

دموع احزاني · 17-03-2008, 01:01

حرام الى قاعد ايصير كل واحد خطب وتم مع البنت شهر واله شهرين وبعدين عقب مايشبع يقول مابيها او مادري شنو ثار فيني هاذي مب حجي اثره بنات الناس مب لعبه وراعو مشاعرنهاحنه يالبنات والله عبالكم بنات الناس لعبه في يدكم وانه مع كلام اخوي a and a والى يقول صليت صلاة الاستخلرة وماصار شي والله حاله ابصراحه احسه هالانسان مريض او فيه نقص او قاعد يلعب ماخذ السالفه لعبه
وسوري اذا طولت

ابونواف · 17-03-2008, 09:09

اخي // توكل على الله وتعوذ من الشيطان الرجيم
واقرى الورد دائما وابعد عن الوساويس والله بيوفقك انشاء الله

اسير الفهد · 18-03-2008, 00:13

اقتباس:

المشاركة الأصلية كتبت بواسطة دموع احزاني

حرام الى قاعد ايصير كل واحد خطب وتم مع البنت شهر واله شهرين وبعدين عقب مايشبع يقول مابيها او مادري شنو ثار فيني هاذي مب حجي اثره بنات الناس مب لعبه وراعو مشاعرنهاحنه يالبنات والله عبالكم بنات الناس لعبه في يدكم وانه مع كلام اخوي a and a والى يقول صليت صلاة الاستخلرة وماصار شي والله حاله ابصراحه احسه هالانسان مريض او فيه نقص او قاعد يلعب ماخذ السالفه لعبه
وسوري اذا طولت

من وين شبعت انا البنت ما شفتها الا خمس دقايق ولا كلمتها ولا كلمه والبنت من زينة البنات واهلها ناس يرفعون الراس

لكن ما ادري وش جاني الله يستر ادعولي ارجوكم

ArgaznoOo · 18-03-2008, 03:48

الله ايسرلك امرك
هادي اكيد مية المية وساوس شيطان
انت تسمع بالشخص اللي يكون معموله سحر او مربوط والي يحس بضيقة لما تبدا المراسم الفعلية للارتباط
اذا ما تسمع انا اقولك لأني عانيت من هالشي
اقرا البقرة والمعوذات والاذكار وارقي نفسك
الله يبعد عنك الشر امييييين

الميلاني2 · 19-03-2008, 10:24

انت تقول البنت خلوقه وطيبه وبنت ناس
توكل على الله وان شاء الله بتعيش سعيد
بأذن الله واترك الوسواس عنك والرسول صلى
الله عليه وسلم قال( اظفر بذات الدين تربت يداك)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ارجوا الدخول للشباب والشياب فقط