عالم الحياة الزوجية - منتدى

أحبــ موووت ــك · 16-03-2008, 14:19

يمسيكم بالخير الأعضاء الكرام ..
يمكن أول مره أكتب بهالقسم ومن أول مشاركاتي كنت أدعي ربي لايحدني أكتب فيه عن شي يخصني.. لكن سبحان الله ..

أنا عندي مشكلة موترتني وقااااااااااهرتني وربي من القهر طلع بجسمي بقع زرقاء صرت مهدده بالجلطات بسبب القهر والتوتر..

مشكلتي مع زوجي .. من البداية .. زوجي طيب وحنون لكن !!

أنا متزوجه صار لي سنه وكم شهر عشت معاه في بيت أهله تقديرا لظروفه مع ان أهله ناس مرتاحين ويقدرون يعطونه بيت خاص وهو رفض لأنه وحسب كلامه يبي يعتمد على نفسه وكبر بعيني كثيييييير لهالفكره .. تحملت كثير في بيت أهله مافي خصوصية .. أمه متسلطه وغيووووووورة لدرجه ماتتخيلونها حتى لما نضحك يتصلون علينا صوتكم طالع شالضحك .. ماعندي شي خاص فيني غير غرفة نوم وصالة وحمام وأنتم بكرامة ماتحبني ادخل المطبخ ولا أسوي شي نهائيااااااا كل شي تسويه الطباخة أحسن.. حتى قسمي تتدخل فيه لاتحطين هذا هنا ولاتسوين كذا ولما رجعت بيتي بعد النفاس لقيتها مغيره ترتيب الدواليب تخيلوووووووووا يعني شافت أكثر الأشياء خصوصية وسكت وتحملت وربي شاهد علي عمري مارديت عليها بكلمه ومالها مني غير سمي وإن شاءالله وزوجي لو علق على تصرف منهم أقول له أهلك معلييييييش من محبة مايتصرفون كذا متعمدين..

نجي للمشكله الأساسية..

زوجي كان بيتوتي مايطلع وأصحابه معدودين..

فجأة صار البيت بالنسبة له فندق يجي من الدوام ياخذ مني اللي يبي وينام يصحى على طووووووول يطلع ويرجع الساعه 3 الفجر ياخذ اللي يبي ويحط راسه وينام وبسسسسس.. مع العلم أنا بطبيعتي أحب البس واكون بأحلى صورة دايم ومعودته أستقبله كل مادخل أحلى إستقبال حتى يرجعلي والإبتسامه على وجهه أحس بحبه لي وخوفه علي لكن فاقده وجووووووده.. متغير من ناحية الطلعات كثير خايفة عليه بديت أسمع أسماء ناس أول مره أسمعها والأسماء تخوف والله غريبة..

أوكي المفروووووووض الزوجه تعطي الرجل مساحته وتقدر طبيعته ..

لكن وهي؟؟ إلى متى ممكن تتحمل؟؟

أنا أحس بفرااااااااااغ كبير بداخلي وقهررررر .. زوجي طيب وحنون وكلامة عسل .. لكن بشررررررررط ما أشره عليه ولا أعبر له عن فقدي له ..

يوميااااااااااااا يطلع من البيت من الساعه 8 مايرجع إلا الساعة 3 الفجر.. مع العلم إن هالوضع ماصار إلا قبل 3 شهور بسسسسس.. في البداية كنت أسكت وأنتظره لين مايرجع وأستقبله أحلى إستقبال وبأحلى لبس قلت يمكن يصير يرجع قبل لكن صار العكس أبو الشباب شافني راضيه وحاس إني مبسوطه يسهر ويرجع يلقى أحلى شي قدامه .. ينام مرتاح وأنا مقهووووووووورة .. والله العظيم ما أشوفه إلا بالسرير .. لدرجة إني حتى لو كان بالنهار ومع إنشغالي إلا إني أروح له وأسوي نفسي انا بعد بنام بس عشان أتكلم معاه مو أتناقش لالا بس أسمع صوته وأحس فيه وأطبطب عليه حتى وأنا مقهوووورة أجيه وأسوي له مساج لين ماينام ..

مع العلم إنه هالوضع يوميااااااااااااا .. كنا مخصصين يوم الجمعه يوم عائلي صار حتى الجمعة لربعه ..

بعدها بديت أتكلم معاه بإسلوب حلو بإسلوب حب وشوق وإني أفقده .. ولا في أي تقددددددم..

لين صارت السالفة هووووووووووووووووووشة .. حنا متزوجين ماصار لنا إلا سنه بسسسسسس وحتى طلعات مانطلع سوا إلا لو بغينا المستشفى .. خلاص ماعدت أطييييييييق العيشة ..

ماعندي وقت أتناقش فيه معاه عن حياتنا وبنتنا .. عايشين في بيت أهله في مكان ضيق وبديت أحس وضعه تحسن كثيييييييييير أحتاج أتكلم معاه ما ألقى الوقت المناسب لما يرجع بالليل أشوفه يناديني يلا ننام .. وبس أقول تعوذي من إبليس يابنت خلي الرجال ينام مرتاح لاتنكدين عليه نومته .. والصبح أقول يالله صباح خير هونيها وتهون ..

لكن إلا متى هالوضع .. مابقى شي ماسويته .. حتى بنتي ماعدت أتحملها .. نفسيتي بالأرض

تكلمت معاه وش اللي مغيرك شصار يقولي ولا شي بس نضحك أنا وربعي سوا ونلعب بلوت .. طيب جيب البلوت نلعب سواء .. مع العلم إني أعرف مزاج زوجي وأعرف كيف أخليه يضحك وينبسط .. سألته أنا مقصره في شي مضايقتك في شي قالي لأ انتي وأنتي وبدأ المدح اللي ماناخذ من وراه تطبيق.. طيب أنت تعبان هالفتره تحس انك محتاج وقت لحالك قالي لا عادي مافيني شي..

المهم اللي فجر القنبله اللي بداخلي أنه طلع إجاااااااااازة قلت الله بيصير لي وقت معاه .. لكن للأسف ولا شي تغير نفس الوضضضضع ما أشووووووفه والله العظيم ما أشوفه مرات يصحى قبلي ويطلع .. ماطلعنا مع بعض مكان لنا 6 شهووووور.. بتخلص إجازته وأنا مافتحت معاه مواضيع مهمه عن حياتنا .. طلبت منه وقت خاص فيني لكن والله العظيم ماشفت شي.. وزعلت .. يجي يراضيني بالكلام تعرفين أنتي اني أحبك وتعرفين أني ما أستغني عنك وأنك كل حياتي ووووووووو وبعديييييييين طيب؟؟؟

مع العلم إن له زلات كثييييييرة لكن والله ما أبين له إني منتبهه لها .. غيييييير الكذب يكذب علي عشان يغطي على بعض الأشياء ولا كلمته .. لكن بالأخير واجهته لما ماشفت منه تقدير قالي لالا انتي تتخيلين وواجهته بالأدله سكت ماقدر يتكلم .. قلت له لو مهما كان الشي اللي تحاول تخبيه عني كبيييييير أو يزعل لاتكذب علي علمني وصدقني كل شي بالتفاهم ما أوعدك إني ما أزعل من شي لأني بشر لكن كل شي ينحل بالتفاهم .. أنا زوجتك وأنبسط لما تكون مرتاح ومبسوط لكن بالمقابل محتاجه منك بس تقدير وإنك تحسسني بوجودي في حياتك..

آخرتها جاني فجأة وأنا جالسة بصالتي قالي أنا ماشي للرياض وبرجع بكرا بودي غرض لواحد من الشباب وأنا أعرف وشو هالغرض .. قلت أوكي ورحت لبيت أهلي وصار بدال اليوم 3 وحتى مايفكر يتصل لو أنا ما سألت .. كلمته متى راجع قالي مبسوط عند الشباب .. طيب وأنا؟؟؟ مالي حق؟؟

حرام الفرحه علي؟؟ قسم بالله يا إني أفرررررررررح لو رحت معاه سوبر ماركت أحس إني طالعه مع زوجي ..

لكن خلاص ماعدت أحس إني متزوجه لأني عايشه لحالي أنا وبنتي زوجي وقت النوم فقط لاغير ولو بنته تعبت نوديها للمستشفى..

اليوم يمكن يرجع لكن أنا ناوية ما أرجع البيت معاه نفسيتي بالحضييييييض وجهي شاحب وحالتي لله .. مفكرة أقول له لما تحتاج زوجي وتنهي حياة العزوبية اتصل فيني..

أنا والله ماطلبت شي حتى السهر ما أعترضت عليه لكن قلت له لو تبي كل يوم تطلع براحتك بس مو كل يوم سهر يوم اسهر ويوم ارجع بدري عشان نفسك أولا وراك دوام صحتك حرام عليك وثانيا عشاني خلني أحس فيك .. والله ما أكلنا وجبه مع بعض من زمااااااااااااااااااااااااااااااااااااااان لأنه يتغدى بالدوام ويتعشى مع ربعه ..

ياجماعه أدري كلامي ملخبط وماني عارفة أكتب .. لكن لأني مخي بكبره ملخبببببببببببط ماني عارفه الصح من الغلط ..

تكفووووون تكفووووووووون شوروا علي علموني وش السواة..

doodi_2006 · 16-03-2008, 14:37

شوفي حبيبتي ,, اذا ودك تنهين المصخره هذي لازم تدخلين اهلك بالموضوع يعني ابوك او اخوك الكبير يكلم ابوه او اخوه الكبير بالي قاعد يصير ,, هو شافك المره الاولى والثانيه سكتي قال شكله الموضوع عااادي بالنسبه لها
با الاضافه وجودك في بيت اهله يخليه متطمن ويسهر الين الفجر لانك بوسط اهله لو الله لايقدر صار شي اهله عندك
انتي سكتي كثير فاخلاص لازم تحطين حد للموضوع و يتعدل وينتبه ان عنده زوجه وبنت
والله يوفقك ويرجع لك زوجك ان شاءالله ويسعدك ..

عبد الله بن سعو · 16-03-2008, 14:39

عليك بصبر والاحتساب لله سبحانه ... اكثري من الدعاء له ..

بان الله يهدي لك ولبنته ولبيته... ومن محور كلامك زوجك ممن فتحت لهم

باب سعادة الشيطان في اخر عمره .. حاولي أن تعلمي منهم اصحابه الذين

غيروه .. ولابد أنت تطلبي منه جلسة للمناقشة كل شئ حتى لو قال لك أجمل العبارات

والكلمات الجميله ... لان هذا مستقبلكم جميعاً..

أسال الله أن يصلح زوجك وأن يسعدكم ..

ksa_10 · 16-03-2008, 15:16

طيب أختي بقولك حل حاولي فيه معاه

شوفي

أصعب ما على الرجل انك تغيريه ( غيري جبل ولا تغيرين طبع )

الحل برأيي :

أنك تقولين له التالي :

أسهر على كيفك ولكن خصص لي يومين بالاسبوع

يوم نطلع فيه

ويوم نجلس سوا فيه

وأكيد أنتي عند أهل أو عندك صديقات روحي يوم بالاسبوع لهم

صرتي تطلعين من البيت 3 ايام على الاقل وتشوفين زوجك رسمي في يومين بالاسبوع كسهرة

حاولي بحل واقعي , لا تبثين له همومك وتقولين( أنت اهملتني , أنت نسيتني...الخ )

مثل ما قلت لك

كثير من اخوياي يخصص يوم الثلاثاء هذا يوم عائلي ( مرة يعشي زوجته بمطعم هو يختاره ومره هي تعشيه بمطعم هي تختاره )
ويخصص يوم السبت أو الجمعه هذا لمشاوير البيت واحتياجات البيت

ولكن لي تساؤلات هل زوجك يسهر أيام الدوام الى 3 الفجر ؟؟

أسمحي له ايام الاربعاء والخميس يسهر الى الفجر بكيفه لكن غيرها لا

ولا تنسين نفسك وين أهلك ؟ وين صديقاتك ؟

فيه شي ثاني تجبني الهواش مع زوجك أبدا , اشتغليه رسايل ( مثلا ارسلي له رساله

يا بعد عمري اذا انت مستانس انا مستانسه

ومرة ارسلي : يا فيه كثير ناس محتاجين منك كلمة بس

بعض الرجال عنيد ما يجي بالتفاهم

والله يا رب يعينك

a.and.a · 16-03-2008, 15:30

سبحان الله رب صدفة خير من الف ميعاد
اختي الكريمه عرفانا للجميل الذي قدمته لي في موضوعي الاخر
حسكت وليس عندي الا الدعاء لك لااكثر ولااقل
والله انه تأثرت كان الموضوع حصل لاختي والله انه لما اقرأ انه ربي رزقكم ببنت اتذكر اختي على طول لانه نفس الشيء تقريبا (اقصد من ناحية وقت الزواج والبنت)
عموما اختي
ربما طيش منه ربما صحبه سيئة او يمكن مسليه لكن مصيرة يعرف انه ماله الا زوجته في النهايه
وان شاء الله يرجع لك احسن من اول في اقرب وقت
لكن نصيحه مني
لاتدخلي اليأس الى حياتك ودائما للصبر حدود فلاتكبتي مافي نفسك فترات طويله

واسأل الله العظيم رب العرش العظيم ان يذهب مابك من الهم والغم
ويرجع زوجك الى صوابه

ان شاء الله اهل الخبرة يفيدونك

أحبــ موووت ــك · 16-03-2008, 15:33

اقتباس:

المشاركة الأصلية كتبت بواسطة doodi_2006

شوفي حبيبتي ,, اذا ودك تنهين المصخره هذي لازم تدخلين اهلك بالموضوع يعني ابوك او اخوك الكبير يكلم ابوه او اخوه الكبير بالي قاعد يصير ,, هو شافك المره الاولى والثانيه سكتي قال شكله الموضوع عااادي بالنسبه لها
با الاضافه وجودك في بيت اهله يخليه متطمن ويسهر الين الفجر لانك بوسط اهله لو الله لايقدر صار شي اهله عندك
انتي سكتي كثير فاخلاص لازم تحطين حد للموضوع و يتعدل وينتبه ان عنده زوجه وبنت
والله يوفقك ويرجع لك زوجك ان شاءالله ويسعدك ..

للأسف أختي أنا جربت مره مع أخته وأنقلب الموضوع فوووووووق راسي شايفين إن ولدهم طيب وإنه كثييييييير علي.. أهله ماراح أستفيد منهم شي..

أحبــ موووت ــك · 16-03-2008, 15:38

اقتباس:

المشاركة الأصلية كتبت بواسطة عبد الله بن سعو

عليك بصبر والاحتساب لله سبحانه ... اكثري من الدعاء له ..
بان الله يهدي لك ولبنته ولبيته... ومن محور كلامك زوجك ممن فتحت لهم
باب سعادة الشيطان في اخر عمره .. حاولي أن تعلمي منهم اصحابه الذين
غيروه .. ولابد أنت تطلبي منه جلسة للمناقشة كل شئ حتى لو قال لك أجمل العبارات
والكلمات الجميله ... لان هذا مستقبلكم جميعاً..
أسال الله أن يصلح زوجك وأن يسعدكم ..

يعطيك العافية أخوي على مشورتك..

للأسف كيف أقدر أعرف مين هم أصحابة؟؟

وطلبت منه المناقشة وكان رده دااااااائما الحين بطلع لما أرجع ولما يرجع يكون الوقت الفجر هو فيه النوم وأنا أكون متوتررررررة ومقهورة وتعباااااااانه من السهر وأنا أنتظرة يعني ممكن لو تكلمت ما أتكلم صح أو أغلط ودائما أقول وقت نوووووووم لاينام وهو متنكد..

أحبــ موووت ــك · 16-03-2008, 15:45

اقتباس:

المشاركة الأصلية كتبت بواسطة عبد الله بن سعو

عليك بصبر والاحتساب لله سبحانه ... اكثري من الدعاء له ..
بان الله يهدي لك ولبنته ولبيته... ومن محور كلامك زوجك ممن فتحت لهم
باب سعادة الشيطان في اخر عمره .. حاولي أن تعلمي منهم اصحابه الذين
غيروه .. ولابد أنت تطلبي منه جلسة للمناقشة كل شئ حتى لو قال لك أجمل العبارات
والكلمات الجميله ... لان هذا مستقبلكم جميعاً..
أسال الله أن يصلح زوجك وأن يسعدكم ..

يعطيك العافية أخوي على مشورتك..

للأسف كيف أقدر أعرف مين هم أصحابة؟؟

وطلبت منه المناقشة وكان رده دااااااائما الحين بطلع لما أرجع ولما يرجع يكون الوقت الفجر هو فيه النوم وأنا أكون متوتررررررة ومقهورة وتعباااااااانه من السهر وأنا أنتظرة يعني ممكن لو تكلمت ما أتكلم صح أو أغلط ودائما أقول وقت نوووووووم لاينام وهو متنكد..

أحبــ موووت ــك · 16-03-2008, 15:56

اقتباس:

المشاركة الأصلية كتبت بواسطة ksa_10

طيب أختي بقولك حل حاولي فيه معاه
شوفي
أصعب ما على الرجل انك تغيريه ( غيري جبل ولا تغيرين طبع )
الحل برأيي :
أنك تقولين له التالي :
أسهر على كيفك ولكن خصص لي يومين بالاسبوع
يوم نطلع فيه
ويوم نجلس سوا فيه
وأكيد أنتي عند أهل أو عندك صديقات روحي يوم بالاسبوع لهم
صرتي تطلعين من البيت 3 ايام على الاقل وتشوفين زوجك رسمي في يومين بالاسبوع كسهرة
حاولي بحل واقعي , لا تبثين له همومك وتقولين( أنت اهملتني , أنت نسيتني...الخ )
مثل ما قلت لك
كثير من اخوياي يخصص يوم الثلاثاء هذا يوم عائلي ( مرة يعشي زوجته بمطعم هو يختاره ومره هي تعشيه بمطعم هي تختاره )
ويخصص يوم السبت أو الجمعه هذا لمشاوير البيت واحتياجات البيت
ولكن لي تساؤلات هل زوجك يسهر أيام الدوام الى 3 الفجر ؟؟
أسمحي له ايام الاربعاء والخميس يسهر الى الفجر بكيفه لكن غيرها لا
ولا تنسين نفسك وين أهلك ؟ وين صديقاتك ؟
فيه شي ثاني تجبني الهواش مع زوجك أبدا , اشتغليه رسايل ( مثلا ارسلي له رساله
يا بعد عمري اذا انت مستانس انا مستانسه
ومرة ارسلي : يا فيه كثير ناس محتاجين منك كلمة بس
بعض الرجال عنيد ما يجي بالتفاهم
والله يا رب يعينك

مشكور أخوي على نصيحتك ..

أخوي أنا بنت واااااااعية كثير ولله الحمد وبشهادة كل من حولي..
أنا بالضبط هذا اللي قلته له .. هو فعلا يوميا يسهر حتى أيام الدوام .. طلبت منه يوم بالإسبوع بسسسسس لأن باقي الأيام يرجع من دوامه متأخر 5 ونص المغرب ويكسر خاطري ما أحب أثقل عليه .. لكن مع ذلك حتى باليوم اللي خصصناه نسااااااااااااااااني .. اللي قاهرني إنه ماكان كذا متغير من فترة 3 شهور بس.. آخر مره طلعت معاه لمطلعم قبل 6 شهور .. كل كلامه أنا ما أحب الأماكن العامة وانتي تعرفيني .. لكن قلت له مافي بين الزوجين أحب وما أحب على كل شي الزواج أخذ وعطاء أنا أتنازل شوي وأنت تتنازل شوي .. لكن للأسف مافي فاااااااايده..

قلنا طييييييييب تبي تطلع كل يوم اطلع بس يوم اسهر ويوم ارجع بدري عشان صحتك وعشاني .. بس للأسف وضعه صاير غرييييييييب..

أنا عندي يوم بالإسبوع أروح لأهلي فيه من الصبح ويجي ياخذني بالليل أما صاحباتي قليل تجمعنا وغير كذا أمه متسللللللللللطه لدرجة أنها تتدخل بطلعاتي حتى روحي لبيت أهلي طلبت مني إني ما أروح لهم ألا كل اسبوعين مره .. لكن ماسمعت كلامها عاد كل شي ولا أهلي.. والسبب ان بنتها ماتجيها الا كل اسبوعين مره مع انها قريبه منهم ..

وعلى الرسايل أنا رومانسيه لأبعد درجة أكتب له المسجات بنفسي وبتأليفي وهو بالعمل أدعي له وارسل وهو طالع اشتاق له وارسل وبعض المرات ارسل مسجات جريئه شوي يمكن يشتاق ويرجع قبل وقته لكن للأسف يرجع مشتااااااق لكن بالوقت اللي هو يبيه..

أنا تعبااااااااااااااااانه..

أحبــ موووت ــك · 16-03-2008, 16:01

اقتباس:

المشاركة الأصلية كتبت بواسطة a.and.a

سبحان الله رب صدفة خير من الف ميعاد
اختي الكريمه عرفانا للجميل الذي قدمته لي في موضوعي الاخر
حسكت وليس عندي الا الدعاء لك لااكثر ولااقل
والله انه تأثرت كان الموضوع حصل لاختي والله انه لما اقرأ انه ربي رزقكم ببنت اتذكر اختي على طول لانه نفس الشيء تقريبا (اقصد من ناحية وقت الزواج والبنت)
عموما اختي
ربما طيش منه ربما صحبه سيئة او يمكن مسليه لكن مصيرة يعرف انه ماله الا زوجته في النهايه
وان شاء الله يرجع لك احسن من اول في اقرب وقت
لكن نصيحه مني
لاتدخلي اليأس الى حياتك ودائما للصبر حدود فلاتكبتي مافي نفسك فترات طويله
واسأل الله العظيم رب العرش العظيم ان يذهب مابك من الهم والغم
ويرجع زوجك الى صوابه
ان شاء الله اهل الخبرة يفيدونك

الله يجزاك خير أخوي على دعائك وكلامك ..

لكن محد جاوبني بخصوص القرار اللي اتخذته..
لما يرجع اليوم ماراح أرجع معااااااه للبيت وبقول له لما تحس إنك محتاج زوجه تحبك وتشاركها وتبادلها بكل شي كلمني أو تعال خذني..

شرايكم بهالتصرف؟؟

ksa_10 · 16-03-2008, 16:29

اقتباس:

المشاركة الأصلية كتبت بواسطة أحبــ موووت ــك

مشكور أخوي على نصيحتك ..
أخوي أنا بنت واااااااعية كثير ولله الحمد وبشهادة كل من حولي..
أنا بالضبط هذا اللي قلته له .. هو فعلا يوميا يسهر حتى أيام الدوام .. طلبت منه يوم بالإسبوع بسسسسس لأن باقي الأيام يرجع من دوامه متأخر 5 ونص المغرب ويكسر خاطري ما أحب أثقل عليه .. لكن مع ذلك حتى باليوم اللي خصصناه نسااااااااااااااااني .. اللي قاهرني إنه ماكان كذا متغير من فترة 3 شهور بس.. آخر مره طلعت معاه لمطلعم قبل 6 شهور .. كل كلامه أنا ما أحب الأماكن العامة وانتي تعرفيني .. لكن قلت له مافي بين الزوجين أحب وما أحب على كل شي الزواج أخذ وعطاء أنا أتنازل شوي وأنت تتنازل شوي .. لكن للأسف مافي فاااااااايده..
قلنا طييييييييب تبي تطلع كل يوم اطلع بس يوم اسهر ويوم ارجع بدري عشان صحتك وعشاني .. بس للأسف وضعه صاير غرييييييييب..
أنا عندي يوم بالإسبوع أروح لأهلي فيه من الصبح ويجي ياخذني بالليل أما صاحباتي قليل تجمعنا وغير كذا أمه متسللللللللللطه لدرجة أنها تتدخل بطلعاتي حتى روحي لبيت أهلي طلبت مني إني ما أروح لهم ألا كل اسبوعين مره .. لكن ماسمعت كلامها عاد كل شي ولا أهلي.. والسبب ان بنتها ماتجيها الا كل اسبوعين مره مع انها قريبه منهم ..
وعلى الرسايل أنا رومانسيه لأبعد درجة أكتب له المسجات بنفسي وبتأليفي وهو بالعمل أدعي له وارسل وهو طالع اشتاق له وارسل وبعض المرات ارسل مسجات جريئه شوي يمكن يشتاق ويرجع قبل وقته لكن للأسف يرجع مشتااااااق لكن بالوقت اللي هو يبيه..
أنا تعبااااااااااااااااانه..

أختي في نقطه مهمة أنتي قلتيها وهو أنه يرجع من الدوام ياخذ اللي هو يبيه وينام وبرضو اذا رجع من عمله

حاولي ما تعطينه اللي هو يبيه الا بالايام اللي يكون مخصصها هو لك

أدري انه صعبه تقولين لا وما يجوز

ولكن اذا قرب منك , قولي أصبر وروحي للحمام واجلسي ساعه تتروشين وتتصلحين بحجة أنك ما تبينه يطلع على شي مو كويس فيك .

وفهميه انك انتي لك حق فيه أما الجنس العابر فهذا مشكلة لك قبل كل شي

الجنس هو لعبة الزوجة احذري لا يكون لحظة عابرة وينام ويخليك

حاولي تعودينه على هالشي

خلي الجنس وقته ساعات , وطبعا مو كله جنس لا

شي مساج , شي رقص وأخر شي الجنس

فيه نقطه مهمه يا أختي وانتي ابخص مني فيها

الصلاة

الواحد اذا كان يجي من شغله وياخذ حقه وينام ؟ هل هو يصلي بوقتها ؟

واذا كان ياخذ حقه قبل الفجر وينام . هل يصلي الفجر بوقتها ؟؟

زينة الجنس أنك ما تقدر تسويه بكل وقت بسبب الصلاة و
وكثير ما تردك الصلاة عنه وأكرر أنه ميزة الصلاة أنها تمنعك عن شهوتك او بالاصح تنظمها

وبالتالي ما تقدر تمارس شهوتك الا بالليل او بعد الفجر في وقت الاجازات وهكذا

أحرصي على الصلاة بوقتها وخليه يحرص عليها

ثاني شي لا أؤيدك بتاتاً في أنك ما ترجعين معه من أهلك لالالا

ترى مشكلتك أخف من مشاكل كثير من البنات , وانا اتوقع انها وقتية

الحمدلله انها مو ادمان مخدرات أو انه يطلع مع بنات ...الخ

أكرر طالبيه بأيام لك تسهرون فيها سوا , اذا ما يحب الاماكن العامة ممكن تطلعون للبر , ممكن تدورون بالسيارة , وقولي له نبي نطبقها بعد شهر مو الحين .

الحين خذ راحتك وترى بعد هالفتره راح نطبق هالشي .

الشي الثالث مسألة ان أهلك ما تروحين لهم الا مرة بالاسبوع وهم بنفس مدينتك اشوف انها قليلة

حاولي معاه تزيديها وتصير مرتين بالاسبوع ولا تدري أمه بهالشي . ( أتوقع هو وده حتى يروح لأخوياه) ومنها انتي ترتاحين من جو بيتهم .

الشي الرابع لازم يكون لك صديقات .

الشي الخامس وش وجهة نظره عن أمه ؟ هل هو مقتنع بتصرفاتها ؟؟
هل هو يشوف أمه عصبية ؟ والا ما يشوف أنها أخطت

اذا هو يشوف انها عصبية حاولي تشوفين وجهة نظره , حتى تطلعون من البيت , ومو ضروري بأقرب وقت حتى لو بعد ست شهور او سنه , انا اشوف انه مكهربة الجو , وطبيعي اذا كنتي في بيت اهله ما راح تقدرين تكونين صداقات ولا تقدرين تطلعين معاه

لأنه احيانا راح يجامل أهله ويجلس معهم , ولو مسكت معكم في نصف الليل تطلعون ما تقدرون تطلعون وانتم ساكنين معهم .

والله يعينك

حبيبه القلب · 16-03-2008, 17:04

راح أقلك شيء أنا جربته بصراحة طنشية عادي إذا يحبك ويبغى بيته يكون أحسن بيت بيرجع غصب عنة ولا تطلعين من بيتك أبدا ألين يبرر تصرفاتة يعنى مو إذا زعلتو تأخذين أغراضك وتمشين طنشي وخليك قاعده عشان تحسسينه إنك زوجه كل مين يتمناك إذا جاك أخر الليل وقول تعالى نبغى إنام مع بعض إسأليه قوليلة تبغى تبغى جسم بلا مشاعر ولا إنسانه بمعنى الكلمه وإبدئي طلعيله أغلاطة كلها ولا تزعلين أبد سوي نفسك إنسانة إذا تبغين تعيشين معاه مو على شانة على شان بنتك وبس وصدقيني راح يجيك ويعتذر بعد تفكير فكل إلي قلتيله هو مأوعدك من نفس اليله بس على الأقل بعد أسبوع

جمــ الروح ــال · 16-03-2008, 17:23

شوفي حبيبتي يمكن هوا حاس انك مرتاحة لانه كل اللي يبغاه يلقاه

ودايما رسايل ودلع ولبس

انا اشوف انك تطنشيه

وكمان لما يرجع من السفر ارجعي معاه عشان المشكلة ما تكبر

وبالنسبة للبيت حاولوا تلاقوا بيت بالايجار حتى لو صغير

لانه بيكون اريحلك وحتاخذي راحتك اكثر

والله يوفقك ويسخر لك زوجك

سندريلا زماني · 16-03-2008, 17:54

اختي زوجك قال هذي عادي عندها ارجع بدري ولا لا

الحين اذا جاء لاتروحين معاه حركتك هذي حلوة قولي اذا صرت زوجي تعال

والله يتعدل بس اتركيه لاتكلمينه الا اذا اتصل بك

والله يتغير .. هو شافك ساكته قال بكيفها

مررح · 16-03-2008, 18:00

انا اقولك اجري ورى زوجك بيتركك

طنشيه يتبعك

يعني لاتعطيه وجه اذا جي من سهرته حسسيه انك زعلانه يااختي

لاتكلميه وحتي اذا ماشفتيه لاتتصلي عليه واذا اتصل موبسرعه تردي عليه خليه يحسك انك متغيره عليه

بعدين هوو بيلاحقك ويقول ويش فيها متغيره ويقولك ويش فيك علي بعدين قولي له الي تبي افتحي قلبك له

بعدين لاتخلي زوجك محور حياتك وهوو الوحيد المسؤل عن التغير فيها انتي اطلعي غيري جو

شوفي لك هوايه ترى الزوج يمل من الزوجه اذا كان هوو الوحيد مصدر تسليتها

ولي رجعه

بايات

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تكفون محتاجتكم .. مقهووووورة..