عالم الحياة الزوجية - منتدى

الهايم في حبها · 22-03-2008, 13:23

السلام عليكم الرحمن الرحيم ...

يا حلوين و يا حلوات اعطوني رئيكم ...

انا ملكتي قربت و طبعا زي اي شاب دخل الاسهم و ما قدر يجمع شي و خسر اضطريت اني اقترض من البنك ... انا راتبي يا حلوين 7000 ريال قابلة للزيادة سنويا.. موظف حكومي ... ما علي اي التزامات و لله الحمد يعني متوفرة لي شقة و سيارة .. غير ما راح يكون علي التزام الا القرض اللي راح اخذه ....

المهم يا حلوين و يا حلوات ... انا محتار بمبلغ القرض .. انا 100000 ريال تكفيني للتزامات الزواج مع المبلغ اللي معايا يا دوب .... لكن انا ودي اسافر في شهر العسل و طبعا يحتاج لها اقل شي 20000 ريال ...

البنك اعطاني عروض كالاتي :

100000 ريال بقسط شهري 1950 ريال يعني يبقى من الراتب 5050 ريال

115000 ريال بقسط شهري 2242 ريال يعني يبقى من الراتب 4758 ريال

120000 ريال بقسط شهري 2340 ريال يعني يبقى من الراتب 4660 ريال

128000 ريال بقسط شهري 2496 ريال يعني يبقى من الراتب 4504 ريال

ابغى رئيكم : لا احد يقولي لا تقترض او اتسلف لانه ما عندي غير حل القرض ... لكن زي ما قولت لكم انا نفسي اسافر و زوجتي برضه و هي ما شاءلله عليها تحب السفر و انا كمان .... هل تشوفون انه انا كذا و لا كذا مدبس في القرض فاخذ اكثر شي ممكن و الا ايش رئيكم ؟؟؟

شاكررررررررررررررررررر لكم مقدما

روآآبي · 22-03-2008, 13:53

مافي شي اسمه انا كذا ولا كذا مدبس في القرض

كل ماكان القرض اخف ...كل ماكان امكانية سداده اسهل واسرع
وقبل اي خطوة استخير ثم استخير ثم استخير
وتوكل على الله
وبالتوفيق

خبير حياة زوجيه · 22-03-2008, 14:00

طيب خذ 100000على كلامك انها تكفيك والله يوفقك .

الاحسان · 22-03-2008, 14:01

استخير الله باي شي

وثق تماما قروض البنك مافيها بركه يعني ممسوخه وفيها شبهه (الربا)

*سحر الشرق* · 22-03-2008, 14:10

واستشارة ومعها استخارة
موفق
اقترض لكن مايكون مبلغ كبير يرهقك ويسبب ازمات لك

كان زمان شاب · 22-03-2008, 14:24

بارك اللة لك وبارك عليك وجمع بينكما في خير اولا انتة ادرى الناس بوضعك خذ ورقة وقلم وشف الالتزامات التي عليك وسجلها وخلها 1+1=2 يعني المصروفات التي مالها داعي اتركها .

الهايم في حبها · 22-03-2008, 15:06

اشكركم جميعا يا احبابي على المشاركة يا اخواني القرض فيني فيني بس ابغى رئيكم هل 4700 ريال كافية في بداية الزواج يعني ما تخليني احتاج احد باذن الله

صدق الوفى · 22-03-2008, 15:19

ادخل جمعيه ابرك لك من القروض

واسهل لك

وصدقني وهذه نصيحه من اخ لاخوه

اذا الفلوس ما فيها بركه مهما كانت راح ترووح مثل الهوا وما تنفع

اربع آلاف حلوه لكن البعض ما فيها بركه

لذا كنت اتمنى لو دخلت جمعيه ابرك لك من البنوك الربويه

واذا قدرت تراجع

والله يوفقكم

мόόη Ļίģħт · 23-03-2008, 01:58

الله يوفقك اخوي

واشوف ان مبلغ 100 ألف ان شاء الله كافي

لان بعد الزواج وبداية الزواج ماتكون زنقة كل اخر شهر

راح تطلع لك مصاريف ......... ( تسديد .. مقاضي .. مصروف للمدام .. ومصروفك الشخصي ....)

لازم تفكر لبعيد

ومرة ثانيه بالتوفيق والله ييسر لك اموركـ

خبير حياة زوجيه · 23-03-2008, 13:36

اقتباس:

المشاركة الأصلية كتبت بواسطة الهايم في حبها

اشكركم جميعا يا احبابي على المشاركة يا اخواني القرض فيني فيني بس ابغى رئيكم هل 4700 ريال كافية في بداية الزواج يعني ما تخليني احتاج احد باذن الله

4700 تكفي ان شاء الله اذا كان ايجار البيت بحد معقول
وباقي المستلزمات بسيطه .

رعد29 · 23-03-2008, 14:54

صلي صلاة الاستخارة وادعي ربك واخذ اللي نفسك تميل اليه اكتر

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

يا حلوين و يا حلوات رئيكم يهمني كثير