عالم الحياة الزوجية - منتدى

dammam boy · 22-03-2008, 13:41

السلام عليكم ورحمة الله وبركاته,,,
انا احد المتابعين من فترة لهذا المنتدى الرائع ولكنني قررت التسجيل مؤخرا للافادة والاستفادة.
احبائي عقدت قراني قبل اسبوعين ولله الحمد وجلست مع زوجتي منفردا قرابة الساعة خلال ذلك اليوم وكما تعلمون نحن مجتمع - اي المجتمع الخليجي عموما - محافظ ولذلك قد يكون هناك شيء من الخجل من الطرفين خصوصا من جانب الفتاة على الرغم من اننا سبق ان راينا بعضنا الرؤية الشرعية في الخطوبة ولكنها كانت لمدة دقيقة واحدة ودون نطق أي منا بكلمة واحدة (مستحين يعني !!).
خلال هذه الأيام نتبادل المسجات يوميا بمعدل 3 الى 4 مسجات تقريبا بالاضافة الى المكالمات على الجوال كل يومين والشات على الماسنجر (4 مرات تقريبا خلال الأسبوعين الماضيين) ولكن احيانا لا اجد ما اتحدث معها فيه فمن الصعب ان يكون حديثي معها كله غزل وحب و رومانسية !!!
لذلك ارجو ان ترشدوني الى بعض الاساليب التي تساهم في كسر الحواجز النفسية اضافة الى بعض الأفكار الرومانسية التي من الممكن ان اقوم خلال هذه الفترة لتعميق المشاعر وتنميتها..
اتمنى ان لا تبخلوا علي والكرم لا يستغرب من اهله ....
مع ارق التحااااااايا ,,,,
.

رقة مشاعر · 22-03-2008, 13:50

..

هلا بك اخوي

اولا الف الف الف مبرروووك

والله يتمم لك على خير ان شاء الله

والله يجعل المودة والرحمة بينكم

اخوي بالنسبة للسوالف سهلة جدا

تكلمو عن ذكرياتكم ..مواقف دراستكم..طفولتكم

مواقف مراهقتكم.. اصدقائك.. اهلك

وتكلمو عن مستقبلكم

اساليبكم بتربية ابنائكم.. طبعك وعاداتك بالنوم والاكل.. ماتحب وماتكره

اسالها هي بعد

الخطوط العريضة لحياتكم المستقبلية وكيف تبغوا تعيشوها

وبالنسبة للافكار الرومنسية

خذ لك لفة بالقسم راح تلاقي افكااار حلوووة

وبالمناسبة فيه مسابقة تقام الان في القسم لهذا الغرض

الله يوفقك اخوي

..

روآآبي · 22-03-2008, 13:50

* ٌاسئلة الخطوبة العشره للتعارفٌ*

هالموضوع ممكن يفيدك في اختيار المواضيع اللي تتحدث فيها مع خطيبتك
وبالتوفيق

دموع مسجونة · 23-03-2008, 03:20

الف مبروك اخوي والله يتمم لكم على خير
نصيحتي لك سولف معاها كانك تتكلم لصديقك ..ناقش معاها اي شيء في بالك
ولا تتردد بالكلام الحلو ..بعض الناس يقولون سواءا للبنت او اولد اثقل ولا ترمي نفسك عشان يكون طعم للزواج بعدين ..هذا الكلام ممكن ينطبق للي فترة الملكه ممكن تتجاوز السنه..لكن اذا كانت اقل نصيحة لا تبخل بعواطفكم اصلا الحياة قصيرة
...ناقشها بين فتره وفتره عن حياتكم الزوجيه ..كيف تحب يكون نظامكم ..الاشياء اللي تحبها واللي ما تحبها ,,
عن احلامك ... امنياتك .. شاركها في كل امورك ...استشيرها في كل شيء حتى في اتفه الامور ..
اما بالنسبة للحركات الرومانسية ..اذا تقدر ترسل لها ورد مع احد تعرفه في مكان عملها مثلا..
هذا كل اللي في بالي الحين
وبالتووووووووووفيق

dammam boy · 23-03-2008, 09:53

مشكورين على مشاركتكم ونصائحكم وان شاء الله تكون ايامكم كلها افراح يااااااااا رب ...
و ما زلت انتظر المزيد من مخضرمي المنتدى لأني طماع من جد !!!

мόόη Ļίģħт · 23-03-2008, 15:12

**سوالف عادية عن الاحداث اليوميه .. وعن شخصيتك وماتحب وماتكره .. عن ذكريات ماضيه

**ممكن أسئلة لخطيبتكـ حتى تتجرأ عليكـ

ولكن انتبه تقولها ( سولفي ) <<<<<<< هـ الكلمة تجيب الخرس !!!!!!!!!!!

<<<<<< دايم تسولف لو احد طلب منها تسولف تسكت !! خخخخخ

**ممكن ترسل رسايل وسائط كل فترة .. صورة وكلام حلو مؤثر .... بس انتبه الكلمات لا تشطح بقوة

اهم شي تكون الكلمات مناسبة لمشاعرك ناحيتها هـ الفترة

**لما تكون جالس وتفكر فيها . ارسلها وقولها انها خطرت على بالكـ هـ اللحظة

**ارسل ع الايميل بطاقة فيها كلام حلووووو

**شاورها بأثاث البيت واطلعها بالمستجداتـ

**اذا كان عندكـ مشكلة بسيطة او متضايق فضفضلها وخلها تطرح لك حلول .... راح تزيد ثقتها بنفسها وتحس انك واثق في تفكيرها ....

والله يوفقكـ ويتمم ليك بخير

dammam boy · 24-03-2008, 07:56

مشكورة اختي (عروس جديدة)
بالفعل انا لاحظت اني لما اقول لها سولفي لي تسكت بعكس لما اسالها ممكن تتردد شوي بعدين تنطلق في الكلام بس مو كثير !!!

كلي نظر · 24-03-2008, 09:26

والله انا عن نفسي أنصحك لاتتكلمون واجد,او يكون فيه مراسله كثييييييييييير..
ترا تملوووووووووووووووووووون من بعض بعد الزوج,حتى يصير مافي شي تتكلمون عنه بعدين..

أسأل مجرب!!
خلها بين فتره وفتره المكالمات والمراسله,علشان تكونون مجمعين سواليف..
أذكر نفسي كان زوجي كل يوم يكلمني,وأتوهق كل ماشفته دق علي,لأني ماعندي سالفه أقولها ويمل مني
وأخرتها مع السلامه..

أجلوا السواليف بعد الزواج,لها طعم أكثر..

dammam boy · 25-03-2008, 07:50

مشكورة اختي وبالفعل كلك نظر لأني بالفعل بدأت اقتنع بالشيء هذا وصرت احاول اقلل من المكالمات ...

أنااا · 25-03-2008, 09:52

دمام بوي..

ياهلا واللله ...

الف الف الف مبروك ...

وعسا اللله يهينكم..

وش تقول لها ؟؟؟

انا اقول لك ..

في البداية ..

لا تجيب طاري الحب واحبك وتقعد تخمبق تعطيها من ذالرخيص !!!

والا يجيك واحد يقول تر البنات يذوبون من كلمه ... احرقها .. ذوبها ... لا لا هد اعصابك .

صحيح الكلام مؤثر في البنت .. اذا كانت مثل ماتقول ماخذه عليك ...

بين لها مشاعرك الحقيقية ..

طبعا اكيد في البداية ماراح يكون حبك لها 100%

تقريبا انت الحين في هالوقت .. تحبها بقدر 10 % (احس انك تقول وش ذالي دخل فيني !!!! (-: )

فبين لها مشاعر هالعشرة في المية ..

خلك في البداية على كلمات الاحترام والتقدير ...

يعني كنك تكلم مثلا صديقك ..

ذكرتني بزميلي ... جايني مطرطع .. !! (طبعا توه متملك ويمون علي.. )

بقول وش السالفه ؟؟
قلت له وشو؟؟

قال احس ان زوجتي نصابه !!!!
قلت احوووووول ليش؟؟

قال من اول يوم بعد الملاك ارسلت لي رساله ..

احبك ومدري وشو ...

وهي حتى مابعد سمعت صوتي.. !!!

فخلك ثقل..

a.and.a · 25-03-2008, 10:09

متابعين بحرررررررررص

هههه

dammam boy · 25-03-2008, 15:03

هلا والله اخوي اناااا
اذا الى الحين وانا في ال10% اجل عز الله اني رايح وطي

!!!
وش عاد بقى اكثر من اللي انا فيه ؟!!!
انا اصبح على طاريها وأمسي على طاريها .

..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

وش اقول لها ؟!!