عالم الحياة الزوجية - منتدى

reem.. · 01-04-2008, 08:38

السلام عليكم,اختياري لموضوع اليوم جاء بناءا على بعض مواضيع الاخوان هنا,مو مهمه عندي الردود قد أهميه النتيجه بعد قراءه الموضوع وهو: ألاحظ الاغلبيه عند كلامهم عن المطلقه كأن الكلام عن ميت واجبه تعزيته, ليش هالتحطيم وتكسير المجاديف اسلوبنا ماراح يتغير مدام النظره الاساسيه اللي داخل عقولنا الباطنه ماتغيرت , الطلاق مو نهايه الدنيا ومو معناته ان الوحده تطلقت ان حياتها انتهت وكتاب عمرها انغلق لا بالعكس بعد الطلاق المفروض يصير العكس بحكم التجربه انا لاانكر ان هناك هموم للمطلقات بس مااقول شاركوهم همومهم ومسحوا على روسهم لا , على الاقل ارفعوا شوي من معنوياتهم وكلامكم جزء من كلام شعب كامل ,عادي الوحده لاتطلقت ماصار شي ماضبط معها هالزواج بيضبط الثاني وش صار يعني,مثل تجارب الدراسه او الصداقات الفاشله طبعا راح يكون اقسى على النفس شوي بس وش نسوي ننتحر عشان طلاق, على العموم اتمنى اني وصلت فكره لابأس بها لكن الاهم مثل ماقلت ان تؤخذ بعين الاعتبار.

خبير حياة زوجيه · 01-04-2008, 09:00

كلامك صحيح لا غبار عليه
الطلاق ليس نهاية الحياة
والزواج بالنهايه قسمه ونصيب
تقبلي تحياتي .

ابونواف · 01-04-2008, 09:29

انا معاك واتمنى من المنتديات عدم ادراج اي منتدي للمطلقات
ثاني شي بالنسبة لمثل حالاتنا لو عرض علينا نتزوج مره ثانيه ماراح اتزوج
الا مطلقه ........................ الخبره مهمه بحكم تجربتنا

راهـــي · 01-04-2008, 10:45

اقتباس:

المشاركة الأصلية كتبت بواسطة reem..

السلام عليكم,اختياري لموضوع اليوم جاء بناءا على بعض مواضيع الاخوان هنا,مو مهمه عندي الردود قد أهميه النتيجه بعد قراءه الموضوع وهو: ألاحظ الاغلبيه عند كلامهم عن المطلقه كأن الكلام عن ميت واجبه تعزيته, ليش هالتحطيم وتكسير المجاديف اسلوبنا ماراح يتغير مدام النظره الاساسيه اللي داخل عقولنا الباطنه ماتغيرت , الطلاق مو نهايه الدنيا ومو معناته ان الوحده تطلقت ان حياتها انتهت وكتاب عمرها انغلق لا بالعكس بعد الطلاق المفروض يصير العكس بحكم التجربه انا لاانكر ان هناك هموم للمطلقات بس مااقول شاركوهم همومهم ومسحوا على روسهم لا , على الاقل ارفعوا شوي من معنوياتهم وكلامكم جزء من كلام شعب كامل ,عادي الوحده لاتطلقت ماصار شي ماضبط معها هالزواج بيضبط الثاني وش صار يعني,مثل تجارب الدراسه او الصداقات الفاشله طبعا راح يكون اقسى على النفس شوي بس وش نسوي ننتحر عشان طلاق, على العموم اتمنى اني وصلت فكره لابأس بها لكن الاهم مثل ماقلت ان تؤخذ بعين الاعتبار.

كلامك موجز ولالالالالالالالالالالا تعليـــــــــــــــق

@بــ ودفاء ــرد@ · 01-04-2008, 10:50

لا فكرة حلوه واضحه... انا فهمتها مزبوط .. وهي صحيحه ...

وبعدين على قولتك ..... وش الطلاق مو نهاية الحياه ...

ومزالت الحياه تستمر ...

ياليت تقرين موضوع الرابط اللى بالتوقيع ..

وتستمر الحياه .... ملخصه ...

خالص احترامي وتقديري .

الأخ الكبير · 01-04-2008, 10:56

أختي reem

أدام الله عليك روح التفائل والنظرة الواقعية

لكن هناك اخوات مطلقات بالفعل محبطات جداً ورؤيتهن

للواقع مريرة وهن بحاجة أحيانا للتذكير بالتفائل والانطلاق

والنظر للامور بواقعية وعدم تشائم ويأس 0

لك تقديري وخالص أحترامي

reem.. · 01-04-2008, 15:07

خبير حياه زوجيه مشكور اخوي على مرورك ..............ابو نواف حلو رفع المعنويات ربي يبارك فيك................راهي مشكور على التعليق.................برد ودفا

شكرا على الرابط قريته روووووعه...............الاخ الكبير مشكور اخوي

م-سيف · 01-04-2008, 15:08

كلامك صحيح

ولو كل وحدة سعت لبناء حياة جميلة مستقلة .... ولا تتوقف على وجود زوج او عدمه ...

لوجدت سعادتها في كل جوانبها

تحياتي وتقديري

reem.. · 01-04-2008, 15:10

مشكور م-سيف كلامك صحيح يعطيك العافيه

prisoner.lovee · 02-04-2008, 01:57

ياناس انتم تتكلمون في موضع اكبر من حجمه كل يوم نفس الموضع

النظره الي المطلقه ؟؟؟؟؟ الي يسمع كلامكم تبون ناخذ المطلقه وسوي لها موكب

reem.. · 02-04-2008, 08:01

اخويprisoner,لحظه من فضلك انا مااتكلم عن مواكب واحتفالات انا اتكلم عن دعم نفسي او السكوت وهو الافضل مثل عندك لو اجتمعنا بزواج او غيره ووحده مطلقه, تلقاها ممكن الوضع عادي عندها وعايشه لكن اللي يكسر عينها نظره الناس ياحرام مطلقه وليش والله يكون بعونها ويصبرها يحطمونها داخليا وش صار يعني وان تطلقت ,المفروض العكس انا مااقول لايدعون لها يدعون بس اسلوب افضل, مثل عندك لو ان واحد فشل بدراسته وسقط ويجوون الناس تعزيه كل ماشافوه بصراحه يضيق صدره اللي فيه مكفيه وده انهم يسكتون , هذا اللي قصدته بس بعدين بلاش اسلوب الهجوم لان محد قالك تعال يافلان ضروري ورد وتكلم عن الموضوع ............على العموم اتمنى انها وصلت الفكره

I Like Winter · 02-04-2008, 15:55

لي تعليق بسيط عن المطلقه

ما اعتقد ان المطلقه تتعرض لنظرة الناس يا حرام وتحطيمها

لكن هي تتعرض لنظرة البنات فقط لان اكثر البنات ما عندهم

اسلوب وما عندهم غير الحقد ويعيبون على البنات الي يلتقون

فيهم هي مطلقه ولا متاخره في الزواج يحطمونها

وما اعتقد الرجال يحطمونها مافي لقاء بينهم الا وقت الخطبه

فالرجال اعقل وافهم من انهم يضيعون وقتهم في تحطيم غيرهم

بلسم الروح · 02-04-2008, 20:42

تحية معزة ومودة
ثقافة المجتمع من أعراف و قيم تشكل سلوكياته بجميع نواحيها ...
ليس كل ثقافة و عرف صحيح ...
وااافر مودتي

حرف مشتعل · 03-04-2008, 01:11

المجتمع معاد ينظر للمطلقة بإنقاص أو اهانة
نظرة المجتمع تغيرت لأن أغلب البيوت لا تخلو من حالة طلاق واحدة على الأقل

الطلاق، المطلق، المطلقة.. أصبح شي عادي ومألوف

اذن ليه المبالغة ؟؟؟؟؟

reem.. · 03-04-2008, 02:33

هذا مو مبالغه لكن يوم الوحده تشوف نفسها محشوره بين الناس بتفكير معين تضطر انها تتكلم كذا واكثر ,على العموم فرحتوني يهالنظره وأرائكم تدل على راي اغلب المجتمع مشكورين

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ليش هالتحطيم عاد؟