عالم الحياة الزوجية - منتدى

الاماني المستحيله · 01-04-2008, 19:15

ا

سلام عليكم
حبيت استشيركم بموضوع اتمنى اسمع رايكم ونصايحكم فيه هذا اول موضوع لي بها المنتدى الراقي
انا تملكت من قريب

وخطيبي للان مافكر يكلمني وشكله مايبغى

المهم انا مفكره اهديه هديه بغيت اقتراحاتكم وايش تتوقعون رده فعله بيفرح او ماراح يهتم فيها مع العلم هو للان مااهداني غير شبكتي فقط لكن كانت حلوه مغلفه بطريقه حلوه
شيء ثاني تقريبا هو شبه مجهول بالنسبه لي وبصراحه خايفه والتفكير يذبحني هل هو يفكر فيني يحبني هل هو انسان عصبي حبوب افكار كثير تجي براسي كيف اتغلب عليها

سأرحل ولكن! · 01-04-2008, 19:35

اقتباس:

المشاركة الأصلية كتبت بواسطة الاماني المستحيله

ا

سلام عليكم
حبيت استشيركم بموضوع اتمنى اسمع رايكم ونصايحكم فيه هذا اول موضوع لي بها المنتدى الراقي
انا تملكت من قريب

وخطيبي للان مافكر يكلمني وشكله مايبغى

المهم انا مفكره اهديه هديه بغيت اقتراحاتكم وايش تتوقعون رده فعله بيفرح او ماراح يهتم فيها مع العلم هو للان مااهداني غير شبكتي فقط لكن كانت حلوه مغلفه بطريقه حلوه
شيء ثاني تقريبا هو شبه مجهول بالنسبه لي وبصراحه خايفه والتفكير يذبحني هل هو يفكر فيني يحبني هل هو انسان عصبي حبوب افكار كثير تجي براسي كيف اتغلب عليها

وعليكم السلام ورحمة الله وبركاته

,,
اول شي (مبـــــــروك) والله يتمم لك على خير ,,

,,
خطيبك ,, ممكن يكون جدي شوي ! او يحب يكون جدي !

فكره الهديه حلوة ,,
مادام انك ما تكلمينه !
كيف راح توصلينها له ؟؟؟

,,
ما ادري هو لبسك الشبكه بنفسه ,, والا ارسلها فقط مع الأهل ؟

,,

فكره الهديه مثل ما ذكرت حلوة !
ممكن تكون شيء رمزي ! ويكون له علاقه فيك ! عشان يذكرك كل ما شافها !
مثلا ,, اعملي ميداليه عليها صورتك وانتي صغيره (اللي تكون نحت الصورة بالليزر) من جهه ,, الجهه الثانيه كلمات حب حلوة ! راح تظل معه ,,

فيه فكره ثانيه ,,
اذا تعرفين بيته ,, ارسلي ليه بوكيه ورد ,, واهم شيء الكرت (والكلام اللي جوا الكرت)

فكره ثالثه (اعزموه في البيت ) وقدمي له الهديه بنفسك ! طبعا ابوك والا اخوك يعزمه !

,فكره رابعه : اشتريه له هديه عباره عن مجموعه مخلطات (انصحك بمحل الصفوة) تكون الريحه الغالبه عليها مسك ,, وورد ,,

فكره خامسه \ اشتريه له محفظه ,, وحطي صورتك داخلها(اختاري صورة روعه) ,, وغلفيه واعطيها اياه ,,

فكره سادسه \اشتري لها كتاب شعر رومنسي ,, (فاروق جويده- نزار قباني - خالد الفيصل -الشعر العربي الغزلي القديم ) اي كتاب شعر رومنسي ,, اكتبي فيه كلمات حلوة كإهداء له ,, لا تنسين عطري الكتاب بعطرك قبل بفتره ,(بخي عطرك على مناديل كثيره وحطيها في صفحات الكتاب ,, وبعد كم يوم طلعي المناديل غلفي الكتاب واهديه له ) ,,,

ان شاء الله يارب اكون افدتك بشي !

موفقه يارب
والله يتمم لكم على خير ويسعدكم ويرزقك الذرية الصالحه ,,

ام ارام · 01-04-2008, 20:27

بادري انتي وان شاء الله خير
الله يوفقج

الاماني المستحيله · 01-04-2008, 20:58

سارحل ولكن الله يسعدك على الرد

ورا ح ارد على استفسارك الشبكه طبعا هو دخل ولبسني وقطعنا الكيك سواء وصورنا لكن ماتكلم معي قليل كلامه بالمره كان منحرج
موضوع عزومته وخروجي عليه صعبه اهلي مايرضون لكن حااعطيها اخوي يوصلها له
ومشكوره عالافكار السبشل الله يجزاك الجنه ويسخرلك زوجك ومايشوف حرمه غيرك يارب

ام ارام مشكوره عالمشاركه الله يجزاك خير

بانتظار اراء بقيه الاعضاء

زعيم المحللين · 01-04-2008, 21:00

H;d]اكيـــــــــــــــــــــــــــــــــــــد لازم تبادري انتي بهديه حتى هو يتحرك

لانه بعض الشباب يخاف انه ردة البنت تكون غير لمى يحاول يتصل فيها(بناء على العادات والتقاليد عند البعض فيه بعض البنات ما تحاول تكلم زوجه الا باذن اهلها يمكن يفكر كذا

او من الناس الي يحس انه المكالمات راح تاثر على زواجكم بعدين لان فيه ناس تعتقد كذا واعتقد هو من هالنوع حتى تلقوا شي تتكلموه فيه بعد الزواج وما تخلص المواضيع

وداموا قدم لكي هديه فاعتقد انه من النوع الاخير
الحل

قدميله هديه عن طريق وحده من اخواته وحاولي تكتبي رساله ليه في الهديه تكتبي فيها عن مشاعرك بطريقة متحفظه شوي حتى تعرفي اسلوبه وبعدها تاخذي راحتك معاه

هذا رايي والف الف مبروك والله يتمم لكم بخير

a.and.a · 01-04-2008, 21:08

تأكدي انه يفكر فيكي في كل لحظة

ومادامه ماكان خفيف وعلى طول جاء لك بعد الملكه على طول

هو محتار ويفكر كثيرا في طريقة زيارته الاولى او في اول جملة يقولها لك لو تكلم بالهاتف مثلا

اقصد انه يحاول ان يجد افضل طريقه

قد يصيب وقد يخطء

لكن مصيرة يتصل

بالعكس انا متفائل انه حيجي لك بطريقه مميزة (على الاقل بوجهة نظره)

الاماني المستحيله · 01-04-2008, 21:33

زعيم المحللين مشكور اخوي عالرد فعلا هو مو قريب لي يمكن يفكر اهلي راح يعارضوا هالشيء
طيب راح اسالك وش تقترح اهديه انت كرجل وش تحب خطيبتك تهديك

a.and.a هو زارنا بعد الملكه مره وحده جاء للوالد يبغى اوراق منه لكن ماسال عني وانا ماطلعت له

راح انتظر واشوف وش تحمل لنا الايام القادمه
مشكور اخوي عالرد الله يجزاك خير

زعيم المحللين · 01-04-2008, 22:26

والله ما ادري بس على حسب مادياتك وعلى حسب زوجك عمره واهتماماته
وبما انك ما تعرفي عنه شي
انصحك تكون الهديه موجريئة
طبعاً المصحف اول اهداء واغلا اهداء
الهدية الثانية:
يعني تكون من النوع الي يستخدمه مثل ساعة مجموعة للعناية باجسم للرجل يعني
ومعاه دفتر للهدايا تكتبي فيها كلمتين ليه مع باقة ورد
هذا الي اشوفه وما اايد هدايا من نوع ثاني حتى تعرفي تفكيره واسلوبه
بالمختصر هدية تقليدية في وضعك افضل واحسن

وبعد ما تاخذي عليه وياخذ عليكي ابداي بالابداع على حسب ما تعرفي عنه والي يهتم فيه

وتقبلي مروري

جُنقر · 01-04-2008, 22:41

الله يبارك لكم و يبارك عليكم و يجمع بينكم في خير..

بادرة حلوة منك الهدية، لكن قبل ما تشترين الهديه حاولي تتعرفين عليه أكثر و تتعرفين على طباعه و إيش يعجبه و إيش ما يعجبه

بصراحة أنا ما عمري أهداني أحد شي فما أعرف وش يعجبني من الهدايا :d

* شغلة على السريع، في البدايات الصبر و طولة البال حلوين، لأن الزوج و الزوجة مو متعودين على بعض

الاماني المستحيله · 01-04-2008, 23:58

زعيم المحللين مشكور ماقصرت الله يجزاك الجنه

جُنقر مشكور على مرورك وتعليقك وطباعه وايش يعجبه ماظنتي بعرف الابعد الزواج على خير
وانا صابره وبالي طويل

دبدوبة بس حبوبة · 02-04-2008, 00:18

مبروك وعقبال البكاري

الاماني المستحيله · 02-04-2008, 00:40

الله يبارك بعمرك

سأرحل ولكن! · 02-04-2008, 00:40

اقتباس:

المشاركة الأصلية كتبت بواسطة الاماني المستحيله

سارحل ولكن الله يسعدك على الرد
ورا ح ارد على استفسارك الشبكه طبعا هو دخل ولبسني وقطعنا الكيك سواء وصورنا لكن ماتكلم معي قليل كلامه بالمره كان منحرج
موضوع عزومته وخروجي عليه صعبه اهلي مايرضون لكن حااعطيها اخوي يوصلها له
ومشكوره عالافكار السبشل الله يجزاك الجنه ويسخرلك زوجك ومايشوف حرمه غيرك يارب

بانتظار اراء بقيه الاعضاء

الله يسعدك ,,,
مادام جاء ولبسك ,,
ليه زعلانه !
على بالي ماجاء ابداً
,,

مبين خجلان ! او ما هو متجرأ يتصل ,,
بلغي اخوك ,, يلمح له ,,, اذا يبي رقمك او لا !

,, بالمناسبه أنا مو متزوجه ,,
بس فكرت لك بأفكار وطرحتها لك

بالتوفيق

мόόη Ļίģħт · 02-04-2008, 03:20

الله يوفقكـ اختي .. ويتمم لك على خير

ممكن تكون الهدية طقمـ عطر غالي وحلو .......... واهم شي طريقة التغليف تكون متعوب عليها

تبين ذووووووووقكـ ..مع كرت بعبارة جميلة

والافضل يكون تعبير عن مشاعركـ نحوهـ الآن ................ يعني مو ضروري بتالغي بـ كلمات الحب الا حسب ماتحسين فيه .....

موفقة

الاماني المستحيله · 09-04-2008, 04:53

سارحل ولكن الله يرزقك الزوج الصالح التقي النقي الغني بدينه وخلقه
هو انسان خجول مافي شك بدليل انه ماتكلم معي بالشبكه الاكمن كلمه رسميه مره
عروس جديده الله يسخر لك زوجك يسلموا عالفكره

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

هديه خطيبــــــــــــي