عالم الحياة الزوجية - منتدى

غروب الكويت · 02-04-2008, 02:16

السلام عليكم ورحمه الله وبركاته

هذه مشكله رفيجتى وتعبانه منها جدا جدا وتيى حل ورد صريح وراح تتقبل الانتقاد وبرحابه صدر

المشكله وما فيهاة انها متزوجه من 92 ل تقريبا 15 سنه,وتحملت معامله زوجها القاسيه وتصرفاته الجلفه معاها ,ومعاملته لها من تصغير وعدم الاحساس بالحب يعنى كل شى عليها من مسؤليه البيت والعيال وحتى السفر ما يسافر معاها بس عشان ما يتحمل عياله ,اهى عايشه بصوب واهو بصوب ,طبعا بس لما يبى حقه الشرعى يتذكرها.

المهم بعد هالسنوات من ذبول المشاعر والحب اتجاهه تعرفت عن طريق النت بشاب معلم ومحترم فوق ما تتصورون حتى ما طلب منها اى شى يغضب رب العالمين ,وكانت البدايه ارتياح من كلا الطرفين

بس ما تصورو ان النسئله بتكون للعشق.

ادرى الكل بيعلق على عدم الموافقه بس انتو حطو نفسكم بمكانها .المهم الحين اهى تبى حل هل تطلب الطلاق عشان ترتبط بالحلال والا شنو تسوى

لهيب الحرف · 02-04-2008, 02:29

بداية معرفتها بهالشخص حرام

يعني من اولها خيآنة زوجها ..

وانا من رأي انها تكون عند زوجها ابوو عيالها

وتدرين اكثر الشباب يتمسكن لحد مايتمكن

وصدقيني لو بتتطلق صدقيني بيتهرب منها صاحبها وبتخسر الأثنين

هذه وجهة نظري

انا اقول تبقى عند زوجها وتحاول تغير مجرى حياته

وصدقيني الرجل لو البنت او الزوجة تتمسكن والله يلينون على طووول ويكوونون بأحسن مايمكن

..,,..

رملهـ ،،ღ · 02-04-2008, 02:39

صعبه صعبه تطلق من شخص عشان آخر

بغض النظر هو كويس أولا

تخافي يجي يوم يحتقرها ،أويذلها،أويشك فيها،يعني مافي ثقة متبادلة

أتوقع السلبيات راح تكون أكثر من الإيجابيات

وبعدين ماذكرتي هو متزوج أو لا

عموماً لوتحاول تصلح إلي بينها وبين زوجها أفضل لها من هذا الحل

الله يعين الجميع.

رزان2008 · 02-04-2008, 02:50

الله يكتب لها الصالح من امرها

تحاول تقرب من زوجها وتصلي وتدعي ربها

وربي يهون عليها

غروب الكويت · 02-04-2008, 03:24

اشكركم على التواصل مع المشكله بس ترى الولد مو متزوج

دانة أهلها · 02-04-2008, 05:19

وعليكم السلام اختي هلابك ...

اقتباس:

تقريبا 15 سنه,وتحملت معامله زوجها القاسيه وتصرفاته الجلفه

متحمله 15 سنه والحين خلاص ماتقدر ولا عشان حصلت هاالولد اللي للأسف استغل
احتياجها للحنان وللعاطفه وضعفها قدامه وقام يتلاعب بمشاعرها

اقتباس:

كل شى عليها من مسؤليه البيت والعيال وحتى السفر ما يسافر معاها بس عشان ما يتحمل عياله

ترى هذي المشكله نص الحريم تعاني منها مو بس هي ..بس واضح ان هي عودته من البدايه
لما تعود..ولا المفروض دائماً تحطه في الصوره بس بشكل حلووو ومؤثر مثلاً لما تطلع مع اعيالها
ترسله رسالة جوال (فاتتك الكشته مره حلووه بس لو كنت معانا اكيد بتكون احلى) شوفي انتي
شتأثير هاالرساله عليه ...ولما ترجع ابداً لاتحاول تلومه او تعاتبه ... تخليه مع نفسه
ولما تقوم بتسافر تستخدم معاه سلاح المرأه المعروف وهو الضعف او التظاهر بالضعف والتفنن
فيه ...يعني تبين له ان هي ماتعرف تتصرف في شي ولا في امور السفر وتفرض له افتراضات
لو واحد من العيال مرض شسوي ..او لو ظاعوا الشنط شسوي ..وتقوله السفر يبيله رجال وانا
مو رجال وتعطيه الوجه الثاني لو راح معاهم تقوله بننبسط ونفرح والعيال بيكونون اكثر سعاده
لو كنت ويانا ..مو كلما شافوا واحد مع عياله بحلقوا فيه !!!يقولون في خاطرهم كان زين بابا معانا...
بس واضح انها تخلت عن انوثتها من البدايه وهو تخلى عن رجولته بس الحياه ماوقفت تبدا من جديد
باب الأمل مفتوح ..

اقتباس:

طبعا بس لما يبى حقه الشرعى يتذكرها.

طيب هذي نقطه كثير مهمه ونقطة ضعف لزوجها وقوه لها المفروض دخلت له منها !!!
انا اعرف نسوان كثير اثروا على ازواجهم تأثير السحر من هاالنقطه ..وربي ماتتخيلين شلون
صارت حياتهم الحين ..ومايحتاج اوضح حواء وماأدراك !!!

اقتباس:

المهم بعد هالسنوات من ذبول المشاعر والحب اتجاهه تعرفت عن طريق النت بشاب معلم ومحترم فوق ما تتصورون حتى ما طلب منها اى شى يغضب رب العالمين ,وكانت البدايه ارتياح من كلا الطرفين

مااضيف على اللي قبلي بارك الله فيهم المساله كلها حرام في حرام بس بنبهك حق حاجه
ترى كلهم يبتدون كذا مايطلبون شي يغضب الله لما البنت تطيح في الشبك وتصير عجينه يشكلها
كيف مايبي ويسممها باأفكاره وخداعاته ولا تفوق حق نفسها الا وهي خاسره كل شي ..
نصيحتي لها انها تحافظ على زوجها اللي هي عارفه حسناته وسيئاته لاكن وان شاء الله بالصبر
والحكمه تقدر تتغلب عليها ..لاكن هذا الشاب اللي ماشافت فيه الا الحسنات بحكم نظرتها الضيقه
بسبب ظروفها ..ياترى وش سيئاته يمكن تطلع فيه عيوب اكثر من زوجها ..يعني زوجها الحمد لله
مايشرب ولا راعي بنات او خرابيط ..يمكن هذا الشاب يطلع مدمن بعد هي وش دراها ؟؟
اتمنى تفكر في اولادها قبل ماتفكر في نفسها وشلون بتصير حياتهم بعد ماتطلق من ابوهم
بيعيشون محطمين نفسياً واكيد ابوهم راح يفهمهم ان امهم خاينه ..شوفي شلون صورتها بتصير
قدام اولادها ...صدقيني لو تفكر هاالتفكير بس يكفيها لأتخاذ القرار الصحيح لأن عاطفة الأمومه
تكتسح اي عاطفه امامهامهما كانت ...اتمنى لها الهدايه ونور البصيره

دانة أهلها · 02-04-2008, 05:31

اقتباس:

اشكركم على التواصل مع المشكله بس ترى الولد مو متزوج

بعد مو متزوج اجل المسأله محسومه ..يعني هذا ماعنده اهل حتى لو هو قبل على نفسه
ياخذ مطلقه وعندها عيال ..اهله بيرضون ؟؟؟
وهو شلون بيأمن لها اللي خانت زوجها بو عيالها اللي عاشت معاه 15 سنه ممكن تخونه هو بعد !!!
طيب ابغيكي تسألينها هالسؤال وامانه عليك تحطين اجابتها بكل صراحه ..
لو ولدها كبر وهو في ريعان شبابه وهي تنتظر اللحظه اللي بتزوجه فيها وتبلغ فيه وتشوف عياله...
يجيهايوم ويقولها بتزوج مطلقه وعندها عيال !! شنو بيكون ردها ..؟؟
ع الأقل بتقوله بدري عليك تحط نفسك في هاالمشاكل من بداية عمرك..وعش حياتك حالك حال ربعك
خذ لك بنت من سنك تفهمك وتفهمها تبنيك وتبنيها..حره طليقه لايربطها عيال ولا زوج سابق يفتعل
المشاكل بين لحظه ولحظه ...ووووو ونصائح ليس لها حد
بس اتمنى اشوف اجابتها على السؤال باانتظارك اختي الكريمه..

كان زمان شاب · 02-04-2008, 08:59

اختي الرجال اغلبهم كذا كلالالالالالالالالالالام معسوووووووووووووول في الاول وفعلا انتي قد تقابلين وحدة وترتاحين معها بس لما تعايشينها يختلف الوضع لان مايبان الشخص الا بعد المعاشرة . وبعدين وش ذنب الاطفال عندما يتركون مع زوج كاهذا .اختي انصحي رفيقتي بالمحافظة على بيتها وطفالها .

ALSANAM · 02-04-2008, 09:16

للمرة الثانيه اكتب هذه العبارة بان بعض النساء تخلق مشاكلها بنفسها ثم تأتي وتدعي الظلم من الزوج او الحياة او غير ذلك
هذه امرأة تعيش حياتها وليس بالظرورة ان تكون مثالية فلديها زوج وابناء وعشرة خمسة عاما ثم بدأت تفكر في لخيانه او انها سارت في طريق الخيانه
وهنا اكتشفت بعد نعرفها على واحد من شياطين الانس والذين يتلاعبون بالعواطف ان زوجها ليس مثل هذا الشاب الذي يسمعها كلاما فاحشا ويضحك معها ويعمل جاهدا على السيطرة على مشاعرها حتى يصل الى ما يريده منها وهو واضح ومغهوم اامرأة متزوجه تبحث عن طريق الشيطان لتسير فيه ثم تخون دينها وزوجها وابنائها واخلاقها والعذر جاهز وهو ان الزوج سيء وهو يعذبها ويقصر معها ولا يلتفت اليها
افهمي هذه المرأة بان ما تفعله هو مخالف للدين والاخلاق وخيانه بكل معانيها وعليها ان تتقي الله في نفسها وفي دينها واخلاقها وان تقطع كل علاقة لها بها الشاب الفاسق او غيره وعليها ان تحافظ على بيتها وزوجها وابنائها وان تحذر الاعيب الشياطين من الجن والانس

تراتيل انثى · 02-04-2008, 23:09

السلام عليكم
اختي احذري ثم احذري وربي اللي بالشات 99% ذئاب ولا تقولين محترم ولا طلب منها شي مجرد انه كلمها بالشات هذا حرام و بعدين كيف محترم و يتعرف على متزوجه
حبيبتي هذي موضه الايام هذي يدورون المتزوجات عشان ما يقثونهم بسيره الزواج وهو يكون مقتنع انها ماراح تتطلق و يقول لو انتي مش متزوجه كان تزوجتك و انتي اللي انا اتمناها و يحاول يعرف عنها كل شي و يعوض النقص اللي هي فيه ويمثل الاخلاق و الطيبه صح لكن صدقيني هو اخبث من كذا بكثير وربي بالشات عصابات
وبعدين بعد 15 سنه تبي طلاق لو ان زوجها شين للدرجه هذي ماستحملت 15 سنه ولا مابانت عيوبه الا بعد ما تعرفت على الاخ
باختصار صاحبتك خائنه لزوجها انا اشوف ترجع لربها و تقطع علاقتها بالاخ وو تكمل حياتها زي الاول خليها تركز بتربيه عيالها واذا هي مش مستحمله خليها تطلب الطلاق بس مش عشان تتزوج الاخ اللي قدرت تتحمل شخص ل 15 سنه اكيد انه فيه اجابيات ولا وقت ما حبت بان كله عيوبودمــــــــــــــــــــــــتم

غلاب · 02-04-2008, 23:57

لااحد يستطيع معرفة نية هذا الشخص صادقه او غير صادقه لكن بصراحه لو تطلق من زوجها وتزوجة فعلا هذا الشخص راح يكون زواج فاشل راح يكون فيه شكك فيها بما انها تطلقة من زوجها لاجله ممكن يشك انها بتخونه مع شخص اخر وهذي وجهة نظر خاصه ..

بياآدر · 03-04-2008, 00:36

السلام عليكم

دانة أهلها .. ماقصرت كفت ووفت وبزيد على كلامهـــا ..

اقتباس:

ابى حل لمشكلتها كل يوم تموت شوى شوى

<<من العنوان

كل يوم تموت لانها بعيده عن ربــها .. حياتها ضنكه ..

مهمــــــــا كان مانبرر لها الخيانه

اذا حياتها مو عاجبتها تنفصل وماتظلم عيالها معها بالخيانه..!!!!!!

وبالانفصال تضحيه وصعوبه ..على الاولاد ..

ثانيا فرضا تزوجت هذا الرجل نقل فرضا ..هنا فضلت نفسها على أولادها ..

كيف لاطفالها ان يعيشوا مع رجل غير أباهم ..

ألم تفكر ماذا لو كانت تطورات مع هذا الرجل وعامل أبنــائها

بظــــلم .. لاتجعل عواطفها أكبر همها ..

ولتعلم إنها أم وحياتها ليست ملكها هي فقط ..

لها أطفال ولتقف عند حدود أمانه تربيه الاولاد

ولتخــاف الذي لايخفى عليه شي ..

ماذا أستفادت عندما لجئت إلى هذا الشخص هل حل مشاكلها ..؟؟

تلجــأالى ربها فهو من يحل المشاكل ؟؟ وليس عبده ؟؟

وهي صبرت وضحت ..

لكن صدقيني هذا كله بيضيع لو زوجها اكتشف خيانتها..

وبتكون هي الغلطانة الخوانة في نظره وبينسب الفضل لنفسه وانه هو المخلص ..

وانتي تعرفين مجتمعنا بغض النظر عن ان الشي هذا حرام

المجتمع دائما نظرته لغلطة المرأة تختلف عن

نظرته لغلطة الرجل.يعني الرجل يكفي انه يقول خلاص ما بكررها العالم كله ينسى غلطته ويغفر له..

لكن المراة مستحيل ينسون او يغفرون لها..ولا حتى بعد موتها بمية سنة..وش ذنب أولادهـا بسمعه أمهم ؟؟

مهما كانت الظرووف أبدا الحرام غير مبرر لها ..

أنصحيها لا تطيح بدوامة ماتقدر تطلع منها..

الله يستر عليها وعلينا وعلى كل مسلم..

قولي لها تكثر من الدعاء والاستغفار(الاستغفار يفتح الاقفال)

وذكريها بكلام _ص_ (من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب)..

وتكثر من الدعاء لزوجها بالهداية والعودة لها ولأولادها..

تمنياتي لك ولها بحياه سعيده بعيده عن الخيانه

دلالـ · 03-04-2008, 00:58

اقتباس:

المشاركة الأصلية كتبت بواسطة تراتيل انثى

[COLOR="red"][SIZE="4"]ولا تقولين محترم ولا طلب منها شي مجرد انه كلمها بالشات هذا حرام و بعدين كيف محترم و يتعرف على متزوجه

بالضبط لو هو محترم ويخاف ربه ما راح يكلم وحدة متزوجه وزوجها ما يدري عنها

وما بظلم رفيقتج .. بس لو هي بعد تخاف من ربها ما راح تكلم شاب من ورى اذن زوجها
والله ما يرضى بهالشي

واخت دانة أهلها ماقصرت شرحت بشكل وافي عن الا دار ببالي صراحه وانه اقرا المشكله

واعتقد ان الزوج ما بيبدا يتذمر الا لما يشوف قصور من زوجته

ومافي داعي للافكار الواهمه انها تتطلق وتزوج من الشخص الا تكلمه لانه من اساس يكلمها لمتعته

والا شله يكلم وحدة متزوجه

ومجرد انها تتطلق بيقول لها لاعرفج ولا تعرفيني وتخسر الاثنين وتكون هي واوهامها الا براسها سبب بخراب بيتها وضياع اولادها

واعتقد ان الرجل سهل انها تجذبه لها وتلينه وتخليه يكون صوبها ..

بالذات المراه الذكيه تقدر تسوي كل شي براسها

موصعبه عليها

ويمكن الله ابتلاها بمشاكل لانها ابتعدت عن العباده .. وهذا الشي معروف .. لانه الا ينسى الله سبحانه وينسى وجوده اكيد الله سبحانه ما بيهتم له ..

كونها دخلت في علاقه محرمه .. تكلم شخص غير زوجها!!!

اتمنى افدتج وبدعي لها الله يفرج عنها ويرد لها حياتها الحلوة مع زوجها

حنونة محتاجه حنين 1 · 03-04-2008, 01:27

اقتباس:

المشاركة الأصلية كتبت بواسطة غروب الكويت

السلام عليكم ورحمه الله وبركاته
هذه مشكله رفيجتى وتعبانه منها جدا جدا وتيى حل ورد صريح وراح تتقبل الانتقاد وبرحابه صدر
المشكله وما فيهاة انها متزوجه من 92 ل تقريبا 15 سنه,وتحملت معامله زوجها القاسيه وتصرفاته الجلفه معاها ,ومعاملته لها من تصغير وعدم الاحساس بالحب يعنى كل شى عليها من مسؤليه البيت والعيال وحتى السفر ما يسافر معاها بس عشان ما يتحمل عياله ,اهى عايشه بصوب واهو بصوب ,طبعا بس لما يبى حقه الشرعى يتذكرها.
المهم بعد هالسنوات من ذبول المشاعر والحب اتجاهه تعرفت عن طريق النت بشاب معلم ومحترم فوق ما تتصورون حتى ما طلب منها اى شى يغضب رب العالمين ,وكانت البدايه ارتياح من كلا الطرفين
بس ما تصورو ان النسئله بتكون للعشق.
ادرى الكل بيعلق على عدم الموافقه بس انتو حطو نفسكم بمكانها .المهم الحين اهى تبى حل هل تطلب الطلاق عشان ترتبط بالحلال والا شنو تسوى

هلا وغلا
الطلاق اختي امر مو سهل
بعدين ما تضمن هذا الرجل اللي راح يجيها يبيها بقول والله زي ما خلت زوجها يوم بتخليني

اما اولادها كيف بيتقبوا فكرة يهيشوا مع زوج ام وبمقابل حب امهم

ادري من حقها تعيش بس هذا الشي ما احد يقدر يقول فيه اي لانه الطلاق ابغض الحلال
والرجل ما بهم امان
والله يسهل امرها ويهدي زوجها وينسيها عشيقها

معانق السحاب · 04-04-2008, 11:37

خليها تتطلق
على شان تحس بقيمة زوجها وتذكر ايام حلوه ماعه وتقول كنت مغمضه

2 تشتاق لابناءها 3 تعرف مدى حب النفس عندها جعلها تضحي باطفالها 4 تتنظر العشيق المحترم متى يتقدم لخطبتها 5 اضيف تجربه جديده من الماسي يستفيد منها غيرها
واخير لاتنسى تكتب بعد الطلاق مذكرات نحن في الانتظار هنا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)