عالم الحياة الزوجية - منتدى

حياة القمر · 02-05-2008, 12:21

بليز أهل الخبره ساعدوني هذه اول مشاركة لية وياريت ماتخيبوا ظني....
أنا مخطوبة وليه شهر ونصف تقربيا المشكلة انه خطيبي غامض بشكل موطبيعي (موخجل ولكن غموض) كل مااسالة عن حياته الخاصة يتهرب و يخليهاعلى الزمن وكل المحاولات جربتها وضحتلوا عشان نتعرف على بعض اكتر لكن لاحياة لمن تنادي

بليز ساعدوني مادري اخليها على الزمن يكشف عن الغموض ولا في حل اخر

ولا هذا طبيعي

روآآبي · 02-05-2008, 13:41

جربي تتعاملين معه بالمثل ..

يعني تعاملي معه بغموض..وباجوبه سطحيه

وتعمدي السكوت اغلب المكالمات ..واذا سأل ليه ..
قوليله اجرب اكون مثلك ..!

هو المفترض يمل من الصمت والغموض اللي حولك بعد فتره ...ويبدا يدور كلام تتكلمون فيه
ويمكن يكون اسلوب ناجح يخلي يطلع من الغموض اللي
عايش فيه

وبالتوفيق

جُنقر · 02-05-2008, 14:07

يمكنه ما يعرف يتكلم عن نفسه..
إذا كان ودك تفهيمنه و تعرفين شخصيته أقترح عليك انك تقولين له انك تحسين انه انسان كتوم، و تسألينه ان كان هذا الشي صح

و تكملين معه على نفس المنوال و بكذا بينفتح لك مع الوقت

عموما لا تشيلين هم لأنه مصيركم بتفهمون بعض زين =)

мόόη Ļίģħт · 02-05-2008, 18:30

ممكن طريقتكـ بالأسئلة ماتعجبه او يحس منك فضول

او يعتقد ان حياته ما تستحق انه يتكلم عنها ( الناس تختلف طريقة تفكيرها )

انصحك بقراءة كتاب رجال من المريخ ونساء من الزهره

يتكلم فيه عن الاختلافات بين الرجل والمرأة ممكن يفيدك

عموما

اذا هالاسلوب مانفع معه جربي اسلوب ثاني واختاري الوقت المناسب

موفقه

حياة القمر · 03-05-2008, 13:44

شكرا يا سحايب وجزاك الله الف اخير وراح احاول اجرب هاي الطريقة...............
مشكورة يا جنقر والله يعطيك العافية جربت اقول لكن لاحياة لمن تنادي..........ان شاءالله نفهم بعض من فمك لباب السماء
مشكووووووورة ياعروس جديدة والله لايحرمنا منك وراح اشتري الكتاب ان شاء الله الصراحه كثييييير مدوح فيهوالله اختار الوقت المناسب والاسلوب لكن الله يعين..........

سريعه الذوبان · 03-05-2008, 22:38

يمكن عشان توكم مخطوبين

مع الايام ان شاءالله يختفي الغمووض

elsahtana · 04-05-2008, 00:59

يمكن لما يطمئن قلبك يفتح لكى قلبه
ولكن احذرى من الغموض
والله يوفقك

حياة القمر · 04-05-2008, 11:04

مشكورررررين والله يعطيكم العافية وباصبر لعلى وعسى بس يا خوفي انصدم......... دعواتكم

زعيم المحللين · 04-05-2008, 12:15

اذا على كلامك اختي انه مو خجل غموضه...

فقد يكون من نوع الرجال الثقيل....الي ما يطلع كل الي عنده بسهوله....

وهم رجال بكل ما تعنيه الكلمه من معنى...لكن النوع هذا ينقصه بعض الرومانسية...

والاطمئنان للخطيبة...ليقول لها كل شئ....

واتوقع مع الوقت واطمئنانه لك(بانك كتومه مثله ومو كل شي تقوليه..صدقيني راح يبادر الى البوح بما عنده)..

لانه ما يعرفك....ويحاول مع الزمن انه يفهم بطريقة غير مباشرة...

انصحك بحل الاخت سحايب...

لانه مع الوقت راح...يتاكد انك مثله..ما تعطي كل الي في قلبك الا عندما تطمني ليه...(وكمان يبدي يحس بالي قالته الاخت سحايب..ويبدا بالبوح لكي عن ما يتعلق فيه)..

تقبلي مروري...

ودمـــــــــــتــــــــــــم

مقلعه · 04-05-2008, 15:06

مرحبا اختي
الله يوفقك ويسعدك
وانا بقولك تجربه لوحده اعرفه زيييييييين

واتمنى تستفيدي منها ولا تعممي

الوحده هذي تقول :::::
انا لمن تزوجت اول كلمه قاله لي زوجي بع ما تملكنا وبعد كلمة مبروك اسمعي يا.......... انا اهم شي عندي انو ما احد يدري بلي بيني وبينك ولا تسأليني عن اي شي تحسينه غريب
طبعا انا مو غبيه ولا تنحه بس اخذت الموضوع بنظره حلوه وما فكر بشي الي مو حلو ابدااا
المهم تزوجنا ودارت الدنيا وبان الخافي المستور انو زوجي متزوج قبلي وعنده عيال وانا ما عندي علم لا انا ولا اهلي تخيلتي ومن وحده مو من نفس جنسيتنا من جنسيه اخرى.
وش بيكون موقفي انا ؟؟؟؟؟؟؟؟؟؟؟؟؟؟

راحت احلامي وافراحي وكل شي لي بثانيه انتهى كل شي لي من السعاده والله صرت خلاص ماني اصدقه بأي شي والله تعبت وجابها بنفس البلد الي انا فيها وصرت عايشه بنكد وهم وغم وتعبت والله

اتمنى تستفيدي اختي من التجربه هذي

والله يوفقك ويسعدك اختي

خطنطيره · 05-05-2008, 00:13

السلام عليكم :

ماني عارفه ليه أنتي متضايقه !!

كتوووم على نفسه مو عليك ..وهو يشوفها خصوصيات واتركيه على راحته .. بس اللي من حقك

نووويه طالبي فيه بس بذوووق ..واختي سحايب تقول عامليه بالمثل هو صحيح مبدأ دبلوماسي بس ماينفع

مع كل الناس .. في ناس بعض المعامله بالمثل تزيد الطين بله خاصه لما يكون كل شيء عنده بالقطاره

خليكي ذكيه لماحه افهمي عليه من دون لايحكي وصدقيني راح يبوح من حاله زي الطفل ..

عاد كيف مانجلس نفهم فيك هو زوجك وعندك وانتي ونباهتك تعرفي تجذبيه .

موفقه يالغلا

حياة القمر · 12-05-2008, 21:36

مشكوووووووووووووووووورين وفرج الله همومكن بس والله رغم ذلك مازلت غير مطمئنه..........خاصة بعد قصة(مقلعة)
بس باحاول هذا النوع من الرجال يرفع الضغط (ولا كانه زرجي....احم احم)بس والله شئ لايطاق ولكن كالعادة نحن ياالنساء لابد نصبر ونتحمل................... والشكو الى الله

مقلعه · 12-05-2008, 22:08

الله يوفقك حبيبتي ويسعدك

الاماني المستحيله · 14-05-2008, 17:04

اذا تطمن لك راح يفتح لك قلبه لاتستعجلين عطيه الثقه فيك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

غمووووووووووووض لابعدحدود####