عالم الحياة الزوجية - منتدى

@بــ ودفاء ــرد@ · 08-06-2008, 22:20

السلام وعليكم ورحمة الله وبركاته

كيفك ... ماما بطه .. اخبارك ... كيف الكتاكيت ان شاء الله بخير ...

كيف لبوووه .. ان شاء الله منيحه ...

خطرفه .... شو عامله معك الدنيا .. ان شاء الله ان الحال احسن ....

لبوووه · 08-06-2008, 22:21

اخواتي

اسعدني تواجدي بينكم...

رغم مشاكلكم وهمومكم..الا ان ارواحكم حلوه..وسوالفكم توسع الصدر

انا بديت ادخل في فترة شدة الاعصاب..وما ادري اذا اقدر هالمره اعديها او لا...وارجو من الله يلهمني الصبر

لا تنسوني من صالح دعائكم...

تــولا · 08-06-2008, 22:22

بخير لبوة.. أنت كيفك؟

لبوووه · 08-06-2008, 22:26

الحمدلله قلبي..كيف بطاتك؟

تــولا · 08-06-2008, 22:27

هلا برد
بخير.. أنت كيف أمتحاناتك؟
لبوة

الله يفرج لك ويعينك علي ما أنتِ فيه

@بــ ودفاء ــرد@ · 08-06-2008, 22:30

لبوووه الله يمسح على قلبك ...

ويهدى سرك .... ويصلح امرك ... ويفرج كربك ...

ويجعل لك امر ... خير ان شاء الله ...

شدي حيالك ..

الله يوفقك ويرزقك .

@بــ ودفاء ــرد@ · 08-06-2008, 22:31

انا بسعاده دامك بخير ... يابطوط ..

والله الاختبارات ان شاء الله ... نحتاج دعواتكم ..

ماتنسونا ان شاء الله .

((((( فاتنة ))))) · 08-06-2008, 22:48

اقتباس:

المشاركة الأصلية كتبت بواسطة @بــ ودفاء ــرد@

لبوووه الله يمسح على قلبك ...
ويهدى سرك .... ويصلح امرك ... ويفرج كربك ...
ويجعل لك امر ... خير ان شاء الله ...
شدي حيالك ..
الله يوفقك ويرزقك .

آآآآآآآمين يارب

الله يفك عنك يا لبووووووه ويحنن عليكي عباده ..

حظي حلو · 08-06-2008, 22:56

هلا خطرفة عساه خير

بطو
خخخخخخخخخخ
لبووووة

ربي يربط على قلبك وييسر امرك بافضل مماتاملين وتستحقين

amalsa · 09-06-2008, 00:24

السلام عليكم

(من جديد ) · 09-06-2008, 00:54

السلام عليكم

لبوة الله يلطف فيك

حظي حلو
برد ودفا
بطة
اموري ماشية ولله الحمد
وجاء وكلمني بعد مااهلي كلموه...و باسلوب التعالي حقه
وبرمي الاتهامات لي
ويقول لي انا مستعد اسمع اعتراضاتك علي بدون تجريح
بينما هو يجرح عادي عطاني كم عيب فيني وانا سكتولا قلت له ولا شي فيه
قلت له كل واحد عارف نفسه ومافيه داعي لكلام ماحيودي ولا يجيب
عموما انا كنت مرة هادية على غير العادة (مدري من وين هالهدوء) يمكن من المقابلات
والتزمت بنصيحة السفيرة راح يمين او شمال اقول انت رجال ماتنعاب لكن حياتنا الزوجية مو ماشية
وانا صادقة

الا يرجع مناجي على شخصيته المميزة ويوقف ويهزئني لا تفتكري اني بجي اذل نفسي الك
وتذكري اني اللي جيتك وانت رفضتي
وبتندمي بعد خمس سنين ( ولا اعلم مالحكمة بعد خمس سنين ) كان منكم احد يفهمني (يمكن الخطة الخمسية )

بغيت اقول له ليش مابتقول بندم بعد 3 ايام
اني ماتركتك من زمان

المهم بعد المناقشة اللي حاول يبديها رومانسية وانت بقلبي وحبي الاول والاخير ولا تعتقدي اني افكر اتزوج غيرك
ويصر ان اجلس بجانبه رغم اعتراضي بالبداية طبعا لا فيها مسكة يد (رغم انها نقطة ضعفي ) ولا حتى اسمي نطقه واللي ذكرني فيه مشاكلنا الكثيرة الكبيرة واللي تجاوزناها (طبعا ماكمل اننا تجاوزناها لاني اللي اتنازل واتغاضى وامشي الامور وانت حضرتك دايما تتعالى وتستغر وتتكبر واني ارضى بسرعة بينما نت لازم تذلني وتادبني ان اغلط مرة ثانيةبذاتك الملكية )
انقلبت غم وهم
خصوصا يوم قلت له اني ماكرهك وياليت اكرهك على الاقل حتكون فيه مشاعر
ولا احبك ولاشايلة عليك وحاسبتك مثل اخوي
هذه مدري فيها فلفل ولع منها
وقال كلامك جارح وماتحاسبي عليه

خسارة مارديت عليه لاني كنت ماابي اشعب الامور
الحين كلمة اخوي تزعلك
وكلمتك لي اللي تعيد وتزيد فيها ومافيهااي وتصر عليها ان الرجل بعد 10 سنين ماينتبه لزوجته وتغيرات شكلها ولو هي ملكة جمال
والا لو حتى حممته حتى يدي مايمسكها
ولا لو شافني عريانة ماحرك فيه شعرة هذا بعد يشيح بوجهه
وبالفراش يعطيني ظهره ويتعامل معي كدمية ويستعملني
ولا يحسسني ابدا بانوثتي واني فيصل وبس
ويزعل اني اقول له احسك مثل اخي
هذا بعد متفضلة عليه ومن ذوقي وحسن اخلاقي والا مو شايفة بالكلمة تجريح والا حتى اخوي واجد عليه
حده ابو العيال

وقام يعايرني بان علاقتي مع اهلي زفت بسبب اسلوبي واني ماحاسب على كلامي وياه فكيف انه زوجي اللي يسمع كلامي الدبش
(بذمتكم هذا واحد جاي يتصالح )
ومع هذا كنت ماسكة اعصابي بالعة ثلج قبلها وقلت له دام اني بكل هالعيوب اش يخليك تصبر وتتحملني
قام يرقعها لا لسانك حلو تقدري ترفعيني به السماء لكن لك كلمات جارحة
(الحين انا ام كلام جارح وهو البريء اللي كلامه ينقط سكر ...على الاقل لساني به جناح اذى وجناح دواء هو لسانه مافيه الا اذى ووقاحة وبذئنة )

اللي قاهل لي انا بعطيك فرصة تراجعين فيها نفسك
قلت له راجعت نفسي من زمان واحنا اتفقنا
قال انا مابعت وشاريك
قلت شكرا لكن انا اشوف الانفصال احسن

بعدها ترك البيت ولا رجع حتى السلام عليكم ماقالها

واحد لا عنده اسلوب ولا منطق
يكلمني بكل تعالي وهو متحملني وبالع على قلبه ليمونة ولا قدم اي ريحة اعتذار ولا حتى اعتراف وتصالح مع ذاته بعيوبه
حتى على الاقل ليحسسني انه بيتغير

واحد جايني وهو متفضل علي انه بيطوي صفحة ماضي وبيسامحني على عيوبي لكن هو عنده عيوب مثل ماعند كل الناس عيوب واصلا ماعددها ولا ذكر عيب واحد من شخصيته

واش فيك مستعجلة على الطلاق اش براسك كل هذا تبي تبني من جديد (لا يكون يتابع الرابطة ) او احد ينقل له اخباري

تبين ترمي عيالك
قلت له مو انت قلت لي بتعطيني العيال اش فيك غيرت كلامك
للامانة هو اعترف فقط ان سبب مشاكلنا اننا متشابهين يعني عيوبه الموجودة هي جزء من عيوبي
اش هالعيوب الله العالم

بذمتكم خلى لي مجال لو لحظة لاتراجع
اصلا سد علي وقال مابذل نفسي لك (الحين التفاهم بين الزوجين هو ذل ..علموني ان انا غلطانة )
ومابيك تذلين نفسك لي ........قلت له محشوم لا تذل نفسك ولا اذل نفسي

ياساتر
وانا اكتب الكلام وجبذي لايعة شلون متحملته وماعطيته كم كلمة بالعظم تعرفه مقامه
واحد كله عيوب بذي اللسان لا يحشم احد متسلط اناني ومغرور وياريت على شي يسوى جاحد وناكر للجميل قاسي القلب . اتاريه يحمل كل هالصفات وتوي اعترف بها بوضوح

شلون انا عشت ويا هالانسان

شلون كنت مغمضة ومدمغة
معقولة كل هالشخصية كانت امامي كذا بهالجبروت والتسلط والتعالي والغرور وانا ذليت نفسي له وكنت اراضيه واركض وراه وادور حول فلكه

جالس يعايرني انه اليوم كان يفكر فيني

قلت له وانا اكثر من 12 سنة وانا افكر فيك وعايشة لاجلك وادور في فلكك
قال يعني تبي تقولي اني مافكرت فيك اجل كنت افكر في مين
ابتسمت ابتسامة ساخرة مابغيت على نفسي السلامة
ابتسامتك اللي كلها فيها احتقار
ياربيييييييييييي مدري من وين يجب هالعبارات
عقد النقص فيه متاصلة اوي اوي

وبعدها خلاص انقطعت العلاقات الدبلوماسية ومدري بيعلقني لمتى

وهذا اللي صار
اش رايكم ياجماعة

ملاحظة واضح انه فيه اتفاق بينه وبين اسرتي المصونة
لان اختي مكلمتني اذا جاء يكلمك للتفاهم ارخي معه
وانتوا عارفين وشايفين اني بكمل 4 اسابيع وهو مايكلمني

++صدق المشاعر++ · 09-06-2008, 01:01

هاي

(السفيرة) · 09-06-2008, 01:05

خطرفة الرجال شاري!
بس راجع لك انت اذا كنت تقدرين تكملين معاه او لا..
اذا اخذنا بالاعتبار شخصية زوجك... اشوف بالي قاله الكثير من الرضوخ والرغبة في ارضائك...
بس كبريائه يغلف الجمل.... لا يختلف عن اسلوب زوجي في الصلح معي وهو يقدم الغرور والعند... بس لما تصالحنا قال لي ان الي بداخله كان غير بس كبريائه منعه وهو يشوفني اطلب الانفصال..... لكن يظل القرار لك اولا واخيرا... لكن ردا على تساؤلك هل فيه مجال... الجواب ايه فيه بكلامه ما يبين انه متعلق فيك ومايبي يخسرك بس مو هاينة عليه نفسه!

(من جديد ) · 09-06-2008, 01:12

اقتباس:

المشاركة الأصلية كتبت بواسطة (السفيرة)

خطرفة الرجال شاري!
بس راجع لك انت اذا كنت تقدرين تكملين معاه او لا..
اذا اخذنا بالاعتبار شخصية زوجك... اشوف بالي قاله الكثير من الرضوخ والرغبة في ارضائك...
بس كبريائه يغلف الجمل.... لا يختلف عن اسلوب زوجي في الصلح معي وهو يقدم الغرور والعند... بس لما تصالحنا قال لي ان الي بداخله كان غير بس كبريائه منعه وهو يشوفني اطلب الانفصال..... لكن يظل القرار لك اولا واخيرا... لكن ردا على تساؤلك هل فيه مجال... الجواب ايه فيه من كلامه ما يبين انه متعلق فيك ومايبي يخسرك بس مو هاينة عليه نفسه!

نو

مااقدر اكمل معه
بس ماابي وجع قلب مشاكل
ولهذا ابلع ثلج لاجل امسك اعصابي عليه او على اهلي

(السفيرة) · 09-06-2008, 01:16

... الأمر راجع لك خطرفة... بس بصراحة انا اشوف كلمة زوج "انا شاريك" لزوجة حاليا طالبة منه الطلاق مي بسيطة فما بالك وهالرجل اصلا مغرور ... الكلمة تدل انه مستعد لبذل الجهود من اجل ارساء السفينة.... ولاحظي حتى بعد اصرارك على الانفصال قال بيعطيك مهلة اذن شاري وبقوة!! لكن ارجع واقول القرار لك ماودنا نبلبلك... بس شخصيا لو مكانك باعيد النظر بعد هالكلمة!
ومو شرط اعادة النظر = قرار استمرار.... وانما اعادة دراسة المسألة والقرار... خليك مواظبة على الاستخارة حبيبتي... والله ينور لك بصيرتك يارب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

۩‗°¨_‗ـ رابطـة رفقـــة صالحــة في مشاكــل جارحــة ـ‗_6¨°‗۩