عالم الحياة الزوجية - منتدى

khaled alsaif · 03-05-2008, 11:09

اضحك مع المتزوجين حديثا

1ـ وحدة تقول زياراتها للمطاعم مع أهلها قليلة
المهم بأول أيام زواجها دخلت مطعم مع زوجها
زوجها قال للجرسون : عطني المنيو .
وسألها : أنتي وش تبغين ؟
قالت له : أبغي منيو مثلك !

3ـ في وحدة شعرها دايم يحتاج سشوار مو ناعم
المهم سشوارها تعطل ولاتعرف شصار فيه
عاد اهي وذكاءها تذكرت المكواة الخاصة بالملابس
خذتها وراحت على طاولة الكوي وهات ياكوي بالشعر
وصار لها نفس الموقف وحضر الزوج وأكشن ... صادوووه
شافها الزوج منسجمة تكوي الشعر الرجال انهبل على باله تزوج وحدة مو صاحية

4ـ وهذا موقف وحدة بشهر العسل تقول كانوا مسافرين خارج السعودية
واشتهت تاكل بمطعم عربي
المهم لقت مع زوجها مطعم لبناني ومن ضمن قائمة الطعام مع المقبلات زيتون ومخلل
والجرسون واقف ياخذ الطلبات من االزوج ولمسكينة كانت تحاول تمسك الزيتونة بالشوكة
جان تطير الزيتونة وتصفع وجه الجرسون
قال الجرسون : عدنا بلبنان ناكل الزيتون بايدنا !
عاد صاحبتنا ماسكتت ردت عليه وقالت :
عدنا بالسعودية نصيد ه بالشوكة
وزوجها للحين ماخذها عليها كلما شاف زيتون يقول لها : تاكلينها بالشوكة والا بايدك

5ـ وحدة تقول : أنا متزوجة ولد عمي
وأول ماتزوجنا رحنا بريطانيا منها شهر عسل ومنها عنده دورة
تقول مرة دخلنا مطعم وقعدنا واخذت المنيو وقعدت اناظر الكلام فيه كله بالانجلينزي وماعرف ولا كلمة منه
تقول زوجها اختار والجرسون ضل واقف يحتريها تختار
قال الزوج : أساعدك بالاختيار؟
قالت : طايحة من عينك أنا اعرف اختار
المهم اختارت طلب لفت نظرها طريقة عرضه وتصميمه فكرته شي حلو
وقالت : أبي هذا
قال زوجها : متأكدة ؟
قالت :ايه اصلا من زمان أطلبه لما كنت أطلع مع أهلي
تقول قال لها : أبشري وهو يضحك
ولما وصل الطلب ... و معكرونة وهي وجبة أطفال .

6ـ يقولون في وحدة تستحي من زوجها بالمرة ..تضايق الزوج وكلم خواته وامها حتى يكلمونها
المهم أزعجوها بالنصايح : أنتي لازم تمزحي مع زوجك سولفي العبي اضحكي معه
قالت : ماقدر .... المهم طولوا عليها بالكلام
وفي مرة من المرات سبقها زوجها ينزل الدرج
قالت : فرصة أمزح معه شوي عشان مايشوفني
المهم الذكية دفت الزوج من الدرج واستقر بآخر الدرج وهو يتشقلب وقعد يون ويصيح من الألم
وقال لها : شفيك ؟
جلست البنت تصيح وتقول له : كله من أهلك يقولون امزحي معه وهذي آخرتها .

7ـ وحدة بأول زواجها واهي طالعة مع الزوج احتاجت الحمام واستحت تقول له
وهو شكله ماعنده نية يروح لمكان فيه حمامات
المهم قعدت تفكر تدور اسلوب حلو تقول له عشان ماتخرب بريستيجها عنده
قالت خلاص بقول له : أبغي دورة مياه أحسن وأشيك من كلمة حمام .
خلاص اجمعت شجاعتها وقالتها : أبغي أروح لدورة الحمام
مالقت الا الزوج ميت ضحك يقول : ياعيني ع الاتكيت!

8ـ وحدة تقول أول ماتزوجت كانت تدرس وزوجها يوديها وياخذها من الجامعة
المهم مرة كانت واقفة تنتظره وتشوفه بعد كم سيارة
المهم لما وصل لعندها مشت حتى تركب السيارة وهي عاد كانت تمشي بغنج
مشية دلع ونعومة الا .....طررررررراخ .... وتطيح المسكينة طيحة
جلست ع الارض وتناظره وهو مايشوف الا راسها
ولا تحركت والشارع مليان رجاجيل
المهم المسكينة قامت دخلت السيارةوهي تصيح وهو يضحك
قالت له : حتى ماتعرف تسمي علي .

" مسروق"

رهييب · 03-05-2008, 11:57

خخخخ
تسلم ياخالد

khaled alsaif · 03-05-2008, 12:54

thank.s

om othman · 04-05-2008, 15:31

اقتباس:

7ـ وحدة بأول زواجها واهي طالعة مع الزوج احتاجت الحمام واستحت تقول له
وهو شكله ماعنده نية يروح لمكان فيه حمامات
المهم قعدت تفكر تدور اسلوب حلو تقول له عشان ماتخرب بريستيجها عنده
قالت خلاص بقول له : أبغي دورة مياه أحسن وأشيك من كلمة حمام .
خلاص اجمعت شجاعتها وقالتها : أبغي أروح لدورة الحمام
مالقت الا الزوج ميت ضحك يقول : ياعيني ع الاتكيت!

ههههههههههههههههههههههههههههههههه

يسلمووو

كرم العنب · 07-05-2008, 02:43

يسلمو

khaled alsaif · 07-05-2008, 10:31

thanks

فــــ الحنان ــــاقد · 01-09-2008, 07:59

حلوة..

ههههههههههههههههه..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

اضحك مع المتزوجين حديثا .