عالم الحياة الزوجية - منتدى

a.and.a · 07-05-2008, 00:16

السلام عليكم ورحمة الله وبركاته

كيفكم اخواني واخواتي الرائيعين في هذا المنتدى الرائع

بصراحه هو مو مشكله ظاهره

هي في بالي انها مشكله

المشكله وما فيها

اتفقنا قبل الملكه والعقد انه انزف (يعني امشي في الزفه)

ان كان على بالي انه يكون بعد مايروحون الناس (مثل مافعلوا عيال عمي في ملكتهم)

المهم

رحنا نسوي البروفه

اكتشفت انه قدام الناس كلهم

وبصراحه انا اخاف ادخل ولاابغى (طبعا غيرت رأيي)

قالولي حسبنا حسابك في الاغاني حق الزفه وحركات لازم تكون فيها موجود ومن هذا الكلام
واحنا تعبنا فيها واختيارها وتعرف اللي يسون ال CD وطريقتهم
يعني يبغالنا نعيد الترتيب والشغل كله من جديد ( هو بصراحه باقي ايام على الملكه

)

المهم لما سمعت الكلام ده وشويه الدلع اكيد

رضيت

ثم رديت بعد ساعتين اتصلت وقلت لهم صراحه ماني مرتاح وهذا اللي انا حاسه فعلا
بصراحه ماني مرتاح ابدا

وقلت لها اذا مثلا تنزفين انتي قدام الناس ولما يروحون ننزف مع بعض وحتى انا اصلا ابغى انزف لكن مو قدام الناس والعالم كلها

المهم المشكله ومافيها

انه حاسس انها زعلت

ماادري هل هي فعلا زعلت ام لا

ولو اني سألتها اكثر من 20 مره في المكالمه اهم شيء ماتزعلي
لاتزعلي مني
ومن هذا الكلام

ايش رأيكم ؟؟؟ هل هذا الشيء يزعل البنات ولا لا؟؟

اذا يزعلهم في الغالب وطلعت زعلانه لاقدر الله؟

ايش الحل ..... غير اني ادخل قدام الناس طبعا

وهل تنصحون بهديه ترضيه على قولهم ...... ماذا يجب ان تكون هذه الهديه
؟؟

اتمنى ان تفيدوني في اسرع وقت حيث انه احتمال كبير ازورها غدا ان شاء الله(او اليوم بالنسبه للي يقرأون الموضوع الصباح )

$ زيـزووو $ · 07-05-2008, 01:24

يشرفني اني اكون اول رد ...

فعلا ما ألومك الوضع محرج جدا ... حاول تقنعها بأسلوبك ( مو حلوه تطلع أمام الناس والكل يراقب تصرفاتك )

فكره الهديه حلوه بس .. تذكر الهديه بمعناها مو بقيمتها لا تتكلف كثير بالهديه ..

وربي يوفقك ان شاء الله ..

همس الروح111 · 07-05-2008, 01:30

والله انا اززززززززعل

لانه اليوم اللي تحلم فيه كل بنت... ويوم فرحتها

وكانت تتمناه زي باقي اقاربها وصديقاتها... تجي انت تخرررب عليها كل احلامها

وبعدين ماراح تجي حلوه انها تنزف مرتين ... خلاص راح طعمها مع اول زفه لها

لكن لو هي مقتنعه بكلامك خلاص .....

ريم الأحساس · 07-05-2008, 01:55

لا إن شاء الله مو مشكلة , وبصراحة شئ يزعل خصوصا انها عملت حسابك في الزفة معها وأكيد كان ودها بحركات حلوة في الزفة وما تصير إلا وأنت معها ..

صدقني الموضوع ممكن تشوف إنه محرج وصعب لكن الفرحة راح تخليك تنسى .. ولا تحط بالك من المعازيم .. وحاسب على تصرفاتك لأن الحريم يحبون التعليق .. والقيل والقال . . أنا خطيبي ماكان وده يطلع بس طلع عشاني .. وبعدها يقول الحمد لله إني طلعت .. لأنها راح يكون لها حلاوتها ذي الليلة ..

أنت فكر واستخير والله يوفقــــــــــــــك

a.and.a · 07-05-2008, 08:31

اقتباس:

المشاركة الأصلية كتبت بواسطة $ زيـزووو $

يشرفني اني اكون اول رد ...

فعلا ما ألومك الوضع محرج جدا ... حاول تقنعها بأسلوبك ( مو حلوه تطلع أمام الناس والكل يراقب تصرفاتك )

فكره الهديه حلوه بس .. تذكر الهديه بمعناها مو بقيمتها لا تتكلف كثير بالهديه ..

وربي يوفقك ان شاء الله ..

حياك الله اختي

وهذا الشيء من الاشياء اللي مخليتني الغي فكرة اني ازف بجانبها

اكيد مو بقيمتها

انا بصراحه قلت اجيب مثلا حلويات شكولاته كيك بقلاوه او اي شيء يعني يكون زي اعتذار للبيت كله بما انهم كلهم تعبوا في اللي حيتلغي

شكرا على الرد

اقتباس:

المشاركة الأصلية كتبت بواسطة همس الروح111

والله انا اززززززززعل

لانه اليوم اللي تحلم فيه كل بنت... ويوم فرحتها

وكانت تتمناه زي باقي اقاربها وصديقاتها... تجي انت تخرررب عليها كل احلامها

وبعدين ماراح تجي حلوه انها تنزف مرتين ... خلاص راح طعمها مع اول زفه لها

لكن لو هي مقتنعه بكلامك خلاص .....

انا حاس انها رضيت بس اكيد (بالعقل يعني) مش مقتنعه
وانا تأسفت لها وحسستها اني شوي وحبكي

عشان عارف انه هذا الشيء حيزعلها وبالفعل كنت زعلان لاني مابغى زعل من البدايه لكن والله ياناس جدا صعب الموقف علي

انا لما كنت اسافر برة السعوديه لو كانت واحده تبيع في المحل ماادخله ولو اني ابغى اشتري
اخاف - استحي ----- ماادري ليش بس انا متأكد انه ماادخله عشان فيه واحده فقط

لو كان في رجال معاها في المحل مو مشكله اخش

فكيف تبغوني ادخل على 300 حرمه !!!!!

والله صعبه ياناس

حرام عليكي ياشخه شويه و

لاتقطعين قلبي .... ماني ناقص

انا عارف انه البنت تتمنى هذا الشيء (اقصد اي بنت) ولكن ايش اسوي فعلا مااقدر
واخاف اقولهم طيب وبعدين عند الباب اقول لهم ماني داخل

برضه الكلام في الوسع غير في الضيق ....الان واحنا في الوسع مارضيت حرضى في الوقت الضيق .... اكيد لا

اقتباس:

المشاركة الأصلية كتبت بواسطة ريم الأحساس

لا إن شاء الله مو مشكلة , وبصراحة شئ يزعل خصوصا انها عملت حسابك في الزفة معها وأكيد كان ودها بحركات حلوة في الزفة وما تصير إلا وأنت معها ..

صدقني الموضوع ممكن تشوف إنه محرج وصعب لكن الفرحة راح تخليك تنسى .. ولا تحط بالك من المعازيم .. وحاسب على تصرفاتك لأن الحريم يحبون التعليق .. والقيل والقال . . أنا خطيبي ماكان وده يطلع بس طلع عشاني .. وبعدها يقول الحمد لله إني طلعت .. لأنها راح يكون لها حلاوتها ذي الليلة ..

أنت فكر واستخير والله يوفقــــــــــــــك

خلاص يابنت الناس
موضوع دخولي من عدمه انتهى باني ماني داخل

لكن الان فترة الترقيع ..... يعني فترة المراضاه .....فترة اني اتأكد انها مازعلت واذا زعلت اراضيها

خاصه انه معاها الحق 100%
وانا اعترف بهذا الشيء قدامها وامام اي احد

وهذا اللي طالبكم تفيدوني فيه

لانه بصاحه مع اصحابي في الغالب
اللي يزعل ..... ينطق بالطقاق ويدق راسه في 100 جدار على قولهم

بس هذي غير هذي شريكه حياتي
لازم اراضيها خصوصا انه انا الغلطان وانه معاها الحق 100%

a.and.a · 07-05-2008, 14:13

خلاص الحمد لله ربي رزقنا بمره عاقله

كلمتني قالت لي ايش رأيك يعني الدبله والكيكه نقطعها في الغرفه وتعرض على شاشه للحريم

قلت ماعندي اي مانع
بالعكس حل ممتاز

ويرضي جميع الاطراف

الحمد لله حلت المشكله

مشكورين يااحلى اعضاء على ردودكم ومساعداتكم

мόόη Ļίģħт · 07-05-2008, 14:24

اوكي حلو قدرتوا توصلوا لحل وسط

الله يعينك عليها بعد الزواج (( بعد ماتمون عليك))

والله بتطلع هـ اليوم من عيونك خخخخخخخ امزح معك

المهم التفاهمـ والاخذ والعطاء عشان تمشي المركبة بسلام وهذا اول درس عملي لك

بالتوفيق اخوي

a.and.a · 07-05-2008, 15:10

اقتباس:

المشاركة الأصلية كتبت بواسطة عروس جديــ ـ ــدة

اوكي حلو قدرتوا توصلوا لحل وسط

الله يعينك عليها بعد الزواج (( بعد ماتمون عليك))

والله بتطلع هـ اليوم من عيونك خخخخخخخ امزح معك

المهم التفاهمـ والاخذ والعطاء عشان تمشي المركبة بسلام وهذا اول درس عملي لك

بالتوفيق اخوي

مافي دخان بلانار ياعروس جديده

هذا مو مزاح

احد الاشياء اللي خوفتني وخلتني ارجع مرة ثالثه (ثالثه -لاني بين هذا وذاك ارسلت لها رساله انه انا عارف انه انتي تبغين الزفه ولو ماصارت اكيد تنقص من فرحتك كثير ومن ذا الكلام
قلت لها فكري لي بحل وسط وردي علي

اتصلت وقالت على الحل)

المهم احد الاشياء اللي خوفتني انه سالت واحد يقول مادخلت الزفه والى الان لهم 4 سنين وهي ترجه كل شويه عليها

انا خفت صح قالت مازعلت بس اكيد ماقالت اللي في قلبها

لكن ان شاء الله مع الحل الوسط هذا ترضى بما انها هي اللي اقترحته

او على الاقل ياويلي بعدين بس على خفيف يعني الى اسبوعين 3 وتنسى يارب

سلام

mr.economist · 07-05-2008, 16:59

ياشيخ والله دا الموضوع دا شااااااااغل راسي
وربي لسه بكلم الوالدة وأقلهااااااا ماأبغى أدخل على الحريم وأنزف

قالت لي لاااااااااااااااا مايصير والبنت راح تزعل

لا والحلو في الموضوع أن القاعة اللي حأنزف فيها إن شاءالله فيها كدا زي الجسر فوق مسبح مائي ويزفوا العروسين عليه
قلت للوالدة عز الله أني راح أطب فيه من الإحراج والإرتباك اللي حأكون فيه قعدت تضحك

ياشيخ خليها على ربك وربي مشكلة عويصة لكن ماحد راضي يفهم موقفنا

تحياتي

روآآبي · 07-05-2008, 21:36

هلا اول المشاكل .... ليه ؟؟

ماتعتبر مشكله مجرد اختلاف في الراي

شوف هالنقطه تحديد كثير من جماعتي يعانون منها سواء البنات او الشباب

بالنسبه لها كل البنات اذا عرفوا انهم بينزفون لحالهم يتضايقون بس مصيرهم يرضون

والحل اللي طرحته خطيبتك ممتاز وبالفعل هو الحل المحايد ...

يعني تصير زفه من اول الدرج اللي بالخارج ...وتمرون بالكيكه وتقطعونها ويصير حتى لو حبيتوا تلبيس دبل وكلها تظهر على البرجكتور

ولكن الظهور امام الناس يكون فقط للعروسه

الف مبروك وبالتوفيق

خشيت_الزمان · 07-05-2008, 21:44

أجمد يارجل
انت القائد ولك الحرية أن تزف أو لا تزف
من بادي الامر هي الغلطانه لما لم تستشيرك
هل نعمل أحسابك بالزفة أو لا

a.and.a · 07-05-2008, 22:08

اقتباس:

المشاركة الأصلية كتبت بواسطة mr.economist

ياشيخ والله دا الموضوع دا شااااااااغل راسي
وربي لسه بكلم الوالدة وأقلهااااااا ماأبغى أدخل على الحريم وأنزف

قالت لي لاااااااااااااااا مايصير والبنت راح تزعل

لا والحلو في الموضوع أن القاعة اللي حأنزف فيها إن شاءالله فيها كدا زي الجسر فوق مسبح مائي ويزفوا العروسين عليه
قلت للوالدة عز الله أني راح أطب فيه من الإحراج والإرتباك اللي حأكون فيه قعدت تضحك

ياشيخ خليها على ربك وربي مشكلة عويصة لكن ماحد راضي يفهم موقفنا

تحياتي

مشي حالك
عاد انا عكسك

كنت ابغى والوالده الله يحفظها كانت معارضه
ههه

ورضخت للامر الواقع

لكن لما سويت البروفه حسيت اني اهبل (لايزعلون البنات بس صراحه هذا كان احساسي

) لعده امور ماهو لازم نتطرق اليها

عموما

بعد البروفه بطلت
وقلت مافي زفه خخخخخخ
الى ان وصلنا للنتيجه النهائيه انه نكون في غرفه ويشوفون الناس الدبل والكيك وبعدين العروس تروح في حال سبيلها وتخش على النساء

اقتباس:

المشاركة الأصلية كتبت بواسطة ســحايب

هلا اول المشاكل .... ليه ؟؟

ماتعتبر مشكله مجرد اختلاف في الراي

شوف هالنقطه تحديد كثير من جماعتي يعانون منها سواء البنات او الشباب

بالنسبه لها كل البنات اذا عرفوا انهم بينزفون لحالهم يتضايقون بس مصيرهم يرضون

والحل اللي طرحته خطيبتك ممتاز وبالفعل هو الحل المحايد ...

يعني تصير زفه من اول الدرج اللي بالخارج ...وتمرون بالكيكه وتقطعونها ويصير حتى لو حبيتوا تلبيس دبل وكلها تظهر على البرجكتور

ولكن الظهور امام الناس يكون فقط للعروسه

الف مبروك وبالتوفيق

مافي اول الدرج ولا اخره

كل شيء يصير في غرفة العروس في القاعه

بعدين تخرج العروس على الملأ لوحدها

ان شاء الله بس ترضى علينا وماتزعل
واللي مريحني انها هي اللي جابت الحل انا ماقلت شيء ==

بريء ههههه

اقتباس:

المشاركة الأصلية كتبت بواسطة خشيت_الزمان

أجمد يارجل
انت القائد ولك الحرية أن تزف أو لا تزف
من بادي الامر هي الغلطانه لما لم تستشيرك
هل نعمل أحسابك بالزفة أو لا

لاياخوي ازعل منك لو قلت عليها غلطانه

خاصه اني وضحت اكثر من مرة انه الخطئ راكب علي من ساسي لراسي

انا اللي وافقت في البدايه وبعدين تراجعت

بالعكس هم سووا الف خير انهم غيروا الطريقه

وحبقى مدين لها بهذا الشيء الين مااسدده باي طريقه كانت

فروووووحه · 07-05-2008, 23:55

انا اقول انها تحبك وميته فيك وماهى زعلانه بس يمكن اللى يحوله دببابيس يقولوله شوفى ومن ذا الكلام بس يابو الشباب من راى لما تزورها خذ معاك بوكيه ورد احمر وحط فيه كرت ومن الكلام الشاعرى اللى بنو ادم متخصصين فيه والله ييسر امورك يااااااااااااااااارب

تحياتى
اختك فرووووووووحه

تومــه · 08-05-2008, 00:19

طيب حاول تقنعها انكـ تدخل لها بعد مايطلعون الناس << يعني تقل
الزحمه شوي ..
وانا عن نفسي اشوف انها من حقها كـ عروس انها تزعل ..
لانها ليله وحدهـ بالعمر وتبي تسوي اللي في بالها واللي هي تتمناهـ
وتحلم فيه من صغرها ..
فـ مو حلوهـ انكـ تكسر بخاطرها ..
وانت ورايكـ ..
تحياتي لكـ اخوي ..
وبالتوفيق يارب
الله يجمعكـ معها على خير ويرزقكم بالذريه الصالحه ..

a.and.a · 08-05-2008, 01:41

اقتباس:

المشاركة الأصلية كتبت بواسطة فروووووحه

انا اقول انها تحبك وميته فيك وماهى زعلانه بس يمكن اللى يحوله دببابيس يقولوله شوفى ومن ذا الكلام بس يابو الشباب من راى لما تزورها خذ معاك بوكيه ورد احمر وحط فيه كرت ومن الكلام الشاعرى اللى بنو ادم متخصصين فيه والله ييسر امورك يااااااااااااااااارب

تحياتى
اختك فرووووووووحه

شكرا اختي

اتمنى ان يكون رأيك بانها تحبني وو صحيح

جاري تنفيذ الهديه

شكرا اختي

اقتباس:

المشاركة الأصلية كتبت بواسطة تومــه

طيب حاول تقنعها انكـ تدخل لها بعد مايطلعون الناس << يعني تقل
الزحمه شوي ..
وانا عن نفسي اشوف انها من حقها كـ عروس انها تزعل ..
لانها ليله وحدهـ بالعمر وتبي تسوي اللي في بالها واللي هي تتمناهـ
وتحلم فيه من صغرها ..
فـ مو حلوهـ انكـ تكسر بخاطرها ..
وانت ورايكـ ..
تحياتي لكـ اخوي ..
وبالتوفيق يارب
الله يجمعكـ معها على خير ويرزقكم بالذريه الصالحه ..

شكرا اختي

الحمد لله حلت المعضله

آمين لنا ولكم ان شاء الله

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

أول مشكله ......