عالم الحياة الزوجية - منتدى

[!]...Arrogant...[!] · 16-05-2008, 14:44

السلام عليكم ورحمة الله وبركاته
هذي أول مشاركة لي بالمنتدى الرائع بعد ماكنت قارئه له..
أنا مخطوبه ومو كل مخطوبه مبسوطه ومرتاحه(والبنات لازم يعرفون هالشي)
مشكلتي طويله على سنين كثيرة مع الخطاب وابوي وبدايات خطبتي الأخيره
لكن بختصر لكم الوضع الحالي واللي فات مات..
بسم الله
أنا مخطوبه من سنتين وخطيبي مهملني لدرجه تأكدت انو ماعنده قلب
كلموا هلي ووافقنا مبدئياً وبعدها بسنه طلب يشوفني وصرت محجوزه له
وسحب علي سنه كامله بدون اهتمام لأنه تأكد اني صرت ملكه وحده محد بياخذني منه
وألحين بعد سنه طلب الملكه وقال مايبي يتزوج الصيف هذا يعني سنه أو أكثر بيأخر الزواج
هو الأخ وحسب مزاجه متى ماحب يتزوج يتزوج وأنا اللي مشاعري رايحه فيها
مرات كثيرة أقول أحبه ومرات أكثر أقول أكرهه بسبب حركاته ذي وتمغيطات السنين!!
اهلي يقولون لي اتركيه وشوفي غيره وخليه يموت قهر بسبه حركاته ذي
قلت لهم ما اقدر..قلبي تعلق فيه مو بالسهوله اقول خلاص توكل واشوف لغيره؟!
وانا احبه و اسأل عنه واحب اعرف كل همساته وروحاته وجياته ازعجت اخواني
دايم اسالهم عنه بالتفصيل الممل حتى صاروا مالين مني ومن اسألتي عنه..
الشاهد::صارت مشاعري ناحيته متقلبه حب شديد وكره شديد مره ادعي له ومره ادعي عليه
انا واهلي فسرنا سبب تأخيره انو لسى صغير ويحب يطلع بكثره مع الشباب والاستراحات
مع العلم انه جامعي ومثقف وواعي ومحترم جدا وعنده وظيفه وبيت وعمره 24
مانشوف له أي مبرر في تأخيره الا انه يبي يتونس مع الشباب لين يكبر شوي بعدها يفكر في بنت الناس
اللي حاجزها من سنين..احنا مستوانا الاجتماعي اعلى من مستواه ومانرضى على انفسنا
انو الناس يتكلمون عنا أو يستهزؤن فيني خاصه ان اكثر المجتمع اللي عايشين في حساد
ويكرهوننا ومايتمنون لنا الخير خاصة اقاربنا ودايم انجرح بالكلام واقول بكرا حبيبي يتذكرني
ولكن (لولا الأماني مات الفقير) اللي بسني في مجتمعي اللي عايشه فيه صارت متزوجه
يعني أنا كأني في عداد المتأخرات في نظرهم وانا على قدر كبير من الجمال والعقل والدين
والاخلاق اضافه للمستوى الاجتماعي العالي والحمد لله..فشيء يقهر اني للحين ماتزوجت
إضافة إلى الكلام اللي اسمعه من أحبابي:حراام اللي مثلك للحين ماتزوجت:وهم صادقين

الحين صرت اجهز للملكه وأفكر اسوي بعض الحركات لخطيبي لجل أرد اعتباري
لأنه مهملني سنين واعتبرها جرح لي وحسيت اني تحت رحمة انسان مايستاهلني
حبيت استشيركم فيها قبل أسويها وارجوكم لاتقولون لي اللي فات مات أو خلاص
بيصير زوجك ومن هالكلام لأني لازم اجرح مشاعره مثل ماجرح مشاعري سنين
واحسن فترة انتقم منه فيها فترة المكله لأن بعد الزواج بكون زوجه صالحه مطيعه له
شوفوا وش ناويه عليه..
7
7
يوم الملكه اكيد بيجي يشوفني ويسلم علي بعد العقد
فكرت اذا مد يده ما أمد أنا يدي..واتوقع هذي مردودها كبير عليه
وبيفكر لحظتها اني استحي امد يدي له(خجلانه يعني)
***
بعد مانجلس احاول بقدر الامكان تكون نظراتي وحركاتي فيها غرور
واحسسه كأن مافيه احد جالس جنبي وماارد على اسألته إلا بابتسامه مغصوبه
ونظره بعيون ناعسه
وأطنش كثير من أسألته كأني مو سامعه شي..
***
زيادة على انوثتي بسوي حركات غنج ودلال ودلع بميلان جسمي
أو حركات ايديني وعيوني..أبيه تيعذب من جوا
***
أحاول اخلي تفاعلي مع الناس اللي جالسين معانا أكثر من تفاعلي معاه
سواء بكلامي معهم أوضحكاتي وهو يلاحظ هالشي..
***
أبيه يرجع البيت يهوووس ويفكر بعمق في الحركات اللي صدرت مني ومتأكد
بيحلل سببها انه تأخر علي سنين واني لازم احفظ كرامتي وماني ميته عليه
أبيه يقول في نفسه أكيد البنت اهلها غاصبينها علي..أبيه يهوجس ويتعذب
وماراح ارتاح الا لمن يكلمني ويقول ليه معاملتك يوم الملكه كانت غريبه
ولو سكت بيكون احسن لأنه عرف يحلل السبب بدون مايسألني..
ماابيه ياخذ مقلب في نفسه اني صبرت لجله كل هالسنين لأني أحبه لا
أبيه يلغي هالفكره من راسه.
أنا بداخلي أحبه وأموت فيه بس هالحركات لجل أرد اعتباري
وش رايكم أطبق ولا لا؟؟
لحد يقول لي لا,,,خلوني أطبق واريح بالي وقهر السنين اللي عشته

وأتمنى تتابعوني في استفسارات كثيرة لسى جايه في مواضيع جديده

أختكمــ / [!]...Arrogant...[!]

мόόη Ļίģħт · 16-05-2008, 15:04

طيب لو ماقلنا لك شيلي هالافكار من راسك

مافكرتي بالنتيجة السلبية اللي ممكن تصير وتزيد الطين بلة ..!

هذا زواج عمر ...... مو شهر شهرين تجربين وماراح تخسرين شي كله من سنين عمرك

صحيح مو ضروري تبينين له انك تحبينه ومو شايله عليه

لكن .. ماتمدين له يدك في السلام .. او يسألك ماتجاوبين .. شوي قوية!!

صدقيني بتكون بداية سيئه لحياتك ... ويمكن هو ماخذ فكرة شينة عن الزواج وبحركاتك هذي راح تأكدين له هالشئ

لا تحطين ببالك انه راح يفسر تصرفاتك تفسير صحيح مثل ماتبغين
.............

سجليني معارضة .... افضل تكونين بين وبين .. لاتوضحين له انك مشتااااااقه له وميته فيه وهو مهملك كل هالسنين وطبعاا بدون هالافكار الانتقاميه منك ........

الله يهدي سركم وينور قلوبكم

متفائلة جداً · 16-05-2008, 15:12

احب اسئلك في البداية كم عمرك ؟
وهو الي خطبك له أو أمه؟

مردوفيتش · 16-05-2008, 15:14

لا ياعزيزتي اسلوبك غلط

يعني هذه أول ليلة لكم وتسوين كذيه.. مشكلة

وسالفة إنك تقعدين سنتين ولا ثلاث مخطوبة شئ طبيعي وانتي عارفه كيف الظروف هالحين صارت صعبة

وعشان الولد يسوي الملكة لازم يوفر المهر والذهب والهدايا للبنت ولأهلها

يعني والله ماعرفنالكم يالبنات إن تزوجنا بدري بتقولون وين المهر والهدايا والحفلة الزينة يعني بالله من وين أوفر الأشياء هذه

على الأقل يبيلي أشتغل أقل شئ ثلاث سنوات عشان أوفر الأشياء (في حال الراتب كان أكثر من 7000)

وإن أخرنا الزواج قلتوا الولد مطنش... طيب تكفلي باالملكة وصدقيني ماراح يقول شئ

روآآبي · 16-05-2008, 15:15

اولا ...كنتي مخطوبه له مدة سنتين ...هالمده هل كانت باتفاق مع اهلك ..!!!

ثانيا ..فترة الخطوبه .... كيف تبينه يتواصل معك !!!

المفترض المكالمات والزيارات تكون بعد الملكه .....

ثالثا ...الحركات اللي ودك تعملينها مع خطيبك ..
تتوقعين ماراح ترسخ في ذهنه فكرة الغرور النابع من الفرق او المستوى المادي ...!!

رابعا من وجهة نظري وانا متأكده ان الكثير مأيدني ..
حركاتك راح تلقين لها نتائج سلبيه اكثر

خامسا ...الحل ارى انك تكوني على طبيعتك يوم الحفله ...
ومايمنع من حركات الغنج والميلان اللي ذكرتيها

بعد الملكه .... اذا استمر بنفس الاسلوب اللي صورتيه لنا ....
ساعتها بامكانك تستخدمين معه طرق تخليه يحس على دمه ويحس فيكــ

لكن الان ...
ابدأيها بالطيب وشيلي هالافكار اللي اتوقع انها ماتنبع من عقليه وحده بعمر مثل ماقلتي كبير وتعتبرين متأخره بالزواج ...
وارجو المعذره واتمنى كلامي مازعلك

[!]...Arrogant...[!] · 16-05-2008, 15:34

اقتباس:

المشاركة الأصلية كتبت بواسطة عروس جديــ ـ ــدة

طيب لو ماقلنا لك شيلي هالافكار من راسك

مافكرتي بالنتيجة السلبية اللي ممكن تصير وتزيد الطين بلة ..!

هذا زواج عمر ...... مو شهر شهرين تجربين وماراح تخسرين شي كله من سنين عمرك

صحيح مو ضروري تبينين له انك تحبينه ومو شايله عليه

لكن .. ماتمدين له يدك في السلام .. او يسألك ماتجاوبين .. شوي قوية!!

صدقيني بتكون بداية سيئه لحياتك ... ويمكن هو ماخذ فكرة شينة عن الزواج وبحركاتك هذي راح تأكدين له هالشئ

لا تحطين ببالك انه راح يفسر تصرفاتك تفسير صحيح مثل ماتبغين
.............

سجليني معارضة .... افضل تكونين بين وبين .. لاتوضحين له انك مشتااااااقه له وميته فيه وهو مهملك كل هالسنين وطبعاا بدون هالافكار الانتقاميه منك ........

الله يهدي سركم وينور قلوبكم

هلا فيك عروسه جديده والله ردودك انتي وسحايب أكثر شي شجعني أسجل في المنتدى

يمكن ماعرفت أوصلها زين..انا قصدي مو اني ابين له اني اكرهه وماأطيق شوفته وجلسته بجنبي
لااااااااااااااااااااا تفسرونها كذا..انا قصدي يفهم من حركاتي اني عتبانه حيييييييييل عليه ويحس فيني

ياربييييييه مدري حاسه بأطنان كبيره قهر منه وحاسه بس أشوفه أفجرها فيه
انتوا تقولون هالكلام لأنكم ماتدرون وش الاحساس اللي أعيشه<<ميته قهررر منه

طيب ليه تبوني أتعامل معاه بطيب وهو ماقدرني من قبل ولاقدر مشاعري؟؟؟؟؟؟؟؟؟؟

ودي اسولف معاه واضحك وابين له حبي ولا اني أمد يدي له..مدري ليه

يعني قصدك اكون عاديه ماأبين له حبي ولاكرهي<<<شكلي بسويها
مشكوره يالغاليه والله لايحرمني من طلتك..

[!]...Arrogant...[!] · 16-05-2008, 15:37

اقتباس:

المشاركة الأصلية كتبت بواسطة متفائلة جداً

احب اسئلك في البداية كم عمرك ؟
وهو الي خطبك له أو أمه؟

أنا اصغر من خطيبي بسنه وحده
ومدري شلون خطبني<<< خخخ حلوووه
قصدي بالخطبه التقليديه سمع عني واعجبته وجاء خطبني
وهو متمسك فيني لكن مايبي يتزوج الحين..

[!]...Arrogant...[!] · 16-05-2008, 15:46

اقتباس:

المشاركة الأصلية كتبت بواسطة مردوفيتش

لا ياعزيزتي اسلوبك غلط

يعني هذه أول ليلة لكم وتسوين كذيه.. مشكلة

وسالفة إنك تقعدين سنتين ولا ثلاث مخطوبة شئ طبيعي وانتي عارفه كيف الظروف هالحين صارت صعبة

وعشان الولد يسوي الملكة لازم يوفر المهر والذهب والهدايا للبنت ولأهلها

يعني والله ماعرفنالكم يالبنات إن تزوجنا بدري بتقولون وين المهر والهدايا والحفلة الزينة يعني بالله من وين أوفر الأشياء هذه

على الأقل يبيلي أشتغل أقل شئ ثلاث سنوات عشان أوفر الأشياء (في حال الراتب كان أكثر من 7000)

وإن أخرنا الزواج قلتوا الولد مطنش... طيب تكفلي باالملكة وصدقيني ماراح يقول شئ

لأنك رجال أكيد بتدافع عنه<<<مخربتها البنت

احنا عاداتنا الحمد لله مافيه هدايا للأهل أو ذهب أبدا
حتى حفله الملكه عاااديه جدا وابوي رفض نعزم حتى أقاربنا..

بعدين هو حالته الاجتماعيه زينه وسيارته شبح ومبسوط لكن يبي

يتونس بكشتات الشباب واستراحاتهم ومتى مامل جاء وقال خلاص أبي اتزوج

طيب مو حرااام البنت اللي تحكمها عاطفتها تنتظره سنين بدون مايحس في مشاعرها

صدقوني مشاعري صارت باااادره ناحيته لأن الشوق له انتهى ومع هذا كله تبوني أعبره واعطيه وجه بقووه

متفائلة جداً · 16-05-2008, 16:03

هذا معنها انه يحبك وخطبك بدري علشان ماتروحين علية وصدقيني مليون في المية انه يفكر فيك وهذ السالفة صايرة مع صديقتي خاطبها ولد خالتها من ثلاث سنوات وفي الصيف ملكتها وهو ميت عليها لكن الظروف ما سمحت له انه يتزوج بدري
يمكن خطيبك عنده ظروف وانتي ماتدرين عنها لو الموضوع مو هامه اجل ليش يخطبك بدري ومتمسك فيك
(وعلى فكرة انتي بتعرفين شعورة تجاهك بعد الملكة ) واذا تبين ايش شيى ثاني انا في الخدمة

[!]...Arrogant...[!] · 16-05-2008, 16:04

اقتباس:

المشاركة الأصلية كتبت بواسطة ســحايب

اولا ...كنتي مخطوبه له مدة سنتين ...هالمده هل كانت باتفاق مع اهلك ..!!!

ثانيا ..فترة الخطوبه .... كيف تبينه يتواصل معك !!!

المفترض المكالمات والزيارات تكون بعد الملكه .....

ثالثا ...الحركات اللي ودك تعملينها مع خطيبك ..
تتوقعين ماراح ترسخ في ذهنه فكرة الغرور النابع من الفرق او المستوى المادي ...!!

رابعا من وجهة نظري وانا متأكده ان الكثير مأيدني ..
حركاتك راح تلقين لها نتائج سلبيه اكثر

خامسا ...الحل ارى انك تكوني على طبيعتك يوم الحفله ...
ومايمنع من حركات الغنج والميلان اللي ذكرتيها

بعد الملكه .... اذا استمر بنفس الاسلوب اللي صورتيه لنا ....
ساعتها بامكانك تستخدمين معه طرق تخليه يحس على دمه ويحس فيكــ

لكن الان ...
ابدأيها بالطيب وشيلي هالافكار اللي اتوقع انها ماتنبع من عقليه وحده بعمر مثل ماقلتي كبير وتعتبرين متأخره بالزواج ...
وارجو المعذره واتمنى كلامي مازعلك

هلافيك سحايب ردودك شدتني أسجل في المنتدى واطرح مشاكلي فيه

الله يوفقك ويسعدك ويخليك يارب

أولا: ايه اهلي في البدايه كانوا متمسكين فيه أكثر مني

ثانياً: ماقلت ابيه يتواصل معاي انا قصدي من أول ماخطبني ليه مايملك ويتزوج حاله حال الناس
خاصه اننا نعرف ظروفه وحالته الماديه وكل شي تمام,,والظروف اللي انا فيها الحين ماتصير
الا لوحده لسى بتكمل دراستها أو هو يكمل دراسته او ينتظر وظيفه..
يعني أسباب معقوله..مو مثل حالتي

ثالثاً: لا ابدا مستحيل لأنه يعرف اخلاقي زين واهله يعرفوني زين
مستحيل اكون مغروره أو متكبره..راح يفسرها على اني زعلانه أو عتبانه عليه..

رابعاً: ليه راح القى نتايج سلبيه..مااعتقد لأني بعد الملكه بلطف الجو شوي شوي
بس ابيه يوم الملكه يحس باحساس غريب ماينساه لأنه ماحس فيني كل الفترة اللي طافت..

خامساً: مقهوره انا ماابي اكون طبيعيه ماتدرون عن مشاعري اللي عانيت عشانها كثير
وهو مو حاس فيني..
وأكيد بعد الملكه بيعطيني وجه وبيقدرني ووقتها راح أحس بحبه لي وما أقدر ازعله أو أتثاقل عليه
لأني أحبه وميته عليه وهو بعيد اجل لو اسمع صوته وأشوفه أكيد بكون ذايبه ووقتها ماراح يكون لي
فرصه الانتقام..

يمكن انتوا تستغربون من طريقه تفكيري لكن ربي يشهد من القهر والعذاب اللي عشته بسببه
حاسه ماراح ارتاح الا لمن انتقم وارد اعتباري

بالعكس سحايب كلامك يعجبني وطريقه تفكيرك بس أبيكم توصلون معي لحلول ترضيني
وماتكون في صالح خطيبي بالدرجه الأولى..

(( طيف الحب )) · 16-05-2008, 16:20

اختي اذا انتي تدريييييين ان الخطبه راح تطول من البدايه فلييييييييييييه انتي زعلانه؟؟؟؟
حتى لو ظروفه حلوه وحالته الماديه زينه يمكن في شي انتي ما تعرفيه ؟؟؟ ويمكن يسأل عنك خوااااته واهله ؟؟؟؟
عموما اتمنى ان مشاااااااعره بعد الملكه غير واتمنى لك التوفيق

ksa_10 · 16-05-2008, 16:51

اقتباس:

يوم الملكه اكيد بيجي يشوفني ويسلم علي بعد العقد
فكرت اذا مد يده ما أمد أنا يدي..واتوقع هذي مردودها كبير عليه
وبيفكر لحظتها اني استحي امد يدي له(خجلانه يعني)
***
بعد مانجلس احاول بقدر الامكان تكون نظراتي وحركاتي فيها غرور
واحسسه كأن مافيه احد جالس جنبي وماارد على اسألته إلا بابتسامه مغصوبه
ونظره بعيون ناعسه
وأطنش كثير من أسألته كأني مو سامعه شي..
***
زيادة على انوثتي بسوي حركات غنج ودلال ودلع بميلان جسمي
أو حركات ايديني وعيوني..أبيه تيعذب من جوا
***
أحاول اخلي تفاعلي مع الناس اللي جالسين معانا أكثر من تفاعلي معاه
سواء بكلامي معهم أوضحكاتي وهو يلاحظ هالشي..

وحده من الثنتين يا تتركينه وتفكين الخطبة نهائي

يا تفتحين صفحه جديدة كانه توه خاطبك

هذا علشان مصلحتك

ممكن تقولين له اذا تكلمتوا انك عتبانه عليه وبس

мŁạќ · 16-05-2008, 17:41

نصيحتي لج إنج ماتسوين هالحركه
ولو انا كنت فمكانج ماكنت راح اخذه اصلن لاني بنت ومو راده عليه ولا ميته عليه وبداله 100 واحد واحسن بعد

الخطبه اللي يحجزج فيها المفروض تكون اسبوع اسبوعين قولي شهر قولي شهرين بس مو سنه وجان زين سنه بعد سنتين قويه
بس الطريقه اللي بتردين فيها اعتبارج غلط بغلط
لان اهو الحين بعينج غلطان
وانتي راح تصيرين بهالحركه بعينه غلطانه
وماراح تصيرون بالصوره
لازم كل واحد يصارح الثاني و مو من الحين تشيلين بقلبج و يشيل بقلبه
لازم تحلون هالمشكله
لانها مو عاديه
فـ أحسن تواجهينه
لو انتي صج تحبينه ولي هالدرجه شاريته
مع اني افضل انج تتركينه بس يمكن انتي تشوفينه زين ويصلحلج وعارفه خيره لكن انا ماعرفت الا شره
فماقدر احكم عالامور مثلج
يعني يا توقفين الموضوع عند حده وابوج وامج واهله يتدخلون بالسالفه وتعرفين مبرراته
او انج تتركينه
لان هالوضع حده مو زين كبداية زواج
هذي وجهة نظري
والباقي عليج

تحياتيـ................!

yours,
мŁạќ

رحمة ونور · 16-05-2008, 18:00

السلام عليكم ورحمة الله وبركاتة
اختى الكريمة لا تعكرى صفو هذة الليلة الجميلة افرحى واتبسطى وكلمى خطيبك بكل ذوق عرفية انك احسن منة خلية خجلان من معاملتك الحلوة وخلية يندم على كل لحظة بعدها عنك
وخلية يقول ليش كنت غفلان عن هذا الجمال والادب والرقة خلية يتمسك بيكى
لاكن مش تقولى اكلمة وحش وما اسلم وما ارد كدة يعاند معاكى ومش هتبدىء حياة جميلة كلها حب لا انتى هتبدئى حرب وكبيرة
فكرى كويس هى هذا الكلام وبعدين قررى
عايزة حياتك حب ام حرب

زعيم المحللين · 16-05-2008, 18:15

انا من راي الاخت سحايب ......

وممكن بعد الملكه تصلحي الي تبين وتتغلين عليه اذا بغيتي ....

وبعدين فكري في نفسك .... الليله هذي ما يبيلك تفكري بانتقام او لفت انتباه ...

بقدر ما عليكي تستانسي وتفرحي .... انتي اولا ...

وبعدين ..... عندك فترة الملكه تغلي عليه وبيني له انه حتى انتي ممكن تصبرين عن الزواج ....

وعلى حسب شخصيته وفكره تتاخذي رايك ... وردة فعلك .....

اا الحين تظلمين نفسك .... قبل ما تظلميه ....

دمــــــــــــــــتــــــــــــــــــم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ممكن لو سمحتوا تساعدوني(أول مشاركه لي)