عالم الحياة الزوجية - منتدى

عجايب الزمن · 17-05-2008, 11:11

أعطر وأرقى تحية لجميع من في المنتدى
حبيت أستشيركم بمشكلة عندي وآمل ألا تبخلوا على أخيكم بالنصح أنا ملكتي كانت قبل اسبوعين عندي مشكلة إني أحب زوجتي بشكل لا يوصف طبعاً زواجنا بالصيف راح يكون طبعاً قصة الخطبة تعتبر من الأشياء التي لا نسمع عنها الا في الخيال ولا يمكن لي كتابتها لأنها طويلة جداً وعجيبة
عموماً ما أبي أطول عليكم وباختصار أخوكم في الله عمري 30 سنة وبحياتي كلها ما قد حبيت وما قد شفت حريم الا بالتلفزيون وقريباتي ولا أدري ما هو الإحساس بالحب والعاطفة حتى وفقني الله ووجدت نصيبي وصراحة ما توقعت ان الحب يوجع القلب ياجماعة الخير والله العظيم الحب على قد ما هو حلو وجميل إلا انه عذاب وما أدري وشلون أبصبر إلى الصيف والله العظيم إن ودي أفتح صدري وأشيل زوجتي حبيبتي وأحطها في قلبي وأسكر عليها أخاف عليه من أهله لا أحد يغلط عليه أو يجيها شي عندهم أخاف عليه من الهواء أخاف عليه من نفسه ومن كل شي
-فيه ناس قالولي إثقل عليه فهل هذا صحيح وإلا لا مع إنها شرعاً زوجتي؟ولا أقدر أخفي مشاعري معه
-وهل شعوري هذا طبيعي والا لا وصراحة أخشى إن هذا يخوف البنت ؟لأني جلست معه بعد الملكة مرة وحدة وما امداني طلعت ربع اللي بقلبي إلا وناظرتني نظرات المتفاجئة وتقلب لونه مليون لون
-وكيف أتأكد بأنها تبادلني نفس الشعور وكيف أخليها تبادلني نفس الشعور؟طبعاً البنت جلست معه مرة وحدة بعد الملكة وأهديتها فيها طقم وساعة ألماس وعطورات وجوال مع شريحته وشكولاته وبوكيهات ورد وأكدت عليه تراسلني ولا أرسلت شي أخاف إني قصرت بشي ؟أتصل عليه أو أرسله
- ومحتار وش أهدي له بالصباحة؟
طبعاً أخوكم في الله ما يعرف أي شي بالرومانسية أو التعامل مع الجنس الآخر وكل ما ذكر من رأسي وما أدري كل اللي سويت صحيح والا لا ؟
وش أسوي إنصوحوني وادعولي الله يخليكم

мόόη Ļίģħт · 17-05-2008, 12:31

الله يتمم فرحتك على خيـــــــر يارب

اولا:: شعور جميل جدا ان يكون حبك بالحلال ولأول مره .. لانه خالي من الاحساس بالاثم و الخطأ فأهنيك عليه..

ثانيا::: أهم شي وخذها نصيحة مني .... اذا مو قادر على نفس العطاء دائما فـ خفف شوي الآن

حتى ماتنصدم زوجتك بعد الزواج بكم شهر .. بعد ماتتعود عليها وماتقدر تعطي بنفس الطريقة

حسسها بقيمتها وحبك كل هذا لمصلحتك لكن انتظر منها رد فعل على تصرفك ..

بحيث تبادلك هي ماتكون متلقية فقط ..

بالنسبة لهدية الصباحية ... ماشاء الله مو مخلي شي يوم الملكة .... ممكن عقد او مصحف مذهب او اي شي مااهديته لها للآن

ربي يوفقك اخوي ويسعدك ان شاء الله

عجايب الزمن · 17-05-2008, 12:41

ألف شكر على مرورك أختي عروس جديدة
المشكلة إني جالس أرسلها رسايل على الجوال وهي أشكل ما أدري هي مستحيه والا وش سالفته فكرت إني أتصل عليه واعاتبها بس قلت أصبر شوي وأستمر بالرسايل لعل وعسى تتشفق علينا لو برسالة فاضية بس أحس إنها معي

beeeeeent · 17-05-2008, 13:04

مبروك .. يا بختها فيك بس انشاءالله ما تتغير معها وتبقى عالطول مدلعها وتحبها ..

بس معقول حبيتها من دون تكلمها ..

طبيعي أنه ما ترد عليك برسالة او تتصل لانها اكيد مستحية او خايفة تقول عليها خفيفة عالطول ردت لا

لاتزعل حالك لسا ما يمديك تحكم عليها من دحين انتظر لمن تتعود عليك شوي ..

بالنسية للهدية ممكن تجيب ملابس من نعومى على ذوقك نفسك انت تشوفها عليها ..

عجايب الزمن · 17-05-2008, 13:21

اقتباس:

المشاركة الأصلية كتبت بواسطة beeeeeent

مبروك .. يا بختها فيك بس انشاءالله ما تتغير معها وتبقى عالطول مدلعها وتحبها ..
بس معقول حبيتها من دون تكلمها ..
طبيعي أنه ما ترد عليك برسالة او تتصل لانها اكيد مستحية او خايفة تقول عليها خفيفة عالطول ردت لا
لاتزعل حالك لسا ما يمديك تحكم عليها من دحين انتظر لمن تتعود عليك شوي ..
بالنسية للهدية ممكن تجيب ملابس من نعومى على ذوقك نفسك انت تشوفها عليها ..

ألف شكر على مرورك أختي بنت
بالنسبة هل معقول أم لا أني حبيتها من دون ما أكلمها معقول جداً وما خفي أعظم

أقسم بالله العظيم حبيتها قبل لا أعرف إسمها أو أشوفها أو أكلمها وما أعرف إلا اسم العائلة فقط وما عرفت اسمها إلا قبل الشوفة بيوم واحد بس ولكن رب العالمين زرع محبتي لها قبل ذلك بثمانية أشهر كانت هي كل أفكاري وكما قلت في رسالتي بأن الخطبة كانت أغرب من الخيال ولكن رب العالمين قادر على كل شيء سبحانه

وأخشى إن عرفت حبي المجنون لها أن تستغله في أشياء لا أرضاها لأني حتى الآن لا أعرف طبيعتها

ادعو لي

beeeeeent · 17-05-2008, 13:34

عشان انت لسا ما كلمتها وما تعرف ايش طبيعتها صعب تعرف كيف تتعامل معها .
بس أكيد مو عالطول من أول ما تكلمها تقول لها عن حبك المجنون بيها انتظر فترة لمن تبدأ تتكلم معاك ما تستحى منك .. هيا زوجتك وانت زوجها مافي استغلال بالزواج هيا كلها لك وانت كلك لها..
الله يسعدكم ويخليكم لبعض.. انشاءالله عالطول تدوم المحبة بينك وبينها ..

عجايب الزمن · 17-05-2008, 13:38

طيب وش رايكم أسوي نفسي مريض

والا أسافر يوم يومين سفرة عمل أشوف يمكن تعطف علي شوي وترسلي الحمد لله على السلامة والا سلامتك
طبعاً ما الظاهر إنها تقولي الحمد لله على سلامتك يا عمري والا ياقلبي بدري علي أسمعها

beeeeeent · 17-05-2008, 13:50

انت مملك عليها يعنى ممكن تتصل عليها وتكلمها وتسلم عليها وتشوف ايش ردت فعلها اذا ما ردت عليك اتصل على عمتك أو عمك وسلم عليهم واطلب منهم تكلم عروستك عشان تسلم عليها ..
لانه ما له داعي تقول مريض أو مسافر ويجي يوم من الايام تكتشف انك كذبت عليها ..

عجايب الزمن · 17-05-2008, 13:59

إيييييييييييييييييه ملكت عليه من أقل من اسبوعين بس ما كلمتها إلى الآن بالجوال وزرتها مرة وحدة بعد الملكة مباشرة لكن كل الأيام اللي راحت كانت رسائل جوال بس وأرسلها أدعية وبعض الكلام اللي فيه شوي شاعرية وما أدري أتصل عليها وإلا لأ أو أنتظر لين ترد على رسايلي وأحياناً أفكر إني أتصل وأقولها جهزي الشاهي أبزوركم اليوم والله ما أدري وش أسوي نبي وجهة نظركم كبنات لو إنكم مكانها وش المطلوب منا علشان نسويه وتعطوننا وجه؟؟؟؟؟؟؟؟

عجايب الزمن · 17-05-2008, 14:06

اقتباس:

المشاركة الأصلية كتبت بواسطة beeeeeent

انت مملك عليها يعنى ممكن تتصل عليها وتكلمها وتسلم عليها وتشوف ايش ردت فعلها اذا ما ردت عليك اتصل على عمتك أو عمك وسلم عليهم واطلب منهم تكلم عروستك عشان تسلم عليها ..
لانه ما له داعي تقول مريض أو مسافر ويجي يوم من الايام تكتشف انك كذبت عليها ..

كذبة بيضة

عجايب الزمن · 17-05-2008, 15:31

ودي أتصل عليه وش رايكم؟ وأضيف شوي عتاب حلو للمكالمة

عاشقي · 17-05-2008, 15:47

اول شي الف مبروك و إن شالله يتمم على خير و أنت مملك عليها إتصل عليها وكلمها بس خل العتاب خفيف عليها و بادرها بمشاعرك و الله يوفقك

عجايب الزمن · 17-05-2008, 15:59

الظاهر ما في هالمنتدى الا حين الأثنين جالسين نرد على مواضيع بعض هاها

عاشقي · 17-05-2008, 16:09

شو راح نعمل يعني شكلي راح أطنش إذا دق علي و أنت ألحين أمسك جوالك ودق عليها

عجايب الزمن · 17-05-2008, 16:17

اختي حسب ماسمعنا إن البنات كلها أحاسيس وعواطف لكن كيف نحركها

شكلي أبرسلها رسالة وأقولها إني تزحلقت بالحمام وانا أتوضى وتعورت شوي بس يعني كذبة بيضة ممكن تحرك مشاعرها وترسلي بسم عليك عسى ما تعورت وكذا ممكن تظبط وش رأيك تتوقعين تنفع معها

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

أخاف عليها