عالم الحياة الزوجية - منتدى

رفعه البدويه · 22-05-2008, 00:41

السلام عليكم جميعااا

اول شي وش اخباركم

ودي بحلولكم لهالموضوع لان اللي سالتني عن الحل انا نفسي ماعرفت وش اجاوبها ف ابي حلولكم تكفون

اللي اعرفها تحب واحد وووووو المهم المشكله باختصار ان عندهم مشكله بزواجهم لا ن امه معارضه وشاكه ان الولد يعرفها وان بينهم علاقه طبعا هي ماتقربله ابد وامه تقوله انتظرلك سنتين زياده لسى بدري على زواجك وهي المشكله ماقدرت توافق على غيره وماتبي الا هو وصعبه انها تنتظر سنتين وبالاخير يا امه توافق عليها او لا ف الكلام باختصار
وش الحل بانهم يقنعون الام حتى الولد نفسه تعب مع امه وعذرها ماتتزوج الا قبل اخوك الكبير او توك على الزواج وهو عمدره حول ال 28 يعني رجال بس ماقدروا يقنعونها

ف بليز عطونا حلولكم ترا والله البنت ضعيفه حالتها زفت وهي تشوف كل صديقاتها تزوجوا وجاهم عيال الا هي وكله علشان اللي تحبه

ف نبي فزعتكم

حساس بطبعي · 22-05-2008, 02:37

اختي السلام عليكم تبين رايي بصراحه ومن دون زعل اعتقد انه تشيل الموضوع من راسها لان حتي لو لام وافقت وتزوجو تبي تعيش في جحيم لان الام ما راح تنسى انه وافقت عليها تحت الضغوط وراح تبهذلها وتجننها هذا راي ويمكن يكون خطاء واتمنا لها ولك التوفيق

[ شوق ] · 22-05-2008, 05:20

أختي رفعه البدويه

كيف صديقتك اتأكدت من صدق كلآمه ؟

يمكن يحآول يتهرب منهآ ؟ أو يجيب حجة للموضوع ؟

العلآقة من البدآية غلط في غلط ...

هذا مو حب ..

هذا وهم ...

::

ولو كآن فعلا كلآمه صحيح ...

أنا أنصحها تبعد عنه وتتركه ..لآنها بتصير معلقه سنتين لاخطبة ولاحس ولآخبر !!!!

ان شاء الله ربي يعوضهآ بإللي أحسن منه

رفعه البدويه · 22-05-2008, 05:28

حساس بطبعي وشوق والله انكم شقرديه واشكركم على مروركم

وشوق انا مااقولك مافكرت تتركه بس ماقدرت هي تحبه من قلب وهو اول شخص تحبه ف صعبه انها تتركه واذا على طاري يمكن يلعب عليها بداية مافتح الموضوع مع امه كانت تسمع كل اللي صار معهم وهو الى الان يحاول معها بس امه معنده

ومشكوررين

(عروس الجبل ) · 22-05-2008, 05:48

أميل لرأي الأخت الفاضلة شوق 00

الرجل لا حط شي براسه 00 و الله انه غير يسويه 00

لو الدنيا تاقف على رجل وحدة 00

أقول 000 خلها تترك عنها العلوم 00

و ربي بيعوضها 00

انا هي انا · 22-05-2008, 06:08

مو حلوووووووووووه تدخل على واحد امه بالاساس رافضتها

تدرين خليها تستخير كثير عشان لو خير لها صدقيني يا امه ان توافق على طوووووووووول وان تعكنن الموضوع مابتكون خسرت شي

وعلى فكره قوليلها لاتربط نفسها سنتين عشان حب والله ماتدري بعد سنتين ممكن يغير رايه ويطير الحب

لكن لو يحبها صح صدقيني بيقنعها بالقوه لكن الظاهر انه مو مصر بقوه

لكن الله يوفقها ويكتب اللي فيه الخير لها

وبشرينا

رفعه البدويه · 22-05-2008, 07:24

عروس الجبل وانا هي لبى قلوبكم والله لايحرمني منكم ولا من ردودكم وشكراااا على مروركم

انا قد قلتلها ان الرجال اذا بغى شي سواه بس الولد ابوه متوفي وتقريبا هو المسئول مع اخوه على امه واخواته ومن ضمن كلام امه انك كيف تفكر بنفسك واخواتك لسى ماتزوجوا ومن هالحكي واذا على طاري يغصب امه

امه حرمه كبيره ولو يغصبها يمكن يجيها شي خبركم عجز هالايام قاموا يتدلعون لو تقوليلهم لا سوولك مناحه
وامه شوي دعله ماتحب احد يعاندها وشكلها من النوع اللي مايلين ابد

بس جد مشكوره على مروركم ويخليكم لي ذخر

merciful · 22-05-2008, 07:42

يااخي ايش امه وامه الرجل اذا حب بنت على خلق واثق منها يشاور اقاربه عمامه عماته اذا الاقلب قالو اوك بس امه رايها معارض يصر ويطلب احد كبير يكلمها انه ماعاد صغير يريد الزواج والبنت ماعليها عيب وكلنا موافقين وياكد على الام خلي ابنك يتزوج باختياره اسعد له وزواجه يكون اول الافراح وربي يرزق بناتك بعرسان وهذي صايره كثير زواج واحد يفتح الباب لايضحي بحياته عشان جهل امه وابدا لن يكن عاق لانه يحصن فرجه وهذا لايكن الا بمن يحب وربي امر باحصان النفس

رفعه البدويه · 22-05-2008, 08:23

مشكور اخوي على كلامك الرائع وعلى مرورك والله لايحرمنا منك

فوفو27 · 22-05-2008, 08:36

اذا شاري البنت بحاول مره ومرتين والف لين توافق وبعدين اهو عمره 28 يعني عمره منساب جدا للزواج بس اذا كان يتهرب منه ويتعذر بامه هذا شي ثاني اهي ختجرب اتقوله اذا ما اقنعت اهلك خنترك بعض عشان لا بعدين نتعب (بس جذي طبعا) وتحاول انه ما ادق عليه بعده وبعد فتره ان ما دق وكشت يعني الريال كان الف ويدور بس اذا اصر عليه يعني شاريه وختصبر بس صراحه سنتين وااااااااااااااايد ليش عاد عالاقل بس ملجه وبعده يصير خير والله يكتب اللي في الخير له وله

soub · 22-05-2008, 09:28

تحياتي
يا جماعة في نقطة هامة جدا ما لازم تنسوها
وهي انه في ديننا الحنيف ما يصير يتزوج بنت ويغضب امه
يعني رضا والدته اهمه من زواجه ممن يحب
ولكن ايش الحل
ارى ان الحل سهر وميسر
وهو ان يتقرب ويتحبب لامه بقدر الامكان ويكسب رضاها وموافقتها بكل حب ومودة وحنيه
وترى الام بتظل ام يعني اكيد راح توافق على زواجه طالما انها عارفة انه يحبها وما راح يتزوج غيرها لكن المهم الاسلوب يكون طيب
وما اؤيد اللي قالوا ويش امه واذا يريد يقدر يعمل اللي يبيه هذا كلام غير صحيح يعني ينال غضب امه وبالتالي غضب رب العالمين بمقابل انه يتزوج من اللي يحبها
كمان في حل مساند للحل السابق
وهي اذا كان والده او اخواته الكبار او خالاته او اي انسان يمون على امه ويقدر يأثر عليها يخليه يتوسط بالموضوع
وحل مساند اخر طالما انه الحجة زواج اخوه الاكبر قبل ما توافق امه على زواجه
خليه يكلم اخوه الاكبر بحيث يقدر اخوه بنفسه يطلب من امه توافق على زواجه ويخبر امه انه ما عنده مانع اخوه الاصغر يتزوج قبل منه وطبعا هالشيء بيرجع لعلاقته باخوه
وما انسى نقطة هامة ذكرها البعض وهي انها البنت تكون متاكده من حبه وغرضة الشريف بالزواج ولكن بما انه كان صادق وصار كلام بموضوع الزواج مع اهله اكيد ما في مشكلة بهالناحية
تقبلوا تحياتي
ولا تنسوا اني احترم جميع الاراء والردود
صعب المنال

بنت عاديه · 22-05-2008, 13:44

وعسى ان تكرهو شئ وهو خير لكم
ما لها غير الاستخاره وتدعي وتكون متأكده كل واحد ما بياخد غير نصيبه ولو هو من نصيبها راح يصيبها ولو بعد حين
ولا تعلق نفسها في اوهام الحب لانه الواقع غير وحتى ولو وافقة امه فمن يضمن انها راح تعيش سعيده معاه ؟

رفعه البدويه · 23-05-2008, 03:54

merciful ,,وفوفو ,,بنت عاديه اشكر لكم على مروركم وعلى ردودكم واللله لايحرمني منكم

رفعه البدويه · 23-05-2008, 03:58

soub اخوي الف شكر على ردك وعلى كلامك الرائع من جد الله يعينها على امه هي راسها يابس ولو دخل احد بتعند زياده

بس الله يكتبلها ويكتبلكم اللي فيه الخير

*سحر الشرق* · 24-05-2008, 01:29

.
الأم كيف شكت انها تعرفه ولو كذا شكها خلاص يقول هذه بنت الفلان ...اخوها صديقي او ناس ذاكرينها
ويلزم على امه الرجال كلمته تمشي بهالامور
وان شالله تقتنع الام وتسهل امورهم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تكفون ابي الحل وفزعتكم