عالم الحياة الزوجية - منتدى

أم اليــتيم · 27-05-2008, 04:25

بسم الله الرحمن الرحيم
بقولكم قصتي وأشوووف رأيكم ... تزوجت وعمري 18 سنه عشت مع زوجي 4 شهوووور فقط وتوفي في حـــادث الله يرحمه ويغفرله ويوسع منازله المهم أني حامل والحمد الله ولدت وجبت ولد يهبل ماشاء الله والحمد لله أولا وأخيرا على كل حـــال الآن عمري 20 سنه ويخطبووووني رجال أعمارهم على 40 سنه طيب أنا توني صغيره والحمد لله أني جميله جدااا بشهادة الجميع ويقولون الخطاب معاكي ولد طيب وين أودي ولدي فقد الأب وبخليه يفقد الأم والله حرام وولدي ماشاء الله موقاصره أي شي يجيه راتب أبوه مكفيه وزياد يعني ماراح يصرف ولا ريال عليه ...
والله أني أول مره اشارك وبعد توني مسجله هاذي أول مشاركه لي وابيكم تساعدوني ... وجزاكم الله ألف خير ...
أسال الله العظيم رب العرش العظيم أن يرزقني وبنات المسلمين زوجا صالحا تقيا جميلا وغنيا يااااااارب العلمين ويحقق اللي في بالي عاجلا غير آجـــلا ...
حسبي الله لااله إلا هو عليه توكلت وهو رب العرش العظيم

الحـ ـ ـلم القريب · 27-05-2008, 05:09

الله يفرج همك ويرزقك من حيث لاتحتسبين ..

الحمدلله أن الأرزاق من عند رب العالمين ..

عليك بالدعاء .. الدعاء .. الدعاء .. والصدقه والإستغفار ..

ألجأي لله .. فوضي أمرك إليه .. وماراح تخيبين ..

سيخلف عليك بزوج فوق ماتريدين .. بإذنه تعالى ..

مهما كان كلام الناس قاسي .. خلي ثقتك في الله أكبر من كل شي ..

إذا تقدم لك أي شخص لاتردينه بسرعه ..

بغض النظر عن العمر .. أهم شي يكون في مرحلة الشباب ..وفيه تقارب بينك وبينه ..

أسألي عن دينه .. أخلاقه .. استقراره الوظيفي .. تعامله مع الناس ..

إذا كلها تمام ..وحسيتي بينك وبينه تناسب فكري وتكافؤ اجتماعي ..

وارتحتي له .. ففكري في الأمر ..

واستشيري واستخيري .. ماتدرين وين الخير لك فيه .. يمكن سعادتك معه ..

بالتوفيق دائما" ..

×شموخي تعداك× · 27-05-2008, 06:17

اول شي حياك الرحمن بيننا عضوة اتمنى تستفيدين كثير معانا ونستفيد حنا بعد منك
اسمعي من ناحيه انك تاخذين رجال كبير الرجال مو بعمره وبعدين اربعين مو كبير بالنسبه للرجل اهم شي اسالي عنه وعن اخلاقه ولابد انه يكون متقبل ولدك معاك لانه اكيد ماراح تتنازلين عنه هو يتيم بعدين اربعين يعني ناضج تقريباا
انتبهي لنفسك واسالي عن الرجل الي يتقدم لك زين زين ياحبيبتي ..

ADEL10 · 27-05-2008, 09:01

الله يكون في عونك وتر الرجال مو كلهم مثل بعض

ولاكان ان شاء الله تشوفي الي يناسبك

من وين

زعيم المحللين · 27-05-2008, 09:24

اقتباس:

المشاركة الأصلية كتبت بواسطة دموع الورد

الله يفرج همك ويرزقك من حيث لاتحتسبين ..
الحمدلله أن الأرزاق من عند رب العالمين ..
عليك بالدعاء .. الدعاء .. الدعاء .. والصدقه والإستغفار ..
ألجأي لله .. فوضي أمرك إليه .. وماراح تخيبين ..
سيخلف عليك بزوج فوق ماتريدين .. بإذنه تعالى ..
مهما كان كلام الناس قاسي .. خلي ثقتك في الله أكبر من كل شي ..
إذا تقدم لك أي شخص لاتردينه بسرعه ..
بغض النظر عن العمر .. أهم شي يكون في مرحلة الشباب ..وفيه تقارب بينك وبينه ..
أسألي عن دينه .. أخلاقه .. استقراره الوظيفي .. تعامله مع الناس ..
إذا كلها تمام ..وحسيتي بينك وبينه تناسب فكري وتكافؤ اجتماعي ..
وارتحتي له .. ففكري في الأمر ..
واستشيري واستخيري .. ماتدرين وين الخير لك فيه .. يمكن سعادتك معه ..
بالتوفيق دائما" ..

راي الاخت الفاضلة ....سديد ...

وعليكي بالاستخارة ...في كل امورك ....

دمـــــــتـــــــــــم

"مليت" · 27-05-2008, 09:56

والله شي يضيق الخلق
الله يعينك اختي ويوفقك ويرزقك بان الحلال ..

م-سيف · 27-05-2008, 12:35

الله يعينك ويوفقك

ويرزقك الزوج الصالح

أم اليــتيم · 27-05-2008, 13:34

جـــــــــــزاكم الله الجنه ...

على ردودكم الطيبه ...

^/^فــــايق^/^ · 27-05-2008, 13:35

الله يرحم ميتك وموتى المسلمين اجمعين
ويخلي لك ولدك ويصلحه وسواء كان الرجل المتقدم لك كبير أو صغير في السن
أهم شي دينه واخلاقه ثم
لا يكون الفارق كبير جداً وفي اعتقادي عشر سنوات فارق كحد اقصى
هذا إن كان هناك تقارب فكري
____
ابنك فلا تتخلي عنه أبددددداً

*سحر الشرق* · 27-05-2008, 14:03

بالنسبة لولدك فاشرطيه معك ويتبين لك مدى تقبل الزوج..
او تتركيه عند امك واذا صعبة يكون شرط بالعقد ان ولدك معاك
وانت بعدك صغيرة وان شالله الفرص امامك
وربي يرزقك بالزوج الصالح

ابوبندر10 · 27-05-2008, 14:11

أول أن هذا الولد يتيم ويابخت من يربيه وياخذه كولد له لأن لاتكون مشاكل مع ابو زوجك الأول وولدك معاك شرعا والى مايبغى ياخذ الولد لاتأخذيه والله أنها فرصة أن يربى يتيم فى بيته ويكرمه ويكون رفيق المصطفى صلى الله عليه وسلم فى الجنة

أم اليــتيم · 27-05-2008, 16:07

طيب الله يعافيكم سااااعدوني هل يحق لأهل زوجي أخذ أبني لأني مررررره خايفه ...

وجزاكم الله خير على ردودكم الطيبه ...

أنا عادي عندي يكون بيني وبينه 10 سنوات او اقل لاكن 20 سنه صعبه ...

^/^فــــايق^/^ · 28-05-2008, 08:10

اقتباس:

المشاركة الأصلية كتبت بواسطة أم اليــتيم

طيب الله يعافيكم سااااعدوني هل يحق لأهل زوجي أخذ أبني لأني

لا أعلم الحكم شرعاً ولكن
جسي نبضهم بالحسنى وبعدها قرري ما ستفعلينه

محتااج حناان · 28-05-2008, 11:06

الله يعينك يارب .. ويخليك ابنك ويتربى بعزك يااارب

مسألة الزواج تتوقف على التوفيق من الله
الله يجيب لك اللي يسعدك يارب ويعوض صبرك

والي اعرف ان الأبن ممكن يروح لاهل الزوج في حال زواج الام .. هذا للمطلقة . اما الأرمله .. ماادري

ماني متأكد من المعلومه ...

شوفي ... اذا الرجال ما يغاكي الا لوحدك يعني ما بغى ابنك معاك خليه يولي ..
ابنك اهم من الدنيا ومافيها ... بيغنيكي عن كل الرجال .. بس ادعي له بالصلاح ..

وان حصلتي واحد طيب يقبل فيه ويربيه مثل عياله هذا احسن واحسن ..

دعواتي لك بالتوفيق ..

احاول اسأل . وارد لك ان شاء الله ..

الله يعينك يارب ..

حمودي aroojah · 28-05-2008, 11:35

الله يعينك ويرزقك الزوج الصالح ونصيحه مني لك اذاكان الزوج اللي متقدم لك مايبي ولدك لاتوافقين لو تطبق السماء
ع الارض وانا جربت الشي وانا رجال بس مع زوجتي الثانيه لاني وافقة ان ولدي يسكن عند امه وهي متزوجه وتندمة عدد شعر راسي وسامحيني ع التكثير بس المهم لاااااااااااااااااااااا ومليون لااااااااااااااااااااااا انك توافقين الا اذا كان بيرضى عالولد..وشكرا وتقبلي تحياتي .

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

أرمـــله وصغيره ... جزى الله خيرا من يدخل ...