عالم الحياة الزوجية - منتدى

باقة مشاعر · 30-05-2008, 16:12

السلام عليكم
من كثر ما انا مضايقة و متعذبه ابي اطرح مشكلتي عليكم
انا احب شاب اكبر مني بسبع سنوات (وهو حبي الاول )تعرفت عليه من النت و اكلمه تلفون و ماتعدينه الحدود الحمدالله و ماقط طلب مني اطلع معاه
لانه يبغاني زوجته وصار لي معاه تقريبا سنه و كم شهر احبه و اموت فيه و هو بعد يحبني و يموت فيني
متفاهمين نقدر بعض و نحترم بعض و صريحين حيل و الحمدالله ماتصير من بينه الا خلافات بسيطه حيل و
انحلها في نفس الوقت و مايتركني زعلانه و مايترك ولافرض و يصوم وطموح ويدرس و يثابر ويبي يوصل اعلى
المراتب ويشجعني على مواصلة الدراسة و ماعنده اي مانع نرتبط و ادرس و صراحة اخلاقة عاليةو طيب وماعليه كلام قبل مانكمل سنة فاتحني بالزواج و تقدم لي مرتين و
الوالد الله يحفظة رفض و انا تعبانه حيل من هذا الموضوع لانه رفض و قال لي اشياء مااعتبرها اسباب مقنعه
لرفض ارفضه عشان انه من النت و ابغيج تكملين دراستج الجامعية و بعدين تفكرين بزواج و بعدين قال لانه اسمر و
بعدين قال اذا هله يحبونه وااايد يعني راح تتعبين معاه و ماديته ماراح يقدر يعشج عشة سنعه معنه انا
اشوف ان حالته متوسطة عادية الحمدالله وبعدين قال انا ماابي احفادي يطلعون سمر و بعدين انه شكلا
مقبول لكن تبون الصراحة انا اشوفه الاحلى الاخلاق و الذوق العالي و الطيبه مخليته بعيني مافي احسن
منه و انا ابغي رجال ما ابغي شكل و انا مصره على رايي لان هلي اسألوا عنه ماسمعوا الا كل خير .
وانشاءالله بعد كم شهر راح يتقدم لي بس الي معذبني ان الوالد مايبيني اكلمه ابد و انه ما اقدر ولا هو
يقدر يعني قطعنه فتره و بعدين رجعنه نكلم بعض وهم مره ثانيه قطعنه لكن ردينه واااالله العظيم اني اتعذب
و المشكله ان الوالد قالي اذا تعانديني اعاندج و انا موقصدي اعناد والله العالم و بعدين قال لي اوكي انا
بوافق لكن من داخلي مني براضي و لما تصير لج اي مشكله لا تجين لي هذا اختيارج.
انا مضايقة حيل حيل و ماني عارفة ايش الحل و شريك حياتي مستقبا بأذن الله قالي ماراح ارفض اي طلب
يطلبه الوالد انا مستعد عشانج لكن شي بحدود المعقول يعني انه قادر يسويه مو شي مستحيل
وبعدين شريك حياتي مستقبلا بأذن الله مايبي نرتبط و الوالد ماهو راضي يبيه راضي علينه عشان نرتبط و
احنه مرتاحين البال مايبي الوالد مايرضه هم علي
انا بين نيران نار الوالد و نار حبيبي و نار اني ابي ارتبط بالحلال ماابي هذا الشي يستمر اكثر ضميري يعذبني

انا اتقطع من داخلي و مرات ما انام من كثر التفكير نفسيتي اتعبت
ساعدوني ابي حل لمشكلتي الله يجزيكم خير

هذه جنتي · 30-05-2008, 17:33

مدام اخلاقة عالية اكيد ابوك بيقنع فيه عاجلا ام اجلا

باقة مشاعر · 30-05-2008, 18:38

هذا ما اتمناه هذي جنتي الله يسمع منك ياربي

لكني ابغى حل

xx_azoaz_xx · 30-05-2008, 22:58

عليك بالدعاء
يمكن والدك يشوف شي انتي ماتشوفينه

هدوء العاصفة · 30-05-2008, 23:29

الله يصبرك

ادعولي ان الله يرزقني الزوج الصالح عاجلا غير اجل

باقة مشاعر · 31-05-2008, 14:05

××_azoaz _×× جزاك الله خير و اكيد مافي احسن من الدعاء

هدوء العاصفة انشاءالله الله يصبرني و يفرجها علي و الله يرزقج بالزوج الصالح الي يسعدج و يصونج ياربي

maryoom · 31-05-2008, 14:20

ماعليه عزيزتي صبري والصبر زين
وخلي أحد من أعمامج أو من أهلج يكلم أبوج يعني يقدر يأثر على أبوج عشان يقنعه أو أمج خليها تقنع أبوج أو تكلمه..

وإذا لج نصيب عزيزتي بتآخذينه

وعسى الله يكتبه لج يااااااارب وبعد شهر نسمع بزواجكم يااااااارب وبعدها نسمع بخبر حملج

وبالتوفيق عزيزتي

^/^فــــايق^/^ · 31-05-2008, 14:22

ربي يسهل امركـ
ولكن حاولي ان احد يقنع ابوك به
وإن شاء الله تتزوجينه وعن رضى من اهلك
ولكن بدون رضى أهلك
اللي حيصير انه وزيما قال ابوكـ (اي مشكلة لا تجين لنا تشكين)
ما انصحك
يعني اصبري واذا هو يحبك راح يصبر معاك لين ما ابوك ربي يهديه
وربي يوفقك

فتاة الدموع · 31-05-2008, 14:28

الله يكون بعونك برغم اني ضد الزواج عن طريق النت بس مدام انه ولد مايعيبه شي وشاريك ليه لا وسمعي كلام ابوك وبلاش تكلميه هالوقت حتى يصير الي تبقينه والله يوفقك وتعيشي معاه حتى تملي من كلامه

فـــارس الشرقية · 31-05-2008, 22:33

والدك طيب كثير اسمعي كلامه

إف جي · 31-05-2008, 23:06

حبيبتي استخيري الله افضل من المخلوق
وإذا كان فيه خير لك سوف تتزوجينه ولو طال الزمن وإذا انصرف عنك فهذا خير لك ايضا لانك استخرتي الله ووكلي امرك على الله ودائما ادعي وقولي الله يكتبلي إلي في خير لي

شجون الصمت · 01-06-2008, 00:31

عزيزتي ــــــــالحياه الزوجيه عظيمه لابد ان تكون عندش فكره بذلك أذا بدا الحياه بلمشاكل راح تنتهي بلفشل
الحب الغرام العشق الهيام الاحلام ماقدر استغنا عنه من حبي له اموت فيه كل هاذا ررررررررررررراح يكون مجرد سررررررراب
واحلام خيال من نسج الفراق بعد مرور سنه من زواجكم
اسأل مجرب ولا تسأل طبيب
على كل حال حبيبتي انصحك با الاستخاره وكرررري صلات الاستخاره عدة مرات واذا كان فيه خير راح تتيسر جميع الامور
حاولي تبعدين الشيطان عنك وحلي مشكلتش بلأستخاره تكسبين رضي ربش ثم والدينش ويحقق ربي حلمش يامن هو عالم بعباده
لكي تحياتي

قطز المماليك · 03-06-2008, 03:55

الله يكتبلك الخير

ALSANAM · 03-06-2008, 06:29

هذه المشكله سبق طرحها قبل عدة اشهر
العلاقات المحرمه وبأية طريقة بدأت مرفوضه دينيا واخلاقيا ولا خير فيها سوى التلاعب بالعواطف والضحك على مشاعر الاخرين ونتائجها السيئة وعلى كلالاطراف
وها انتي نتيجة لهذه الممارسات الخاطئة جلبتي لنفسك مشاكل متعددة ومنها اختلاف لون البشره فانتي بيضاء وهو اسود

توبي الى الله وابتعدي عن هذه الافعال المحرمه واقطعي كل اتصالاتك بهذا الانسان
واسمعي نصائح والدك فاعتقد بانه لن يوافق على مثل هذا الزواج ابدا

باقة مشاعر · 03-06-2008, 22:56

maryoom
مشكوره حبيبتي و اكيد راح اصبر وراح احاول اكلم حد من اهلي و انشاءالله مايصير الا الخير

^/^فايق^/^
هذا الي راح يصير اصبر لما الله يهدي ابوي و يرضا علينه و بالنسبه اذا صارات مشكلة ماألجأ له فهذا الشي مايعلمه الا الله حتى لو كان شخص ثاني و برضاه ممكن يسبب لي مشاكل و مارتاح معاه انا متفأله لانه يحترمني و احترمه و اذا تواجد التفاهم تنحل الامور .جزاك الله خير ع النصيحة

فتاة الدموع
المشكله احنه موقادرين يعني نحاول باذن الله و اشكرج حبيبتي ع النصيحة

فارس الشرقية
اي ابوي واااايد طيب و انا احبه حيل بس اعذاره ماتقنعني ابد يعني والله لو يقولون لي انه مايحافظ ع صلاته و اخلاقة و سمعته مو طيبه ماراح اوافق و اتراجع عن قراري بس سألوا عنه و ماسمعوا الا كل الخير

إف.جي
اكيد راح اسوي بكلامك و استخير ونعم بالله

شجون الصمت
اكيد كل اثنين يحبون بعض راح اصادفهم مشاكل بالحياة الزوجة و هم المتزوجين تقليدي راح اصادفهم مشاكل بحياتهم يختلف من شخص لي الثاني اذا انوجد التفاهم راح تنحل المشاكل و انا الحمدالله واقعيه و هم اهو يعني احنا مانعيش احلام ورديه و اشكرج ع نصيحتج حبيبتي راح استخير بأذن الله

قطز المماليك
تسلمين حبيبتي

ALSANAM
اخوي الانسان مو معصوم من الخطأ ، وانا اعترف غلطت لكن الله حفظني حطني بيد امينه مو ذيب ، وبعدين انت تقول علاقة محرمه دينا واخلاقيا صح كلامك لكن انا الحمدالله ماتعديت الحدود و ماطلعت معاه ولا زنيت ،هدفنا الزواج ع سنة الله ورسوله و مو كل واحد او وحده حبوا يعني ماعندهم اخلاق و لا دين ،انا متحجبة و ماسمع اغاني واروح حلقات ذكر الحمدالله و ماترك فرض ....ألخ و هم اهو محافظ ع فروضه و بار بهله الحمدالله ، الي يصير الحين ان المتشدين و المدينين يقولون وينصحون و اهمه يسون هذا الشي انا اعرف ناس مدينين و متشديدين لكن اكبر لعابين ع البنات و منافقين يعني مو معناته مدين يعني انه ملاك كل انسان يغلط ياخوي و ماقصدك بهذا الكلام لكن الغلط انك تواصل و اسوي شي اكبر وانا الحمدالله بنت واعيه وما تعديت حدودي ، وانت تقول جلبتي لنفسك مشاكل متعددة ومنها اختلاف لون البشره فانتي بيضاء وهو اسود اذا صج انت مدين ماراح تقول هذا الكلام لان كلنا عبيد الله ومافي فرق بين اسود و( اهو اسمر مو اسود) و لا ابيض الا بالاعمال الصالحة هذا الاسود الي تقول عنه يمكن احسن من الابيض بالف مره و مثال بلال بن رباح مكانه بالجنه لكن الابيض الي يتفاخر و يحتقر الاسود بالنار ليش هذي العنصريه هذا التخلف بعينه الغرب يحاربون العنصريه و احنا مازالت العنصريه عندنا معنا احنه مسلمين الله يهديني ويهدي الجميع واشكرك ع نصيحتك واحترم رأيك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

كل يوم يمر علي اتعذب فيه ساعدوووني رجيتكم