عالم الحياة الزوجية - منتدى

ana jadeda · 30-05-2008, 18:11

السلام عليكم ورحمة الله وبركاته
انا قريب بس الي عرفت المنتدى وكنت ادخل اقرا بس بدون مااشارك وصراحه عجبني وعجبتني اخوتكم ومشاركتكم لبعض
وابغا اقلكم مشكلتي وابغا اسمع ارائكم
امم انا سرلي تقريبا شهر مالكه ملكت يعني وقبل مااملك كنت اكلم خطيبي تقريبا شهر برضو
بس هاذي الفتره ماعرفتو مزبوط بس كنت راضيه ومبسوطه وموافقه ومرتاحه وواقفت على الملكه
بس بعد الملكه بعد ماسار يجيني البيت اكتشفت في حاجات ماتعجبني
مسلا حسيتو مايحب يخرج من البيت بيتوتي ماحسيت شخصيتو قويه احسو كدا مررررررررررررررررره طيب
ومره يهتم بالشكل وعشان شكلو حلوو دايما يجلس ييبنلي انو في بنات معجبين في من اقاربو
وانو مدري مين يقولو عندو كدا وانا مااطيق كدا ومااحب الولد الي فرحان في نفسو
ويهتم في الماركات ويدقق مررره في كل شي البسو دا من فين ودا من فين

واحس انو حساس جا سافر برا عشان يدرس لغه دي الفتره وقبل مايروح المطار بكي عند اهلو ولمن جاني وهو بيودعني دمع
احسو كدا زي مايقولو مسلتح بس هوا مررره يتحمل مسؤليه بس كدا معرف مو دا الانسان الي اتمنيت ارتبط في كان نفسي في واحد شخصيتو قويه يمشيني عدل واحسو رجال بكل معنة الكلمه
خطيبي مررررررررررررررره يحبني ومره بيدلعني ومره بيهتم فيني بس بضايق من دي الاشياء
وحكاني موقف سار معاه جدا اضايقت قلي انو لمن كان في الثانوي واحد ولد كان يحبو الولد كان قي مثل مايقولو وكان معجب فيه الين ماوقف عند حدو بس هو مالو ذنب خطيبي في دا الشي بس كدا ضايقني مره
والحين هو بيدرس برا المملكه واحسو مايقدر يتصاحب وماعندو اصحاب كتير
وعندو اصحاب في السعوديه بس يقولي كلهم مصالح انا عادي بس كم واحد الي اعتبرهم اصحاب من جد الباقي بس كدا وقت المزح والمصالح وبس احس دا الشي كمان يبينلي انه مو اجتماعي او اجتماعي بس معرف كدا يجيني شعور احيانا انو زي الاهبل

معرف ايش رايكم ؟؟؟؟؟؟؟؟؟؟؟؟؟؟؟؟؟
احيانا افكر اسيبو
واحيانا اشوف الاشياء الحلوه في واقول انو ماينرفض واحيانا واحيانا كل شويه لاحس بشي
مع العلم انا حبيتو

ابغا اراءكم الله يوفقكم
وشكرا

true heart · 30-05-2008, 20:18

خطيبك او زوجك طبيعي

مافيهااااش حاقه تنرفض ...

بس الكمال لله وحده

م-سيف · 30-05-2008, 20:36

انتي ترغبين برجل ... حمش !!

وجاك واحد من شباب هالجيل ...

هناك تصادم

اما الرضى به وبمعيشته وتحملك للموضوع

او انك ترفضينه وقد ما يجيك من رسمتي في بالك

لا ارى ظاهريا ما يمنع الزواج

وطبعا الموضوع يرجع لك

منيب هينة · 30-05-2008, 20:39

اختي ليه انت زعلانه؟!
وشنو الموقف الي سواه ووضحت لك ضعف شخصيته!
باين على زوجك طيوب وحنون
ليه تفكري تتركيه..احد يحصل له رجال كذا ويتركه

xx_azoaz_xx · 30-05-2008, 21:42

انا اشوف انه مافيه شي يتعيب

يحب الترتيب والنضام

وبالنسبه للأصحاب من مصلحتك علشان مايروح ويخليك لوحدك بعد الزواج

em tala · 31-05-2008, 08:35

لا ارى ظاهريا ما يمنع الزواج

وطبعا الموضوع يرجع لك

المررتفع · 31-05-2008, 09:03

اللي يقول ما فيه شي انا اقول بالعكس الرجال صحيح طيب وحبوب مثل ما قالت الاخت لكن المراة ما تبي الرجل المايع والناعم تبي رجال خشن بمعنى الكلمة اذا تكلم او مشى او طلع ما يجلس يتمكيج وكل شوي قدام المراية يتزين مثل الحرمة

نصيحة اختي اجلسي معاه وصارحية بطريقتك الخاصة ومن دون ما تحسسيه انك تقصديه

ana jadeda · 31-05-2008, 11:53

اخوي المرتفع كيف انصحه ايش اقله وكيف بايت اسلوب ؟؟؟؟؟؟

الفولي · 31-05-2008, 12:22

لا تستعجلي

غالبا الرجال في فترة الخطوبه والملكه يكونو رومانسيين ورقيقين

اعتقد خطيبك مزودها حبتين

بعد الزواج ان شاء الله بتلاقيه اسد ان شاء الله

واي احد ينصحك تتركيه نيته غير صافيه ولا يتمنى لك الخير

الله يسعدك ويوفقك ولا تفرطي فيه

والله الرجل الحمش ذو الشخصية غالبا يكون قاسي وما عنده قلب

وبعدها ترجعي تندمي

وهذا انسان طيب وحنون وانتي تقولي بيتوتي

شوفي المشاكل التي يعاني منها كثير من الزوجات

وهنا في المنتدى

من ان زوجها يسهر الى الفجر ويرجع تعبان وينام ولا يهتم بيها

ومنهم من تقول ما يجامعا كل ثلاث شهور مره

انا اتوقع ان شاء الله بتكوني سعيده جدا معه

توكلي على الله ولا تكوني طماعه

فقد اعطاكي الله نعمة حافظي عليها

والله يكتب الخير حيث كان

^/^فــــايق^/^ · 31-05-2008, 12:35

انتي قلتي انه يشتغل مع الدراسة
اقترح عليك تقترحي عليه يشتغل سواق حافله من حافلات جدة (خط البلد)
شهر ونص وربي غير يصير دينصور مو بس وحش

ana jadeda · 31-05-2008, 12:41

اقتباس:

المشاركة الأصلية كتبت بواسطة ^/^فــــايق^/^

انتي قلتي انه يشتغل مع الدراسة
اقترح عليك تقترحي عليه يشتغل سواق حافله من حافلات جدة (خط البلد)
شهر ونص وربي غير يصير دينصور مو بس وحش

بتستخف !!!

ana jadeda · 31-05-2008, 12:41

اقتباس:

المشاركة الأصلية كتبت بواسطة الفولي

لا تستعجلي
غالبا الرجال في فترة الخطوبه والملكه يكونو رومانسيين ورقيقين
اعتقد خطيبك مزودها حبتين
بعد الزواج ان شاء الله بتلاقيه اسد ان شاء الله
واي احد ينصحك تتركيه نيته غير صافيه ولا يتمنى لك الخير
الله يسعدك ويوفقك ولا تفرطي فيه
والله الرجل الحمش ذو الشخصية غالبا يكون قاسي وما عنده قلب
وبعدها ترجعي تندمي
وهذا انسان طيب وحنون وانتي تقولي بيتوتي
شوفي المشاكل التي يعاني منها كثير من الزوجات
وهنا في المنتدى
من ان زوجها يسهر الى الفجر ويرجع تعبان وينام ولا يهتم بيها
ومنهم من تقول ما يجامعا كل ثلاث شهور مره
انا اتوقع ان شاء الله بتكوني سعيده جدا معه
توكلي على الله ولا تكوني طماعه
فقد اعطاكي الله نعمة حافظي عليها
والله يكتب الخير حيث كان

شكرا والله كلامك حلو وريحني
تسلم وجزاك الله كل خير

فتاة الشرقية · 31-05-2008, 16:55

بصراحه انا مستغربه منك شوفي المنتدى وشوفي الي تشتكي من الرجال الدفش وانتي تبين دفش
انتي قلتي انه مكافح واكيد عنده شخصية يعني من خلال كلامك رجال بمعنى الكلمه
اقولك خذي بنصيحة امك
فيه زوجات يشعلون لازواجهم يديهم العشره شمع علشان يرضون عليهم ويدلعونهم ويهتمون في مشاعرهم
وانتي تبين الدفش؟!

فتاة الشرقية · 31-05-2008, 16:56

اختي قولي الحمد لله على كل حال

همسة_حنان · 01-06-2008, 08:55

اختي شوفي المميزات لي فيه شو كثرها انا لو منك احمد ربنا صبح وليل
اقولك شي انت عبريله عن شعورك و وصليله انك تحبي الرجال يكون قوي الشخصية وحمش ومن هاي الامور صارحيه يا اختي بطريقة حلوة والصراحة راحة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ممكن انا محتاجه لااحد يسمعلي