عالم الحياة الزوجية - منتدى

يتيمة الابوين · 02-06-2008, 13:18

السلام عليكم

اعزائي المختصين من دكاتره ومهتمين نتيجتي مثل ماتوقعت ان هرمومن الذكوره مرتفع ومادري استمر على العلاج اللي عطتني اياه الدكتوره قبل لاتعرف ان فيني ارتفاع لهرمون الذكوره لانها ما فحصته لي فحصته بالمستوصف

الدواء اللي وصفته لي هو فيفولين vifolin وقالت الدكتوره كل يوم الصبح ابلع حبه

وهذا duphaston لمدة عشرة ايام من يوم 16 للدوره

ونتيجة الهرمون مرتفع نص درجه يعني المفروض الطبيعي 3.5 انا صاير 4 ومتحيره شسوي زوجي متعبني مو راضي ياخذني للدكتوره اللي وصفت العلاج ومعقد الامر وانا متحيره جاوبوني

يتيمة الابوين · 03-06-2008, 11:42

لازال الانتظااااااااااااااااااار جارياً

(المهاجر) · 03-06-2008, 12:41

هلا أختنا....

طيب وين المشكلة...

إنتِ خلصتِ العلاج المقرر ؟؟

المفروض المراجعة بعد ما تخلصي الكورس العلاجي...

حتى تقرر الدكتورة الخطوة التالية ...

أتمنى أكون أفدتك....لأن عرض المشكلة مو واضح...

معافاة إن شاء الله..

(السفيرة) · 03-06-2008, 13:18

هلا اختي....

الدواء الاول فقط مقوي للحمل (فوليك اسيد)... لكن الدوفستون (بروجيستيرون صناعي) ايش دواعي استخدامه عندك ؟
هل انت تستعدين للحمل؟؟ او تتعالجين عن تاخر الانجاب؟؟؟ او صار فيه اجهاض قبل؟؟ او فيه مشاكل بالدورة؟؟
وكم المدة المتوقعة لاستخدامه (الدواء احتمال ينقطع عن السوق وفي هالحالة ربما تغيرينه لبديل بناء على نصيحة الطبيبة)؟
والهرمونات نتيجتها تفسر حسب مستوى الجميع وتوقيت الاختبار وليس بشكل انفرادي ... لأنها متغيرة..

د.سوسنة · 05-06-2008, 11:44

واله الاخ المهاجر والاخ السفيرة ردو عليكي بس انا عندي سؤال هل انتي للتي هرمون الدكور
وكيف الطبيبة تعطيك علاج من غير ماتعرف الحالة
شي غلط الدوفاستون بينفع لتنظيم الدورة واالاخ ر لتهيئة الحمل
ممكن سؤال هل عندك زيادة وزن وهل عندك شعر علىالدقن او بالوجه

يتيمة الابوين · 08-06-2008, 03:06

دكتوره وكلمن له خبره انا تعبت من كثر ما ارد على اسألتكم ولا الاقي على عليقات واخر شي تركت ما ارد وانا مليت بصراحه

لكن طيبة قلبكم وطيبتي بعد خلتني اكتب وان شاء الله القى الرد منكم والله تعبت وانا اكتب واكتب واعيد وازيد

انا نتيجتي طلعت سليمه في كلشي ماعدا هرمون الذكوره مرتفع نص درجه المفروض يكون 3.5 زانا عندي 4 نسبته وبالنسبه للدوره مخربطه عندي وماتنزل الا بحبوب نزلت شهر 3 بحبوب وشهر 4 طنشتها رحت لهم شهر 5 وعطوني حبوب ونزلت والحين بدأ بأخذ العلاج

رحم الله والديكم ردوا علي هل العلاج زين؟؟

له مضاعفات واضرار؟؟

تعبت والله تعبت

تحياتي

يتيمة الابوين · 08-06-2008, 13:37

up

يتيمة الابوين · 09-06-2008, 11:11

والحل يعني

الصبرمن عندك · 09-06-2008, 15:10

ربنا معاكى يا اختى بس طبعا للازم تذهبى للدكتور كويس هو ينصحك وحاولى تانى مع زوجك وان شا ءالله هيوفق وابقى طميننى عليكى ربنا يشفيكى باذن الله تعالى ويرزقك بالولد الصالح

يتيمة الابوين · 09-06-2008, 22:39

السلام عليكم

كنت حاطه موضوع وابي رايكم وخليت رد على استفساراتكم وماجيتوني وهذاني نقلته لكم

نتيجتي كالتالي يامختصين تعالوا لي

اتمنى منكم ان تخبروني هل الدواء اللي وصفته لي الدكتوره ينغع والا الكلوكوفاج افضل

انصحوني باقي يوم وابدأ الكورس العلاج

تحياتي

يتيمة الابوين · 10-06-2008, 15:20

آآآآآآآآآآآآآآآآآه يالقهر وينكككككككككككككككم؟؟

د.سوسنة · 10-06-2008, 18:44

طيب بلاش عصبية وبلاش نرفزة
بتعرفي ماردينا رد شافي لانو الحالة مووضاحة
الهمم العلاج لو مانفعك مراح يضرك
اسيد الفوليك مفيد الدوفاستون لو دورتك ملخبطة راح ينفعك
هرمون الدكور مومرتفع كثير وهداالعلاج مراح ينفع في هرمون الدكور
وفي مالك الا زيارة طبيبة اخرى لتعدي لك الفحوصات من جديد
بالنسبة الحالة موواضحة لكي اوجهك
اسفين كثير

(السفيرة) · 10-06-2008, 23:13

المعذرة اختي... العتب على لوحة التحكم عندي ما تشتغل لهذا ما اقدر اتذكر المواضيع الي شاركت فيها عشان اتابع الرد.. بارد برابط الموضوع الثاني...

(السفيرة) · 11-06-2008, 00:26

كتبت رد بموضوعك الثاني.... ولما جيت اضيف انحذف الرابط كله!

الخلاصة ....

ياليت تلخصين تاريخك المرضي يا اختي لأنه لسة مو واضح لي ايش حالتك وشكواك الرئيسية... عمرك.. هل عندك اطفال من قبل؟ من ايش كنت تشكين لما رحت للطبيبة وعلى اساسه تم عمل فحص الهرمونات؟؟ والاهم من مستوى التستوستيرون... كم نتيجة هرمونات الانوثة (الاستروجين والبروجيستيرون) لأن وصفك للدورة يوحي بعدم حدوث تبويض... والبروجيستيرون بيبين هالشيء.... وبعد كم يوم من الدورة انعمل التحليل لأن هالشيء مهم جدا في قراءة مستوى الهرمونات... هل انت حاليا تبين تحملين لأنك ذكرت الجلوكوفاج بالموضوع الثاني او عندك اي امراض ثانية؟؟؟؟

يتيمة الابوين · 11-06-2008, 01:20

شكرا واخيرا جيتووووووووووووووووووووووون

بعيد قصتي من اول وجديد ومعذرة دكتوره صار لي وياج كذا مره اكتب موضوعي وتسألين بعض الاسأله ولمن ارد عليج ما اشوف تعليق ثاني منج عموما عذرج لكثرة المستفسرين

وقصتي يالطيبين هي
انا ابي احمل ورحت الى مستشفى خاص ووصفت وضعي للدكتوره ان صصار لي سنه وشوي متزوجه ماحملت وعندي شعر بذقني وشوي في صدري خفيف وعلى فخدي طالع لي شوي بعد الدكتوره قالت مو مشكله لان شعب البحرين كلهم عندهم هالسالفه قلت لها اي سالفه قالت تكيس المبايض كل البحرينيات فيهم ويحملون عادي وكلامها صح لاني اعرف شخصيا ناس من اهلي فيهم تكيس وحملو المهم صارت دورتي تخربط وايد من شهر 7\2007
والحين تخربط اكثر بحيث انها ماتنزل الا بحبوب الدكتوره هذي وصفت العلاج اللي ذكرته فووووووووق وباجر بأذن اله ببدأ استخدم الدوفاستون لمدة 10 ايام
سؤالي::::: عادي استخدم هالعلاج وانا فيني ارتفاع لهرمون الذكوره نسبة نص يعني المفروض 3.5 انا صاير لي4؟؟
سؤال ثاني هل ينفع هالعلاج فقط ويصير حمل لو لازم اتعالج عن ارتفاع هرمون الذكوره؟؟؟

انا ما سبق وانجبت هذي المره الاولى ويارب تنجح
بالنسبه لهرمونات لانوثه مافحصناها

اللي فحصناه هو الهيموغلوبين في الدم ونيجته ممتازه
السكر ممتاز
الغده الدرقيه طبيعيه
هرمون الحليب سليم
ولله الحمد والشكر والنعماء
واتمنى تفيدوني وتنصحوني

وربي مايحرمني منكم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)