عالم الحياة الزوجية - منتدى

ايمان الشاذلي · 02-06-2008, 22:52

السلام وعليكم ورحمة الله وبركاته
اولا
حابه اعتذر عن الكل لاني مقصره وانقطعت فترة طويـــــــــــله ولاكتبت شي ولا نصحت اخواتي الي ولدو بس راح الحق علي لسى
ثانيــــــا
انا المفروض تاريخ ولاتي بموعد 25/5/2008 وبعدين قالولي 24/5/2008
وحتمال قالولي تاخدي عشرة ايام زياده بعد وانا قلتلهم احتمال عشرة ايام قبل قالولي ايوا كل شي جايز بس مانعتقد لانك بكيريه قلت طيب وكنت حاسه نفسي راح اولد قبل
المهم كنت دايما ادعي وطلب ربنا ومخليه صديقاتي واخواتي بالمنتدى يدعولي ووالله احبهم كثييير كثر ماحبيت خواتي وهلي المهم ماصار ربنا ماكتب نصيب لامي اتفقنا ترسلي عن طريق شركة شحن زي TNTيوصلوها للبيت
وبديت ادعي ربنا انو مااولد غير لمن تيجي شنطة ماما والي في اغراض بنتي لانه هنا الدنيا غاليه وامي اشترتلي كل شي من السعوديه
والحمدالله مع اني حملي كان صعب طحت كده مره حوالي ثلاث مرات واخر مره قبل ولادتي باسبوعين او اسبوع المهم سبحان الله بطني كانت صغيره وماتبين للشهر السادس بدت تبين وبالشهر الثامن بانت وكبرررررررررررررت مررره الكل كان مستغرب
وكنت اقول للدكتوره من اول حملي شوفيلي وزني عشان انا ماابي اولد قيصري ولاابي وزن البيبي كبير وكانت تتابع وزني وتقولي لو زليتي على انك ماتاخدي وزن زياده وحجم البيبي كده صغير راح تولدي سهل وطبيعي
قلت يارب وكنت ادعي كل يوم انه ربنا يولدني طبيعي ومن غير قص بس للاسف مادعيت من غير خياطه هههه المهم راح تفهمو ليش بعدين
كنت اجري على طول يعني الحق هنا الباص والترام عشان كده اطيه كثييير هيهيهيهي
بس المشي كان قليل بس كنت على طول اخرج اقضي وهذا يعتبر مشي صح?????
طيب غير الحاله النفسيه الصعبه في فترة حملي وغير عدم جية امي وغربتي ببلد اجنبي وكان يخفف عليا زوجي
المهم في اخر اسبوع ليا قبل لااولد كنت منتظره دخولي التاسع باقيله اربعة ايام ولاني خلصت الثامن لاكن مشكله صحيح راس بنتي نزل على نهاية الثامن رغم كنت خايفه لاني في شهري الثامن قالتلي الدكتورة لو مانزل راس بنتك راح ننزله احنا عن طريق تدوير البطن بيدهم وهذا خطر لانه في دكاتره حدره منه في بعض من الحوامل عملولهم كده وحنب راس البيبي بالنص ولارضي يتعدل وعملولهم قيصري بس الحمدلله ربنا سترها معايا ونزله
بس مشكله السرة طلعت بس بطني مانزلت لاتحت مرفوعه لسى فوق وقبلها بيوم كنت عندي كشف راديو وراح تضحكو عشان زوجي يروح معايا الموعد قلي راح نكذب كذبه بيضه قلتلو بس لازم تستأذن من شغلك وتيجي معي قلي طيب اتصلي عليا وقولي المويه نزلت او جاكي مغص او حاسه انك حتولدي واتفقنا على اني اقول حاسه اني حولد وكان ده بعد الظهر يعني نص دوامه وعملها انا هههه وهو جا معايا واعطته المديره رخصة وقالتلو روح لمرتك واشبع من ده اذا هي بنهاية شهرها كل يوم حتتصل فيك وتقلك تعال وديني شكلي حولد وهي مش ولاده صارت معنا كثثييير والله طيبه هاي المديره
رحنا عملنا الر اديو الي هو ياخدو فيه مقاسات الحوض عشان يشوفو راس البيبي وعرض الحوض وانه مافي مشاكل وقالتلي الدكتوره احنا مابنعمله لكل الناس بس للي زيك حريصين وخوافين هههه وعشان هي حابه تتأكد وتطمن اكثر
ورحت وعملتو وعطوني النتيجه وقتها بربع ساعه قالولي الحمدلله حوضك واسع جدااا
الحمدلله ورحت للدكتورة سبحان الله موعدين بنفس الوقت لانه هي قربتلي مواعيدها باخر الشهر صار كل اسبوع المهم رحتلها وعتني حمسة مةاعيد للشهر الجاي وشافت الكول ايش تسموه المهم الرحم من تحت
قالتلي لا كويس لسى مسكر
قلتلها شكلي ماراح اولد المهم وصلت البيت لقيت شنطة ماما جات فرحت بيها وخرجت حاجات بنتي ولقيت في الورقه الي عطوني المستشفى انه لازم اغسل ملابس بنتي وحتى لو كانت جديده
وقلت وفتكرت بنفسي كلام البنات في المنتدى وحرصهم على كده قلت لزوجي خلاص انا راح طلع حاجات بنتي من دحين قلي مو مشكله خليها بكره روحنا تعبانين
قلتله لا واخدت صور ع الريع وقلتلو اسمع انا حرتب الشنطه ووالله يابنات الاحساس ده كان موجود برغم اني بطني مرتفعه مررره وصار يصرخ عليا اخليها لبكره وانا اقله لا رتبت وقبلها باربعة ايام كنت متنظفه تماما لاني دخلت التاسع وده ثالث يوم ليا لسى ماكملته بس
طيب بعد مارتبت الاغراض قلتله حتشيل تغسلها بكره ضروري وزي ماكاتبين لنا بشامبو خفيف تبع الاطفال
ومع العلم انا وزوجي من يوم مادخلت التاسع يعني بالثلاث الايام مانمنى مع بعض
المهم في اليوم الثاني قمت وكان بتاريخ April 30/4/2008 فطرت زوجي عادي وقمت صليت ولكن قبلها بيوم سلمت على ماما وقلتلها لوصار معي شي راح اكلمك
وبعدين بعد مافطر خرج وقلي هيا انتبهي تتصلي عليا وتعمليلي زي امس قلتله لا روح ولسى حطيت راسي كانت الساعه 8 الاربع
الا وجسيت شي حار ينزل مني من تحت قلت بسم الله ايش هذا حطيت يدي حسيت مويا تتدفق حلوه تتدفق هيهيهي المهم تنزل قلت حتوقف وجوات نفسي فرحت يابنتي قلت شكلها الساعه الكبرى وحطيت راسي حسيت تنزل بزياده زي البول اكرمكم الله بس شفافه وحاره
قمت لقيتها تنزل بزياده قمت افرح واضحك وشويا قمت ابكي قلت لااكون غلطانه
وانا ساسا طفشت ابي اولد فصايره ادعي يارب ولاده يارب ولاده رحت اتصلت بزوجي وقلتله تعال مويا تنزل فلي يابنت بطلي لعب العيال انا لسى ماوصلت شغلي قلتله والله مويا وصايره ابكي اتفجع وقلي جاي وتثلت بامي وقلت ليها ايش اسوي قالتلي روحي المستشفى اتأكدر او استني شويا قلت طيب حسوي زي الدكتور والدتوره قالولي لمن تنزل المويا اخد دوش وريلاكس هدوووووء ونفس عميق واروح ع المستشفى وجهز شنطي خرجت من الحمام قلت لماما لسى المويا تنزل واتصل زوجي قلي يلا اتصلت بالتاكسي جاي بس انت اهدي
ثلتله طيب طلعنا بالتاكسي اخخخخ يابنات احكيلكم بالتفاصيل زي ماوعذتكم
وطلع الرجال عربي وقلي تثدقي مرتين صارت معايا انو حريم يولدو معاي بالسياره اخخخ قلت في تفسي يافرحتك
المهم وصلنا طوارئ وطلعوني فوق عند الولادات وكان طلق في بس خفييييييييييييف مررره يجي ويروح حوالي ثلاث مرات وختفى
دخلت اخدو تخطيط وانا لبست اولويز وعملولي كشف قالولي مدام المويا الي فيكي ماهي موية ولاده وبكيت قلتلهم اجل ايش قالولي بول يمكنت عصبت وقلتلهم لو بول كان دريت والبول ماله ريحه وانا اقدر اعرف متى اتبول يعزكم الله طيب قالولي وصار يخرج مويا صار ياخدوا المويا حقي يحطوه على قط ويحطو حاجه زي الكول احمر قالولي مدام شوفي لو ولاده كان تغير لونه هذا بول
قلتلهم لا انا اعرف نفسي وصار يخاصمني زوجي يقلي يعني عجبتك الحركه حق الكذبه كل شويا حتخرجيني من شغلي وتقولي حولد
وزعلت منه ومنهم وصرت اصرخ طلعوني ثاني ع السرير الله ياخدهم وبرضه كشفو دخلو حاجه زي الزجاجه وشفطو قالولي هذا الموية الي نزلت كانت جامده قلتلهم لا هذا عادي هذا الموية العايه تبع الاستحاظه
طيب قالوي النبض تبع بنتك كويس ومستقره غريبه وصاروا يجروا رايحين جايين على راسي من الساعه 8الصبح لل12الظهر قالولي مدام روحي امشي وشربي كوفي ساعة زمن ورجعي وتعالي واحنا حنادي
اختصاصي
رحنا فطرنا انا وزجي وكنت ماكلمه وقاعده معصبه واقله حرجع يقلي مافي حتقعدي هنا وحنرجع راح نص دوام شغلي
وقلت طيب رجعنا بعد ساعه كنت ماني قادره امشي
رجعنا وجابو مختص ووريتهم انو المويا لساعها تنزل قالولي مدام احنا غيرنا الاولويز عشر مرات وكل المويا الي فيها ماتبين شي
مارديت عليهم كنت معصبه جات الاختصاصي واخدو عينات قلتلهم متى حنخلص عمليات الفتح والتأكد هاي قالتلي مدام ماقدرنا نعرف كده بس حنعمل تحليل عشان نتأكد موية ايش هاي وماما من هناك تصرخ تقول هاي اوروبا المطوره هاي التكنولوجيا والله بلادنا العربيه ارحم للان ماعرفو ايش هذه المويى الله ياخدهم هاي ولاده قوليلهم اقلها يامااما المشكله مافي معايا طلق وبطني موب نازله قالت مو ضوري
المهم راحو اتأكدوا بالتحاليل ورجعولي قالولي ??????
وانا قلبي يدق خايفه يقولون مو مويا وربنا يكون انتقم مني ع الكذبه الي قبلها بيوم وصايره اقول يارب ولاده يارب ولاده سامحني طفشت ابس اشوف بنتي
جوم وزوجي يقول راح نروح شكله قالوي مدام نحنا نعتذر منك انت راح تقعدين عندنا اليوم لانك راح تولدي اففففففففف قلت بنفسي وزوجي صار طقم اسنانه كلها تبين فرحان وانا ضحكت وبكيت بنفس الوقت وقلتلهم كيف ماتعرفون موية البيبي قالولنا اول مرة تصير معنا ومويتك غريبه قلت سبحان الله التقدم تبعكم ماجا شي قدام القدرة الالهيه

ايمان الشاذلي · 02-06-2008, 22:53

دخلوني غرفه خاصه وانا اسمع الحريم وصراخهم وصرخات الاطفال اول مايولدون وقاعهد ابكي المهم دخلت وارتحت بس ماقدرت انام مستنيه متى حولد وكل شويا وحده تيجي وعملولي الابر بيدي الي هي المغديات وكل شويا يشوفو تخطيط البيبي طبيعي والموية كل شوية تزيد كل شويا اغير اولويز والدم بدي ينزل تمينا كده للعصر ويقولولي مذام مافي طلق لسى مو ولاده الطلق عندك خفيف والرحم كل مايدخلو يدهم يحصلوه لسى مسكر وكل شويا يشوفو ويلاقوه مسكر ولااتفتح ولا *سم *قلتلهم انا هنا من الصبح وقدنا صرنا مغرب وراح زوجي يغسل ملابس البنوته
وجا وتعشينا ولسى مافي شي قالولي مدام احنا مانقدر نسوي شي لانه بنتك ماشاءالله بخير ومابين عليها اي شي مع انك تفقدي مويه كثير ورحمك زي ماهو ماتفتح والغريبه الرحم فوق حقك لاجوا مروفوع مرره قلت لهم ايوه بطني مانزلت عشان كده قالو احنا حنعملك حبايات للطلق قلتهم صناعي ماابي لانه اعرف قرفه وصعوبته والبنات يشتكو منه قالولي عندك حل ثاني احنا نبغ القيصري اخر الحلول لازم نعملك كده قلت طيب عملولو ي حبايه ولاشي ماجابت نتيجه والرحم الكول تبعه ماتفتح بعد قالولي هذا الحبه كل ستة ساعات وبعد ستة ساعات رجعو قالولي مافي فايده حنعملك وحده ثانيه وعملوها وقالو اذا مانفعت حنعملك الدوا الاصعب وهو الي يحطوه فوق ويمشي مع المغدي عن ظريق الابرة الي بيدك موجوده المهم مانكت جات الساعه4 الصبح ولاشي
قالو حنعملك هاي السيروو او الدوا السايل حطوه وقالولي كل شويا حنزيد بالسرعه بدا الالم شوي شوي جات الساعه عشرة الصبح وانا ابكي وااعض اصابعي من الالم ولا شي وكل شوي تيجي ممرضه تشوف التخطيط تشوف الطلق مو كثيير تزيد السرعه وزادت وهي زادت وانا احس انه شي جةاتي حينفجر وبديت اعض واعض وابكي وابكي زي الاطفال وبقوة وادعي واسمع وحده بالغرفه الي قدامي ماسابت شي بالغرفه الا وكسرته وخبيط الجدران وابكي زياده وصراخه جا لبرى المستشفى
وانا قلبي يدق وصرت انادي عليهم ارحموني ارحموني ولدوني وجات الظهر وقالولي حنحطك بحمام بانيو جاكوزي اذا حابه قلىت ماراح يشوفني حد قالولي لا انت وزوجي وبس وانا هههه
قلت طيب وودوني وصرت ابي ابوس يدهم نقصو السرعه قالولي لازم مدام هذا لازم يالله تعالو شوفو والله شفت الموت كأن جبل اتهد عليا وبنتي تتحرك عادي قلت ايش عليك ولا على بالك بس الحمدلله انك بخير ودخلت البانيو ساعه و15دقيقه ناديت عليهموشافو قالولي مدام الرحم موراضي لسى ينفتح
وانفتح بس 2سم طيب قالولي بدايه مبشره ورحت ع الغرفه ثاني ولاقدرت اكل لافطرت ولا اتغديت شربت شوية حليب وكل شويا امسك منديل والله يابنات بفمي واعض عليه وابكي عيوني ورمو وادكر الله وادي وبارب ارحمني ارحمني وماسبت دعاء الا ودعيته وكل شويا فلانه تتصل وتقولي ادعيلي بكده وكده والله ادعي وادعي وماسبت سورة الاوقريتها والزلزله وكله ومافي فايده الالم عيوني راح تطلع من مكانه ويزويد وفي العصر ثاني اخدوني ع الحمام على رغبتي وقالولي هذا يساعدك وقلتهم طفولي الجاكوزي خلوني جوة المويا عادي وابكي وابكي وزوجي يهدي بيا
ويهدي ويصبرنيوناديت عليهم بعد ماتأخروا عليا صارت ساعه ونص وصرت اعي قالتلي يلا كويس انفتح عندك اربعه4سم قالتلي حلوه يلا حنشيلك ع الغرفه قلتلهم ثاني قالو ايوه قلت لهم خلاص ماابي اولد ابي اروح
وصاروا يضحكو خلاص هانت قلتلهم خلاص ابي قيصري ابوس يدكم طيب ابرة الظهر
خلاص ابي قيصرييييي هاتولي الابره وصرخ اصرخ عليهم وابكي قالولي مدام القيصري صعب واحنا ناخده اخر الحلول واخر حل والابره مانقدر لانك لسى وهي مو وقتها وانت الحمدلله بنتك بخير يلا تعاي ع السرير نشف ها فتح ثاني
وصرت ادعي وصرخت من كل قلبي يارب سامحني يامي سامحيني والله بس قلت كده وجوم وقالت لهم خلاص ماابي ولدوني انا حدخل على نهايةاليوم الثاني وشافوني
وقالو يلا خلاص ولاده يكفي اربعة سم وفرحت ودخلت مع زوجي قلتلهم شيلو مني هذا الدواء ققلو السرعه اقل شي
قالولي خلاص هانت ودخلوني وجلسوني فو السرير وجابو العده وكانت الساعه 5 العصر اليوم الموافق 1/5/2008 الخميس
اليوم المسمى بعيد العمال
قلت لهم نزل ولا مانزل ماراح اول غير لمن اسوي ابرة الظهر قالولي في اليوم هذا مافي الا واحد مختص
وقالولي ابشري راس بنتك نازل لاتحت وكل شوي ينزل ويمكن تولدي من غيرها قلت لهم لا راح استناه وكل شويا يقولو لسى ماجا عنده حالة ولاده قلت يعني مافي الا هو قالولي للاسف في اليوم ده ايوا الي هو عيد العمال
واستنى وابكي واصرخ قلتو حيجي بعد عشرين دقيقه فينو وبدت الدنيا تمطر بقوة صارت الساعه سته ونص واخيرا شرف وصار الطلق يجي ويرو ولمن يجي اتعصر زي البيبي الي يبي يدخل الحمام طبعا من الالم
قالولي مدام راس بنتك مره واضه والابره ماراح تنفعك مره لانك حتنتظري خمسة عشر 15كمان عشان مفعولها قلت لهم مو مشكله
قالو طيب كيف حنسوي لازم ماتتحركي قلت لهم يلا جات ممرضه وقالتلي يلي في حالتك مو ممكن الابره عشان غصبن عنك تتحركي عشان الطلق والابره خطيره لازم ولاحركه قلتلها طيب شفتي الالم يجي ويروح انت ابدؤوا سوو كلو والمخدر وساعة مايروح الالم حقلكم وانت بسريع اضرب الابره
طيب قلي جاهزين قلت له ايوه عمل الابره والمسحه المخدره الي قبل الابره طبعا طلبت اني مااشوفه وجابو زوجي متكي على اثنين اكتافه باكواع يده عشان ماتحرك والممرضه ماسكه على رجولي قلتلهم ايش في مضاربه فالولي لا هذا ضروري عشان كل الحوامل غصبن عنهم بيرتجفو حتى واحنا الرجفه بحركه مانبغاها وقلي وزوجي شافوكي خوافه خايفين واول ماراح الالم قلت لهم هيا بسرعه
تقولي بمسابقه جري وحشك الابره واالله والله ولاحسيت بشي نهائيا وحتى الطلق صار يجي ويرزح وانا ولااتحركت ماسكه الالم بقوه وضاغطي عل يديني بقوة وحتى هما اتفاجئو
واول ماخلص وقفو مفعول دوى الطلق الصناعي وبديت عملية الدفع طبعا بعد مانتظرت 15 دقيقه وقلي في زر هنا كل ماتكبسيه يزيد مفعول الابره لو جاكي الم وحسيتي بيه
وشفت المقص قلتلهم ماابي قص قالولي لاتخافي انا قالتلي اربعمئة حالة ولاده ولدت ولامنها قصيت غير لعشره حاللات بس انت اهدي ودفعي
وصارت الساعه 7الا ربع ولاحسيت بشي حتى وانا اولد وجات يارا واخيرا بس ماسمعت صوتها اخدوها على طول وحطوها ونطفوها وشفطوا منها المويا الي جواها وبعدين سمعت صوتها وهي تكح وتبكي وعلى طول حكول عليا وهي بالوسخ الي عليها وقلت لهم خلي زوجي يشيلها قالولي مانقدر نعطيها للزوج لانه عندنا اوامر وقوانين انو البيبي لازم يشم ريحة امه ويعقد على حظنها ساعتين زمن من غير مايتشال
لانه هذه دراسات واتبتث صلة الام بالجنين كده
قلت لهم طيب وستنو لغاية ماقصوا المشيمه وخرجوها وبعدين قالولي مدام احنا خنخيطك قلت لهم ليش ماقصيتوني قالولي لا عشنك مخثونه اتقطعت عليكي عروق من جوا ومن برا اتفككت اجزاء منك يعني ماادري ويش يسموها المهم لازم يلحموها اخخخ
ياامهـــــــــــــــــــات لاتخثنـــــــــــــــــون بنـــــــــــــــــاتكم
والحمدلله
ادوا انا بنتي غلقت شهرها وحعمل الابعين لها الاسبوع الجاي لاني لاعملتها السابع ولا العشرين
والدوره او الدم يلي يمشي فينا ترى مو دم الدوره الشهريه فهموني كده هذا الدم الي كان متجمع وعليكم بشرب مويا ذافيه وحاجات دافيه والخبز الاسمر ولمت ترضعو رضعو من الجنبين مو واحد ايوا والثاي لا عشان مايصيرلكم واحد كبير واحد صغير وكمان عشانك اعملي مويه دافيه وهما يعطوكي مطهرات زي الديتول كل شويا اعمليها لمن تيجي تغسلين
والله يابنات راحه بعد تعب اربعين ساعه شفتو والخيط هو يطيح بنفسه
والشنطه اهم شي برباتوز الي ي قطعه الملابس كامله ومن جوا ملابس داخليه وعذة الحمام لك ولها وبس هذا المهم والطواقي والجونتيات للبيبي والشراب والحفايظ ليكي ولها وحيعطوكي الباقي من واها من الفيتامين ليكي ولها واستمري على مسحات السره ومسحات الكاكا من تحت
هذا كله تاخديه معاكي
وانشـــــــــاءالله افدتكم هذا هو التوضيح الكامل
اتمنى مايكون مليتو وانا قعدت في المستشفى حوالي عشرة ايام لاني ولدت مبكر شوي بالثامن واربعة ايام وكان فيها الصفار وعملوها الماشين وراح منها وبعدين الوزن كل شويا بتفقده وطلعت غصبن عنهم في اليوم العاشر والحمدلله بنتي اخدت وزن ورجعت لصحتها الحمدلله
حمو اولادكم بالاسبوع مرتين احنا هنا في اوروبا بحميها بالاسبوع مره عشان مويتنا فيها كلور وبتجفف الجسم
وبالاخير دعواتكم ليا وعسى يكون افدت الكل والله والله دعيت لكل وحده يلي باسمها يوليل باانك نيم تبعها ههههه

a-gh · 02-06-2008, 23:15

ما شاء الله والف مبروك البنوته والحمدلله على سلامتك
سلامتك حبيبتي شكلك تعبتي كتير بالولاده بس هدول الاجانب ما بعرف هني ما بفهمو ولا حرصهم زياده عن اللزوم بس كل شي بيهون قدام سلامه البنوته
والف مبروك مره تانيه

فراشه اسكندريه · 03-06-2008, 01:25

ياه يا ايمي اخيرا ظهرتي وكتبتي قصتك بس بجد تعبتي اوي بس كله يهون عشان خاطر عيون يارا القمر تتربي في عزك حبيبي ويحفظها ليكي

sara 777 · 03-06-2008, 01:25

الف مبارك ما جاك وان شاء الله تكون من الصالحات يارب والله يسعدكم فيها ويسعدها فيكم
ويالغالية هذي ولادة البكرية عادي كلنا مرينا باللي مريتي فيه بس ان شاء الله تخاوينها او تجيبين لها اخت ثانية والولادة بتكون اهون من جذي

~نواعم~ · 03-06-2008, 01:35

الف الحمد لله على سلامتك انت والبنوتة

وقصتك حلوة واستمتعنا فيها

ام هباوي · 03-06-2008, 02:43

عزيزتي الف الف مبروك عليك يارا والف الحمد لله على سلامتكم ...وتتربى في عزكم يارب ...

cendrella · 03-06-2008, 04:58

ما شاء الله ايمان والف مبروك البنوته والحمدلله على سلامتك وتتربى في عزكم يارب

rimo2007 · 03-06-2008, 07:36

ماشاء الله عليها يا ايمان وتتربي بعزك يارب وما تشوفين شر فيها وضحكتيني لما بتقوليلهم خلاص ابي قيصيريه ههههههههههههههههه

الرمش الطويل · 03-06-2008, 10:56

والله يا إيمان شكلك تعبتي كثيرررررررررررررررررررر...بس الحمدالله على كل حال...

ومبروك قدوم يارا ....

القسومة · 03-06-2008, 11:36

الف مبروك واهم شي سلامتك وسلامة يارا
خخخخخخخخخ معك حق لو تاخرتي تكتبي قصتك

ام بسملة · 03-06-2008, 11:44

ياااااااااااااااااااااااااااا ه
شكلك تعبتي كتي يا ايمو الله يجعلو في موازين حسناتك
والف الف مبروك يارا والحمد لله جيتها بالسلامة

صدى الأشجان · 03-06-2008, 15:42

ماشاء الله الف الحمدلله على سلامتك وسلامة البيبي
وتتربى بعزكم

^ــ^ بنوته عسل ^ــ^ · 03-06-2008, 23:18

انتي تعبت بالولاده

وانا تعبت بالقراءه

الحمد الله على سلامتك

وسلامه البنوته

شمعة البيت 1 · 04-06-2008, 00:09

ياه يايمان والله تعبتي كثير
بس يالله كله باجره ان شالله
كله يهون عشان يارا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

واخـــــــــــــيرا هذه قصة ولادتي بيــــــارا بعد غياب طويـــــــــــل رجعتلكم