عالم الحياة الزوجية - منتدى

صدوووق الود · 14-06-2008, 22:29

يبدو أنني ومع قرب انتهاء العقد الثاني من عمري ( الله يطول بعمري )
بدأ يتسلل بداخلي الإحساس بالعنوسه ..

وإذا ماقورن الشاب بالفتاه فإن المجتمع يحكم عليها بالعنوسه
بعد الخامسه والعشرين يعني أناعانس مع مرتبة الشرف ..

ومن يصل لسن الثلاثين فيعتبر نايم أقصد حالته ميؤس منها قرأت في أحد الإحصائيات
أن العنوسه بدأت تغزوا الشباب العربي
وبشكل ملفت للأنظار يعني شباب وبنات كلهم في الهوى سوى ..

ومع نظرة الريبة والملامه من الأهل أصابني تبلد إحساس من نصائح أمي العزيزه
وشكواها من وضعي كعازب
ينام على سرير بدون مايتهاوش مع أحد على اللحاف أو يشاركه الشخير .. إلى متى ؟؟
على طاري النوم
مره حلمت اني تزوجت وفي الحلم قاعد اتهاوش ويا زوجتي
قمت من النوم قلت مالت عليك يعني يوم تزوجت بالحلم تهاوشت معها

إلى متى وأنا منبوذ في الأماكن العامه ويعتبرني المجتمع ( داشراً) ..!!

إلى متى وأنا اوقف عند الإشاره جنب سيارة عائله ويناظرني أبوهم بنص
بعين ولسان حاله يقول ( ياويلك لو تلتفت )
إلى متى وأنا كل ما احتجت غرض من السوق يرفضون دخولي ويقولون (ممنوع دخول الدشير)
أقصد ممنوع دخول العزوب ..

الى متى وانا كل ماشوف عرسان جدد شابكين يديهم اقول (يالله وش هالوناسه)

دائما أتصارع داخلياً << قويه ذي

أقصد هناك حيره بداخلي بين حب الحرية والرغبه في الإهتمام والحنان المفقود
فذلك الدفتر المرمي في ركن
الغرفه المحيوسه يحمل كتله من المشاعر المكبوته القابله للإنفجار لكنها ترفض الإنفجار حالياً
حتى أحصل على ماجستير عنوسه

لماذا لا أتزوج ؟؟

سؤال أوجهه لنفسي في كل مره أحضر فيها زواج أحد الأصدقاء ولكن السؤال أحيان يتحول إلى
( وليش أتزوج ؟؟) كل ماشفت المطاعم تكتض بالمتزوجين ...!!

أحيان تكون الإجابه غلاء المهور تأمين المستقبل الإرتباط المسؤليه .. الخ

لكني أؤمن أنني في مجتمع يرفع شعار ( الي مامعوش مايلزموش )
فأولياء الأمور الآن لايريدون الا الشاب الـ (كاش)

وبما أني ما اتعامل الا بالشيكات فلازم أنتظر حصولي على شهادة دكتوراه دشاره أقصد عنوسه

ملاحظه كتبت هالموضوع قبل فتره في احد المنتديات
والحين انا معزم اتزوج الله يعين سعيدة الحظ

a.and.a · 14-06-2008, 23:08

اولا الله يوفقك لما يحبه ويرضاه

تراك في نهايه العقد الثالث ياخوي

مصغر نفسك عشر سنين ليش خخخخخخ

ترى والله الموضوع قسمه ونصيب

انا اعرف ناس يقربون لنا

تزوجوا ماشاء الله اخوان 3 دفعه واحده ماشاء الله تبارك الله

اكبرهم كان 31 سنه واصغرهم 26 سنه

هم ماشاء الله تبارك الله اغنياء وكل واحد ساكن في فلة لحاله ماشاء الله تبارك الله

فالموضوع كله قسمه ونصيب واحد 31 واخوه 26 وتزوجو في نفس اليوم واللحظه

فلاتتعلل بانه الاباء يبغون كاشات ومن الكلام الفاضي ده

عموما

مرة اخرى

الله يوفقك ويتمم عليك بخير

حنونة محتاجه حنين 1 · 15-06-2008, 00:12

هلا وغلا
استغرب وربي من كلامك
بضنك انه الزوجه بس للطبخ !!!!!!!! ليه اتزوج والمطاعم ملايانه متزوجين
تبي تتزوج دور لك ولا كلم اختك ولا امك
الله يسعدك ما احد قال لك لا

мόόη Ļίģħт · 15-06-2008, 00:50

مااحد ياخذ غير نصيبه وفي اليوم اللي ربي كاتبه

والزواج مو لـ ناس وناس ........ الكاش على قولك واللي على قده ...

والا كان مااحد تزوج ......!

فكر بـ ايجابية

انت عشت حياتكـ كـ عازب فترة وماضاع شبابك بمسؤولية وبيت
والعمر قدامك تستقر وتحس بقيمة الزواج اكثر من لو كنت متزوج صغير

ودامك تفكر بالزواج فـ ان شاء الله ربي يوفقك وتكون لكـ الزوجة الصالحه اللي تتمناها

سكرة خالد · 15-06-2008, 01:02

الله يوفقك ويكتب لك اللي فيه الخير وعلى فكره عمرك مررره مناسب للزواج يعني مو متأخر وخليك متـفائل

روآآبي · 15-06-2008, 01:13

اخوي صدوق
ترى عمرك مو كبير ... مازلت في مقتبل شبابك
اغلب البنات يحبذون الشباب في بداية الثلاثينات
ثانيا ... حتى لو معك شيكات مصير هالشيكات تنصرف وتجيب الكاش
تفائلوا بالخير تجدوه
والبنات على قولتهم على قفا من يشيل ...واذا توكلت على الله واستعنت به ... وجهزت نفسك تجهيز بسيط للزواج
ممكن بسهوله وباارادة الرحمن تلقى من توافق وترتبط فيك وتكونون اجمل أسره

اهم شي انك تتفائل بالخير وتستعين بالله .... وكل شئ بيد الرحمن

@ كوكو شانيل @ · 15-06-2008, 01:29

نصيبك يصيبك

فلا تستعجل على رزقك

لامتى احظن المخده؟؟ · 15-06-2008, 01:54

يا صدوق الود

انت بمجتمع عربي جاااهل اغلبه غير مثقف

مجتمع اقصى طمـــــــوحه الزواج

والزواج سنه وليس واجب

نظره المجتمع للعازب بالعالم الثالث نظره قاصره وتنم عن عقول تفكيرها بدائي

اول شي الزواج قسمه ونصيب وذا مكتوب انت بتزوج بتزوج حتى لو بكره...

ثاني شي لاتتأثر بنظره المجتمع المتخلف خذهم على قد اعقولهم..

والمثل يقول ( عزوبي دهر ولا متزوج شهر)

تصوم تصوم وتفطر على مفطح ولا انك تفطر على وجبات سريعه ونهايتك تسمم

القصد تزوج ونت كبير وزواجك ناجح ولا انك تزوج بسن مناسب او صغير ونهايته فاشله

وكل ماكبر سن الواحد بزواج تكون نظرته وثقافته بزواج اوسع والزواج انجح والعكسس

وبنهايه يقول لايهم كم عمر الزواج المهم عمر السعاده بزواج

@جوري الحب@ · 15-06-2008, 05:48

واخيرآ قررت تتزوج

اخوي الزواج قسمه ونصيب الواحد ما يدري وين مكتوب نصيبه

انت لسى مو كبير مره لو كنت بنت يمكن نقول عنست بس الرجال ما يعيبه الكبر

وانت حاول تكون نفسك وإنشالله راح تلقاء احلى عروس

وزي ما قالو الأخوان البنات على قفأ من يشيل

تقبل تحياتي

انا هي انا · 15-06-2008, 09:01

دامك وصلت للاقتناع انك بتتزوج

يعني وصلت لقرار يعني انت قد المسؤليه واعقلها وتوكل

وصدقني هاذي بالنهايه ارزاق ونصيب

والله يوفقك ويكتب لك اللي فيه الخيرررررررررررررررررررررر

رومانيس · 15-06-2008, 09:08

ههههههههههههههههه
بجد موضوع يوسع الصدر

عادي زوجي اكبر منى بواجد وكل مايطالع فيني
يقول احس نفسي شايب ولان ماتزوج الا متاخر
ومع هذا عايش بحياه حلوه
بالمناسبه اذا انت متوضف كل شي عال العال ليه ماتتزوج وتستر نفسك <=== ليه بنت
المهم ترا الزواج اكمال لدين
وبعدين وش فيكم غلا المهور غلا المهور حنا مانطلب واجد من خمسين الف وانت نازل <== حط بالك وانت نازل خخخخخ
على العموم
الله يوفقك بالبنت اللى مثلى هههههههههههه <=== ذربه وحليله ومزيونه<=== اقول كيف حالك *_*

الله يوفقك

رومانيس

صدوووق الود · 16-06-2008, 11:47

اقتباس:

المشاركة الأصلية كتبت بواسطة a.and.a

اولا الله يوفقك لما يحبه ويرضاه

تراك في نهايه العقد الثالث ياخوي

مصغر نفسك عشر سنين ليش خخخخخخ

ترى والله الموضوع قسمه ونصيب

انا اعرف ناس يقربون لنا

تزوجوا ماشاء الله اخوان 3 دفعه واحده ماشاء الله تبارك الله

اكبرهم كان 31 سنه واصغرهم 26 سنه

هم ماشاء الله تبارك الله اغنياء وكل واحد ساكن في فلة لحاله ماشاء الله تبارك الله

فالموضوع كله قسمه ونصيب واحد 31 واخوه 26 وتزوجو في نفس اليوم واللحظه

فلاتتعلل بانه الاباء يبغون كاشات ومن الكلام الفاضي ده

عموما

مرة اخرى

الله يوفقك ويتمم عليك بخير

تصدق ياخوي اني مادريت عن هالغلطه الحلوه الي رجعتني لأيام الطعش والمراهقه

وحبيت اقول للجميع اني بهالموضوع ما اعمم بس حبيت اخذ الموضوع بشئ من الطرافه
يعني احاول انكت شوي ونغير جو

كنت كاتب هالموضوع قبل سنتين وكان وضعي لك عليه وقتها كنت خايف اتزوج ولا اقدر على
مصاريف ومسؤوليات الزواج بس الحمد لله تحسنت الظروف والحين جاهزين

بالنسبه للي يبي كاش حتى الان موجودين وصادفنا ناس منهم

صدوووق الود · 16-06-2008, 11:50

اقتباس:

المشاركة الأصلية كتبت بواسطة حنونة محتاجه حنين 1

هلا وغلا
استغرب وربي من كلامك
بضنك انه الزوجه بس للطبخ !!!!!!!! ليه اتزوج والمطاعم ملايانه متزوجين
تبي تتزوج دور لك ولا كلم اختك ولا امك
الله يسعدك ما احد قال لك لا

حنونه شفيك معصبه هههه

ترى هالكلام واقعي الحريم صارن يحبن المطاعم والراحه << على مسؤوليتي

بس ترى ما اعمم

ومافي مشكله نجيب من المطعم بس مهوب كل يوم !!

يسعدك ربي

Rawwaf · 16-06-2008, 12:47

لو كانت العزوبية أمرأة لقتلتها

«®°·.¸.•°®» احترامي «®°·.¸¸.•° ®»

حضن الحبيب · 16-06-2008, 12:54

والله يا صدوق انا حالتي نفس حالتك والان نويت نية صادقة اني اتزوج وانا عمري الان 27 سنة

والله والله والله اني لمن اشوف زوجين ماسكين يد بعض ومعاهم عربية نونو صغير اتاثر وقلبي يوجعني وادعيلهم من قلبي الله يوفقهم ويسعدهم ويبلغني الزوجة الصالحة وبصراحة في كم مرة نزلت دمعتي بسبب هادا المنظر من جد وانا في دا العمر نزلت دمعتي وماقدرت امنعها

الله يصبرنا ويبلغنا ببنت الحلال امين يارب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

(ممنووووع دخووول الدشير )