عالم الحياة الزوجية - منتدى

الشـــ2009ـــــــووق · 17-06-2008, 01:21

السلام عليكم ورحمة الله وبركاته

ياأخواني ياأخواتي

هذاموضوع خاص بزوجة اخو زوجي

يعني سلفتي-----

انا والله احبها زي اختي وهي كمان بس حصلت معاها مشكله

نفسي اني اساعدها بس مااعرف كيف

المشكله مع زوجها هي معاها ولد عمره تقريبا ثمانية شهور يعني لسه صغير

المهم زوجها كان عادي معاها يعني يعاملها بحب كأي زوجين كنا نطلع سوى نتمشى احنا وأهل زوجي

طبعا اخواته موجودات وحده من اخواته هي سبب المشكله والله اعلم هذا اللي سمعته

وقبل ثلاثة اسابيع اتصلت عليه وكانت ت بكي

قلت لها ايش صار ليش تبكي

قالت تتذكري لما كنا نتمشى في الحديقه

قلت ايه

قالت تتذكري لما كنا نسولف انا وانتي وبنت اخت زوجي لما قالت لنا اذا تزاعلتو انتوا وازواجكم

مين يراضي الثاني ؟؟

قلت انا ---- ايه اذكر

قالت وقتها انا قلت اكثر الاحيان هو يراضيني

قلت لها مستغربه طيب وش السالفه

قالت قبل يومين كنا انا وزوجي عند اخته (طبعا اخته في مدينه ثانيه)

جلسنا عندهم يومين ولما رجعت البيت وفي الليل جاني زوجي معصب وزعلان

سالته اش فيك قال ليش تقولين لزوجة اخويه (يقصدني) انا اربي رجال انا اخليه يعتذر دائما

تقول انا جلست ابكي واحلف له اني ماقلته بعدين عرفت انه من اخته وبنتها سألت زوجي

وانت مين قال لك قال اختي قالتلي انك قلتي هالكلام وسكتت عشان المشاكل

بعدين قالت مقدر اسكت انقهر
(تخيلوا تهدم بيت اخوها عشان ماتقر تسكت)

المهم بعد المكالمه هذي انا انصدمت من اخته كيف تاخذ الكلام وتقلبه على كيفها

واليوم يعني بعد المكالمه بثلاثة اسابيع

اتصلت علي قالت لي ماتدرين عن ولدي وينه

ليش وينه قالت اخذه مني البارح ولاادري وين شاله

قلت ليش اش صار

قالت من بعد سالفة اخته تغير عليه مايدانيني قدامه

واذا جا الليل اخذ الولد وراح مجلس الرجال ينام فيه

وصار يطلع من صلاة العصر ولا يرجع الا الساعه 12 بالليل

وكل يوم يسب فيني ويلعن

ويكسر البيبان اذا قفلت على نفسي

صرت اخاف اذا جا البيت والبارح قلت ودني اهلي عندهم ناس

وبعد السب واللعن وداني وقبل لاأنزل قالي اذا منتي راجعه جيبي الولد

قلت له لا برجع

ولما دخلت لأهلي انهرت من البكي تعبت من اللي سواه فيني

وجات الساعه 11 بالليل طبعا جا وقاللي وهو ينافخ يالله اطلعي

قلت له لا ماني راجعه وعصب وقال هاتي الولد ولا ترا بسوي مشاكل هنا

قلت له خذولدك من غير مشاكل--واعطيته الولد

------------------------------------

انا حاولت اهديها عشان ترجع

بس مافي فايده

انا سمعت كلام انه اخته هذي كل شوي وتسب فيها مثلا (هذي كسوله هذي ماتقدر المسؤليه هذي بيتها وصخ )ومن هذا الكلام

وزوجها اطنه والله اعلم من هذا الكلام الزن فوق راسه خلاه مايطيقها

اخته هذي كرهت امها في زوجة اخوها اجل كيف باخوها نفسه

وانا شفتها والله ماشاءالله عليها بس وش نقول

وانا ادري وهي تدري ان ولدها الحين عند اخته تربيه

لان امه عجوز مافيها على الصغار

انا صارت معاي مشكله العام ورحت بيت اهلي وكان معاي ولدي عمره 6 شهور وجلست عند اهلي

4 شهور وولدي معاي وكان زوجي يرسل اخته (اخته وحده ثانيه بس مي اقل من اختها)

كل ربوع عشان يشوف ولده وبعد 4 شهور اخذ ولده على اساس انه يشوفه ويرجعه بالليل زي كل مره بس استنيت واستنيت ماجا ومن البكر عرفت انه اخذه وماراح يرجعه

وجاني كلام طبعا من سلفتي انه اخذه عند اخته هذي اللي سبب المشكله الحين

وجلس 5 شهور لاحس ولاخبر

بعدين رجعني عشان الولد وعشان اللي في بطني

--------------

مومهم انا المهم اني ابغى ارجعهم لبعض وماني قادره لانها هي ماتبغاه وهو مايبغها وش تنصحوني اسوي

وانا ماأقدر اقول لزوجي لأني الحين مسويه نفسي ماني عارفه

ولان سلفتي لما كنت بالمشكله وكنت عند اهلي كانت تكلمني من ورا زوجها ولما عرف سوالها مشاكل

بسسبها جلست عند اهلها شهرين

كيف الحل ماابغاهم يطلقوا وخصوصا ان بينهم ولد

تكفون لاتطنشون

الله يوفقكم

@ كوكو شانيل @ · 17-06-2008, 01:34

بصراحه المشكله شائكه نوعا ما

واللي زاد الطين بله انه اخواتهم يسببون المشاكل

ويتصدرون لتربيه الاطفال وهذا اللي يخليهم يتشجعون رجالكم

انهم يتركونكم عند اهلكم لانهم لاقين من يربي عيالهم ....

شوفي اختي كون انه مايبغاها او ماتبغاه هذا شعور جديد

والسبب هي الاخت مهيب كرههم في بعض لانهم كانو
حلوين من الاول مع بعض ,, لكن بعد نقل الحكي والاضافات

اللي جته صارو مايبغون بعض
لازم يرجعون لبعض والحل بيد اخو زوجك مهوب بايد سلفتك

لانه هو حاط اذنه لاخته بنقل الحكي .. هالشي مايصير

اللي يبي الراحه والحياة المستقره لازم يصك عيونه واذانه عن

اللي يبي يخربون عليهم

هالشي لازم توصلينه لسلفتك عشان هي تتفاهم مع زوجها

لازم يدور بينهم نقاش كيف تمشي حياتهم من غير محد يسمع للناس

وخصوصا الاهل مهما كانو قريبين للنفس

الله يكون بعونهم

زعيم المحللين · 17-06-2008, 08:57

والله يا ختي .... على حسب فهمي للقصه الي ذكرتي ...

انه فيكي .... تنقذي الموقف الي صار بينهم ....

لانك تقولي .... ان اخته حرفت كلام سليفتك ..... وكنت موجودة وقتها ...

وخايفة تقولي لزوجك ...... ممكن تسبب مشاكل معه ....

راي .... انك ممكن تجلسين مع زوجك ... يكون يومها رايق ومبسوط ....

وتشرحيله الي صار ..... بالتفصيل .... وان الي صار سوالف حريم لا اقل ولا اكثر ....

بس بشرط عدم التجريح باخته ..... او التقليل من قيمتها ... حتى ما يكون عنده رده فعل سلبيه ....

وانك بتقوليله هالكلام من اول بس خفتي من المشاكل ....

وحرام يصير بينهم الي صار بسبب تافه ..... وتتمني عليه يدخل في الموضوع ويقنع اخوه ....

ويوفق بينهم ..... ويحاول يحل المشكله الي صارت .... وسوء التفاهم ....

هذا على حسب مافهمت قصتك .....

والله يجمعهم على خير .... من جديد .... وتكوني سبب في ذلك ...

دمـــــــــتــــــــــم

الفولي · 17-06-2008, 09:18

فيه زوجه عاقله في الدنيا تقول لاخت زوجها هذا الكلام

لا حول ولا قوة الا بالله

عموما لي عوده للرد

صفوح أبواللبن · 17-06-2008, 13:15

الحياة لازمها هدوء وعقلانية

الشـــ2009ـــــــووق · 29-06-2008, 01:45

الله يعطيكم العافيه ماقصرتوا

حبيت اقول انه انا وزوجي اتفقنا انه نرجعهم وسوينا اللي علينا

هو كلم اخوه وانا كلمتها

واللي عرفته من زوجي انه زوجها يبغاها بس متضايق منها

في بعض الامور عشان كذا

الشـــ2009ـــــــووق · 29-06-2008, 01:53

عشان كذا يزعل منها

وهي تشوفه زعلان تحسبه يكرهها ومايبغاها

المهم زوجها الحين رجع لها ولدها

ولما رجعه زوجي منعني اني اكلمها

لكن فهمته انه هي ماغلطت عليه عشان اقطعها هي ماسوت لي شي

بس زوجي عصب وقال خلاص ولدها رجع لها ليش تكلمينها

وبعد مده وافق اني اكلمها

وجلست فوق راسها احاول فيها لما لانت شوي قالت افكر ارجع

انا فرحت

بس قالت بعد ماقررت

والحين المشكله في زوجها زعلان عليها يقول (حسب اللي سمعته)

هي كل شوي ورايحه عند اهلها

يعني يمكن مايروح لها يتفاهمون

هذا كل شي

هل بيدي شي اسويه الحين

وجزاكم الله خير

قلبي كله حنان · 29-06-2008, 10:43

بسم الله الرحمن الرحيم
السلام عليكم ورحمة الله وبركاته .................................................. .......................
كلامي في شويه من التجريح بس ارجوك اتحمليه عشان انا مريت بنفس الظروف اوكيه وحتكلم من تجربه وبكل صراحه.
// في حكمه تقول اذا اتاك احد وعينه مفقوعه لا تحكم

حتى تشوف الثاني يمكن عينه الاثنين مفقوعه

وقولي لسلفتك هذا اختوه خليك رسمي معاها ان جات بيتك اكريميها ومواضيع ثانيه لا عشان اخته لا تحور الكلام وتغيره وخاصه ان زوجها سماع للحريم واخته هذه مصيبه داخله له عن طريق نحنا اخواتك والله نعزك وشايفينك زي ابونا انت المسؤل عننا بعد عمر طويل اذا الوالد مات مالنا احد بعد الله الا انت والله حتى عيالي يحبوك اكثر واحد في خيلانهم من الكلام الفاضيو بعدين يجى على الضعيفه................ الله المستعان على الظالم
الله يكفيكم شر كل اخت تخرب بيبت اخوها وربي ان شاء الله يشغلها بنفسها
قولي امين

رمـــــــوز · 29-06-2008, 15:23

المفروض تخلينها تواجه أخته وتخليك انتي الشاهد لأنك كنتي معهم بالموقف

وترى مو كل مره تسلم الجره ... يمكن أخته ترجع وتسوي لها مشكله ثانيه

وهو أكيد بيصدقها دامه صدقها المره الاولى

لااااااااااازم تواجه أخته واللي يصير يصير

الشـــ2009ـــــــووق · 30-06-2008, 00:41

صحيح الحياة لازمها هدوء وعقلانيه بس مين يفهم هالكلام

الله يهديهم ان شاء الله

الشـــ2009ـــــــووق · 30-06-2008, 00:45

مشكوريييين على ردودكم

جزاكم الله خير

الله يوفقكم ---------------

الشـــ2009ـــــــووق · 05-07-2008, 03:28

الان الحمدلله انحلت نص المشكله

جلست فوق راسه الى ان اتصلت عليه وتفاهموا

بس المشكله الحين هي قالتله تعال ادخل عند اهلي نتفاهم

بس هو رفض يقول اذا تبغين ترجعين اتصلي علي اجي اخذك من برا(يعني مايدخل عنداهلها)

والحين اهلها رافضين انها تروح كذا من غير مايدخل يتفاهم معاهم

وهو يقول انتي زي مارحتي بدون سبب ارجعي

ويقول انه هو ماسوالهاذ شي عشان يدخل يتفاهم

الحين المشكله في يده هو ويد اهلها اللي مو راجعين ترجع كذا

قلبي كله حنان · 05-07-2008, 14:54

بسم الله الرحمن الرحيم
اخي في الله السلام عليكم ورحمة الله وبركاته .................................................. .............................
في ردي الاول كتبت كلام لمصلحت سلفتك ومصلحتك وكان في شوي من التجريح على اخوي زوجك فقام الاخ طالب حنان وعمل تعديل في موضوعي وكنت اتمنى انو يحذفوا ولا ينقص في كلمه وحده بس لله الشكوى عشان انا ما كتبت شي في اسائه لاحد بس يمكن هو من وجهة نظره شايف الموضوع ما يحتاج يطول اكثر من لازم
المهم انا اخش في صلب الموضوع بدام سلفتك وزوجها في حب بينهم وطفل المفروض تتعوذ بالله من الشيطان الرجيم وترجع مع زوجها وتخلي اهلها بعيد عن الموضوع هي لما ترجع معه تقولوا المفروض الواحد يحكم في اي موضوع من الطرفين اما حكاية يأخذ القبيبه من راس القدر ولا يستنى عليها لمى تحمى ويحكم (طبعا هذا مثل عند اهل مكه)....................... هذا الشي الله سبحانه وتعالى لا يرضاه عشان الله بيقول (( واذا قلتم فأعدلوا ولو كان ذا قربى )) ..سورة الانعام ايه 152
زوجها الله يهديه يسمع للحريم بصفه عامه واخواته بصفه خاصه وبعدين يتأثر بس ان شاء الله الله ينور بصيرته اهم شي سلفتك تتعامل معها بصفه رسميه يعنى اذا جاتها البيت تكرمها واذا اتناقشت في الموضوع تقفل بأي طريقه عشان سلفتك جولتها خسرانه بدام زوجها ماراح يستمع لها ولا يصدقها..
الله يهدي النفوس

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ارجوكــــــــم لاتبخلوا علي بشوركم-----