السلام عليكم و رحمة الله
عرس بنت خالتي جريب تاريخ 28 -6 و تجهيزات الزواج علي انا بس احترت في الدخلة و حبيت استشيركم في حركة الدخلة الحركة هي ان قبل ما تنزل العروس بحط مقطع قبل ما تنزل البنتين و يكون المقطع عن شي رومنسي عن العروس بس بعدني ما جهزت الرمسة( ما اعرف شو اكتب متشتته) اول ما تخلص الكلام بتنزل البنتين معاهم سلة ورود الي بينثروها عالممر و ولد شال هدية و هي عبارة عن قلب فيها شعر بصراحة انا قلت حق بنت خالتي انها هي لازم تكتب شعر لزوجها احسن لانه بيفرح اذا عرف انها هي الي كتبتها مب انا المهم و هذا الشعر بيكون داخل قلب زجاجي و بيكون صورت العروس و المعرس على القلب من برة يعني عالغطا و بيكون هالمجسم على قاعدة حمرا على شكل قلب و مزينه بالشموع و القلوب.

اول ما يوصل الولد عالكوشة بيحط الهدية على طاولة مجهزتها و بعدين تنزل العروس اول ما توصل عالكوشة بيكون هناك حمامتين و قلوب في قفص و الحمامتين اتكون كاشخة و تلمع اول ما تطير بترش هاللمعة في كل مكان و اتكون القلوب طايرة بعد. بس انا محتارة و ابا رايكم فيها هل الحركة حلوة و لا لا او هل عندكم فكرة حلوة خبروني عنها و اباكم تعطوني رايكم بعد لاني مب قادرة ارتب افكاري لانه وااايد شغل على راسي لازم اخلصه.