عالم الحياة الزوجية - منتدى

tuna$ · 25-06-2008, 09:30

السلام عليكم يا اخواني و اخواتي،،،
انا بحب افضفضلكوا قوي عشان انتوا فعلا نصائحكوا مفيدة و بتجيب نتيجة كويسة قوي ...
انا حائرة و مش عارفة راسي من رجلي .. انا حبيت انسان محترم جدا من سنة و هو عمل بالاصول و جه هو مامته عندنا في البيت للتعارف .. و من بعدها قال لي انه سوف يغير عمله و سيسافر في مدينة تانية في نفس البلد و لكن بعيدة شوية ...المهم انه قال لي انه يريد مستقبل لنا احسن عشان كده راح المدينة دي و وعدني انه اول ما يرجع لي سوف يرتب معايا مستقبلنا و ماذا سنسوي فيه و نعجل بالامور تبقي رسمي و كدة .... المشكلة انه من ساعت ماراح العمل الجديد و هو مشغول جدا و يكلمني كل فين و فين و ادينا عدت شهر و ماكلمنيش فيه الا ثلاث مرات و كمان لازم انا اللي ابتدي و اتصل به.. انا امي بدأت تسألني هو فين و مختفي ليه و مش بيتصل ليه؟ و انا مش بلاقي رد غير انه مشغول.. و فعلا انا لما بتصل به بيقي فيه ناس جنبه و واقفين بيتكلموا معاه في شغل و لكن امي مش هتصدق لما اقولها انه علي طول مشغول و ابي ابتدي برضه يسألني عليه و لسة امبارح قال لي انه لما يجي عريس لي سوق اقابله .. انا من الكلمة دي و انا احسست بان فيه حاجة غلط في او في خطيبي.. و قررت اتصل به عشان اقوله و لكن ماردش امبارح و مانمتش الليل خالص من القلق ... ماذا اقول له؟ و هل افهمه ما قاله والدي و لا لا ؟و لا انتظر وعده لي انه لما يجي بعد شهر هيتفق معايا علي حاجات تخصنا في المستقبل.. بس انا برضه مستغربة لو بيحبني ليه مش بيسأل علي ودايما مشغول و ناسيني كده..لازم انا ال اتصل به.. ارجوكوا انصحوني عشان اعرف اعمل ايه معاه...

محمد1515 · 25-06-2008, 10:02

اول شئ ممكن الرجل صحيح مشغول ...
ولكن المصارحة في مثل هذه الأمور مطلوبة لأن فيها مستقبل وما يتبع الزواج من ذرية والتزامات .

اذ مو حاب يسمعك بالهاتف ارسلي له رسالة واشرحي له اللي أنتي فيه لأن من الممكن ان يستطيع
ان يكتب ما يدور في خلده ويستطيع التعبير بشكل أفضل من الهاتف ...

أتمنى لك التوفيق ...

برة الشبابيك · 25-06-2008, 10:56

يبدو من طريقة سردك انك مصرية

شوفي يا اختى العزيزة

انتي بتقولي انه زاركم بالبيت زيارة للتعارف وبالتالي لم يتكلم في أي

شئ بشأن الارتباط بكي مع أهلك ... وواضح أن اهلك لا يرفضونه بالعكس

هم راغبين في ذلك ... وانت لكي الحق ان تقلقي فكل ما حدث مجرد زيارة

وانا من رأيي .........

أن تتصلي به وتخبريه بكلام والدك وأنك لا ترغبين بالزواج الا منه هو

وانك مستعدة من اجله ان تفعلي أي شئ ولكنك لن تستطيعي مواجهة

كل تلك الضغوط التي تواجيهها من اهلك وخاصة ابيكي .. وان عليه ان يراعى

هذا الحب ويثبت لأهلك انه راغب فيكي مثل رغبتك فيه ، وأن يساعدك في

مواجهة تلك الضغوط بأن يكلم والدك ولو بالتليفون ويطلب من يدك (خطوية)

ويقرأ معه الفاتحة على ذلك ولو بالتليفون وفي خلال تلك المكالمة عليه أن

يعطي والدك ميعاد معين ومحدد لزيارتكم رسميا وتقديم دبل الخطوية

وبعد الخطوبة مع الوقت الكافي لتجهيز نفسه ومستقبله ......

عزيزتي
إذا كان متمسك بكي ويرغب فعلا في الارتباط بكي فثقي انه

سيقدر كلامك ومشاعرك ، وإن رفض هذا الرأي فهذا الشخص

ضعيف نوعا ما وقد يجعلك تنتظريه فترة كبيرة .. والله أعلم بتقلبات

الزمان ... وفي هذه الحالة انصحك (عصفور باليد .............)

سارا** · 25-06-2008, 11:27

حبيبتي انا بقوولك شي انتبههههههههههههههههي تبينيله انك تستنيه وانك رافضة العرسان عشانه شوفي حبيبتي الرجال بطبيعته يحب انه هو اللي يجري ورا البنت وصدقيني لوحس البنت بتجري ورااه بيمل اوي ..
انتي استخدمي معاه هالفكرة وصدقيني بتعرفي وئتها هو يحبك وشاريك او لا ..
كلميه واساليه عن اي اسم انسان مش بالشرط تعرفيه متلا احمد عبدالله واولي هو عاوز يخطبني ايه رايك فيه وكنانه هو نفسه مابيهمكش امره ..
حبيبتي بهالطريقة موش هتخسري كرامتك ابد وبالتوفيق وربنا يهدي سرك ..

tuna$ · 25-06-2008, 11:35

انا اشكركم علي نصائحكوا و ربنا يجزيكوا الف خير يا رب... فعلا كلامك يا ( برة الشبابيك ) رائع و كله صح ... انا هطرح عليه الكلام اللي قلته و هشوف هيعمل ... لأني استخدمتها قبل ما يجي هو و امه البيت .. و طلبت منه ان يظهر نيته الحقيقية لأهلي و فعلا جه البيت قبل ما يسافر.. و انا عايزة اهلي يطمنوا اكثر من حبه لي و انه ي جاد فعلا معانا.. هشوف و هقولكوا علي كل حاجة .. و انا منتظرة اراء اخري لعلي و عسي ماكنتش في بالي... شكرأًًً

][*الحياة حلوة*][ · 25-06-2008, 11:40

معرفش بئا !!

بس من رااايي هو قال بعد شهـــر يعني اللي صبرك كثير مشقادرة تشوفي النتيجه بعد شهر!!

اذا رجع تمام خلاص !!

غير كذا .... ...!!

شوفي نصيبكـ

tuna$ · 25-06-2008, 11:51

انا استعملت الفكرة يا سارة قبل كده معاه و كان بيتعصب و يقولي بلاش تتكلمي مع حد اكيد انتي بتشجعيه.. و كان دايما يقول لي انا بيرتاح عشان مش بخبي عليه حاجة زي دي و ده بالنسبه له دليل علي حبي له لأني بحكيله.. انا بس احساسي به انه مش مهتم بي قوي عشان عارف اني بحبه قوي و مطمن .. انا مش عايزاه يبقي مطمن كده ..

tuna$ · 25-06-2008, 11:56

ما هو يا ( الحياة حلوة) هو قعد شهر و فاضل شهر تاني.. انا انتظت شهر و لكن زهقت عشان مش بيكلمني خالص غير لما انا اكلمه ...و حاسه اني لوحدي و هو بعيد عني مش بيسأل عني .. و بيرد علي تليفوناتي و رسائلي الايميلات .. و لكن انا عايزاه يطمني اكتر زي ما قالي قبل ما يسافر انه لما يرجع هنتكلم في كل الشئون الي تخصنا..و لكن انا شايفاه مندمج قوي في شغله .. و اهلي من حقهم يطمنوا علي و علي مستقبلي.. هل انتظره لما يرجع و لا اتكلم معاه قبل ما يتقدملي عريس ؟؟

мόόη Ļίģħт · 25-06-2008, 13:14

من حقك تتطمنين على مستقبلك

اتصلي عليه او ارسليله مسج اني ابغاك ضروري لما تفضى كلمني << حتى مايكون مشغول وتكون مكالمتك بوقت غلط

لما يكلمك اشرحيله اللي صار من ابوك وانك واهلك شارينه لكنك خايفه من بكرا .. ومن ضغط اهلك

واذا جاد راح يعطيك الحلول او يبين انه متمسك فيك

وانتظري شهر وبعدها بيكون فيه كلام ثاني

روآآبي · 25-06-2008, 13:15

ارسلي له رساله تعبر عن كل مافي نفسكـ .. وعن وضعك مع والديك

برة الشبابيك · 25-06-2008, 13:19

ياجماعة واضح فعلا من كلامه وردود افعاله انه فعلا بيحبها

ولكن الظروف أقوى منه .. وواضح انه صادق معاها

ولكن .. هذا لا يمنع من ان يتخذ الخطوة التي قلت لك عليها

لإثبات حسن نيته ورغبته وتلك الخطوة لا تكلفه شئ مادي سوى

مكالمة تليفون ووعد حقيقي من رجل يحترم كلمته ...

tuna اذا عملتي بنصحيتي سوف يظهر مكنونه ولا تنتظري الشهر بل في

أقرب فرصة ومكالمة اطرحي الموضوع وواضح من كلامك انه شخص جاد

واعتقد ان سيوافق وسيتخذ تلك الخطوة ...

اختى اذا بينكم حب حقيقي بمعنى لكلمة ورغبة حقيقية في الارتباط

لا تتحرجي من محادثته وابلاغه بمكنونك فهذا لن يقلل من شأنك عنده

بالعكس سوف يعطيه الدافع لكي يتقدم لإنسان ترغبه ويحبها ومستعدة

ان تضحي بكل شئ من اجله ، وكل ما تطلبه هو ان يظهر امام اهلها بمظهر الجاد في الارتباط

tuna$ · 25-06-2008, 15:13

انا ارسلت له رسالة و طلبت منه يبقي يتصل بي عشان انا عايزاه ضروري و لسه ماكلمنيش . سوف احكيلكوا .ادعولي ارجوكوا انه كل شيء يصير خير.

ABO DANA · 25-06-2008, 17:21

لا تنتظرين اعطيه خبرررررررررررر بالموضوع اذا انه صادق بيستعجل في الامر ويتقدم لك
وذا انه جلس يختلق الاعذار

فهذا شي ثاني

tuna$ · 29-06-2008, 09:51

السلام عليكم يا احلي منتدي... انا الثلاثة ايام الماضية كنت افكر كتير ... اتكلمت معاه في كل حاجة و عن رد فعل اهلي و انهم يريدوا ان يطمنوا علي .. قال لي علي حاجة انا كنت اعرفها عنه من فترة طويلة و امي و ابي كانوا متفهمين وقابلين و كله عشان خاطري.. انه سافر بعد تخرجه من الجامعة الي امريكا و قعد هناك اربع سنوات و حصلت ظروف اضطرته يرجع مصر و للاسف هو منتظر الجيش و لسة مايعرفش هيدخله و لا لأ لكن هيعرف بعد شهرين ...و لكن انا عذرته و قلت له احنا ممكن نتخطب فترة الجيش الي ان ترجع و نتزوج و هو كان مقدر تضحيتي و زاد حبه لي بعد هذ الموقف.. و لكن امبارح لما تكلمنا فهمني ان ظروفه وحشه قوي و هو خايف من موضوع الجيش و خايف لو اتخطبنا يحصل اي ظروف تمنع الخطوبة ان تستمر في فترة الجيش بتاعه و هو يتمني انه ميدخلش الجيش عشان مايبقاش عائق امام علاقتنا و اعترفلي انه يحبني جدا و لكن خايف ان يظلكن ان دخل الجيش و انا منتظراه و هو يتمني ان ظروفه تتحسن و مايدخلش الجيش و نتخطب و نتزوج في اقرب فرصة. انا بدعي ربنا ان يعملي اللي فيه الخير. اريد رأيكم يا جماعة و بكل صراحة هل هو يحبني حقا و هل متخلاش عنه في ظروفه و انتظره .. {أيكم ارجكوكم .

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ما عرفت انام باليل