عالم الحياة الزوجية - منتدى

مجنونه بعقل · 26-06-2008, 18:46

انا عضوه جديده عندي مشكله ومالقيت مكان افضل من هالمكان لطرحها انا ابيكم تساعدوني وماتبخلون علي بالنصيحه انا عمري 22 سنه متملكه من ست شهور وداخله بالسابع الحين مشكلتي انو من ملكت اخذت ام زوجي رقمي ومااتصل علي انتظرت انتظرت انتظرت ومااتصل علي بعد فتره شلت الموضوع من بالي وفقدت الامل بانه يتصل ومره كنت جالسه وتاركه جوالي صامت لقيته متصل كذا مره ومرسل رساله انا فلان المهم انا تلخبطت ومارجع اتصل انا عارفه طبعه خجول شوي ثاني يوم قلت برسله بالليل ارسلتله انا اسفه امس لمااتصلت كنت مشغوله واليوم مافضيت الاالحين واتصل علي وكلمني والله 53ثانيه ماعطاني مجال اتكلم كان مرتبك مره قفل وماعاد اتصل قمت يوم كنت فاضيه ارسلت مسج حلو ورد علي بمسج وبدينا نتراسل كلام عادي سوالف يعني وبدت المكالمات وهو اكبر مني بسبع شهور بس المهم قعد يقولي انه كان يحبني من زمان وهو اصغر الاولاد من اهله وتزوج علشان مايخسرني ومن هالكلام بصراحه وبدون كذب هو يحبني وتقابلنا كم مره وحسيت بالشي هذا المهم الرجال يتصل بس نادر يعني انا اتصل اكثر منه وارسل اكثر منه وصرت كل يوم اعاتبه ليش ماتتصل ليش وليش وليش البنات يصير معاهم كذا وانا لا ومن هالكلام صرنا نتهاوش كثير وهو يبعد فتره ولما ارجع اكلمه يقولي انا ابعد عنك علشان مابي اخسرك واقول كلام يزعلك وانا اتكلم لانه من جد رافع ضغطي مايحسسني بغلاتي الانادر وملك علي ولما سالته عن زواجنا قال مطول انا ماديتي ماتسمح وانشالله قريب وصرنا ندخل ماسن مع بعض ونتكلم واخر شي خلاص صرت اكره نفسي من حركاته كل ماجتنا بنت تسال ليش مايتصل وكل اللي ملكو بعدي اتزوجو وهم حافين منتفين صرت اقول خلاص نترك بعض احسن ومره دخلت الماسنجر وارسلتله مسج ادخل نسولف ضايق صدري مارد علي انا عملت ايميل ثاني ودخلت عليه بدون لايعرف انه انا وتفاجات باني لقيته متصل انا انصدمت قمت تكلمت عادي وهو اسلوبه كان جدا عادي ولما قلتله انا فلانه وقعدت اتكلم وقلتله ابيك تتركني وانا اتكلم بكامل قواي العقليه بصراحه انقهرررررررررررررررررررررت واول ماطلعت من الماسنجر وارسله مسج لاعاد تتصل علي والله لايسامحك مااتصل بعد يومين ارسل مسج كلام غزل انه لاتتركيني ومن هالكلام واتصل وانا كنت نايمه اول ماصحيت ارسلت له انا اتكلم عربي لاعاد تتصل انا علشان حبيتك ومعيشتك جوك سويت فيني كذا المهم ارسل انه يبي يشوفني هو عارف انه كلمتين حلوه وبوسه راح تجيب اقصاي ارسلت مااقدر من ثلاث اسابيع بالضبط ارسلت الصبح مسج وارسلت واخر شي قلت له انا ام الازعاج قال ازعاجك احلى راحه وارسلت بس والله حركتك ماراح انساها وماراح اسامحك والله لايسامحك قال انتي ماتحترميني قلت انت ماتعاملني زي الناس قال لما تحترميني واللي تبينه بيجيك بس اصبري هاليومين طبعا قلتله اللي تبيه يمكن خيره نترك بعض وبعدين بعد فتره ارسلت انا مستحيل اتركك ومن هالكلام وكل اثنين يتهاوشون رساله طويله ومارد علي وبعد كم يوم ارسلت له اني بسافر مع اهلي ارسلي روحي ازعجتيني واقلقتي راسي روحي ماحد ماسكك ويوم الاحد اللي فات اتصلت ارسلي هلا والله كيف حالك وش عندك متصله انا مارديت عليه الى هاليوم\

ابيك تساعدوني الله يسعدكم وش اسوي الحين انا تعبت مره ساعدوني بسرعه والله بموت من حالتي النفسيه

روآآبي · 26-06-2008, 20:50

اختي يوجد تشويش في سرد احداث اللي صار
الان هو قال : انتي ماتحترميني !
ليه !

وكان في البدايه يحاول يوصل لرضاك وينسيك الموقف اللي صار

بعدها بدأ يقلب الموجه ويقولك انتي مزعجتني !
ماهو السبب وراء انقلاب موقفه !

هدي شوي ووضحي الموقف من بعد ماكشفتيه على المسنجر

مع اني ماأيدتك في حركة انك تسجلين بايميل ثاني ...مو من صالحك انك تظهرين امامه بمظهر المراقب والمتجسس ..

كل الرجال يحتاجون فترات راحه من زوجاتهم او خطيبتهم ..
واذا حاسبناهم على كل خطأ شارد ووارد
اغلب العلاقات الزوجيه راح تنتهي بانفصال

مجنونه بعقل · 27-06-2008, 02:14

بسم الله الرحمن الرحيم

اشكرك من كل قلبي اختي سحايب

هو قالي ماتحترميني علشان قلت روح الله لايسامحك

وبصراحه هو مل من طبعي علشان كذا تغير بس المشكله انا ابيه يحسسني بغلاتي والله احبه والله

روآآبي · 27-06-2008, 22:19

طيب الان لازم تعطينه فترة استراحه .. وانتي نفسك تاخذين فترة استراحه واعادة حسابات

انقطعي عنه ..لارسائل ولااتصالات لمدة اسبوع على الاقل

واستخيري خلال هالاسبوع وفكري زين في مشاعرك في اسلوبه معك ..وفي اسلوبك معه

ادرسي وضعكم صح ...وشاوري الوالده ..او اختك الكبيره او اخوك الكبيره في وضعكم وشوفوا رأيهم

мόόη Ļίģħт · 28-06-2008, 02:35

يمكن يكون اسلوبه مااعجبك في تعبيره عن مشاعره

لكن ماكان عندك صبر ولا نفس طويل ولا حتى تقبل للوضع

خصوصا مع مقارنته بغيره من الناس ..... مع ان الناس اجناس!

دايما لما نبغى نوصل لنتيجة مرضيه وحياة مثل مانتمناها نتعب بالبداية ونرضى في الاشياء الصعب تغييرها

ونتقبل الانسان بعيوبه ومحاسنه ونسعى لتحسينها للأفضل بدون ما نحسسه بعيب او نقص فيه .........

طريقتك كانت غلط ... حتى مع وجود الحب بينكم .. لكن طريقة المعامله أثرت كثير

بعد الاستخاره .. والدعاء ان ربي يوفقكمـ اذا في هالزواج خير ...... حاولي تغيرين من نفسك واسلوبك

وتتقبلين زوجك مثل ماهو وتحسسينه انك شاريته .... ومسألة تغييره للأفضل تكون تدريجيه وبكثير من الصبر

والأهم يكون مقتنع بهالتغيير .........

وبالنسبة لتعبيره عن مشاعره .. مو كل الرجال بدرجة واحده ونفس النمط

فيه الثقيل وفيه الملهوف .. منهم من يعبر بكلام .. ومنهم بفعل

مع اسلوبكـ الحلو واحترامك لخصوصياته ومحاولتك الجاده للوصول لعقله وقلبه مع بعض

راح يتغير اسلوبه باذن الله للأفضل ويعاملك بالمثل ....

ربي يوفقك وييسر لك امورك

جريحة الزمن · 28-06-2008, 02:39

حبيبتي بقولك بكل صراحه ومن غير زعل انتي ما عرفتي تكسبينه هو باين عليه من كلامك خجول وانتي بديتي تطلبين كل شي وتبينه بسرعه وشكلك من النوع الي يعمل مقارنات وهذا اكبر شي يفسد اي علاقه لا تقارني زوجك باي شخص كل واحد وله اسلوبه وبعدين كلمت الله لا يسامحك مره كبيره ولا تنقال ابد بسبت مشكله صغيره حبيبتي حاولي تتعاملي مع زوجك با سلوب راقي شوي وصدقيني راح تكسبينه الله يوفقك انشالله

مجنونه بعقل · 29-06-2008, 03:22

شكرررررررررررررررا لكم على هالنصايح الحلوة وانشاالله الله يسهلها علي واتعدل لاني شاريته صدق

قلبي كله حنان · 29-06-2008, 11:55

بسم الله الرحمن الرحيم
اختي في الله السلام عليكم ورحمة الله وبركاته .................................................. ............
في حكمه تقال (( من اراد الوصول للعسل عليه تحمل لذغ النحل ))

ومقوله اخرى انا اعتبرها ليست في محلها وهي ان افضل ايام العمر هي وقت الملكه وهذا كلام فاضي في نظري عشان الانسانه هي وحدها التى تستطيع ان تحبب الرجل فيها بأسلوبها وهي التي تكرهه فيها بتصرفاتها حتى لو كانت ملكت جمال وهي التي تستطيع ان تجعل حياتها كلها عسل وزهور وحب ... وبعدين اهم شي في فترة الملكه هل زوجك صاحب صلاه يعنى يصلي الصلاة في وقتها كيف علاقته بدينه ومع ربه ومع اهله هنا الوحده الذكيه تشوف وقت الملكه عشان تحاجه وقتها عن طريق الدين مو تشوف معاملته مع امه زفت واخواته مو طيبه وتبغاه يكون معاه تمام يا اختي اللي مافيه خير في اهله ما فيه خير في الناس وانت بنت الناس لسه ما ذهبت لبيته حتى لو كنتو مملكين فتشي في الامور هذه عن طريق اخواته اسأليهم كيفو معاكم خدوم ولا اتكالي ولا عصبي ولا ما يحب يعتمد على نفسه وبعدين نخش على الامور الثانيه اوكيه.

اختى احب اعطيك بعض النصائح بس يجب ان تدرسي الحاله من جميع الجهات:-

1- العمر بينكم متقارب جدا يعنى طريقة التفكير قد تكون نوعا ما متشابهه .

2- الاسلوب الاسلوب الاسلوب يجب ان يكون اسلوبك مع زوجك هذا اسمه في الشرع زوجك هذا حلالك هذا رجلك هذا سترك وغطاك هذا مفتاح السعاده في حياتك وسبب لدخولك الجنه في اخرتك كما قال الرسول صلى الله عليه وسلم
(( اي امرأه صامت شهرها وحصنة فرجها وصلت خمسها واطاعة زوجها قيل لها يوم القيامه ادخلي من اي ابواب الجنه شئتي ))
اسلوبك يجب ان يكون لطيف ورقيق ورومنسي حتى لو كان هو خجول يجب ان تساعديه على تخطي هذه المرحله بدهاء انثه بكل حنيه ورقه بكل ادب اوكيه .
يعنى بلاش طيلت لسان على الفاضي والمليان لو غلط بيني بأسلوب الدلع انك زعلانه وخليه يدور رضاك اما انك تزعلي بدون ما تعرفي الاسباب هذا في نظري دلع بنات اوكيه

3-

لا تسأليه كثير ليش وليش وليش وعشان ايش ............................... كثرة الاسأله نحن الرجال بطبيعتنا لانحب التحقيق في امور ما لها داعي

اوكيه مثلا ليش ما اتصلت ليه ما خرجت وغيره خلي كل سؤال في محله

مثلا : كيفك حبيبي وش فيك ما اتصلت انت عارف جوالي ما نور لين ما انت اتصلت شفت انت النور للجولي والنور لحياتي ياحياتي

.................. يكون سؤالك في نفس كلامك الحلوى اتفقنا
(( وش فيك ما اتصلت )) فكره صح

4- وبعدين كل يوم مكالمات اكبر غلط كل يوم نفس الكلام اكبر غلط

اختي انت الان في بيت ابوك ليسه ما رحتي بيته لما تروح بأذن الله بيته هو وقتها المسؤل الحقيقي عنك وعن اكلك وشربك ولبسك وسكنك وكل شي في حياتك

وبعدين تعالي هنا من دحين مشاكل واسبابها ايش كلها تافه يابنت الحلال كبري راسك وبلاش زعل على كل شي انت اصنعي حياتك مع انسان انت تحبيه وهو من زمان يحبك وانتو صغار اوكيه

انا ما ابغى اطول في الكلام بس ليا رجعه على موضوعك عشانكم انت لسه في بداية المشوار

الله يوفقك

بدويه · 29-06-2008, 12:36

حبيبتي الرجال يتضايق من قولة ليش ما دقيت وليش وما اتصلت وارسلت؟؟
أعطيه الحرية إنه يكلمك إذا كان فاضي .. بس لا تخنقينه إثقلي شوي الثقل صنعه

yassemine · 29-06-2008, 15:14

لا تتسرعي و فكري جيدا قبل اتخاد اي قرار

ضايع بالمحبه · 29-06-2008, 20:13

عفوا اختي
اسمحيلي انا لو بمكان هالرجال ما رح استمر معك اذا هذا اسلوبك

حب التملك والسيطره والاحاطة بالرجل من جميع الجوانب على اساس الحب للاسف يهدمه

حاليا لتحافظي على زواجك المستقبلي
لا تعاودي الاتصال به ثانيه
لا تظهري حبك المفرط له
كوني المسيطره عن بعد ولا تكوني حاضره في كل لحظه
ابتعدي عن اساليب التجسس والمكاشفه المبكره
لا تحاولي ان تكوني او تظهري بمظهر الشخص الاذكى خاصة عندما يحاول زوجك ان يخفي عنك شيئاً لا يريدك ان تعرفيه حتى لا يزعجك او يضايقك اعتبري ان اخفاؤه عنك هذه المعلومه ما هو الا خوفا على حياتكم من التدهور وخوفا على مشاعرك

بذمتك فيه بنت تقول لزوج المستقبل الله لا يسامحك ؟
قهرتيني والله

ريم الأحساس · 30-06-2008, 07:02

السلام عليكم
أسعد الله صباحك أختي ..
والله الدنيا ماتستاهل تتضايقين كذا .. ريحي بالك ..
وماعليش حبيبتي أسلوبك معه غلط .. يكفيك إنه يحبك .. صدقيني يختلف أسلوب التعبير عن الحب من شخص لشخص .. وغلط إنك تجبرين أي إنسان إنه يتواصل معاك .. خليه براحته .. صح انا حاسة فيك تحسين بقهر لأنه مايتصل ولا يعبر عن مشاعره .. لكن دام إنه خطبك أكيد له رغبة فيك ويحبك .. وأنتي لاتدمرين بأسلوبك هذا الحب اللي في نفسه ..
**نصيحتي: ابتعدي عنه نهائي , يعني لاتتصلين ولاترسلين .. طنشيه ..على الأقل لمدة أسبوعين أو ثلاث أسابيع حتى تهدأ النفوس , وبعدها إذا دق أو أرسل ردي .. وخليكي عادية, .. ولا كأن شئ صار .. وتكلمي عادي ولا تعاتبينه .. وحاولي قد ماتقدري تكتمتين غضبك ..
الله يوفقك والله حاسة فيك ..

مجنونه بعقل · 05-07-2008, 02:12

شكرا لكم اخواني كلكم للاسف ماحد يقدر يفهمني غير اثنين ريم الاحساس وقلبي كله حنان

انا محرووووووووووووووومه امي توفت من عمري شهور وكنت ابي احد يهتم فيني ومالقيت

انا اعترف انا غلطانه والله غلطانه ولاتلوموني انا تعبت من حياتي المشكله انه الحين احس انه

كاااااااااااااااااااااااارهني وماني عارفه شسوي والله احبه بس مدري شسوي وين اروح مالي

احد استشيره ليش ماتبوني اعيش هالفتره حالي حال الناس مايتصل ابدا ابدا ابد اتصل الجمعه اللي فاتت والله 2دقيقتين و4 ثواني

وعلى وجهك ماعاد اتصل كاااااااااااااارهه نفسي ابكي على اتفه الاسباب اتمنى يعطني فرصه بس ماني قادره

اوصله

سااااااااااااااااااااااااااااااااااااااااااااااااا اااااااااااعدوني والله لااموت

مجنونه بعقل · 05-07-2008, 02:14

اخوي ضايع بالمحبه والله ماشفت وضعي كيف علشان تقول قهرتيني والله لو تحط نفسك بمكاني كان

قدرت كل كلمه قلتها له

كيكة وردية · 05-07-2008, 06:23

السلااااام عليكم ورحمة الله وبركاتة..

يااختي انا والله حاسة فيك..لان انا اللي صار لي قرييييب من اللي صار لك..بصدق تعععععب

بس صدقيني..انا بعد فترة من اللي صار اكتشفت ان هالشي خيرة لي ..علشان اصير اثقل

الله يسخر لك زوجك ويسخرك له..ويزينك بعينه ويزينه بعينك ياااااااااارب..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ســــــــــــــــــــــــــــــــــــــــــعدوني