عالم الحياة الزوجية - منتدى

على نيته · 27-06-2008, 01:05

هلا والله
كيف حالكم يااخواني
وبصراحة محتاج مساعدة بس من أهل الرياض
لأني لحد الحين وأنا أبحث وأدور عن محل تصوير متخصص في تصوير حفلات الزواج في الرياض
أتمنى منكم تساعدوني
وخصوصا اللي تزوجوا ووصورو حفلات زواجهم بالفيديو والتصوير الفوتوغرافي
تكفون لا تسحبون علي

(من جديد ) · 27-06-2008, 01:08

فيه محل على طريق ابو بكرالصديق مواجه للمشى ( شارع الحوامل ) مكتوب عليه تصوير للافراح
لوحته سوداء لكن ماتذكر اسمه
بصراحة ماعرف عنهم شي
لكن كاتبين يصورون اعراس

*سحر الشرق* · 27-06-2008, 02:40

كثير محلات التصوير
و حاليا اغلب المشاغل الكبيرة توفر تصوير للزواجات

very love · 27-06-2008, 17:52

حبيبي وفر فلوسك والكم ألف فيما ينفع والله ان الفلوس اللي تروح في امور زي التصوير انت احوج لها بعد الزواج

мόόη Ļίģħт · 28-06-2008, 03:15

استديو جلامر شوتس بعماير السيركون

واستديو اضواء بطريق الملك عبدالعزيز بجانب قصر الرياض للأحتفالات

تصوير ديجتال 2000 ريال 40 صوره احجام طبعا اكثرها بحجم الدفتر
واكبر وحده بحجم المجله واكبر شوي
يصورون تقريبا من 80-100 صوره ويحطونها صغيره مره تختار منها وهم يكبرونها
وفيه عرض حلو للعرايس تصوير ديجتال فوتو وفديو وبروجكتر على مااظن انه 7500
والمحل في عماير السيلكون ورا محل العياف مباشره

ستديو زماني .. ستديو ذكريات.. ستديو ريما

هذي اهم الاستديوهات بالرياض
يارب تفيدك

hamatooooo · 28-06-2008, 03:59

اقول وش تبي بالتصوير وزي ماقال very love وفر فلوسك

وعلى العموم الله يتمم لكم بخير

الواصل11 · 28-06-2008, 04:37

لقطه الجمال

شارع الملك عبدالله مقابل جامعه الملك سعود

اتجه الشرق يكون هو على اليمين مقابل الصراف السعودي الامريكي

ويفتح شمال المحل الى جانبه مكتب عقار

اطلبي البنات الفلبنيه
الاسعار عندهم ممتاز جدااااااااااااااا

اختي تعرفهم وصورت عندهم الصور روعه تاخذ العقل

لديهم كل انواع التصوير ...................

عمر الزهور1 · 28-06-2008, 04:57

انا متزوجه لي شهرين مسسسسسستحيل تلقى مثل تصوير دار نور جداااا جدااا رائئئئئئئع

رحت لقلامر بس انه غااالي على صور قليله لكن انا سويت دار نور عندهم عرض اخذت الفوتوغراف ب 4000 يشمل 100 لقطه تختار منها 30 صوره انا اخذت 15 لي انا وزوجي و 15 لاهلي واهله.. والفديو تصويرهم حلو لان يسوون مونتاج يقطعون صوت المعازيم والصجه ويحطون ميوزك سعره 2000 واعطوني بوستر مره كبيره وسي دي فيه نفس صور الزواج اللي بلالبوم بس تنعرض بشرائح يعني مرررررره كووول اذا تبين رقمه اعطيك فكري ولاتستعجلين

عمر الزهور1 · 28-06-2008, 04:59

اقتباس:

--------------------------------------------------------------------------------

لقطه الجمال

شارع الملك عبدالله مقابل جامعه الملك سعود

اتجه الشرق يكون هو على اليمين مقابل الصراف السعودي الامريكي

ويفتح شمال المحل الى جانبه مكتب عقار

اطلبي البنات الفلبنيه
الاسعار عندهم ممتاز جدااااااااااااااا

اختي تعرفهم وصورت عندهم الصور روعه تاخذ العقل

لديهم كل انواع التصوير ...................

حتى هذا الاستديو رحته له حلووو مره .. اللي قريب من جامعه الملك سعود

سلام يا دنيا · 28-06-2008, 12:39

اخوي الغالي

نصيحه لوجه الله أنصحك حاول تبتعد عن التصوير الا من شخص تثق فيه يكون هو راعي الاستديو

اختي كان عندها حفله ، وزارت واحد من المحلات اللي تم ذكرها في موضوعك هنا " من دون تحديد " وطلبت نماذج من تصوير المحل لحفلات او زواجات وخلافه ، وكانت تتكلم مع النسؤله وهي شاميه تخيل كانت تعرض لها صور ازواج مع ازواجهم لحظه زفافهم

وكمان كانت الشاميه تستخف دمها تقول لاختي : شوفي كيف هالزوج القبيح طايح على الحلوه هذي حرام مثل هذا يتزوج ،
أختي ارتفع ضغطها من اسلوبها وكيف قاعده تفضح الناس وصورهم .

لان انت مثل مانت عارف التصوير يكون محفوظ على ميموري كارد وهم ينسخوه عندهم في المحل ويحتفظوا بصورك وزوجتك للأبد

نصيحتي : التصوير مغامره لاتجربها الا من شخص تثق فيه جدا ، ولو توفر فلوسك لحاجه ثانيه اشوفها احلى

موفق يالغالي والف مبروك عليكم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

زواجي بعد شهر ومازلت أبحث عن تصوير!