عالم الحياة الزوجية - منتدى

اشتياق رجل · 29-06-2008, 08:38

أختي
أنا أحس بإحساسك وبنفس الوقت بإحساس زوجك
بقول لك فكره انتي ياتطبقينها او تضربين بها عرض الحائط
أولاً بقول لك شعور زوجك
طفشان تعبان والعيال الله يخليهم لكم صراخ وهذا يضرب اخته وهذي تبكي مشكله بينحاش من البيت ومن اللي بالبيت
يطلع مايحصل مكان يرتاح فيه وخصوصاً انه يحس بمعاناتك ويرجع ماله خلق لا من برى ولا على البيت
رجع وعطاك دش كلام يطفش وضرب الولد وراح نام
الهدوء هو العلاج
لاتتكلمي معه أوقات راحته خليه يبدأ بالكلام
لاتفتحين عليه مشاريع ...نبي نسوي ونبي نحط ونبي نشتري.....هو يبي يرتاح يعني مو ناقص أوامر يكفيه شغله
اهتمي بمظهرك
حاولي تركزين على برامج تليفزيونيه حتى إذا جلس هو وجبتي له الشاي تابعي برنامجك وإذا طلب شيء سويه
سوي نفسك رايقه
إضحكي معاه وإذا زعلك بكلمه ...تدلعي عليه ولاتعصبين وناظري فيه بنظرات تغنج
أهم شيء إتركي له مساحه من الحريه الشخصيه..يعني مايدخل ويحصل مراقبه عليه وتحقيق
يبي يجلس بروحه..قدري خصوصيته....
والكلام يطول بس خفت تأخذين نص الكلام ويضيع نصه
وأتمنى لك التوفيق

الفتاة الحنونة · 29-06-2008, 09:32

انتي ياعمري قلتي

((اللي ابغاكم تعرفونه انه انا طفشت من الروتين

يعني اصحى الظهر اصلي اركب الغدا افطر عيالي اتجهز لزوجي

يجي زوجي احط الغدا

بعد الغدا انظف الصحون وزوجي عالكمبيوتر (يستنى صلاة العصر)

بعدالصلاة نروح كلنا ننام

المغرب زوجي يشب له شاي ويطلع ومايجي الا بعد العشا نتعشى

بعد العشا زوجي عالنت وانا يااجلس معه بدون كلام او اطارد عيالي

الساعه 12

يروح زوجي ينام وانا وعيالي سهرانين للفجر(طبعا غصبا عني اسهر من عيالي)

وهكذا-----------------

كل يوم نفس الشي

مــــــــــــــليت

احيانا زوجي يقول لي نفسي اجلس بالبيت وعيالي نايمين

مع انه يحبهم بس من ازعاجهم

(على فكره عيالي بس اثنين)

واحدسنتين والثانيه سنه
)))
ياعمرانا كنت مع عيالي زيك
لكن الحين والحمدلله والفضل لوحده اقنعتني بطريقتها الله يجزاها الخير ويسخر زوجها وعيالها لها
اسمعي يا اختي اقصد شوفي
قومي الصبح 9 او 10 بالكثير
وقوميهم معك
وبعدين لا تخلينهم ينامون حاولي اذا جاهم النوم تلعبين معهم المهم ما بتجي الساعه 9 بالليل الا وفيهم النوم

الساعه 8ونص جهزي عشاهم واكليهم لحد ما يشبعو
وبعدين قوليلهم يلا بنام انا عيالي واحد 3ونص والثاني 1ونص
المهم اذا زوجك وقت ما بتنومينهم معك قوليله لازم نسوي نفسنا بنام
وحطيهم على فراشهم وطبعا لازم تطفو النور
وارجوكم عاد لاتزعجونهم

انا الحين سرت انومهم ونطلع براحتنا نتعشى برا او نروح للسوق
المهم ارتحت كثير
وبالنسبة للزينتك
اهم شي زينتك قبل كل شي
لما تتوضي امسك وضوئك وتمكيجي والبسي حتى لو ما مدحك بس في داخله راح تعجبينه
والله يسخرلك زوجك
اي سؤال يا اختي انا حاضرة

كحيـلان · 29-06-2008, 11:19

حاولي تجيبين عيال زياده

reem.. · 29-06-2008, 14:45

اختي الشوق عيالك لازم تنومينهم بدري ليش يسهرون الى الفجر الزوج كذا يحس الدنيا فوضه اسمعي كلامي اذا تغديتو لاتنامين ولا تخلين العيال ينامون ابد انتي سوي حق قهوه المغرب او العصر يعني جهزي شي لين يصحى زوجك قهوه عصير اي شي مع فطاير كيك او اي شي زوجك يحبه وعوديه اول مايصحى على هالشي بيصير جدول مايستغنى عنه بتكون قعداته بالبيت اطول لانه لقى شي اما نفسك البسي سواء رشيقه او سمينه اهم شي الثقه انك حلوه اذا حسك واثقه بنفسك هو بيشوفك حلوه مهما كان شكلك البسي كلها لبس وتسريح شعر وعطر مايبيلها شغله ............ارجع واقولك اهم اهم شي العيال اذا صحو الظهر خلاص انتبهي يرجعون ينامون لهيهم طول اليوم حطي لهم افلام كرتون او اي شي العاب اي شي الى ان تجي الساعه 11 او 11 ونص الليل بعدين نوميهم اجلسي معهم بالغرفه تظاهري بالنوم الى ان ينامون اهم شي يجي زوجك من برى وهم نايمين بينبسط كثير عشيهم ونوميهم وانتي انتظري زوجك وتعشو مع بعض ونامو كلكم نفس الوقت زوجك حتى يحس انه مع عايله مو عزوبي بنام لوحده ويقوم لوحده .............طبعا ضروري تصحين معه اذا راح الدوام سولفي معه واضحكي اذا راح نامي
مثل ماقلت لك البسي واهتمي قبل يفلت الرجال..........العيال نوميهم بدري وطول اليوم حتى غفوه ماياخذونهابتتعبين معهم بالبدايه لكن بيتعودون................قهوه المغرب لاتتنازلين عنها................زوري جاراتك بتتغير نفسيتك وتصير احلى حددي يوم بالاسبوع تجتمعون فيه بجدول كل اسبوع عند وحده .................جربي اللي قلت لك واللي قالو الاخوات والاخوان ومابتخسرين ان شاءالله....الله يساعدك

رينالدينو · 29-06-2008, 14:58

اقتباس:

المشاركة الأصلية كتبت بواسطة الشـــ2009ـــــــووق

يااختي جزاك الله خير
الله يعطيك العافيه
بس اي نادي وايدوره نفسي والله بس مااقدر اصلا زوجي مايخليني ماعندي وقت لا للنادي ولا للدورات
اللي ابغاكم تعرفونه انه انا طفشت من الروتين
يعني اصحى الظهر اصلي اركب الغدا افطر عيالي اتجهز لزوجي
يجي زوجي احط الغدا
بعد الغدا انظف الصحون وزوجي عالكمبيوتر (يستنى صلاة العصر)
بعدالصلاة نروح كلنا ننام
المغرب زوجي يشب له شاي ويطلع ومايجي الا بعد العشا نتعشى
بعد العشا زوجي عالنت وانا يااجلس معه بدون كلام او اطارد عيالي
الساعه 12
يروح زوجي ينام وانا وعيالي سهرانين للفجر(طبعا غصبا عني اسهر من عيالي)
وهكذا-----------------
كل يوم نفس الشي
مــــــــــــــليت
احيانا زوجي يقول لي نفسي اجلس بالبيت وعيالي نايمين
مع انه يحبهم بس من ازعاجهم
(على فكره عيالي بس اثنين)
واحدسنتين والثانيه سنه
ومشكوريييييييييييييين
جزاكم الله خير

كذا انا بديت اشك انك زوجتي المصوووووون ولا انا زوجك الملووول ههههههههههه
يا ست الكل تقريبا روتينك هو الروتين السائد في المجتمع وانا اقوووولك اهتمي بزوجك وحققي كل مطالبة
صدقيني وانا واحد من الناس افضل اني اجي البيت واولادي نايمين والجو هادي والرجل يحب بطيعتة الصمت والهدوء كفاية الشغل وصجته وتعبه
وهذا الشي انا اشوفه من ابسط حقوقة وحاولي انك تفاجيئة كل اسبوع باي شغلة فيك ولا في البيت او حركة جديدة رسالة جوال كتابة ع المرايه من الامووور اللي تعرفها كل انثى
جربي تضبطي جووووه لاسبوع وشوفي النتيجة اسااااااااليني مجرب والحمد لله مرتاح

الله يوفقك ويعين الكل

سلاموووو

شخبط شخبيط · 29-06-2008, 17:28

اسمعي انا بصراحه اي وحده متزوجه تجي تقلي حاااجه زي دي او حتى انا نفسي ترى الوم كله على الزوجه الزوجه الزوجه ........
واحنا بس الي نقدر نغيررررررر هادا الشي احنا بس عاد كل وحده وشطارتها وهادا الشي الوحيد الي ما افتي في لي انو كل وحده زوجها شكل غير وتفكيره غير والحاجات الي يحبها غيرر فشوووفي اكيد زوجك يبغا شي ......

باونتي* · 30-06-2008, 15:11

اول شي اقولك عودي عيالك ينااااااااامون با الليل

الشـــ2009ـــــــووق · 05-07-2008, 04:22

مشكوووووووووووووووورين على ردودكم والله فرحتوني وحمستوني

وان شاء الله احاول اعمل بنصايحكم

وان شاء الله يتغير الحال

الله يعطيكم العافيه

جزاكم الله خير

m-sweet-moon · 05-07-2008, 04:42

اختي انا انصحك انك تبداي تغيري من نفسك يعني غيري نوع لبسك اصبغي شعرك وقصيه
اعملي تاتو ((نقش حنا ))على جسمك خصرك او كتفك ..امممم واولدك حاولي تخليهم عند اهلك لو يوم بالشهر واستمتعي مع زوجك بهذا اليوم يعني اعمليه يوم حفله وجهزي كل شي لهذا اليوم من لبس واكل وهديه حلوه وشموع وغيري مفرش السرير وحطي شموع وورود ملونه في غرفتك او اذا كنت منتي فاضيه ممكن تطلعو يوم تنامو في فندق وتحتفلو وترتاحو من مسؤلية البيت والاولاد
وممكن كمان تشركي اوللدك معاكم وتسوي حفله بمناسبه او حتى بدون مناسبه حفله صغيره في البيت بس انت وزوجك والاولاد وتحتفلو وتزيني البيت بالبالونات والزينه حتى اولدك حينبسطو ويساعدوكي في الحفله هههههههههه وتعملي كيكه او توصي عليها من برا وتفاجئي زوجك وترسلسله رساله على جواله وهو في العمل رساله دعوه للحفله وتكتبي الوقت والمكان واسماء المدعوين حركه يعني وقوليله الهدايا عليك لاتنسى وتستمتعو بالحفله العائليه ولا تنسي الكاميرا عشان تتصورو تبقى ذكرى حلوه عارفه كلامي كتير بس والله حاسه بيكي وحبيت اساعدك بافكاري البسيطه يارب تعجبك وتكسر الروتين الممل ..اختك سويت مون

الشـــ2009ـــــــووق · 06-07-2008, 01:26

اليوم حاولت اني اخلهم ينامون بدري

بس انا ماتحملت

كان لازم انام العصر

لاني اذا مانمت احس نفسي كسلانهمااقدر اسوي شي

الله يعطيكم العافيه

الشـــ2009ـــــــووق · 08-07-2008, 03:07

استغفر الله

ريحانة123 · 08-07-2008, 03:27

التغير مطلوب في كل شئ
وانشالله تستفيدي من الاغلاط

الشـــ2009ـــــــووق · 09-07-2008, 00:47

لااله الا الله

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ساعدووووووني بليييز------------