عالم الحياة الزوجية - منتدى

الشـــ2009ـــــــووق · 28-06-2008, 04:15

السلام عليكم ورحمة الله وبركاته

ياجماعه والله مليت من الروتين اليومي الممل

مليت ياشغل ياجالسه اطارد عيالي يجالسه لوحدي وزوجي مشغول بالعمل واذا جا جا تعبان------اف اف

حتى زوجي احس انه طفشان ويمل بسرعه من البيت

تكفون ابغى حل

ابغى اسعد زوجي ماابغاه يمل مني انا وعيالي

وابغاه يحب البيت ويجلس فيه كثير

وابغاهيتم فيني

صراحه هو مهملني في بعض الحاجت

والمشكله مايبغى اي نقاش يقول انتي ثرثاره

مدري وش اسوي ابغاه يحبني

سويت كل اللي اقدر عليه بس-----

فيه شوية اهمال----

ساعدوني تكفووووووون تعبت

والله طفشت

reem.. · 28-06-2008, 05:28

أختي الشوق اذا حسيتي بالملل من الروتين اولا: تذكري الناس اللي فيهم امراض ويطاردون بالمستشفيات مواعيد ادويه او عمليات او اشعه او....او....او....هذولا يتمنون الروتين اللي احنا نعيشه ومعنى عافيتنا انا يوم اطفش واقول روتين اتذكر هالشي واحمد ربي على نعمه العافيه والفراغ اللي اقدر اسوي فيه اي شي .
اماثانيا:سوي جدول اذا جاء زوجك من الدوام اكيد بيتغدى وينام بهالوقت ادخلي المطبخ سوي اي شي لقهوه المغرب اذا مايشرب قهوه جهزي عصير او مشروبات ثانيه مع الفطاير او الكيك او اي شي مايحتاج اعلمك ...عوديه اول مايصحى على هالوضع وخلي لعيالك سفره لوحدهم جنبك وانت وهو باواني نظيفه بعيده عن العيال وحوستهم اعرف حوست العيال على القهوه وحاولي ماتهاوشينهم كثير كوني حنونه عليهم قدامه عشان يحس براحه حتى هو بينبسط على هالجلسه,اذا تعود على هالشي خلاص ماراح يستغني عن هالوقت معكم وبتقل طلعاته ,,مايحتاج اقولك عن اللبس وتبخير البيت قبل يقوم وتلبيس العيال وتسريح شعورهم خليه يحس ان هالشي استعداد لقومته صدقيني راح تدعين لي,,,
نكمل الجدول:غير قهوه المغرب عوديه يوم الخميس تطلعون مع بعض سواء معكم ناس او لوحدكم
بوسط الاسبوع عاد اتفقي انتي وجاراتك انكم تخصصون يوم لكم تجتمعون فيه اي يوم من السبت الى الثلاثاء عندكم كل اسبوع على وحده
اما اهماله لك مافيه احلى من المصارحه بعيد عن العيال وعن العصبيه...والله يسخره لك ولعيالك ان شاءالله

كان زمان شاب · 28-06-2008, 08:58

اختي انتي تتكلمي عن مشكلة اغلبنا يعاني منها اولاعندما ياتي زوجك من العمل اياك ان تقابلية بشكوى من العيال او من البيت بمعنى يجب اختيار الوقت المناسب للمناقشة ثانيا بالنسبة للاهمال حدثي ولا حرج بمعنى ان اغلب الرجال الا من رحم ربي يكرة يسوي شيء لبيتة فعندما تطلبي شيء منة خلية بطريقةحلوة واختيارك للوقت المناسب هو الاهم .
وبعدين عليك بالصبر والدعاء واشغال نفسك واطفالك بما يرضي الله سبحانة وتعالى وربنا يوفقك الى كل خير.

امال النفس · 28-06-2008, 12:55

زوجك اكيد له مواعيد رجوع للمنزل

لماذا لا تهيأى له جو هادئ وتكونى مستعده له

ومتزينه ومرتديه احلى ما عندك

هل قوامك رشيق اذا كنت غير ذلك

فزوجك له الحق فى الهروب منك

يجب ان تحسنى من مظهرك وتهتمى برشاقتك

وتتزينى له دائما

واضح انك تتكلمى كثيرا فى امورا غير مهمه

من وجهة نظره

مثل ما قالو لك الأخوه ابتعدى عن الشكوى

من اى شئاو من الأولاد لأن للأسف تربية

الأولاد اصبحت مسئوليه الزوجه وحدها

والرجل يعانى الأمرين فى العمل

اجعليه فقط يجلس معكى لمشاهدة التليفزيون فى هدوء

ومع الوقت سيعتاد هذا الجو وسيتحدث هو معكى

اهم شئ الأهتمام بنفسك من جميع النواحى

وجعل البيت هو المكان الهادى الذى يجد فيه راحته

اعانك الله على زوجك

والله يهديه ويسخره لك

sweet nena · 28-06-2008, 12:55

والله كلنا نعاني من الروتين اليومي الممل
اقترحي على زوجك سفر سياحة وزورو اي بلد
اعملي نيو لوك وغيري بشكلك شوي
يسلموووو

ABO DANA · 28-06-2008, 13:22

شوفي من ناحية انتى ثرثاره فهذى صدق فيها

لأنه ما قالها الا وهو مرتفع ضغطه منك

حاولي تعطينه جو حلو اول ما يدخل من العمل يلاقي انسانه حلوة مرتبه حاله ومتزينه
مو ماده بوزك شبرين وكشتك طايره وحالتك حاله .

AHM22 · 28-06-2008, 13:30

الله يعينك بس اختي حاولي تتقربين منه وتهادينه انا رجال وما ألومه لان الشغل متعب لنا بس هذه سنه الحياة ولا ابخسك حقك لازم يحدد وقت ليك ولطلعته مع ربعه ويعطيك حق في الفراش وغيره

والله يوفقك ويزوجني وحده تهتم فيني يارب

الشـــ2009ـــــــووق · 28-06-2008, 17:25

ياجماعه انا مااشوف ردودكم

مدري ليه

مايجيني غير الموضوع اللي كتبته بس

انا مقهوره

لييييييييييييييش

الشـــ2009ـــــــووق · 28-06-2008, 17:32

ياربييييييي

الشـــ2009ـــــــووق · 28-06-2008, 17:41

مشكورين ماقصرتوا

جزاكم الله خير
الله يوفقكم

نسايم ود · 28-06-2008, 19:00

حبيبتي اغلب الرجال اذا مو كلهم كذذذذذذذا مافي مفر لكن عندي حل *****

اهو حل اكيد لكن الله يعين ويصبر اللي بتطبقه (ترى هو حل سهل لكن عشان احنا رومنسيات بزياده صعب علينا )المهم ،،،،حياتي دائما خليك بشوشه ومرتبه وتفوحين عطر ومزاجك تمام التمام اوكيه هذا نصف الخلطه

،،،،،،،،،،،،،النصف الثاني وهو الاصعب نوعا ما هو انك لاعاد تفكرين فيه او تحطينه اول اولوياتك ،،اكيد تقولين كيف ،،،،

حبيبتي ،حاولي تشغلين نفسك في امور تحبينها مثلا اذا عندك امكانيه ماديه ادخلي دوره كمبيوتر او تجميل او تصميم وغيرها كثير ،،،،، او سجلي في نادي صحي بحيث كل يوم تروحين للنادي تسوين رياضه منها تحسنين مزاجك وجسمك ونفسيتك،،،والله كل هذا يصير من الرياضه بس احنا مهملين ،،،،اوكيه

زبدة الموضوع انك تحاولين تكونين مشغوله عنه بس بدون ماتقصرين في حقه ،،،وشوفي بعدين وش يصير راح تنقلب الايه ويصير هو اللي يدور عليك ويسال عنك ويتحرش فيك ههههه،خلاص حياتي

لكن فيه شرط ضروري للعبه هو انك تنشغلين فعلا ماهو تتصنعين الانشغال
انا والله صار فيني كذا لكن رحنا دوره في مدينه من المدن وقررت اني اخذ دورة حاسب ،،،،والله يااختي انها احسن الايام اللي قضيتها لاني بعدت عنه ونشغلت جد بالحاسب وما صرت ادقق عليه او اقول له ليه ماتسوي كذا او ليه تسوي كذا
بالعكس صار يقول لي كلام حلو ويتحرش فيني ،،،،،مع العلم انني والله حياتنا مثل حياتك باضبط وكنت اعاني من هالشي

*****ولا تنسي الدعاء الدعاء الدعاء والله انه راحه نفسيه حتى لو ماتحقق اللي تبغين

ودمتي سالمه

الشـــ2009ـــــــووق · 29-06-2008, 01:32

مشكورين بس بغيت اقول انه انا شوي مهمله فنفسي

شوي مو كثير

طبعا من شغل البيت والعيال

مايمدي-------------

اسيرة نفسها · 29-06-2008, 01:36

جددي حياتك ..
غيري اثاث المنزل والالوان ..
اضيفي على حياتك لون جديد ..
واصبري واحتسبي الأجر ..

الشـــ2009ـــــــووق · 29-06-2008, 02:08

يااختي جزاك الله خير

الله يعطيك العافيه

بس اي نادي وايدوره نفسي والله بس مااقدر اصلا زوجي مايخليني ماعندي وقت لا للنادي ولا للدورات

اللي ابغاكم تعرفونه انه انا طفشت من الروتين

يعني اصحى الظهر اصلي اركب الغدا افطر عيالي اتجهز لزوجي

يجي زوجي احط الغدا

بعد الغدا انظف الصحون وزوجي عالكمبيوتر (يستنى صلاة العصر)

بعدالصلاة نروح كلنا ننام

المغرب زوجي يشب له شاي ويطلع ومايجي الا بعد العشا نتعشى

بعد العشا زوجي عالنت وانا يااجلس معه بدون كلام او اطارد عيالي

الساعه 12

يروح زوجي ينام وانا وعيالي سهرانين للفجر(طبعا غصبا عني اسهر من عيالي)

وهكذا-----------------

كل يوم نفس الشي

مــــــــــــــليت

احيانا زوجي يقول لي نفسي اجلس بالبيت وعيالي نايمين

مع انه يحبهم بس من ازعاجهم

(على فكره عيالي بس اثنين)

واحدسنتين والثانيه سنه

ومشكوريييييييييييييين

جزاكم الله خير

رمـــــــوز · 29-06-2008, 05:03

أختي الله يهديك انتي لاموظفه ولا عندك شي يشغلك

بس حاولي تنظمين وقتك وغيري شوي بنفسك مثلا قصة شعرك او صبغتك

وغيري بأثاث البيت ....

وبعد كل فتره أرسلي عيالك لأهلك اذا أمكن يوم كامل وتفرغي لزوجك

وقضوا أيامكم العاديه بين أهلك وأهل زوجي أو أطلعوا لمنتزه أو حديقه عامه

واذا عندك هوايه معينه أستغليها وأشغلي وقتك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ساعدووووووني بليييز------------