عالم الحياة الزوجية - منتدى

tuna$ · 29-06-2008, 13:12

السلام عليكم يا احلي منتدي... انا الثلاثة ايام الماضية كنت افكر كتير ... اتكلمت معي خطيبي في كل حاجة و عن لماذا لا يسأل علي و هو مسافر في عمله في الشهرين الماضيين و عن رد فعل اهلي و انهم يريدوا ان يطمنوا علي .. قال لي علي حاجة انا كنت اعرفها عنه من فترة طويلة و امي و ابي كانوا متفهمين وقابلين و كله عشان خاطري.. انه سافر بعد تخرجه من الجامعة الي امريكا و قعد هناك اربع سنوات و حصلت ظروف اضطرته يرجع مصر و للاسف هو منتظر الجيش و لسة مايعرفش هيدخله و لا لأ لكن هيعرف بعد شهرين ...و لكن انا عذرته و قلت له احنا ممكن نتخطب فترة الجيش الي ان ترجع و نتزوج و هو كان مقدر تضحيتي و زاد حبه لي بعد هذ الموقف.. و لكن امبارح لما تكلمنا فهمني ان ظروفه وحشه قوي و هو خايف من موضوع الجيش و خايف لو اتخطبنا يحصل اي ظروف تمنع الخطوبة ان تستمر في فترة الجيش بتاعه و هو يتمني انه ميدخلش الجيش عشان مايبقاش عائق امام علاقتنا و اعترفلي انه يحبني جدا و لكن خايف ان يظلكن ان دخل الجيش و انا منتظراه و هو يتمني ان ظروفه تتحسن و مايدخلش الجيش و نتخطب و نتزوج في اقرب فرصة. انا بدعي ربنا ان يعملي اللي فيه الخير. اريد رأيكم يا جماعة و بكل صراحة هل هو يحبني حقا و هل متخلاش عنه في ظروفه و انتظره .. {أيكم ارجكوكم .

leeles · 29-06-2008, 14:39

يا اختي استعيني بالله و صلي وتمسكي بالصبر

leeles · 29-06-2008, 14:41

(يَا أَيُّهَا الَّذِينَ آَمَنُوا اسْتَعِينُوا بِالصَّبْرِ وَالصَّلاةِ إِنَّ اللَّهَ مَعَ الصَّابِرِينَ)

برة الشبابيك · 29-06-2008, 14:54

اقتباس:

المشاركة الأصلية كتبت بواسطة tuna$

السلام عليكم يا احلي منتدي... انا الثلاثة ايام الماضية كنت افكر كتير ... اتكلمت معي خطيبي في كل حاجة و عن لماذا لا يسأل علي و هو مسافر في عمله في الشهرين الماضيين و عن رد فعل اهلي و انهم يريدوا ان يطمنوا علي .. قال لي علي حاجة انا كنت اعرفها عنه من فترة طويلة و امي و ابي كانوا متفهمين وقابلين و كله عشان خاطري.. انه سافر بعد تخرجه من الجامعة الي امريكا و قعد هناك اربع سنوات و حصلت ظروف اضطرته يرجع مصر و للاسف هو منتظر الجيش و لسة مايعرفش هيدخله و لا لأ لكن هيعرف بعد شهرين ...و لكن انا عذرته و قلت له احنا ممكن نتخطب فترة الجيش الي ان ترجع و نتزوج و هو كان مقدر تضحيتي و زاد حبه لي بعد هذ الموقف.. و لكن امبارح لما تكلمنا فهمني ان ظروفه وحشه قوي و هو خايف من موضوع الجيش و خايف لو اتخطبنا يحصل اي ظروف تمنع الخطوبة ان تستمر في فترة الجيش بتاعه و هو يتمني انه ميدخلش الجيش عشان مايبقاش عائق امام علاقتنا و اعترفلي انه يحبني جدا و لكن خايف ان يظلكن ان دخل الجيش و انا منتظراه و هو يتمني ان ظروفه تتحسن و مايدخلش الجيش و نتخطب و نتزوج في اقرب فرصة. انا بدعي ربنا ان يعملي اللي فيه الخير. اريد رأيكم يا جماعة و بكل صراحة هل هو يحبني حقا و هل متخلاش عنه في ظروفه و انتظره .. {أيكم ارجكوكم .

اختي ممكن توضيح اكتر
كام عمرك وعمره
مسوى تعليمك وتعليمه
مستواه الاجتماعي ومستواكي
الظروف مادية لكم انتم الاثنين
من امتى تعرفو بعض
وعرفتو بعض إزاي

استاذ الحب · 29-06-2008, 14:55

اقتباس:

المشاركة الأصلية كتبت بواسطة leeles

(واستعينو باصبر و الصلاة,إن الله مع الصابرين)سورة البقره

الله يرضي عليك الايه مكتوبه بالغلط عدلي الايه او امسحي الرد ارجوا عدم الاستهانه بكلام الله تعالي .

hamatooooo · 29-06-2008, 14:56

ما ازيد على كلام الاخت الصبر فاصبر مفتاح الفرج

وعلى قولة المثل كل تاخيرة فيها خيرة والله يوفقكم ويتمم لكم بخير

tuna$ · 29-06-2008, 15:11

انا مش صغيرة انا و هو عندنا 26 سنة .. و للاسف اللي اخره كده هو سفره في الخارج اربع سنوات بعد التخرج... و بعد ما رجع كان لازم يدخل الجيش و لكن هو يأمل و يتمني مايدخلش الجيش ... ولكن سؤالي هنا : هل انا انتظره و هل هو لازم يثبت لي انه متمسك بي و يظهر لأهلي ذلك ؟ و لماذا هو محبط و مش قادر يقول لأهلي ظروفه دي ؟ انا طلبت منه يفهم والدي و لكنه رفض و قال لي انه يعلم ان والدي مش عاجبه الوضع كده و مش عارف خطيبي ناوي علي ايه... هو علي فكرة لسة مش مخطوبين رسمي.. هو اتعرف علي اهلي فقط.. طيب ماذا افعل انا؟

روآآبي · 29-06-2008, 15:58

من حقه يتقدم لخطبتك .. وهو مالي يده وواثق تقريبا من خطوته ومن مستقبله
الان هو لايزال ضائع .. وحاير بين اللي ممكن يصير في المستقبل .. وبين تقبل والدك لوضعه الحالي لو تقدم لك

قوليله اللي يريحك .. واطلبي منه يستخير ..
وبعد ماييتحدد وضعه .. اطلبي منه اتمام الخطوبه ... اظن نفسيته بتكون افضل لتنفيذ القرار اللي مقتنع فيه

tuna$ · 30-06-2008, 09:12

يعني هل اظهر له اني منتظراه لحد مايخلص الجيش و لا زي ما هو قال لي انه لسه مش محدد مستقبل له الا لو عرف موضوع الجيش بعدها هيعرف يحدد مصيره و مصيري معاه .انا بس اللي مضايقني ليه هو مش طالب مني اصبر عليه و انتظره ؟ لو هو فعلا بيحبني كان لازم يطلب مني الانتظار؟ ماذا اقول له عشان اطمنه اني جنبه؟ هل كل واحد يعيش حياته و يشوق نصيبه و في نفس الوقت نتكلم كل فترة نسأل علي بعض الي ان يأذن الله بالمكتوب ؟

AHM22 · 30-06-2008, 09:39

االله يكتب لكم اللي فيه الخير

زعيم المحللين · 30-06-2008, 10:35

ممكن تخليه فترة حتى يستخير .... وكمان انتي تستخيري ....

وصارحيه .... وقولي ليه ...

انا عندي استعداد اني انتظرك ..... فهل انت مستعد ان لا تتخلى عني بعد ذلك ؟؟؟

وشوفي رده ......

وربنا يكتبلك الي فيه خير ليكي وليه .....

دمــــــــــــــــتــــــــــــــــم

برة الشبابيك · 30-06-2008, 11:02

شوفي يا بنت الناس
في الاول وفي الاخر انتي بنت ونحن نعيش في مجتمع شرقي له افكار
وعادات وبخاصة عندنا في مصر وفي ظل تدهور الاوضاع الاقتصادية والاخلاقية
فإنه من الصعب ان يجد الشخص الفتاة المتدينة الممسكة على دينا واخلاقها
ونحن كشباب توجد بيننا بعض الافكار عن البنات التي كانت تربطها علاقة بأي
شخص في وقت سابق وحتى ولو كانت علاقة بريئة منها على سبيل المثال
مقولة (... البنت زي البطيخة .. اذا محدش ضرب فيها سكين هيكون على الاقل خبط عليها)
وبالتالي اذا انتشر بين الناس انك كنتي بتحبي في يوم من الايام وانتهت العلاقة بالفشل
فإن أول سؤال سيسألك عليه خطيبك التالي (علاقة وصلت لحد فين مع ........؟؟؟؟)
ولن يقتنع مهما كانت الاجابة .................................................. .........

كم من قصص الحب والانتظـــــــــــــــــــار باءت بالفشل والندم وانا لا اتمنى لكي ذلك
وان كنت اؤكد لكي ان هذا الشخص يحبك ويريدك ولكن خوفه من المستقبل مرضي
من منا يعلم مستقبله - المستقبل بيد الله - ولكن ... عليكي كفتاة ان تفكري ببعض العقلانية
عمرك 26 عام وكذلك هو نفس المستوى الاجتماعي والمادي كل شئ - لم يدخل الجيش بعد
واذا دخل الجيش هياخد سنة لأنه مؤهل جامعي وقد يأخذ 3سنوات لو تم ترشيحه كضابط
احتياط وفي الحالتين لن يتزوج الا في سن 32 سنة لأنه بعد ما يخلص الجيش
هيقول عاوز اكون نفسي وطالما فيه واحدة تنتظره هيفضل يؤجل لأنه واثق انك منتظراه
حتى لو أخد اعفاء من الجيش هيكون نفسه في كام سنة 3 ولا 4 شوفي الشباب
في مصر وبخاصة الجامعيين .................................................. ...........

يعني بعد الجيش هيحدد مصيره .... وافرض كان فيه ظروف صعبة بعد الجيش
ايه اللى يخليكي تربطه مصيرك بمصيره .. وهو رافض حتى يرتبط بيكي خطوبة

انا لا اريدك ان تنضمي الى قطار العنوسة باسم الحب وتضطري في النهاية اذا
لم يتزوج هذا الشخص تحت أي ظرف أن تقبلي بأقل الرجال (وظل راجل ولا.......)

لي رأيان
الأول : هو إن كان عندك استعداد ان تنظريه فلابد ان يتقدم رسميا للخطوبة قبل الجيش
وان يزور أهلك ويفهمه كل ظروفه واتوقع ان اهلك ناس متفاهمين ونفسهم يسعدوكي
بأن ترتبطي بمن تحبين وبالتالي انشالله تنظريه 100 سنة طالما بتحبيه وبيحبك

الثاني : اذا رفض ان يتقدم بحجة الجيش والمصير والمستقبل ؟؟؟؟؟؟؟؟؟؟؟؟؟
بصراحة تبقى بتضيعي حياتك معاه ويبقى مش شاريكي , وعايش بمبدأ
عصفورة في اليد ولا عشرة الشجرة ، ويمكن يكون شايفك احسن الموجودين دلوقتي
واذا اتحسنت الظروف يشوف ساعتها الاحسن ، وبالتـــــــــــــــالي
انا شايف إذا رفض ، واقبلي اقرب شخص تجدينه مناسب لكي
في السن والمؤهلات الاخلاقية والاجتماعية وانتي ضميرك مستريح
لأنك عملتي اللى عليكي ومفيش تقصير من ناحيتك وهو اللى كان مقصر

في النهاية اقولك انه قد يكون بيحبك فعلا ولكن ................
ليــــــس بالحـــــب وحـــدة يحيــــــا الانســـــــــــــان

برة الشبابيك · 30-06-2008, 11:06

اقتباس:

المشاركة الأصلية كتبت بواسطة tuna$

يعني هل اظهر له اني منتظراه لحد مايخلص الجيش و لا زي ما هو قال لي انه لسه مش محدد مستقبل له الا لو عرف موضوع الجيش بعدها هيعرف يحدد مصيره و مصيري معاه .انا بس اللي مضايقني ليه هو مش طالب مني اصبر عليه و انتظره ؟ لو هو فعلا بيحبني كان لازم يطلب مني الانتظار؟ ماذا اقول له عشان اطمنه اني جنبه؟ هل كل واحد يعيش حياته و يشوق نصيبه و في نفس الوقت نتكلم كل فترة نسأل علي بعض الي ان يأذن الله بالمكتوب ؟

انتي بتردي على نفسك

tuna$ · 30-06-2008, 11:36

شكرا علي كلامكم الجميل و النصايح الاخوية و خصوصا ( برة الشبابيك) انا اشكرك علي التفكير العميق و العقلاني و كل كلامك صح .. انا لما سألت امي قالت لي انتي مش خسرانة حاجة طلما انتوا مش بتتقابلوا خالص . لو العلاقة استمرت علي اتصالات بس يبقي كويس لحد ما رنا يفرجها.. و هو لو عايزني هيعمل المستحيل عشان نبقي لبعض ... ربنا يعمل اللي فيه الخير..

كل الغنج · 15-01-2009, 10:19

الله يعين

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

انا في صدمة و حيرة في نفس الوقت