عالم الحياة الزوجية - منتدى

ضحكتي دمعه · 03-07-2008, 00:22

قبل ابدا ودي ارحب بالي ذبحهم الفضول وجو يشوفون وش عندي بس بالاول خلوني اخذ نفس لاني توني طالعه من هوشه

تدرون مع مين؟؟ا اسلوب تشويق ))ابوك يالاسلوب المهم ابدخل سيده بالمشكله انا ولله الحمد عندي بنت عمرها اربع سنوات ذكيه جدا وحلوه جدا لكن مشكلتها الغيرررررره بالاول وهي من كان عمرها سنتين وانا حاسه انها تحب تتملك اغراضي وتحوس فيها وقلت مع الوقت ولماتكبر راح تفهم وراح يزول الي فيها المشكله انها يوم كبرت زادت غيرتها بشكل فظيع يعني صرت ماقدر اشتري شيء لي بدون ماشتري لها شيء مشابه له عاد فيه اغراض خاااصه تعرفونها كيف اجيب لها زيها؟؟؟فصرت اذا شريت شيء اخبيه عنها بس تعالو شوفو حالتي انواع الرعب لاتدري لانها لودرت بتقوم الدنيا ضرب ممكن تضرب باي شيء تكسير ممكن تكسر اي شيء قدامها وهكذا ونفس الكلام لو شافتني لابسه شيء حلو او حاطه مكياج حتى الروج يوووه تصير لي مذبحه علشانه

المضحك انها هي الي تلاحظ ماشاء الله عليها وابو الشباب ولا هنا عشان كذا لغيت المكياج من قاموسي وش لي بوجع الراس والتكفيخ على فكره انا خايفه احد منكم ينتقدني ويظن اني متساهله معها لا انا اوقات اتغاضى واوقات لا ممكن اضربها اذا لزم الامر بس تعتذر و تتادب ساعه وترجع ازفت من قبل حاولت اشبع رغبتها بالتملك سويت لها غرفه روعه وحطيت فيها كل شيء يخص البنات ارواج بنكهات حلوه بوك وفيه كم ريال مكتب دراسي صغيرون اقلام ودفاتر لاب توب حق اطفال عطر فله ( دعايه غير مدفوعه الثمن) يعني كل شيء يخصني جبت لها زيه يمكن تقولون ماسويتي شيء او كل البنات كذا بس كملو معي وراح تعذروني انا الي خلاني اكتب مشكلتي او اعتبرها مشكله هو الي لاحظته من كم شهر والي اعتبره قاصمه الظهر صارت تغار مني على ابوها ماتبيه يقرب لي حتى لو يجلس جنبي تنهبل واذا جاء وقت النوم ماتخلينا بحالنا واذا شافتني لابسه شيء مش ولابد قالت ليش لابسه ذا لابوي

؟؟ واذا شافت مقطع باالتلفزيون برضو مش ولابد قالت بلغه كلها اتهام تبين ابوي يسوي بك كذا

واحيانا تبوس ابوها مع فمه بطريقه غريبه ماتتخيلون مع اننا خلاااص شفرنا القنوات وشفرنا تصرفاتنا قدامهااا هههههه زوجي يقول هاذي ضره مو بنت ادري طولت عليكم بس والله من جد ابي حل مابيها تكبر وهي كذا وبسالكم يامهات البنات هل بناتكم كذا ولا حالة بنتي فريده من نوعها

أم حازم · 03-07-2008, 00:31

الله يخليلك اياها .هذا كيف اذا حملت وجبت لها أخ أو أخت!
هي بتعمل هالأشياء للفت النظر لها حتى تعطوها اهتمام زيادة,هوشي طبيعي التقليد ولكن مو توصل لحد الغيرة العمياء
هي لو انها مو معجبة بك ما كان قلدتك بكل شي وغارت,انت خديها من هذا الجانب,ما بعرف بشو أنصحك وان شاء الله الأخوات ينصحوك

ضحكتي دمعه · 03-07-2008, 00:51

مشكوره ام حازم ع المرور وبانتظار الاخوات خصوصا صاحبات الخبره

~ كبرياء انثى ~ · 03-07-2008, 09:35

هههه اختي ضحكتيني لانك تعيشين نفس حياتي بس انا
بنتي ارحم شوي لان المكياج ماتهتم فيه ولا تضربني بس
تغارررر من ابوها غيره مو طبيعيه وهي تقريبا نفس عمر بنتك
يعني لما نجلس نسولف انا وابوها تبدا الطلبات حقتها
عطيني يعني تقطع الجلسه باي شكل بس اقول صغيره
عساها تكبر وتعقل واحاول اعطيها من وقتي شوي
العب معاها واسولف اسوي اسرار بيني وبينها متفاؤله بالخير
امشي شوي شوي معاها عساها تتغير ياكبرت بس ليش
ماتجلسين جلسة معاها او تخلي ابوها يتفاهم معاها يعني
باسلوب لطيف جدا اختي تقولي بنتك تحبك حب مو طبيعي
وانا مو بس زوجي كل الناس تغار منهم ههههه اتمنى احد
يحل لك مشكلتك .....

drar · 03-07-2008, 14:32

اختي اولا ربنا يحفظلك بنتك
ثانيا انا ارى انو هاي غيرة مش طبيعة
واذا كانت طبيعية من الممكن ان تكون كعقدة اوديب اذا سمعتي بها فهي غيرة الولد من ابيه على امه وغيرة البنت من امها على ابيها

ولكن عليكي بالاهتمام ببنتك او التوجه لطبيب نفسي لمعرفة حالتها خوفا من ان تستمر معها للمستقبل

ضحكتي دمعه · 04-07-2008, 07:05

اقتباس:

المشاركة الأصلية كتبت بواسطة ~ الجوهره ~

هههه اختي ضحكتيني لانك تعيشين نفس حياتي بس انا
بنتي ارحم شوي لان المكياج ماتهتم فيه ولا تضربني بس
تغارررر من ابوها غيره مو طبيعيه وهي تقريبا نفس عمر بنتك
يعني لما نجلس نسولف انا وابوها تبدا الطلبات حقتها
عطيني يعني تقطع الجلسه باي شكل بس اقول صغيره
عساها تكبر وتعقل واحاول اعطيها من وقتي شوي
العب معاها واسولف اسوي اسرار بيني وبينها متفاؤله بالخير
امشي شوي شوي معاها عساها تتغير ياكبرت بس ليش
ماتجلسين جلسة معاها او تخلي ابوها يتفاهم معاها يعني
باسلوب لطيف جدا اختي تقولي بنتك تحبك حب مو طبيعي
وانا مو بس زوجي كل الناس تغار منهم ههههه اتمنى احد
يحل لك مشكلتك .....

الجوهره تسلمين ياعمري ع المرور والله يحفظ لك البنوته

ضحكتي دمعه · 04-07-2008, 07:14

اقتباس:

المشاركة الأصلية كتبت بواسطة drar

اختي اولا ربنا يحفظلك بنتك
ثانيا انا ارى انو هاي غيرة مش طبيعة
واذا كانت طبيعية من الممكن ان تكون كعقدة اوديب اذا سمعتي بها فهي غيرة الولد من ابيه على امه وغيرة البنت من امها على ابيها
ولكن عليكي بالاهتمام ببنتك او التوجه لطبيب نفسي لمعرفة حالتها خوفا من ان تستمر معها للمستقبل

اخوي ضرار مشكور ع المرور بس الي حل غير الدكتور النفسي

امتنان14 · 05-07-2008, 21:08

اختي رح اخبرك الحل من خلال خبرتي ولاني تعلمت طريقة التعامل مع البنات او الاولاد من والدي لانه طبيب نفسي وبعلمك وش الحل 0000 الحل يبدا منك انت الام ثم الاب علما بان للاب دور اساسي ثم بعدذلك خوالها يعني اسرتك واسرت والدها لازم يكون فيه اتفاق في تربيتها مو واحد يشد والثاني يرخي لا انت وابوها نفس الراي مو واحد يراضي والثاني يهزء 000 لازم تراعين ان الخمس سنوات الاولى هي اساس نفسية وشخصية الانسان لحد ما يموت 000 لازم تعرفين بانه فطريا البنت تميل الى الرجل 0(الاب) والولد يميل الى المراة(الام) لذلك تعلقها في والدها شي طبيعي لكن الغلط حركة البوس والتطاول عليك وتخريب اغراضك انصحك 1- الدلع الزايد من والدها ومنك يخربها يعني ربيها على المرونه في الاختيار ومو كل حاجه تجينا لانها لوكبرت والله ان تعذبكم عذاب 2-اذا طلبتوها طلب انتي اوابوها وعاندت اصرت على فعل حاجه غلط طنشوووووووووووووها يعني حتى لو انطقت من البكاء لاتخافون هيه بتسكت بس تحاول تلفت الانظار وتشد الاهتمام وتمسكم من ايدكم الي توجعكم 3- علميها علطول الصح من الغلط وقوي عندها الوازع الديني زي حرام حلال جنه نار تريها صارت تفهم 4- البوس الحميمي بينك انتي ابوها والضم (سووووري) بلاش قدامها سواء هيه اوخوانها 5- املئي وقت فراغها يعني خلاص كبرت وديها الروضه جيبيلها الون وكراسه العاب ذكاء جيبي لها قصص واقريها ارسميلها جيبي لها صلصال طبي علميها كيف ترتب سريرها ترتب اغراضها حتى لوكان في البيت خدم اعطيها العاب تركيب الباز علميها تشيل الي بعدها 5- علميها المقامات يعني هذا بابا عيب وازعلي ولاتعطينها وجه انا ماما او هذا كبير علشان تعرف ان فيه حدود لكل شي وتوقف عنده 6- حطي في طرف البيت كرسي اسمه كرسي العقاب ا\ا غلطت تجلس عليه غصب او غرفه واحسبي لها خمس دقائق بعدين افتحي الباب 7- اعلمي ان الضرب يولد سلوك عدواني وعناد عندالطفل لذلك الضرب( لا) تعاقب كما ذكرت واذا هدات من البكاعء تمسكين يدينها بحب وتخبرينها وش غلط فيه وتتاسف هيه منك وتبوسينها 8- اذا سوت حاجه حلوة يعني غيرت في طبع عندها عطيها مكافئه بشرط حاجه بسيطه تحبها او لوحة في غرفتها اذا سوت الصح تحطين لها نجمه واذا سوت غلط تبعدين النجمه واذا وصلت خمس نجوم لها هديه او طلعه 9- بالنسبه لنومها بينكم هاذي بالذات لازم مجهود منك انت وابوها لان الغلط مشترك منكم يعني ساعة النوم كل واحد ينام في غرفته اجلسي معها على سريرها واقري لها حكايه وشوفي يمكن تخاف من الظلام لازم نور السهاريه في غرفة الطفل ويكون تنوبمها اجباري في غرفتهاوتركها لوحدها اذا نامت وتنويمها بالتناوب بينك انت مع والدها000000 لحد ما تتعود تنام لوحدها من دونكم(ملاحظه بياخذ منك وقت لغاية ماتغيرين طبعها لك لازم الاصرار والمتابعه وااكد لك باذن الله ومن خلال تجارب بان هذه طرق علاج ناجحه جددددددددا ومن متخصصين)00000 دعواتك

بياآدر · 06-07-2008, 01:37

ههههه ياحليلها ضحكني تبين ابووي يسوي بك كذا *ـ*

الله يعينك

إن شاء الله يفيدونك اصحاب الخبره

وهلا بك اختي

Bata_fooshy · 06-07-2008, 09:15

الله يهديها ويصلحها يااااااااارب

ضحكتي دمعه · 07-07-2008, 08:11

اقتباس:

المشاركة الأصلية كتبت بواسطة امتنان14

اختي رح اخبرك الحل من خلال خبرتي ولاني تعلمت طريقة التعامل مع البنات او الاولاد من والدي لانه طبيب نفسي وبعلمك وش الحل 0000 الحل يبدا منك انت الام ثم الاب علما بان للاب دور اساسي ثم بعدذلك خوالها يعني اسرتك واسرت والدها لازم يكون فيه اتفاق في تربيتها مو واحد يشد والثاني يرخي لا انت وابوها نفس الراي مو واحد يراضي والثاني يهزء 000 لازم تراعين ان الخمس سنوات الاولى هي اساس نفسية وشخصية الانسان لحد ما يموت 000 لازم تعرفين بانه فطريا البنت تميل الى الرجل 0(الاب) والولد يميل الى المراة(الام) لذلك تعلقها في والدها شي طبيعي لكن الغلط حركة البوس والتطاول عليك وتخريب اغراضك انصحك 1- الدلع الزايد من والدها ومنك يخربها يعني ربيها على المرونه في الاختيار ومو كل حاجه تجينا لانها لوكبرت والله ان تعذبكم عذاب 2-اذا طلبتوها طلب انتي اوابوها وعاندت اصرت على فعل حاجه غلط طنشوووووووووووووها يعني حتى لو انطقت من البكاء لاتخافون هيه بتسكت بس تحاول تلفت الانظار وتشد الاهتمام وتمسكم من ايدكم الي توجعكم 3- علميها علطول الصح من الغلط وقوي عندها الوازع الديني زي حرام حلال جنه نار تريها صارت تفهم 4- البوس الحميمي بينك انتي ابوها والضم (سووووري) بلاش قدامها سواء هيه اوخوانها 5- املئي وقت فراغها يعني خلاص كبرت وديها الروضه جيبيلها الون وكراسه العاب ذكاء جيبي لها قصص واقريها ارسميلها جيبي لها صلصال طبي علميها كيف ترتب سريرها ترتب اغراضها حتى لوكان في البيت خدم اعطيها العاب تركيب الباز علميها تشيل الي بعدها 5- علميها المقامات يعني هذا بابا عيب وازعلي ولاتعطينها وجه انا ماما او هذا كبير علشان تعرف ان فيه حدود لكل شي وتوقف عنده 6- حطي في طرف البيت كرسي اسمه كرسي العقاب ا\ا غلطت تجلس عليه غصب او غرفه واحسبي لها خمس دقائق بعدين افتحي الباب 7- اعلمي ان الضرب يولد سلوك عدواني وعناد عندالطفل لذلك الضرب( لا) تعاقب كما ذكرت واذا هدات من البكاعء تمسكين يدينها بحب وتخبرينها وش غلط فيه وتتاسف هيه منك وتبوسينها 8- اذا سوت حاجه حلوة يعني غيرت في طبع عندها عطيها مكافئه بشرط حاجه بسيطه تحبها او لوحة في غرفتها اذا سوت الصح تحطين لها نجمه واذا سوت غلط تبعدين النجمه واذا وصلت خمس نجوم لها هديه او طلعه 9- بالنسبه لنومها بينكم هاذي بالذات لازم مجهود منك انت وابوها لان الغلط مشترك منكم يعني ساعة النوم كل واحد ينام في غرفته اجلسي معها على سريرها واقري لها حكايه وشوفي يمكن تخاف من الظلام لازم نور السهاريه في غرفة الطفل ويكون تنوبمها اجباري في غرفتهاوتركها لوحدها اذا نامت وتنويمها بالتناوب بينك انت مع والدها000000 لحد ما تتعود تنام لوحدها من دونكم(ملاحظه بياخذ منك وقت لغاية ماتغيرين طبعها لك لازم الاصرار والمتابعه وااكد لك باذن الله ومن خلال تجارب بان هذه طرق علاج ناجحه جددددددددا ومن متخصصين)00000 دعواتك

اختي امتنان وش اقووول كلامك مابعده كلام فرحتيني بردك يعطيك الف عافيه وراح ابدا بالتطبيق مشكووووره ع المرور

ضحكتي دمعه · 07-07-2008, 08:12

ريم شاكره لك مرورك الكريم

اقتباس:

المشاركة الأصلية كتبت بواسطة ريــــــم

ههههه ياحليلها ضحكني تبين ابووي يسوي بك كذا *ـ*
الله يعينك
إن شاء الله يفيدونك اصحاب الخبره
وهلا بك اختي

ضحكتي دمعه · 07-07-2008, 08:16

اقتباس:

المشاركة الأصلية كتبت بواسطة رشروشه الاموره

الله يهديها ويصلحها يااااااااارب

رشروشه شاكره لك مرورك الكريم وامين يارب

(السفيرة) · 08-07-2008, 01:34

..... هههههههههه
معليش تصير بنتك ضرتك ولا وحدة غريبة هههه
البنات بهالعمر كذة... على الاقل كثير منهم بالذات لو كانت علاقة الاب بها قوية ومافيها حواجز.....
بنتي ايضا مرت بمرحلة شبيهة خفت نوعا ما وصرنا صديقات الان وان كانت لا تزال شوي تغير بالذات لما تشوفني لاصقة فيه...
المهم لا تخليها تشعر ان محبة ابوها لك تؤثر على مكانتها عنده.. يعني خليها تحس انكم كلكم ال3 خلية وحدة... مثلا تقولين لها انا احب بابا واحبك ... و بابا يحبك ويحبني... الخ...
بس انا بصراحة احيانا اصير ضرة لئيمة لبنتي خخخخخخخخخ
اقول لها الي يحب بابا اكثر يرفع ايده قبل واعد بسرعة واسبقها وتزعل وتجلس تبكي عنده انا احبك اكثر...
البنات سكاكر... الله يخلي لك اياها...

تعبت وأنا اشتكي · 08-07-2008, 04:52

الله يخليها لك ياااااااارب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

بنتي ضرتي