عالم الحياة الزوجية - منتدى

زوجي حياتي · 03-07-2008, 06:17

هذه قصه وحده من صحباتي
انها ماتحس تجاه زوجها باي مشاعر
مع العلم عندها منه 3 اطفال
هو يحبها مرررررررره
بس قبل مايتزوجو كانت تحب واحد كانت تشوف فيه كل الصفات اللي تحبهاوتتمناها
ولمن تقدملها زوجها وافقت عليه علشان اهلها كانو يبونه وكانو رافضين غيره
فوافقت عليه
وهي للحين عايشه حياه مع زوجها صعبه مره
ودايما تقول غلط اللي يقول الحب بعد الزواج انا تزوجت وللحين ماحبيته وللحين افكر بحبيبي الاول
شنو تنصحونها هي الحين تشوف ردودكم اتمنى الاقي حل عندكم

اشتياق رجل · 03-07-2008, 07:05

هلابك أختي

فعلاً مشكلتها مشكله

لكن المفروض تعتبره ماااااااااات وتعيش مع زوجها وأطفالها

وش بينفعها الماضي تفكر بمستقبلها وتعيش حياتها أفضل

تحاول كل ماطرأ هالموضوع على بالها انها تطرده من مخيلتها نهائياً بالتفكير بأشياء ثانيه

تشغل نفسها بالقراءه أو أي شيء

أتمنى لك ولها السعاده

مين يفهمني ! · 03-07-2008, 07:06

استغفر الله

مافي حل الا انها تصبر مو عشان نفسها ولا عشان زوجهاا .. عشااان اولااادهاا المساكين

مريوش · 03-07-2008, 07:19

الحمدلله ...شنو ماتقدر تنسى الاول؟؟؟

الانسان اهوه اللي يتحكم بالظروف ..يعني لا تسمع هالاغاني اللي تتكلم عن الحب القديم وتقدر تتحسر...

تكثر من قراءة القرآن وتشيل وساوس الشيطان عنها..
ولاتشوف وتنطر عيوب زوجها عشان تتذكر محاسن الاخ الثاني ترى والله لو كان اهوه تزوجها كان بيسم بدنها اللي رضت تكلمه بتكلم غيره وبيعل قلبها على هالسالفة,,,

وكل ماتذكرت الاول ...راحت للزوج وقالتله الكلام اللي كانت بتقوله للاخ الاولاني...

وبعدين والله عيب بعد هالعمر تتكلم عن زوجها بهالطريق احب غيره وانام معاه..اذا بعد الثالثث ما عقلت متى بتعقل...

ولو كل وحدة حبت وتزوجت غير اللي تحبه ..سوت مثلها ..عزة الله ربينا عيالنا وطلعو رياييل ..

ذكريها بانها ام وتحمل امانه كبيرة زوجها اولاً ثم عيالها ولا تخون الزوج حتى بالتفكير...

آ’سفه على الاطاله لكن والله احترقت اعصابي من الموضوووووع.

حنان 2008 · 03-07-2008, 12:20

اتعوذي من الشيطان والحين عندك منه 3 اطفال وحاولي تتحببي فيه هو الحين تاج راسك وسندك

شوق-ابوظبي · 03-07-2008, 13:05

اذا الوحده فكرت في واحد وهي متزوجه حراااااااااااااااام.. تعتبر خيانه زوجيه وهو مجرد تفكيير..
مب من عندي هالكلام انا سامعتنه من محاضره دينيه..
خليها تكرس حبها لزوجها دامنه مب مقصر ولعيالها اللي محتاجينها اكثر من هالشخص اللي تفكر فيه والشيطان يالس يحليلها الموضوح اكثر..
وبعدين تخلي في بالها ان الشخص اللي حبته انسان يبدر منه اي خطا .. يمكن تعرف على غيرها اول ماهدها او انه نساها ومايفكر فيها مثل ماهي تفكر فيه او انه اذا كانت متزوجتنه هو بدل زوجها الحالي تكتشف في الاول اشياء غير اللي عرفتها..
كل شي جايز في هالزمن.. والله سبحانه اذا كتب للانسان شي يكون خير له وهو مايعرف ولا يعلم الغيب.. ولازم يكون ايمانه قوي بالله سبحانه وتعالى..

فلان بن علان · 03-07-2008, 13:40

السلام عليكم ورحمت الله وبركاته

قوليلها هذي وسوسة من الشيطان والعياذ بالله

لأن الشيطان أفضل عمل يسويه بأن يفرق بين الزوجين

ولي فات مات
وبالنسبه لي أنا كنت أحب قبل الزواج من وحده تقربلي
ولله الحمد إزوجت
ولحين أنا أحب زوجتي هذي مووووووووووووووووووووووووت

بوليانه · 03-07-2008, 13:58

سوال لو عايشه مع زوج على ذكرى الحبيبه اش يكون شعورك وموقفك
خافي الله وتذكري عند الله لايضيع شي حرام عليها هذه خيانه
المفروض تخاف الله فيه وتحطه بين عيونها غيرها تتمنى الزوج
وبعدين خليها تفكر زوجها يحبها وشقيان وتعبان علشان يوفر لها العيشه الكريمه لها ولاولادها
والحبيب اش سوى لها غير الكذب قبل الزواج
لو طلقها موحرام (سوري حرقت دمي)

دكتور فيصل · 03-07-2008, 14:06

كثير من الشكاوي من هذا النوع
واحده من عدم حبها زوجها أنها اذا عاشرة زوجها تتخيل إنه صديقها قبل الزواج !
واخرى تتخيل إنه فنان ! أو ممثل !

لذا يجب ان لا نطاوع انفسنا في التفكير بعمق فيما سبق
كيلا نعيش على سراب ويضر في حياتنا الحاليه
ونصبح لانتلذذ بطعم الحياة ولانستطيع تحقيق مانريد

لذا يقال أن اليأس نعمة وتوطني النفس والتأقلم بالحياة
من اسباب السعادة 000

والله يجمع بينهما بخير

الهيصم · 03-07-2008, 14:29

السلام عليكم/حلم كل فتاة ان تتزوج بمن يحبها ويقدم لها حياة زوجية سعيدة ولالالا ان تتزوج بمن تحب ثم يحول حياتها الى جحيم انتي الان وفقكي الله بمن يحبك .................................................. .....................................عندي قصة فيها بعض الحكمة قيل تقدم لفتاة شابين يطلبانها للزواج احدهما جميل الوجه وعذب الكلام ملء خيالها بكل ماتحلم به,اما الآخر مقبول الوجه طلب منها ان تختبرهما , فطلبت منهما ان يذبح كلا منهما جزور(من الابل) فتخفت بملابس وذهبت للرجل جميل الوجه وقالت له امرأة مسكيينة اطعمني فأمر العبيد ان يتركوا له هو افضل اللحم ويقدمون لها من غيره ثم ذهبت للرجل الاخر وعملت نفس الحيلة فامر عبيده ان يقدموا لها افضل اللحم ...... علمت الفتاه حينها من سوف يكرم اهله ويحافظ عليهم وهم اقرب إليه من الغرباء .

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مااحب زوجي ...