عالم الحياة الزوجية - منتدى

مخلصة لزوجها · 03-07-2008, 22:45

مواقف مضحكة للمتزوجات

السلام عليكم ورحمة الله وبركاته
أكيد كل وحده منكم انتوا يالمتزوجين مريتوا ببعض المواقف في سنه أولى زواج..
هذي بعض المواقف إللي صارت لاخواتنا في الله..

أولاً
تقول الاخت زياراتها للمطاعم مع اهلها كانت قليله
المهم اول ايام زواجها دخلت مع زوجها المطعم قال زوجها للجرسون جيبلي منيو.. وسألها وش تبين؟ قالت مثلك ابغى منيو.. زوجها تسدح من الضحك وهي تقول احسبها وجبه او طبق معين

ثانياً
وحده كان الخجل ذابحها تقول زوجها كان كل يوم يجيب بهالاكل في الفندق وهي البنت مسويه ما تشتهي وما تحب ومن هالكلام وما غير تناظر فيه وهو يلهط بالاكل
وذاك اليوم بالفندق جا الغدا وكالعاده زوجها سالها يلا يا حياتي تعالي نتغدى قالت لا كل انت بالعافيه انا ما اشتهي وهي مييييييته جوع وشبع الرجال ودق الباب ذاك الوقت المهم زوجها طلع وغاب اشوي وهي قالت في نفسها اكيد انه بيطول وما قدرت تمسك نفسها ومن كثر ماهي جوعانه ماسكه الدجاجه بكبرها وتأكل فيها !!! وفي هذه الاثناء وش صار >>> طب عليها عريس الهنا وهي متلبسه بالجرم المشهود ومقبضه بيدينها الثنتين في الدجاجه والفم مفتوح عالااااااااااااااااااااااخر وقال لها ها اشوفك منتي مشتهيه
وهي خلاص دوروها مسكينه ما تلقونها

ثالثاً
في وحده شعرها دايم يحتاجله ستشوار مهو بناعم المهم الأستشوار احترق مادري وش صار فيه عاد هي ذكاءها قادها لفكره جهنميه وش سوت
راحت على طاولت الكوي وانسدحت وهاتك يا كوي بهالشعر
وبرضه زوجها سوالها صادوه يوم دخل واختنا في الله تكوي منسجمه
الرجال انهبل على باله تزوج وحده ماهي صاحيه

رابعاً
وهذا موقف لوحده بشهر العسل تقول كنت مسافره خارج السعوديه واشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا طبعاا قبل ما نطلب زيتون ومخلل
وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه
فطارت الزيتونه وتصقع وجه الجرسون وهو ياخذ الطلبات
قام قال عنا في لبنان ناكل الزيتون بايدنا
عاد مير ما اسكت وأنثبر
قلت غريبه حنا عنا بالسعوديه نصيدها بالشوكه
وماسكها زوجي علي للحين كل ما شاف زيتون قال هاه بالشوكه والا بيدك خخخخخخخخ

خامساً
وحده تقول انا متزوجه ولد عمي
و أول ما تزوجنا رحنا بريطانيا منها شهر عسل ومنها هو عنده دوره
المهم تقول مره دخلنا المطعم واخذت المنيو وقعدت اناظر الكلام كله انجليزي وانا ما اعرف ولا حرف بالانجليزي
تقول هو اختار والجرسون واقف عند راسي يحتريني اختار قالي زوجي تبين اساعدك بالاختيار
قلت ليش طايحه من عينك انا اعرف اختار المهم تقول اخترت طلب محطوط في اطار وحركات
قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع أهلي
تقول قالها طيب ابشري وهو يضحك ويوم جابوا الطلب هو مكرونه وحركات وانا وجبة أطفال !!

سادساً
يقولون فيه وحده تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها امزحي مع زوجك أمزحي والعبي واضحكي معه قالت ما أقدر المهم طولوا عليها بالكلام
وفي مرة من المرات وهي مع زوجها سبقها زوجها بينزل مع الدرج قالت فرصه امزح معه شوي علشانه مايشوفني المهم دفته مع الدرج الا وهو في آخر الدرج متشقلب وقاعد يون ويصيح من الألم قالها وش فيك كذا جلست البنية تصيح وتقول كله من أهلك يقولون امزحي معه وهذي آخرتها

سابعاً
بقولكم اليوم عن وحده اعرفها اول ايام زواجها تقول كنا طالعين واحتجت الحمام مرررررررررره بس مستحيه اقوله وهو شكله ماعنده نيه يروح لمكان فيه حمامات المهم تقول عجزت اتحمل وجلست افكر باسلوب حلو ما يخرب برستيجي عنده قلت خلاص بقوله ابغى دورة المياه احسن من كلمة الحمام
تقول وانا ميته من الفشله قلت ابغى اروح لدورة الحمام مادريت الا الرجال يضحك ويقول يا عيني على الاتيكيت
ثامناً
هذي وحده تقول اول ما تزوجت كنت ادرس وكان يوديني زوجي للجامعه وياخذني ..
المهم .. انا جالسه انتظره وكنت واقفه في الشارع واشوفه بعد كم سياره .. المهم جلست استناه
يوم وصل عندي .. وانا امشي بغنج الا واطيح ذيك الطيحه طراااااااااااااااااااااخ
جلست على ألارض ما يشوف الا راسي من عند شباكي جالسه اناظره ولا اتحرك ..
وكان الشارع مليان رجاجيل وبنات
واركب في السياره وهو ميت من الضحك واجلس اصيح قلت ما تعرف تسمي علي !!

وأخيراً
هذا الموقف قرأته بمجله .. وحدة تقول اول ما تزوجت طحت عند باب المطبخ وانهبل زوجي وبسم الله عليك سلامتك حياتي وبعد مرور سنة طاحت بنفس المكان قالها عمى ما تشوفين!

طبعا كل هالمواقف ملطوووشين

**طلة القمر** · 03-07-2008, 23:02

حلللللللللوه

تسلمين

مريوش · 04-07-2008, 01:44

روووووووووووووووووووعه..

وحدة تقول اول ما تزوجت طحت عند باب المطبخ وانهبل زوجي وبسم الله عليك سلامتك حياتي وبعد مرور سنة طاحت بنفس المكان قالها عمى ما تشوفين!

تسلم ايدج.

يـقـيـن · 04-07-2008, 01:55

رووووووووووووووووعه الله يسعدك ضحكتيني من قلب

وحده زياراتها للمطاعم مع اهلها كانت قليله
المهم اول ايام زواجها دخلت مع زوجها المطعم قال زوجها للجرسون جيبلي منيو.. وسألها وش تبين؟ قالت مثلك ابغى منيو.. زوجها تسدح من الضحك وهي تقول احسبها وجبه او طبق معين

هههههههههههههههههههههه

miss Amoon · 04-07-2008, 03:25

يسلموا

سانتالوشيانو · 04-07-2008, 03:57

وسنرى الكثير..
سانتالوشيانووو...

rimas-30 · 04-07-2008, 05:15

هههههههههههههههههههههه
هههههههههههههههههههههههه
ضحكتيني عسل والله عندي لج سالفه
وحده اعرفها اول يوووم زواجها طبعا الرجال يبي حاجته
ويقلبها يمين يسار والبنت معنده ويقول في نفسه
ماكوو فايده عنيده ورااااح مسك يدهاا ويبوووس فيها
والبنت اتكلمت وقالت ياليل طوووووول واهني قال اميييييييين
وينسدح من الضحك واهي تبكي الخبله تبي تقوول يالليل ما طولك
ضيعت الكلام ويسلموووو

تعبت وأنا اشتكي · 04-07-2008, 05:39

هههههههههههه مشكورة خيتو

روعة وسمعنى الكثير ومازلنا نبي نسمع من العضوات مواقف لهن واولهم انتي يا أختي الكريمة مخلصة لزوجها اطرف موقف لك تفضلي الميكرفون << لاطيحين وجها اي شي حتى لو اقرب صرفه

أموونة حموودي · 04-07-2008, 14:24

يسلمووووووووووووووووووو

~أميرة الليل~ · 04-07-2008, 14:33

ضحكوني وأناموهجاي على باااااااالي أضحك
تسلمي يا(الرايقه)

مخلصة لزوجها · 04-07-2008, 23:03

مشكورين على مروركم وردودكم الرائعه

العاشقة الحنونة · 05-07-2008, 01:52

ههههههههههههههههه ضحكتونى من هاذى المواقفالطريفه
والمضحكه تسسسسسسسسسسسلمو حبايبى

ذو العاطفة الجياشة · 05-07-2008, 01:57

تسسسسسسسسسلم يمينك

doona · 05-07-2008, 02:08

تسلمووووووووووووووو ضحكتيني الله يسعدك موااااقف رائعه

lunar maria · 05-07-2008, 02:17

يسلمو

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)