عالم الحياة الزوجية - منتدى

دلوعة ومدلعه · 06-07-2008, 12:37

يانااااااااااااس انا كنت ولازلت مدلعه في بيت اهلي وبيت زوجي وعمري 19 يعني قمة الدلع

ويقولون دلعي زايد وفي كل مكااان دلع في دلع حتى صار زوجي ينزعج من ذا الشي

ويقولي بطلي دلع والدلع له اوقاات بس انا كده وربي مدري وش اسوي

انا كده طبعي ممكن احب اضحك العب ادلع كاني طفله واحس نفسي مو ناضجه مره

زوجي تعب من تصرفاتي تزوجت وللحين طفله!!!

يحاول هو يوجهني باسلوبه بس انا مدري عقلي ليه كده اطباعي مقدر اغيرها لاني

نشأت عليها..

انا احبه وهو يحبني بس هو دايم يزعل مني بسبب تصرفاتي واحيانا يعصصصصب كثير بسببي

رغم اني احاول بكل الطرق ارضيه بس انا تصرفاتي مو ناضجه

نفسي اركز شوي ..اعرف اتصرف .. وحتى الداهيه اني مااعرف اطبخ ولا شي ولاشي

هاذا الشي تعبني تعبني ومليت من نفسي ومن اطباعي وتصرفاتي كاني صغيره مو

وحده متزوجه وعندها زوج..

مااادري وش اسوي كيف ارضيه ؟؟

كيف اتعامل معاه كاني امراه ناضجه؟؟؟

كيف اغير من طبعي؟؟

الله يسعدكم قولولي الطرق والحركات اللي تبين له اني امراه ناضجه...

والله ادعي للي يرد او ترد علي..

اشتياق رجل · 06-07-2008, 12:53

هلا أختي

أنا أولاً أغبط زوجك عليك

وأتمنى لكم التوفيق في حياتكم

وثانياً أنتي في بداية حياتك وفعلاً تحتاجين لبعض الأمور ليكتمل نضجك

سأورد لك عدة نقاط

1-تعلمي الطبخ وفاجئيه بأكله من يدك وبإمكانك تعلمها في بيت أهلك وقت الزياره لهم لكي لاتقعين في مشكله

2-أظهري له مدى إهتمامك ببيتك بعيداً عن الدلع وحتى في وجود الخادمه حاولي التنظيف فكل الأزواج حين يرون إهتمام المرأه ببيتها يسعدون

3-قبل الحديث عن أي شيء حاولي التفكير بماستقولينه فليس كل شيء يقال

4-شاركيه إهتماماته وناقشيه بأسلوب متزن بعيداً عن الضحك

5-إقرأي الكتب أمامه وحاولي إنتقاء كتب تطوير الذات

إذا طبقتي ماسبق صدقيني ستتغير نظرة زوجك لك 100%

تحيتي

قلبي كله حنان · 06-07-2008, 12:53

بسم الله الرحمن الرحيم

اختي في الله .................................................. ......السلام عليكم ورحمة الله وبركاته.

الانسان لا ينزل من بطن امه متعلمه الحياة هي التي تعلمه وفي مثل يقول (( بكل دقه تعلميه واذا ما تعلمنا من اللي فات حياتنا مالها اي قيمه ))

اختي الله يهدي سرك ويريح خاطرك ويفرج همك وكربك

انت لسه صغيره وصغنطوطه وررشيقه المفروض لا تحملي نفسك فوق طاقتها

اول شي // لازم تقراء كثير في كتب حتى عقلك واسلوبك يبداء يتغير شوي شوي زين

ثاني شي // لا تفكير انه في انسان تعلم ببلاش لازم يكون تعب في هذه الحياة وخلي دائم قدوتك الرسول صلى الله عليه وسلم فهو لا يقراء ولا يكتب ولكنه رغم ذلك ساد العالم بالشريعه الاسلاميه واول ما نزل عليه قوله تعالى (( إقراء باسم ربك الذي خلق))

فعليك بالقراءه ولكن ليست اي قراءه يجب ان تختاري الكتب التي تنفعك في حياتك الزوجيه

ثالث شي // الصبر هو مفتاح الفرج مو بعدين تضيع المفتاح ويصير الصبر صابر اوكيه

رابع شي // زوجك لم يعصب عليك انت اسكتي وبعد ما يهدى قوليلو يبوا الشباب علمني انا لسه صغيره ما فيها شي لما انت تعلمني انت مو زوجي وحلالي وابو ان شاء الله عيالي

خليه يتجنن عليك مو بس يحب دلعك لا خليه يخلص عمله ويغسل يده في العمل وينشفها عندك يعنى طول الطريق يكون ملهوف عليك اوكيشن

خامسا // انا بقوم اصلي الظهر وبعد الصلاة اكمل نصائح ليك بس في عنوان انا نزلته يمكن ينفعك اسمه نصائح لزوجات

realylive · 06-07-2008, 13:40

تدلعي وخذي راحتك وهذا طبع فيك انا استغرب من زوجك طالما تقومي بواجبتك تجاه ..................................

وانتم ايها الرجال وش تبون من الزوجة ,,,,, يعني تبون وحدها سليطة لسان وهمجية ولا وحدة دلوعها وغنوجة غريب امركم

دلوعة عيــــــــــــــــــــــــــــــــــــــــــــــــ ـــــــــــــــــــــــــشي حياتك ومصير الايام تخليك تتولعين

ذو العاطفة الجياشة · 06-07-2008, 13:50

الله يعينك

قائد الاسود · 06-07-2008, 14:05

اركدي بس وتنحل امورك

قلبي كله حنان · 06-07-2008, 14:33

اختي الدلوعه كنت بكمل موضوعي معاك لقيات الاخوان والاخوات الله يوفقهم ويزيدهم من واسع فضله ما قصروا

فعشان كده اناانسحب بهدواء

دلوعة ومدلعه · 06-07-2008, 16:40

والله كلكم ماقصرتوا يااخوان

وانا الله افكر زييين واعمل بنصايحكم

وانشا الله اقدر ارضي زوجي

والله يعطيه الف عافيه ويسعده كل شخص رد على موضوعي ..

وردة العشاأق · 07-07-2008, 14:43

حبيبتي خلي الدلع لوقتة
عند العلاقة الحميمة اوا1 ابغيتي شي منة
كذابيعود علي دلعك ويصير عادي بالنسبة لة
حاولي تجلسين مع الكبار وتاخذين من تصرفاهم الجيدة
ومن ناحية الطبخ كل فترة روحي نامي عند اهلك يومين وجربي انك تطبخين عندهم وشوفي الاخطاء الي تصير لك
وموفقة حبيبتي

دلوعة ومدلعه · 07-07-2008, 14:50

هلا غلاتي ورده

تسلمين ياقلبي

والله يوفقك الجميع

رغبة · 07-07-2008, 15:02

الله يعينك هذا الشيء شيء اكيد ما يعجبالزوج خصوصا الطبخ لازم تتعلمينه

قلبي كله حنان · 07-07-2008, 23:34

ان شاء الله تكوني استفتي من الردورد ولا بقرصك في اذنك

دلوعة ومدلعه · 08-07-2008, 00:06

خخخخخخخخخخخ

هلا اخوي ..

لا لا ماستفدت ههههههههههه

يلا ابي شوف شنو راح تسوي خخخخخ

والله الله يعطيكمالعافيه انا ترى مطيعه اسمع الكلام

صح دلوعه بس مطيعه ههه

jareeeeee7 · 08-07-2008, 08:05

لكل وقت تصرف
الرجل يحب الدلع في وقت لايحتاج فيه مشورت الزوجه لكن عند التحدث في أمور البيت والطبخ والأولاد لابد أن تصنعي الجد وعدم الهزل لان الرجل بقدر أنه يحب المرءاه المدلعه يحبها ايضا ذات صلابه وحسم وعدم المياعه
أختي الفاضله أنصحك بأن تتبع نظام الدلع والغنج عل فراش غرفة النوم وعلى سفرة الأكل لكن في أوقات الإجتماع لعادي لابد أن تكوني جداه وحكيمه ومتزنه يشعر الرجل بأنه وراءه إمراءه تربط أمور البيت في غيابه

الله يهديك و يوفقك لكل خير

jojo_99 · 08-07-2008, 10:50

ممم...اجل ماراح اتزوج....لا اصير مثلك.....مع اني مسستحيل اتزوج ونا الحين عمري 18 سنه....يووو والله الزواج يخوف....بعدين الطبخ موهبه...والموهبه ماتكتسب..بعدين ليش الرجال مايطبخون..ها ليش؟ ماعمري شغت حرمه شيفه (مؤنث شيف) كل الشيفين ف المطاعم والفنادق رجال...يعني انتو تعرفون اكثر مننا...بس التقاليد مدري شلون تشقلبت علينا وصرنا لازم حنا الي نطبخ. يجننن لو شفت رجال يساع زوجته وهي تطبخ يااااااااي احسه من جد كله رجووله..بس للاسف هذا النووع منقرض.....الله يستر......ايش لنا وللزواج
انشالله لاصار عمري 50 فكرنا فيه لوول....

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

الله يفرج همه اللي يفرج همي