عالم الحياة الزوجية - منتدى

pocy2010 · 08-07-2008, 10:08

السلام عليكم اخواتى الاعزاء ارحب بكم جميعا واتمنى من الله العلي القدير ان اكون اخت لكم فى الله
انا بوسي وفى اول اسبوع فى التامن وخايفه اولد دلوقت لانى للاسف عندى افرازات بس غير مدممة والحمد لله هى بس افرازات بيضاء بدون رائحة واليوم من 10 دقائق تقريبا جالى مغص وكانت قوية ومن تحت احسها اسفل البطن وكان من يومين بالضبط عندى اسهال ووجع فظيع فى البطن ومش رضيت اخد ادويه بس خف تانى يوم وحاسه انى ممكن اولد الان ومش بنام وبتنفس بصعوبه فهل كل الاشياء التى زكرتها عاديه ام لا انا والحمد لله بشتغل بس شغلي مش مرهق هو انا قاعده طول اليوم تقريبا على الكمبيوتر لانى مهندسة كمبيوتر ولما بتعب من القاعده بقوم اتمشي جوه المبنى شويه وهكذا نفسي حد يطمنى ويقلي ان المغص ده طبيعي وان جفاف حلقي ده برضه طبيعى
ارجوا الرد منكم
اختكم فى الله
بوسي

sss$ · 08-07-2008, 10:28

اهلا بوسي منورة المنتدي يا قمر

وان شاء الله تقومي بالف سلامة يارب في موعدك ان شاء الله

اولا انتي ليه مسألتيش الدكتور بتاعك هو ادراي بحالتك

ثانيا عادي جداااا ممكن يكون ده الطلق الكداب بيقولو عليه كده لانه بيجي للحامل في الثامن وبيروح بعدها وبترجعي عادي جدااا وممكن يتكرر اكثر من مرة بس علي فترات متباعده

بس الافضل انك تذهبي للدكتور هو هيطمنك اكتر مننا بالنسبة لجفاف الحلق انتي حللتي سكر ولا لاء

pocy2010 · 08-07-2008, 10:40

ميرسي جدا يا جبيبي على ردك انا موعدى مع الدكتوره ان شاء الله يوم الخميس يعنى كمان يومين وقلت استنى معادى افضل وياريت يكون فعلا طلق كاذب لانى خايفه عليه جدا اصلى اجهضت قبل كده مرتين بس كان الحمل دايما يسقط فى اخر التانى علشان كده قلقانه على الحمل ده وهو اول حمل لي وربنا ييسر الامور انشاء الله والحمد لله انا حللت سكر تقريبا من شهر فات والدكتوره قالتلي انى النسبه عندى طبيعيه والحمد لله وكمان نسبه الدم الحمد لله كانت كويسه ومش عندى فقر دم وطمنيتنى واتمنى من الله العلي القدير انه يثبت حملنا يارب ويرزقنا الذريه الصالحه على فكره انا مغتربه( مصريه ومقيمه فى الكويت) من دون اهلى ومش لي حد اساله هنا للاسف وبعتبركم اخواتى فى الله وربنا يعنكم على ان شاء الله
اختكم التي تحبك فى الله
بوسي

sss$ · 08-07-2008, 11:10

اهلا بوسي بنت بلدي والله انا كنت لسة هسالك لان طريقتك في الكلام تدل انك مصرية

حبيبتي احنا هنا كلنا اخوات واكتر والله

وان شاء الله ربنا هيقومك بالسلامة

علي فكرة انا كان حالي مثل حالك تمام اجهضت كذا مرة قبل نور والحمد لله رب العالمين ربنا كرمني بنور عيني

وانتي ان شاء الله ربنا هيكرمك وتجيبي احلي بيبي في الدنيا وفي موعده اللي ربنا كتبهولو

طيب ما تتصلي بالدكتور وقوليلو لو لسة قلقانة

pocy2010 · 08-07-2008, 12:31

والله انت مش تتصورى اد ايه انا فرحانه وسعيده بردك الكريم على واحساسي ان احد يرافقنى فى محنتى بس انا الان احسن شوي من الصبح فهستنى ان شاء الله يوم الخميس وانشاء الله اطمنك على على فكره انا حامل بولد ان شاء الله ولسه مش عارفه اسميه ايه بس ايه رأيك فى الاسامى دى ( مهند - يوسف - اياد - سيف ) مع العلم ان اسم الاب أحمد وربنا يجزكى كل الخير على ردك واطمئنانى ليكى ان شاء الله

marwa_abas · 09-07-2008, 04:18

اهلا بيك يابوسى فى منتدنا لا تقلقى كلنا هنا مغتربات يعنى انا من مصر واقيم فى السعوديه - ايمان الشاذلى من اليمن واهلها بالسعوديه وهى فى بلجيكا - ام هباوى من العراق ومقيمه بالسعوديه - ودلالى من الفراق داب من السعوديه وهى مقيمه بامريكا - وغيرهم كتيررررررررررررر يعنى انت مش لوحدك هنا وكمان انا ولدت لوحدى مكنش معايا غير ربنا ومن بعده زوجى والحمد لله ولدت وقمت بالسلامه عقبالك متقلقيش واعتبرينا هنا كلنا اخواتك وعلى فكرة انا عرفت انك مصريه من لهجتك الدم بيحن .هههههههههه ربنا يقومك بالسلامه ان شاء الله واللى انت فى ده شئ طبيعى اكيد طلق كاذب بس انصحك اول ماتخلصى الثامن خذى اجازه وارتاحى انت دخله على تعب السهر وما ادراكى بالسهر اه اه اه ربنا يستر

marwa_abas · 09-07-2008, 04:20

وعلى فكرة الاسامى كلها جميله انا احب مهند ومؤمن انا كنت نفسى اسمى زياد واياد وجهاد بس زوجى رفض الثلاثه واختارنا عمار والاسامى اللى انت مختاراها احسن من بعض كلهم حلوين ربنا يوفقك لما فى الخير والصلاح

em tala · 09-07-2008, 04:59

ان شاء الله تقومي بالف سلامة يارب

pocy2010 · 09-07-2008, 09:30

والله انا مش عارفه اشكركم ازاى على ردكم الكريم وبجد اد ايه انا فرحانه وانا وياكم ولكم جزيل الشكر انتى يا مروة ويا ام تالا ويا $sss بجد حاسه انى ارتحت على كلامكم وبالنسبه للاسامى انا فعلا محتاره وجوزى مش معترض بيقلي انتى اختارى وانا اقولك كويس ولا لا بس ان شاء الله المولود بينزل باسمه وساعتها الواحد هيلاقي نفسه اختار سبحان الله ولو امكن انكم تساعدونى كمان فى موضوع شنطه المستشفي احط فيها ايه وايه اللى ممكن اكون محتاجاه لان زوجى مثل معظم الازواج مش هيعرف يتصرف لواحده وعايزه اكون مجهزاله كل حاجه ان شاء الله فلو امكن انكم تساعدونى فى الموضوع ده اكون شاكره ليكم جدا على فاكره انا ممكن اتكلم بالهجه الكويتى بس الواحد بيعتز بلهجه بلده ولا ايه

مستنيه ردودكم ان شاء الله

sss$ · 09-07-2008, 10:07

صباح الخير يا بوسي

ها ايه اخبارك انهارده يارب تكوني تمام والبيبي يكون احسن ان شاء الله وايه اخبار التقل معاكي ربنا يقومك بالسلامة حبيبتي

ايه الاسمي العسل دي والله كل اسم احلي من التاني وان شاء الله هيجي البيبي بأسمه بس انتي بتميلي لاي اسم اكتر علشان نبداء ننديكي بيه

بصي احنا هنا كل واحد بيتكلم بلهجته والحمد لله كلنا فاهمين بعض كويس ههههههه

بصي بقي بالنسبة لشنطة المستشفي انتي افضل تبدأي تجهزيها علشان كل ما تفتكري حاجة ممكن تحتاجيها تحطيها

انتي هتقعدي كام يوم في المستشفي علي حسب الايام تجهزي

pocy2010 · 09-07-2008, 11:03

صباح الورد عليكى يا ام نور
والله انا اليوم مرتفعه معنوياتى وحاسه انى مبسوطه بوجودى معاكم والحمد لله احس انى نشيطه اليوم والواد مش سايبنى فى حالى عمال يرفس يمين وشمال

وبالنسبه صح للاسامى انا مياله للاسف للاربعه ومش عارفه انقي منهم انا كنت الاول مستقره على زياد لكن اخت جوزى سمت زياد ومش هقدر اسميه وبدأت ادور تانى ومحتاره فعلا بين الاربعه دول بس فنادينى باللى انتى بتحبيه لانهم كلهم زى بعض عندى اما بالنسبة لشنطه المستشفي فانا حطيت فيها غيارين كل واحد فيهم خمس قطع وجبت بامبرز من الحجم واحد لانى مش لقيت اقل وجبت فوط صحية صغيره علشان لما اشطف البيبي ولا حاجه وجبت قطن كمان علشان لو همسحله رقبته او وشه او ايده وجبت بودره اطفال وزيت جونسون للاطفال كل ده حطاه جوه الشنطه بتاعته وجبتله شنطه وسرير هزاز فى البيت والله نفسي اقعد فيه واجربه

اصل شكله حلو قوى وانا كنت قريت انى مش اجيب للبيبي حاجات كتير فى السن ده علشانهو بيكبر فاكتفيت باربع غيارات تانيين غير الاتنين بتوع المستشفي وطبعا اللفه وجبتله لحاف صغير على اده وبس
اما انا فشنطتى قايله لجوزى يحطلى الاسدال بتاع الصلاة لانه صدره واسع وبسوسته ومعاه عبايه تانيه وغيار داخلي ومشط وكريم للشعر وبرفان علشان لو حد زارنى فى المستشفي ولا حاجه اهه وجبت كمان علبه اولويز وشبشب للحمام وبس مش حطيت حاجه تانى وربنا يسهل ان شاء الله
تفتكرى نسيت حاجه ولا لا المعظم هنا مش بيقعد اكتر من 2 فى المستشفي ويطلع فى اليوم التالت فربنا يسهل وميكنش اكتر من كده
بس صحيح يا ام نور الطلق الكاذب ده بيبقي شبه الطلق العادى ولا لا اناهوصفلك المغص اللى جالى هو مغص فى المنطقه اللى تحت مش اللى اسفل البطن لا اللى لومؤاخده من عند فتحه المهبل وحسيت انى مش عارفه اقعد على الكرسي من تعبه وكان لمده لحظات فقط وبعدين لقيت نفسي بقيت احسن وكان قبل هذا المغص كان فى مغص فى اسفل البطن بس انا افتكرته مغص عادى لكن اللى قالقنى المغص التانى
بس الحمد لله على كل شئ وربنا يكرمنا فى اولادنا بالخلف الصالح ان شاء الله
اختكم فى الله
بوسي

sss$ · 10-07-2008, 11:08

اهلا بوسي صباح الفل يا قمر

يارب ديما تبقي النفسية تمام هههههههههه ويارب يخليلك الواد ويجيبة بالسلامة يا ام يوسف انا بحب يوسف جدااااا

هههههههه ولا يهمك جربي براحتك مش لازم احنا نشوف ابننا هيرتاح ولا لاء فيه الاول يبقي لازم نجرب بس حطي مرتبة سفنج تحتة الاول هههههههههه

فعلا يا بوسي البيبيهات في السن ده ما شاء الله عليهم بيكبرو بسرعة انا ما بلحق والله اكرر الطقم مرة اخري وخصوصا هدوم الخروج

حلو اووي كده تحضير شنطة البيبي بس متنسيش الكوفرتة اللي هيتلف فيها بس مش هتحتاجي للبودرة ولا للقطن لان البيبي بيجبهولك وقت الرضاعة بس طبعا انا مش عارفة عندكم المستشفيات طريقتها ايه

احنا في مصر انا بديهم الهدوم وهما بيقومو بتشطيفة وغيارة وكل حاجة وقت الرضاعة بس بيجبو وكمان بالليل كان نور في غرفة الاطفال يعني ما بات معايا يمكن علشان انا والده قيصري وبيت يوم واحد لان الطبيعي بتطلع بنفس اليوم

بس جيبي غيار تالت لان البيب بيحتاج كل يوم غيار خلي بالك ويمكن انتي بتقولي هتخرجي اليوم التالت3

اااه ياريت انك انتي تحضري شنتطك انتي بنفسك لان الازواج في اللحظة دي بينسو كل حاجة
ومتنسيش فوطة صغيرة واخري كبيرة لانك هتخدي حمام وياريت غيار داخلي تاني بالزياده افضل

بصي بالنسبة للوغز اللي من تحت ده طبيعي جدااا في التامن وخدي عندك لحد ما تولدي طبيعي جداااا

وزي ما قلتلك بيروح ويجي بس علي فترات متباعده مع التقل بقي الله يعينك حبيبتي ويقومك بالسلامة يارب

ومتنسيش تبلغينا بعد ما تولدي علشان اطمن عليكي

@ كوكو شانيل @ · 11-07-2008, 02:51

ان شالله تولدي بالف سلامه

اميرة الليل الحزين · 11-07-2008, 05:14

انشاءالله تولدي بالسلامه

pocy2010 · 12-07-2008, 10:07

السلام عليكم ورحمه الله وبركاته
اسفه اذا كنت بتاخر شويه فى الرد انا الحمد لله بخير بس حبيت اشكر كل واحده رديت علي وحبيت اكتر اقولكم ان أول ما ربنا هيكرمنى صدقونى هتكونوا اول العارفين وانا قايلي لجوزى يبقي يبلغكوا لو فى المستشفي بس انا لسه قدامى حوالى 50 يوم يعنى مطوله معاكم شويه وربنا يصبرنا المده دى
ويا ام نور انا هنا فى الكويت زى مصر برضه بياخدوا الطفل ويشطفوه ويلبسوه ويجيبوه بس بيسبوه معاي على طول مش بيرجعوه وقت الرضاعه بس لحد ما اخرج من المستشفي والحمد لله اهه صحيح هل فى خطر على البيبي لو سافرت البطياره بعد الولاده باسبوعين ولا لا انا خايفه على البيبي يتاثر من التكييف بتاع الطياره والضغط بتاع الهبوط واللاقلاع فلو فى حد منكم عنه معلومه بخصوص الموضوع ده ياريت يفيدنى

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

انا فى الثامن وعندى مغص ارجو الرد