عالم الحياة الزوجية - منتدى

نسيم البحر 2007 · 09-07-2008, 01:11

مساء الخير يااخواتى الاعزاء
طبعا اللى متابع معانا فى تجمع الحوامل الاخيرهتعرف اننا ولادتى كانت قيصرية
المهم دكتورتى كانت محددة لى موعد الولادة 22/6وقالت لى اذا كنتى مستحملة تعب الحمل نستنى الى يوم29/6 وهيكون اخر معاد حتى لا تيجى اعراض الولادة الطبيعية خوفا من ان جرح القيصرية السابق يفتح وتبقى مشكلة ولكنى كنت خايفة جدا من انى انا اللى احدد معاد الولادة وكل اخواتى بالتجمع كانوا عارفين انى خايفة احدد ولكن التعب بى زاد من يوم 21/6 فقولت خلاص اتصل بالدكتورة واولد زى ماهى هتقول على اليوم اللى يناسبها وفعلا اتصلت بها وقالت خلاص تعالى على المستشفى يوم الاربعاء 25/6
تعالى الساعة 3 عصرا واخر اكل او شرب تشربية الساعة 10 صباح الاربعاء قولت خلاص الخيرة فيما اختارة الله وفعلا جهزت حاجاتى وماقولكوش اعصابى كانت تعبانة وعمالة احضن بنتى وخايفة من العملية
المهم وصلت المستشفى ومعايا حماتى واخواتى وقعدت فى غرفتى انتظر الدكتورة وجولى الممرضات يقيسوا لى الضغط ونبضات الجنين والحمد لله كان كلة كويس وقالوا لى الدكتورة موجودة وكلة جاهز ماعادا طبيب التخدير عندة عملية تانية ولسة ماخلصهاش وفضلت منتظرة لغاية الساعة 5.30 الى ان الباب اتفتح ودخلت دكتورتى وقالت لى خلاص العمليات بتتجهز قدامك

10 دقايق بالكتير وتدخلىوفعلا دخلت وولدتالساعة6 مساءا وكانت مفاجأة رووعة انى اتفاجات بعبد الرحمن لانى ماكنتش عارفة نوع الجنين والحمد لله عدت الولادة على خير عقبال كل الحوامل يقوموا بالسلامة وانا دعيت لكم واللى نفسهم

a-gh · 09-07-2008, 02:12

الف مبروك نسمه والحمد لله على سلامتك وسلامة عبودي

@ كوكو شانيل @ · 09-07-2008, 02:32

الف مليوووووووون مبروووك والحمد الله على سلامتك وسلامه عبودي

marwa_abas · 09-07-2008, 04:40

حبيبتى الف مبروك عليكى عبد الرحمن فعلا خير ماسميتى .. انا فى ولدتى كنت هولد طبيعى بعد 14 ساعه طلق فى الاخر الجنين مكنش نازل براسه صح عشان كدا فى الاخر ولدت قيصرى بس الحمد لله محستش الاحساس اللى انت بتوصفيه ده انى كنت خايفه بالعكس من كتر التعب اللى فيا كنت بتحايل عليهم يولدونى باسرع وقت .. بس لى سؤال من رايك الولاده القيصرى الاولى اسهل ولا التانيه ولا ايه بالظبط ؟؟

القسومة · 09-07-2008, 13:40

الف حمد لله ع سلامتك وسلامة عبد الرحمن
لكن عندي سؤال لية قررت لك الدكتورة قيصري وانتي لسى عندك عملية وحدة اللمفروض يعطونك فرصة
تولدي طبيعي ؟
لكن الي تولد قيصري مرتين مافي فرصة تولد طبيعي

بنوته قمررررر · 09-07-2008, 13:46

الحمد لله على سلامتكم
ومبرووووووك ماجاك

ام بسملة · 09-07-2008, 19:26

حمد الله على سلامتك يا نسومة وربي يحفظلك عبودي ويبارك فيه وفي جومانة

أم حازم · 09-07-2008, 23:50

الحمدلله على سلامتك ومبارك عليكم عبدالرحمن,ويتربى بعزكم

sss$ · 10-07-2008, 12:09

الف الف الف مبرووووووووووووك يا ام عبد الرحمن

وحمد لله علي سلامتك وسلامه بودي وعقبال كل مرة يا قمر

فراشه اسكندريه · 10-07-2008, 13:52

الف حمد الله علي سلامتك انا بقي ملحقتش احس الاحاسيس دي لاني اول ما دخلت المستشفي حضروني ودخلوني العمليات بسرعه
مبروك عليكي عبد الرحمن جومانا عامله معاه ايه

نور الهدى والمحبة · 10-07-2008, 14:37

ألف ألف مبروك حبيبتي نسيم على قيامك بالسلامة وانشاء الله بيتربى بعزك عبودي يبدو كلنا ولدنا ورا بعض والحمد لله على قيامك بالسلامة وعقبال كل الحوامل

em tala · 12-07-2008, 06:24

الف حمد الله علي سلامتك

أم أسماء · 12-07-2008, 14:04

الحمد لله على سلامتك ومبارك عليكم دحومي
ماشاء الله اسمه حلو ثقيل كذا مش اي كلام

نسيم البحر 2007 · 12-07-2008, 19:41

الله يسلمكم كلكم اخواتى وعقبال مانفرح بكل الحوامل واللى نفسهم يارب
مروة انا زيك بالظبط فى ولادتى الاولانية وماحصل نصيب اولد طبيعى لكن عن تجربة القيصرية الاولى اسهل فى الجرح لانى ماحسيت بتعب الجرح زى المرة التانية

قسومة والله دكتورتى خوفتنى وفالت ان كتير حصلت معاهم انهم لما يجيهم الطلق ويشتد الجرح بيفتح وعشان كدة بيبقى فى خطورة كبيرة وعشان كدة طبعا عملت قيصرية

لولي الصغيرة · 16-09-2009, 08:36

الف مبروك خيتو والحمد لله على السلامة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تعالوا احكيلكم قصة ولادتى!!!