السلام عليكم ورحمة الله وبركاته

هلابك أختي

وإن شاء الله وصلتي وراح نساعدك باللي نقدر عليه


أولاً:يبي لك بعض الأشياء تشترينه وأكيد باقي من المهر شيء مخبيته(ودي أقول سلفيني بس مستحي)
1-شموووع حمراء وبنفسجيه
2-ورد مجفف وياليت يكون أحمر وبنفسجي
3- وقطعتين قماش مخمل حمراء والأخرى موف ويمكن تحصلينها عند محلات الكماليات
4-باقة ورد صناعيه حمراء وبنفسجيه أو مزهريه مدري وش اسمها
5-عطورك الخاصه

ثانيا:فكرتك عن الغرفه لازم تكون عندك صوره لها قبل تروحي وأكيد شايفتها انتي
ترسمين في خيالك وش بتسوين بالغرفه

حاولي تكون لك لمسات ناعمه على باب الغرفه مثل تعليقه حلوه او ورده حمراء معلقه وكذلك رتبي أغراضك بشكل مرتب وإذا كانت كثيره ياليت تخلينها في شناطها وجهزي اللي تحتاجينه لمدة شهر في الأدراج ولاتنسين أغراض شهر العسل تكون قريبه منك ماتروحين تحوسين

وش بعد يابو عابد وش بعد

ايه رتبي الستاير ورتبي أغراض زوجك في أدراجه<== يقول أكيد يوم جاء طاريه راحت فيها



نجي لأغراضنا اللي شريناها<== قاط معهم أبو الشباب والا وش

التسريحه لابد تكونين ذوق في ترتيبها
جميع أدوات المكياج والعطور لاتضعيها على التسريحه إختاري فقط عطرين مميزين حطي عليها قطعة القماش بشكل مايل وانثري بعض الورود المجففه وضعي العطر بشكل غير مرتب يعني حطي عطر في نصف التسريحه والثاني على غير مستواه يامتقدم أو متأخر


والشفنيره
ضعي عليها قطعة القماش الأخرى
وباقة الورد الصناعي وانثري مجموعه من الورود المجففه والشموع كما في الصوره أدناه<== أنشهد انك مثقف





وهذي إستخدمنا فيها الموف



وهنا تلاحظين أن للترتيب جمال من نوع آخر



وهذه صوره لبعض البعثره الجميله



إن شاء الله أكون أفدتك

والله يتمم لكم وتعيشون في سبات ونبات وتخلفوا صبيان وبنات