عالم الحياة الزوجية - منتدى

^^black cat^^ · 14-07-2008, 18:07

بسم الله الرحمن الرحيم
السلام عليكم ورحمه الله وبركاته
بصراحه ماعندي فكره اذا هذا القسم المناسب لمشكلتي لانها وببساطه مشكله تخصني انا وخالتي ام زوجي وليس زوجي هو المعني بالمشكله..
راح اطرحها بأختصار كثر ماقدر سامحوني على لهجتي العاميه..
تزوجت زوجي عن حب لما كان عمري 16 سنه والحين صارلنا 10 سنين متزوجين (ماشالله)

خالتي ام زوجي كنت ادري انها تغار مني بشكل فضيع بس دايما اسكت وماهتم مع العلم ان زوجي مو اهوه الوحيد من اخوانه الي متزوج عنده اثنين غيره بس اهيا تحب زوجي اكثر واحد من عيالها لان اهوه اكثر واحد بار بأمه وابوه..
المشكله بدت لما شريت بيت العمر الي اهوه يم بيتهم (بيت جيرانهم) لما ييت بأثث البيت انصدمت ان كل خطوه قاعده اسويها اهيا قاعده تسوي نفسها

بتقولون شلون؟؟
عزكم الله شريت دورات المياه والمراحيض ومن باجر راحت شرت نفسي قلت ماعليه يمكن عجبوها وبخاطرها تغير معن السنه الي فاتت مغيره دورات مياه البيت ؟؟
بعدها بكم يوم ركبنا المغاسل والدوشات وطلع في مشكله فيهم مادري شنو اهيا بالضبط بس تخص المساحه والحجم والانابيب ومن هالامور المهم ان زوجي راح المحل وغيرهم .. بعدها بيوم قالتله ودني اغير الي عندي انا موعاجبيني معنها مركبتهم صارلها 10 ايام

طوفت الموضوع
صبغت الغرف وماعجبها اللون وانا تقبلت رايها وبعدها بيومين يابت نفس الصباغ يصبغ لها نفس اللون وتقول انه مو عاجبها وصابغه نفسه
عديت الموضوع وبلعت السالفه .. بعدها ركبت السيراميك والارضيات وطبعا خلت زوجي يوديها وشرت نفسهم وركبتهم

هم سكت وبلعت الموضوع

اخر شي صار ان ركبنا السيقما خارج البيت وصبغناه والحين اهيا يايبه نفس المهندس يسويلها السيقما بس تقول ماتبي نفس لونا والله يستر ماتختار نفسه..
بصراحه تعبت انا ساكنه معاهم بنفس البيت صارلي 10 سنين وكنت كل سنه اتمنى نسكن بيت بروحنا وماصدقت على الله ان زوجي تخرج وشرينا بيت العمر وراح نسكن فيه الحين اطلع من بيتهم وادش بيتي واهوه نفس الشي بالضبط

يعني ماحس انه بيت يديد

نسيت لاقولكم ان الاكسسوارات طبعا والمناظر هم شاريتهم نفسي

وان انا جميله جدا واهيا داما تقولي ان خواتها واهلها يمدحون فيني وفي اخلاقي وطيبتي واناقتي .. ودايما تشتري نفس الي اشتريه سواءا اكسسوارات وساعات ولا ملابس معن شوفو فرق السن الي بيني وبينها!!
ومره زوجي شرالي ساعه شبابيه وقالت له ابي نفسها وراح شراها معن الكل يقول الساعه نهائيا ماتصلح لسنها الكبير وانها شبابيه وايد .. نفس الشي اذا شرالي هديه تلمح له انها بخاطرها نفسها وزوجي مايقصر اييب لها نفسها..
قولولي شنو الحل معاها؟ انا مابينت لهم اني متضايقه ولا شي بس ولدي قالهم انتو قلادين ماخليتو شي الا وسويتوه نفسنا

الله يخليكم قولولي شلون اتعامل معاها؟؟ ابين لها ان مو عاجبني هالتقليد ولا شنو؟ انا مابيها تقلدني شنو الحل اخليها تكره الي اسويه وماتسوي نفسه؟؟
امانه فيدوني
وسوري اذا طولت عليكم

بس والله المشكله موترتني وايد

غلا أمه وأبوه · 14-07-2008, 18:22

مرحبا اختي الكريمه مشكلتك غريبه ومحرجه بالنسبه لعالم النساء لانهم يتحسسون من هذه التصرفات
اعتقد بالفعل أم زوجك لديها غيره شديده مما تفعلينة ولكن لاتاخذين الموضوع بشكل شخصي او تجعلينه أكبررر مما يحتمل

المهم ان تكوني مرتاحه مع زوجك أبو اولادك وهي تظل أم لزوجك وجده لاطفالك تذكري دائما انه لولا هذه المرأه*لما حصلتي على هذا الزوج الطيب ولما أصبحتي ام ولديك أطفال رائعون*

أرجو ان لااكون قد أزعجتك بكلامي وتقبلي خالص احترامي وشكرا

^^black cat^^ · 14-07-2008, 18:34

غلا امه وابوه
مشكور اخوي على ردك ويعطيك العافيه حاولت وايد اني انسى الموضوع وماخليه يكدرني بس للاسف محاولاتي كلها افشلت وانا لي الحين احاول وان شالله انجح بصراحه مشكلتي يمكن يعتبرها البعض تافهه لكنها متعبتني
مشكور مره ثانيه

مهجول · 14-07-2008, 18:53

ابيك تعاملينها زي امك بالضبط يعني لو امك تقلدك وش راح تكون ردة فعلك وعامليها من هالبااب

واتوقع ام زوجتك حاطتك قدوه لها من كثر مامدحووووا جماالك وتغزلووا فيك وصارت تشوفك مميزه بكثير

خذي النقطه الحسنه والانساان مايحط احد قدوه له الا اذا كاانت تشوفك مميزه وحاطتك قدوه

وهذا يدل ان ام زوجك تحبك

خذى النقطه الزينه فى الموضووع واتركي اي شي ثااني

وتقدرين تتدخلين معها مثلاا وهي تغير البيت تقدرين تعطينها رايك وبيصير دليل لك لانها حاطتك قدوه لها راح تسمع كلاامك وتمشي على شورك

وجربي وشوفي

واعتبريها بيتين بدل بيت واحد ههههههههه

ولك تحيااتي

غلا أمه وأبوه · 14-07-2008, 18:56

اقتباس:

المشاركة الأصلية كتبت بواسطة ^^black cat^^

غلا امه وابوه
مشكور اخوي على ردك ويعطيك العافيه حاولت وايد اني انسى الموضوع وماخليه يكدرني بس للاسف محاولاتي كلها افشلت وانا لي الحين احاول وان شالله انجح بصراحه مشكلتي يمكن يعتبرها البعض تافهه لكنها متعبتني
مشكور مره ثانيه

مرحبا أختي القطه السوداء من دون شك يكفي ان تظل هذه المشكله تعايشيناها لمده 10 سنواااات وهذه مده طويله ويدل على أنك أنسانه صبوره وحكيمه وفقك الله ورعاك وصدقيني انا لااعتبرها مشكله تافهه ابداااا ابدااا وهي مؤرقه لاي انسان ولكن أن ضليتي تفكرين بها لربما تتعبين اكثر وتشغلك عن أمور حياتك أنت زوجه فاضله وأم مثاليه باذن الله هناك اشياء تنتظرك اكبر وأهم من*غيرره هذه العجوز*
دعواتي لكي بالتوفيق

حلا باتشي · 14-07-2008, 18:57

مسائك رضا يالغاليه

بداية وقبل كل شيء اعتبريها والدتك...لانها لم تفعل شيئا خاطئا

فهاهي ذا والدتك حين تبتاعين لابنتك فستانا رائعا تقول

_هاتي لي واحد تاني لاختك اعجبني_

او حتى عندما تبتاعين قارورة بارفان جميلة الراائحه

تقول لك_هاتي لي وحدا زيها عجبتني_

ورغم كل ماذكرته ساتجاوب معكِ انها تغار منكِ ..

وعندما فكرت بالموضوع رايته من وجهة نظر اخرى تخالفك تماما

انا اخالفك الراي لسبب بسيط جدا

فخر لكِ ان يعجبهم ذوقك ويسعوون لتقليدك

فخر لكِ ان زوجك يعلم مدى روعة ذوقك وهو الذي دفع اهله ليقدموا على ما اقدمتي عليه

فخر لكِ ان يعترف من حولك انكِ كنت السباقه ومن ثم اتي من يقلدك

الخلاصه

انكِ السباقه

انكِ صاحبة الذوق

يكفيكِ فخرا كل ماسبق

وبالنسبه للاثاث..فهو يتبدل ويتغير

وان شاركتك اياه هذه السنه والسنه القادمه

لن تشاركك طويلا كلما بدلتيه

كبري عقلك حبيبتي

وعيشي مبسوووطه

حلا باتشي · 14-07-2008, 19:01

اقتباس:

المشاركة الأصلية كتبت بواسطة غلا أمه وأبوه

مرحبا أختي القطه السوداء من دون شك يكفي ان تظل هذه المشكله تعايشيناها لمده 10 سنواااات وهذه مده طويله ويدل على أنك أنسانه صبوره وحكيمه وفقك الله ورعاك وصدقيني انا لااعتبرها مشكله تافهه ابداااا ابدااا وهي مؤرقه لاي انسان ولكن أن ضليتي تفكرين بها لربما تتعبين اكثر وتشغلك عن أمور حياتك أنت زوجه فاضله وأم مثاليه باذن الله هناك اشياء تنتظرك اكبر وأهم من*غيرره هذه العجوز*
دعواتي لكي بالتوفيق

اتق الله اخي

تخيلها والدتك!!

ع الاقل قل..ام زوجك وابتعد عن كلمة عجوز

فجميعا سائرون لتلك السن!!

غلا أمه وأبوه · 14-07-2008, 19:04

اقتباس:

المشاركة الأصلية كتبت بواسطة حلا باتشي

اتق الله اخي
تخيلها والدتك!!
ع الاقل قل..ام زوجك وابتعد عن كلمة عجوز
فجميعا سائرون لتلك السن!!

مرحبا بكي أختي الكريمه حلا باتشي أشكرك على الملاحظه والنصيحه جل من لايسهو وجزاكي الله خيرا

^^black cat^^ · 15-07-2008, 02:14

اقتباس:

المشاركة الأصلية كتبت بواسطة مهجول

ابيك تعاملينها زي امك بالضبط يعني لو امك تقلدك وش راح تكون ردة فعلك وعامليها من هالبااب
واتوقع ام زوجتك حاطتك قدوه لها من كثر مامدحووووا جماالك وتغزلووا فيك وصارت تشوفك مميزه بكثير
خذي النقطه الحسنه والانساان مايحط احد قدوه له الا اذا كاانت تشوفك مميزه وحاطتك قدوه
وهذا يدل ان ام زوجك تحبك
خذى النقطه الزينه فى الموضووع واتركي اي شي ثااني
وتقدرين تتدخلين معها مثلاا وهي تغير البيت تقدرين تعطينها رايك وبيصير دليل لك لانها حاطتك قدوه لها راح تسمع كلاامك وتمشي على شورك
وجربي وشوفي
واعتبريها بيتين بدل بيت واحد ههههههههه
ولك تحيااتي

مهجول

اشكرك على ردك ونصيحتك

فعلا انا لازم اعاملها مثل امي وقررت ان لما اشتري شي اشتري منه 2 لي ولها ... هذا الي انصحوني ياه والي بحاول اسويه

مشكور اخوي وبارك الله فيك

^^black cat^^ · 15-07-2008, 02:18

غلا امه وابوه
مشكور اخوي على تشجيعك ومدحك وضحكني لقب العجوز
بس ان شالله اعتبرها مثل امي والي صار اعتبره فخر لي اها تقلدني

^^black cat^^ · 15-07-2008, 02:22

حلا باتشي
حبيبتي صح كلامج المفروض اشوف الموضوع من وجهه نظر ثانيه
كلامج جميل ورفعتي معنوياتي وايد

تسلمين ويعطيج العافيه

باربي الخليج · 15-07-2008, 03:13

اختي.. عندي وعندك خير .. أهم شي تكون معاملتها بحب واحترام.. انا اليوم بالذات مثلك مستغربه ..اهي عندها خدامة وانا خدامتي بالساعات .. تصوري سفرت خدامتها .. عشان تبي خدامتي !!!!!! حتى زوجي قال شي غريب !!!
وعديتها ولا تكلمت معها بشي .. وكل شي اشتريه للبيت تبي مثله والحمد لله زوجي ب مو مقصر .. لكن اتعجب من التقليد مع اني امشيها لو احد قلدني وانبسط لاني مميزه بنظرهم ..
اي زوجة تحب تكون مميزه بنظر زوجها وبنظر الجميع ..اذا شريتي شي مثلا لاتوضحين الاماكن خليها تختار شي بنفسها وبذوقها اهي .. او انك تختارين لها شي حلو لكن مو نفسك بالضبط ..لانك بتملين كل مارحتي شفتي كل شي نفس بيتك..
والله يوفقك دنيا واخره

تحياتي

^^black cat^^ · 15-07-2008, 03:24

اقتباس:

المشاركة الأصلية كتبت بواسطة باربي الخليج

اختي.. عندي وعندك خير .. أهم شي تكون معاملتها بحب واحترام.. انا اليوم بالذات مثلك مستغربه ..اهي عندها خدامة وانا خدامتي بالساعات .. تصوري سفرت خدامتها .. عشان تبي خدامتي !!!!!! حتى زوجي قال شي غريب !!!
وعديتها ولا تكلمت معها بشي .. وكل شي اشتريه للبيت تبي مثله والحمد لله زوجي ب مو مقصر .. لكن اتعجب من التقليد مع اني امشيها لو احد قلدني وانبسط لاني مميزه بنظرهم ..
اي زوجة تحب تكون مميزه بنظر زوجها وبنظر الجميع ..اذا شريتي شي مثلا لاتوضحين الاماكن خليها تختار شي بنفسها وبذوقها اهي .. او انك تختارين لها شي حلو لكن مو نفسك بالضبط ..لانك بتملين كل مارحتي شفتي كل شي نفس بيتك..
والله يوفقك دنيا واخره
تحياتي

اختي باربي مشكوره على الرد والتفاعل مع موضوعي

الي محيرني ان دايما داايما تقول ان الي اسويه واشتريه مو حلو ترجع تشتري نفسه

شي غريب

والمشكله زوجي مايخش شي عن امه يقولها كل شي ويوريها كل شي بس ولامره بينت له ان هالشي يضايقني ولاراح ابين له لاني بحاول اتجاهل هالشي واشوفه شي عادي وبسيط..

وماعليه بتحمل وانتي تحملي بعد .. انا كتبت الموضوع يوم تعبت جد من هالسالفه والحين شوي شوي احاول اتناساها

وانتي سوي نفس الشي والله يعينا ويوفقنا يارب

تسلمين

همسة_حنان · 15-07-2008, 08:45

اقتباس:

المشاركة الأصلية كتبت بواسطة ^^black cat^^

مهجول
اشكرك على ردك ونصيحتك
فعلا انا لازم اعاملها مثل امي وقررت ان لما اشتري شي اشتري منه 2 لي ولها ... هذا الي انصحوني ياه والي بحاول اسويه
مشكور اخوي وبارك الله فيك

اختي ماشاء الله عليك والله انك طيبة الله يجزيكي خير فعلا هذا هو الصـــح

^^black cat^^ · 15-07-2008, 12:08

همسه-حنان
شكرا حبيبتي على مرورك والطيبه في ردك
وجزاك الله خير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

شنو الحل معاها؟؟!!