عالم الحياة الزوجية - منتدى

شوق-ابوظبي · 16-07-2008, 08:18

السلام عليكم ورحمة الله وبركاته..
اليوم خطر في بالي موضوع مهم جدا من وجهة نظري وحبيت اطرحه عليكم وتفيدوني بآراكم ومقترحاتكم..
هل من حق الزوجه او الزوج ان يطلب وقت لهم من دون الواجبات المفروضه عليهم؟؟
يعني هل من حق الزوجه فرضا ان تطلب من زوجها وقت يخصصه لها وان يطلعها من البيت لوقت ولو كان قصير بس هو اللي يطلب منها هالشي او العكس..
لو اتت الزوجه لزوجها وقالت له يا ابو فلان بغيتك انت اللي تقولي يا حبيبتي ابا اطلع معاج بروحنا( لو تكون لفه بسيطه في نص الليل بعد ما يناموا الاولاد) هل ينزعج الزوج لذلك؟؟
بقولكم سالفه عشان تفهمون الموضوع عدل..
وحده من المتزوجات اتت لزوجها وقالت له يا ابو فلان انت مب مقصر علينا بش من ناحية الواجبات اللي عليك سواء للآولاد او لي انا.. وكل مشاويرنا تكون لشراء غرض لي او لعيالي او للبيت.. بس نفسي آخذ وقت معاك لوحدنا نرتاح فيه من المشاوير والواجبات المنزليه والدوام.. يعني ابغيك انت تعرض علي ان نطلع مع بعض لان الزوجه تفرح اذا زوجها طلب منها هالشي.. مب بس انا اللي اطلب هالشي منك..
رد الزوج عليها.. طيب انا مب مقصر عليج بشي عمرج طلبتي شي وقلت لج لا؟
ويعني يوم نطلع نقضي حاجات العيال ولا البيت هذي ماتعتبر طلعه لج؟؟
ردت الزوجه لا طبعا .. نحن الاثنين مع بعض نقضي احتياجاتنا اليوميه بس وييين احتياجاتنا النفسيه الواحد او الوحدة تريد تنفرد بزوجها وحبيبها وتنسى هي وهو التعب اشوي..
وعصب الزوج وفهم زوجته غلط.. بان هي ماتعتبر تقضية حاجاته لها ولبيتها وحتى يوم يطلعها معه لشراء حاجيات البيت هذي كلها بنظرها ماتعتبر انها طلعت معاه..
واستوا سوء الفهم..
الزوج يحاول يفهم زوجته ان كل طلعه لتقضيه حاجيات البيت او حاجيات الزوجه يعتبرها هو وناسه وان خلاص سوا اللي عليه وطلعها..
والزوجه جاها انحباط لان زوجها مافهمها وهي تريد هالشي لها وله مب بس لها لوحدها .. تباه يخصص وقت لهم الاثنيين يتكلمون عن كل شي في حياتهم ويبنون مستقبلهم ومستقبل اعيالهم والتفريج عن النفس اذا كان واحد منهم مضايق من الدوام او من الاهل ..الخ وان هو يعرض عليها ويطلب منها انها تخرج معاه ويبين لها انه محتاج لها وبنفس الوقت يبين لها ان ناوي يطلعها من جو البيت والشغل لجو الرومنسيه ..
ولا بس الطلعات والنزهات للحبيبه والصديقه والزوجه مالها نصيب من الرومنسيه وتكون بس للبيت وللعيال وتلبية احتياجات الزوج والشغل اللي هو الدوام المتعب..
طولت عليكم اللي فهم الموضوع يحاول يفيد برأيه.. واللي مافهم يسأل قبل لا يقول رأيه..
والسمووووحه منكم..

الجندل · 25-07-2008, 00:53

شوق بو ظبي
حياج
والله الموضوع
حيوي وهام
أنا شايف أنه من أبسط الحقوق لكل الزوجين
أنهم يختلون بنفسهم شوي
بعيد عن البيت
والأولاد
والزحمه
لكن جذي أمور
لازم يكون عليها تفاهم
يعني مراعات للظروف
أنا مع أنه الزوج والزوجه
يروحون مكان مع بعض
مكان هادئ
بعيد عن مقاضي البيت
والعيال
والعمل
أشوفه مهم جداً جداً
وفقكِ الله...

حطمني ريلي · 25-07-2008, 04:16

رأنا ريلي لما أقوله خل نطلع طلعه بروحنا ..
يقول لي والولد وين نوديه ؟؟
أقوله ولدي بخليه عند خواتك ..
يقول ليش إحنا يايبينه عشان نعقه حق خواتي ..
يقهررررررررررررر
بس نطلع مطاعم وطلعات للبحر والكورنيش ..
بس لازم الولد ويانا ..

" أم جنى " · 25-07-2008, 05:38

مهم جداً أن يمضي الزوجين وقت خاص بهما
بعيداً عن كل مشاغل الحياة

وليس فيها شي أن تطلب الزوجة من زوجها ذلك
ولا تنتظر ان يبادر هو ..
ففي النهاية الهدف واحد

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

(((((مسااااحه رووومانسية))))))