عالم الحياة الزوجية - منتدى

a-gh · 19-07-2008, 02:28

صباح الخير ومسا الخير
كيفكم يا احلى بنات
متل ما كنتو تعرفوا من اللي متابعين معي في الحمل انه وصلت للاسبوع الاربعين واخر فحص الدكتور قاللي انو الراس بعده مش نازل بالحوض ويمكن اخلص شهري وبنستنى اسبوع وازا ما صار في ولاده رح يعطيني طلق صناعي وانا كنت رح اموت من الخوف لاني مجربته بابني البكر وشفت فيه نجوم الضهر
المهم قطعت الامل من الولاده هديك الايام وقلت بستنى فرج رب العالمين
ويوم الاحد 13-7 كنت عم نيم اولادي بعد الضهر وغفيت معهم شوي لاني كنت كتير تعبانه من الحمل والاولاد بعد شوي صحيت على شي فقع وعم بيكب مني بيني وبينكم فكرت حالي عملتها على حالي واستغربت الوضع يعني ليه هيك وقمت عالتواليت الله يعزكم والا شي عم يكب مني بغزاره ساعتها تزكرت انه ممكن تكون مية الراس نزلت وهاي بوادر الولاده ودب فيني النشاط قمت خلصت شغل بيتي وغيرت لاولادي واتصلت بجوزي اللي كان بشغله وبده ساعه بالطريق ليوصلني وناديت لشغالة حماتي وقلتلها قولي للمدام اني عم اولد
طلعت عندي حماتي وكان بعده ما عندي وجع وكنت مجهزه حالي من كل شي لبست وجهزت الميك اب بالشنته والشور والشامبو لاني كنت مش حاظتهم بشنتة البيبي
مضى ساعتين وما في شي ووصل جوزي وقاللي تروحي عالمستشفى قلتله لاسال الدكتور لاني ما بحب اروح ويضلو النيرسات يفحصوني كل شوي لانه الولاده كوم والفحص الداخلي كوم تاني
ما رد الدكتور كان عنده عمليه ونزلت لبيت حماي وصارت الساعه 3 العصر وكانو حاطين الغدا وانا من الخوف ما قدرت اكل بعد هيك حسيت باول طلقه وهيك تاكدت انه ولاده وقلت لجوزي خلص عالمستشفى
حكيت مع الدكتور وقلتله اللي صار معي وقاللي بس توصلي المستشفى هني بيفحصوكي وبيحكو معي وكان يمزح ويضحك كالعاده وخفف علي كتير وطبعا قلتله متل ما وصيتك ما بدي احس بشي قاللي ولا يهمك
اجاني كمان طلقه وقلت لاحكي مع ماما وقلتلها ازا قالولي ولاده بحكيكي عشان تيجيني
وصلت المستشفى الساعه 4 وبلش الطلق ييجيني بس مش قوي كتير واجت القابله عشان تفحصني ولقيت توسع 4 سانتي وحكت مع الدكتور قاللهم جهزوها للولاده غيرت تيابي ولبست الروب وحطولي السيرول واعطوني حقنه وفتت عالتواليت والا الدكتور وصل وبيضحك و يمزح وقاللي ولا يهمك رح ندللك
واجا ليفحصني وشي انه شال ايده الا انا صرخت الصوت وصارت ولاده اعطاني البيثيدين وبلشت ادوخ ونزلت دغري على غرفة الولاده وصرخت صوتين وصلوا للسما السابعه وبعدين ما بعرف شو صار لفقت في غرفتي وعلى تختي ومعي جوزي وبيقوللي اني ولدت وشرف عتريس على راي ريمو الله يبعته لكل مشتهي وما نسيتكم بالدعاء وخصوصا ملووك الدنيا حلوة

الله لايحرمهن لحدا

a-gh · 19-07-2008, 02:35

ونسيت اقولكم انه انا كنت مستغربه من اللي صار يعني ما كان الطلق حامي الا لفحصني الدكتور ونويت اساله عن السر ولما اجاني سالته فقاللي انه عمل شغله لعنق الرحم سرعت الولاده وفعلا انا صرخت مع فحصه
وعتريس اجا يوم الاحد 13-7 -2008 الساعه 5 العصر وزنه 3 كيلو و350 غرام وطوله 52 سم
ونسيت اقوللكم كمان انه الدكتور عمللي خياطه تجميليه لتضييق عنق الرحم بالمره مع الولاده
ولولولولولولولولولولوولولولولولولولولولوليش

ايمان الشاذلي · 19-07-2008, 02:45

ههههههههههههههههانا اول وحده بباركلك
مع انها قصه غريبه يعني جاتك بوادر وقمتي تكلمي شغلك وكمان اهتميتي بلوازم اولادك
وشلتي الميكاب بالشنطه
هههههههههه ضحكتنيي عموموا ياستي هذا حظي اول وحده بباركلك الف الف مبروك شيلي شريط حملك
الا عن جد هو اسم ابنك عتريس لا عن جد
ياستي انا اول وحده وهدا بيبسطني ادعيلي انت الان دعائك مستجاب لاربعين يوم
ادعيلي ربي يفرجها عليا ويسهلها امانه
ع فكره انا بتمنى كمان ان شاءالله في حملي الثاني مايكون الطلق صناعي لانه فعلا بتشوفي فيه الموت
بس انا مافمت عليكي هو الدكتور ايش سوى بالضبط عشان يسرع الولاده
وعملتي ابرة الظهر
مبرررررررررررررررررررررووووووووووووووووووووووووووو وووك عليكي ياقلبي وتستاهلين

a-gh · 19-07-2008, 03:21

اقتباس:

المشاركة الأصلية كتبت بواسطة ايمان الشاذلي

ههههههههههههههههانا اول وحده بباركلك
مع انها قصه غريبه يعني جاتك بوادر وقمتي تكلمي شغلك وكمان اهتميتي بلوازم اولادك
وشلتي الميكاب بالشنطه
هههههههههه ضحكتنيي عموموا ياستي هذا حظي اول وحده بباركلك الف الف مبروك شيلي شريط حملك
الا عن جد هو اسم ابنك عتريس لا عن جد
ياستي انا اول وحده وهدا بيبسطني ادعيلي انت الان دعائك مستجاب لاربعين يوم
ادعيلي ربي يفرجها عليا ويسهلها امانه
ع فكره انا بتمنى كمان ان شاءالله في حملي الثاني مايكون الطلق صناعي لانه فعلا بتشوفي فيه الموت
بس انا مافمت عليكي هو الدكتور ايش سوى بالضبط عشان يسرع الولاده
وعملتي ابرة الظهر
مبرررررررررررررررررررررووووووووووووووووووووووووووو وووك عليكي ياقلبي وتستاهلين

بيشرفني انك تكوني اول وحده
يعني يا ايمي ما بقدر اروح المستشفى الا وكل شي كامل
ههههههههههههههههه الاسم هادا اطلقته عليه ريمو وانا لسه ما سميته يللا همتكم ساعدوني
الله يفرجها عليكي يا رب
وبالنسبه للي عمله الدكتور ما عرفت شو هوه بالظبط المهم انه هوه اللي سهل الولاده وسرع الطلق بطريقه فظيعه
وما عملت ابرة الضهر اخدت مخدر بيثيدين بس
والله يبارك فيكي

ايمان الشاذلي · 19-07-2008, 03:29

ولايهمك ياقلبي بس اسمك صعب ومعقول للان ماسميتيه طيب وهو جوى بطنك ماكنتي تنادي عليه باسم
يلا اختارولو اسم بسرعهى ههههههه

a-gh · 19-07-2008, 03:37

ان شاء الله بنلاقيله قريبا
ناديلي عبير انا اسمي عبير هيك اسهل الك

شوشو 23 · 19-07-2008, 04:28

لولوللوولي الف الف مبروووووووووووووك والحمدلله على سلامتك وسلامة عتريس
ويتربى بعزكم ان شاء الله

نسيم البحر 2007 · 19-07-2008, 04:59

الف الف الف مليون مبروووووووووك عبورة ويتربى بعزكم

~نواعم~ · 19-07-2008, 05:03

الف الف مبروك ويتربى بعزكم

ام هباوي · 19-07-2008, 05:38

الف الف مبروك يا عبير يتربى في عزكم يارب وتفرحوا فيه وفي اخوانه يارب .....
والف الحمد لله على سلامتك وسلامة المولود ....

فراشه اسكندريه · 19-07-2008, 05:46

الف مبروك يا عبير اخيرا ولدتي الف حمد الله علي سلامتك وفي اسماء كتير حلوه في يس -يزيد - سيف-معاذ-اياد واسامي كتير

والشغله اللي عملها الدكتور هي حصلتلي والدكتور قالي انا بحاول انشط الرحم وكانت وجعتني كتير ولكن ماثرتش معايا

فراشه اسكندريه · 19-07-2008, 05:46

م هباوي انتي موجوده

sss$ · 19-07-2008, 09:59

لللللللللللللللللووووووووووووووووللللللللللللللللل لللللللللي

الف الف حمد لله علي سلامتك يا بيروووووووو يتربي في عزكم يارب

أم حازم · 19-07-2008, 14:02

مبارك والحمدلله على سلامتك

rimo2007 · 19-07-2008, 15:23

الف مبروك يا ام عتريس هههههههههههههههههههههه والله اشتقنالك يلا اختاري الاسم بدنا نعرف شو راح يكون اسم عتريس

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

بدكم تعرفوا قصة ولادتي-تعالوا لاحكيلكم ياها