عالم الحياة الزوجية - منتدى

صاحب الحظ التعيس · 25-07-2008, 07:52

السلام عليكم ورحمة الله وبركاته
اخواني / اخواتي
اسمحولي بصياغة موضوعي باللغه العاميه
موضوعي عن الاشياء التي لاتنتبه لها الفتاه قبل الزواج

في هذا المنتدى طرحت مواضيع ومشاكل الطلاق واغلب حالات الطلاق اسبابها

عدم معرفة الزوج قبل اتمام الزواج ( وهم ببر الامان )

هناك من تقول انغشيت فيه وطلع مو مثل اللي شفته بايام الخطوبه

والثانيه تقول اهله قالوا عنه كذا وكذا وطلع غير

واللي تقول بعد ماتزوجنا عرفت انه يتعاطى مخدرات ولا محترف معاكسات

يابنات من حقكم انكم تعرفون الشخص اللي متقدم لكم ومعرفة كل صغيره وكبيره

لان هذا زواج وحياتك انتي ,, فلابد انك تتاكدي من الشخص الي متقدم لك هل هو كفو ان يكون زوج لك او لا

لاتقولين اهلي سألوا عنه او اهله قالوا او الناس قالوا

لا انتي اكتشفي كل شي من غير ماحد يقولك واعرفي تفكيره ولاتنحرجي بالشوفه الشريعه حاولي تقرين
افكاره وتشوفي هل هو الشخص المناسب لك او لا

الشوفه الشريعه مو انك تشوفينه هل هو وسيم وكم طوله وكم وزنه ... الخ

لاتفكرون بالمظاهر فكروا بافعال الشخص وبتفكيره وجمال روحه لان كل جمال زايل مايبقى الا جمال الروح

مو عيب انك تراقبينه وتشوفين من يمشي معه وتسألين اخوانك عن اصحابه وعن اخلاقهم

لان الشخص بطبيعته يتأثر بعادات جليسه وأخلاقه وأعماله

واذا كان هذا الشخص اصحابه واصدقاءه والناس اللي يمشي معهم ناس فيهم خير وماشي على الطريق الصحيح

فتاكدي ان هذا الشخص الذي متقدم لك اخذ من صفات اصحابه

اما اذا كانوا جلساءه يمشون على طريق الضياع والهلاك فبتأكيد ان هذا الشخص مثلهم

فالبعد عنه غنيمه قبل وقوع اي شي يربطك به

ياخواتي والله ادري وحاس فيكم ان بعضكم تقول ابي اوافق على اي ششخص يتقدم لي ويوافقون اهلي

ابي اطلع من هالروتين ابي اعيش ايامي وفيه اشياء صغيره تشوفونها تتوقعون عاديه

بس بعد الزواج راح تأثر على حياتكم وممكن تاخذكم الى الطلاق

اللي بوصله لكم ان اي بنت يتقدم لها شخص تسأل وتتاكد منه قبل توافق عليه وبطريقتها

وادري ان بعضكم اهلها يرفضون هالشي وعاداتهم وتقاليدهم ماتسمح لهم

وبعضكم ماعندهم الشوفه الشريعه حسب ماعرفته وسمعته من ناس هذه عاداتهم وتقاليدهم

بس كل هذا مايمنع انك تعرفين الشخص زين وتتاكدين انتي منه قبل يتاكدون اهلك

ياختي هذا حياتك وهذا سعادتك وهذا مستقبلك

لازم انتي تختارينه قبل هو يختارك

وبالاخير اتمنى انكم تتقبلون موضوعي كما هو وتسمحون لي لو خانني التعبير

واتمنى مشاركتي بهذا الموضوع وتوصيل الفكره بشكل افضل لاخواتنا المقبلات على الزواج

تقبلوا تحياتي

мόόη Ļίģħт · 25-07-2008, 12:15

نقطة مهمه السؤال عن الخاطب قبل اعطاء الموافقة او الرفض

والمهمة عادة تكون للأهل .. والاخوة

السؤال في العمل و العائلة نفسها كيفكة تربيتهمـ واصحابة بالتأكيد وكيف يقضون وقتهـ

اشكر لك طرحك وتوصيلك للفكرة

ننتظر جديدكـ

أحبكـ مـggت · 25-07-2008, 13:23

اقتباس:

الشوفه الشريعه مو انك تشوفينه هل هو وسيم وكم طوله وكم وزنه ... الخ

ياسلااااااام عليكـ جبتها هذا الدااااااااارج عندناااااااااا ,,

بيني وبينكـ لكي تعرف الرجل على حقيقتهـ وتتأكد البنت

تسأل اللي معهـ بالدوام هم أعلم بأمور كثييييييييييييرهـ ...

(المهاجر) · 25-07-2008, 14:01

الشوفه الشرعيه مو انك تشوفينه هل هو وسيم وكم طوله وكم وزنه ... الخ

لاتفكرون بالمظاهر فكروا بافعال الشخص وبتفكيره وجمال روحه لان كل جمال زايل مايبقى الا جمال الروح

تحية ،،،

أحسنت النصيحة....

وإن كانت المسألة للأسف غالبها صار شكلي...

يعني التركيز يكون عن المظهر...مو...الجوهر..

وتالي تكون المشكلات...

نسأل الله لهن حسن الاختيار...

من سيفوز بى · 25-07-2008, 14:59

مشكورة اختى على الطرح

صاحب الحظ التعيس · 25-07-2008, 20:32

عروس جديده _ احبك موت _ المهاجر _ من سيفوز بي

الف الف شكر لكم على تواصلكم

لاخلا ولاعدم

الجازيjAZY · 22-08-2008, 07:19

موضوعك حلو الله لايحرمنى مجهودك ياصاحب الحظ التعيس

أميرة بإحساسي · 23-08-2008, 00:09

يعطيك العافيه

موضوع رووووعه

مجنونه بعقل · 23-08-2008, 02:00

والله صادق

انا متملكه الحين وافكر بالطلاق والله انا استخرت قبل اخذه وهو ولد جيرانا ونعرفهم من زمان وارتحت للاستخاره

بس الحين ماني قادره افهم طبعه يقطع عني مايكلمني اكثر من شهر وكل مابي اكلم اهلي بموضوع الطلاق

يجي احد يمدح فيه عندي بالصدفه واتراجع انا ومااكلم اهلي انا احبه وارتاحله بس اسلوبه متعبني

وصرفت من المهر وخايفه اهلي يزعلون لما افاتحهم بالموضوع

وشكرا لك على هالنصايح

شوق السحاب · 23-08-2008, 02:11

كيف اعرفه من النظرة الشريعة

يبان عليهم البراءة

شوق السحاب · 23-08-2008, 02:12

كيف اعرفه من النظرة الشرعية

يبان عليهم البراءة

شموخ بدر · 24-08-2008, 01:57

كلام سليم 100% وأنا أوافقك الرأي ..

ولكن هناك مشكله أنا كوني كا أنثى لا يمكن أن أعرف شيء بنفسي كل ما أعرفه راح يكون عن طريق الأهل وطبعا هذا كلام وهذا كلام وأصدقائه يمدحون والمسجد يقولون ماشي حاله والدوام مضبوط وأمه تقول هذا أحسن عيالي وباار فيني وحبيب وما أدري وشو أوكي وبعدين أستخرت الله ووافقت وطلع كل اللي قالوه نصبه في نصبه أنا وش ذنبي بيكون ...

هل بلوم نفسي لإني ما تأكدت طيب أنا من الأول ما كان بيدي شي ..

أو طلع صح بس كلامهم تعامله معي للأسف مب زين يعني فاهم الرجوله والقوامه غلط يعني مو أخلاقه سيئه بس تعامله معي سيء بكذا وش بيكون ذنبي ؟؟؟؟ هل بلوم نفسي إني ما تأكدت ...

طبعا مب معنى كلامي أننا خلاص ما نسأل عنه لانه مافيه شي ممكن يبان لالالالالا فيه عيوب الله لا يبلانا واضحه وتبان على طول ..

أنا مب أخوفكم طبعا وأقول أنه مافيه رجال زين بالعكس فيه ناس ينشد فيهم الظهر ويفتخر فيهم وهم على العين والراس ومكانهم بالقلب بس حبيت أوضح نقطه بالموضوع أنه مهما حرصت وتأكدت مالك إلا اللي ربي كاتبه لك والزواج قسمه ونصيب ..

تقبل مروري ومداخلتي أخي الكريم ..

بـــــــــــ شموخ ـــــــــــدر ..

صاحب الحظ التعيس · 31-08-2008, 14:51

كل الشكر لكم على تواصلكم وابداء رايكم

شموخ بدر بصراحه كلامك واقعي ولكن هذا مايمنع انك تتاكدي منه اكثر

شوفي اقرب شي انك تعرفين الشخص اخوانك اذا فعلا يبون لك الخير بيقولون ايجابيات المتقدم وسلبياته

وعلى فكره احنا شباب والله مايخفى علينا شي بس مشكلتنا المجامله

بس هذه الامور ابدا مافيها مجامله واللي يمدح لك الشخص وهو عارف انه بيسبب لك مشاكل فيما بعد والله مو صديق

وبالنسبه لمعاملته لك انا ماتطررقت لها كثيير لان هذا كما قلتي نصيب والنصيب يصيب ويخيب

بس عليك بالدعاء واذا هو فيه خير ورجل مشهود له الصلاح تاكدي مهما كانت قسوته مع الايام بيتغير

وبيعقل وممكن يكون مراهق او صغير سن او يمر بظروف

بس صاحب العادات السئيه هنا المششكله والحذر منه

ومن شب على شي شاب عليه

والله يكتب لكم الازواج الصالحين

اللهم امين

اكرر شكري لكم على تواصلكم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

لتفادي الطلاق .. تعالوا هنا