عالم الحياة الزوجية - منتدى

سعودي20 · 27-07-2008, 05:58

السلام عليكم ورحمة الله وبركاته

كيف حال الجميع

بشرح لكم موضوعي بالتفصيل لعلى انكم تساعدوني وتشوفون لي حل انا خطبت بنت عمتي قبل سنه بالظبط خطبه فقط من دون ملكه ولاشي وكان الاتفاق بيننا انني انهي الدراسه واملك واتزوجها على طول وهي موافقه ولاعندها مانع ومرت سنه من دراستي وتبقى القليل تبقى لي سنه كامله وانتهي وموعد الملكه بالاجازه الصيفيه الجاايه انشالله كما خططت له المشكله بالموضوع والغريب والي مخليني مقهور انا البنت ثقيله علي مرره يعمي شايفه حالها لاتسلم ولاشي تستحي؟؟ ولما اطلب اني اكلمها مثلاا جوال ماترضى علما بأن ابوها وامها سامحين لها تكلمني لو هي تبي لكن هي ماتبي الشي هذا واحس انها ماتبيني مأدري ليش يراودني الاحساس هذا وانا قد كلمتها جوال من زماان وقلت لها انتي تحبيني تقول لي لو مأحبك ماكان رضيت فيك وتقول انها تحبني لكن تتهرب مني كثيرر حتى ماسنجر لما اشوفها ماتكلمني ولما اكلمها تطلع من الماسنجر..! ولما اطلب اني اكلمها تقولي مأقدر .! انا ولد خالها وخطيبها وهي صراحة اتعبتني جداا بخصوص هذا الغرور الي فيها والله أحس انها ماتبيني ولاتطيقني ابدا .! ولما احاول اتقرب لهاا تبعد علما انها فرفوشه وتحب تضحك وتستانس لكن لما تشوفني تسكت كان صدرها ضايق؟
مره وديت اهلها بمشوار وبالصدفه ركبت سيارتي وكان الكل يتكلم الا هي ساكته ولا نص كلمه ؟
اسلم عليها ترد بصوت خفيف وماتتكلم ابد ابد؟
مأدري بديت احس فعلاا هي ماتبيني بسبب تصرفاتها تهربها مني؟؟ ماتحب تتواصل معي لا جوال ولاماسنجر علما بأننا عائله متفتحه والله اخواتها اسولف معهم واضحك عااااادي جدا وحتى هي تسولف احيانا مع اخوي والاوضااع عااديه حتى ابوي تمززح معه وتضحك ويحبها ابوي وهي تحبه لكن انا علاقتي معهاا احسها مرره سيئه والله تجيني وساويس انها مغضوبه علي او اني اتركها وافسخ الخطبه بسبب ثقلها علي
والغريب الاكثر انها تغارر علي مووت ؟ يعني اقرب مثال مره سويت محادثه جماعي هي وانا وعمتي الي هي تصير خالتها تغار كثيرر لما اتكلم معها ؟
طيب دامها تعار ليش تعاملني بالجفا علما بأني اجيب لها هدايا وادلعها ويعرفون اهلها اني احبها
اخر هديه قبل اسبوع جبت لها هديه لابتوب جديد وكانت رافضه انها تاخذه مني لحد مأصريت واخذته بعد مأخذت الابتوب تخيلوو حتى كلمة شكر ماقدمت لي ؟؟
قالت لها امها اتصلي على خطيبك اشكريه تقول ماقدر تقولها لو مسج تقول ماقدر استحي ؟
علما من أول كنت اكلمها واراسلها مسجاات احيانا بس مو عارف وشفيها قلبت علي؟ طبعا شفتها قبل يومين بالماسنجر شكرتني وخرجت بسرعه ولما جيت كلمتها قلت لها ابي اكلمك جوال مشتاق اسمع صوتك قالت مأقدر قلت لها انا بزعل لو ماكلمتيني اليوم وفعلاا لاتصلت علي ولاشي ؟
وزااد قهري
ملاحظه.. من تفكيري المستقبلي اني اقطع البنت وعمتي واهلها بسببها هي لاني مره قطعتهم شهرين كاملين وجت عمتي زعلت علي بسبب القطعه ذي
ومن تفكيري ايضاا اني انهي علاقتي معهاا ولااعطيها وجه الا لما املك عليها يعني سنه كامله اجحدها ولاادري عنها حفاظآ لكرامتي .
انا جايكم وابي رآيكم وانا الان بمكه المكرمه ومن يجد حل لموضوعي له دعوه بظهر الغيب
اريد رآيكم
شكرا مقدما

دانا التميمي · 27-07-2008, 08:12

بما أنه انا اول وحده ارد عليك ابي دعووووووووه قويه أوكي
بما انك تحبها وهي تحبك حرام تفك الخطبه صدقني هي مسويه ثقيله عشان تكبر في عينك
يمكن فيه احد من صديقاتها ناصحتها بالثقيل الثقيييييييييييييييييييييييييييل والله في صديقات نصايحهم دمار
بس انا عندي فكره إرسلها رساله بالجوال او بالمسنجر وعلمها انك متضايق وإن كان احد من صدبقاتك ناصح فهذي تبي تخرب حياتك وغيرانه منك .....الخ قلها كل شي وانت شوف وعلمنا ايش بيصير معك عشان نفكرلك بخطه ثانيه

سمر hgpg,i · 27-07-2008, 08:19

الحياء شعبه من شعب الأيمان هذا التصرف صدقني طبيعي نتيجة الخجل أني في بداية خطبتي كنت مثلها أرفض أنه يكلمني أو يقابلني وبعد الملكه بيومين عاد فصخة الحياء خخخخخخ بعد ما تملكوا وتجلسوا مع بعض أكثر من مره راح تشوفها بطبيعتها فرفوشه ومرحه

ااالجافي · 27-07-2008, 08:55

بالعكس أفضل ما فعلت ، لأنها الآن مشتاق وإذا تزوجتها تعرف بقيمتها أكثر وأكثر ، وتعرف بأنها ليست

خفيفة عقل وأنها لاتنجر خلف هذه الأمور ، وأصدقك بقولي أنني ضد من يكلم فترة الخطوبة والملكة ،

تعرف لماذا ؟؟

لأنه ولأنها ، سوف يتصنعون صفاته إيجابية فلن يخبرها بعيوبه ولت تخبره بعيوبه ، ومتفقان على كل شي

إلا أن يحين الزواج فتتغير الطباع ويظهر كل منهم على طبعه وطبيعته ، وعند أول مشكل تبدأ أم المشاكل.

صدقني خطيبتك راضية وقابلة فيك ، بس تبي تحسسك إنها مو مثل بنات هاليومين ..

لاتقلق ولاتأخذ بخاطرك..

آمل أن أكون قد أفدتك .....

الجـــــــــــافــــــــــــــي

ثلوج الصيف · 27-07-2008, 10:58

في رايي تصرفها هذا جيد .. يمكن تكون زودتها حبتين لكن هذا هو الصح .. مادام لسه مو مملكين فلا يجوز لها التباسط في الحديث معك وتعتبر اجنبي عنها

يمكن في السابق كانت صغيرة ومو مستوعبة انه مايجوز لها التباسط في الحديث مع غير محارمها حتى لو ولد خالها

ويمكن ما عرفت بحرمة ذلك الا لما انخطبتوا فصار هالشيء من قبيل المصادفة وماله علاقة بقبولها فيك

انت سالتها وردت عليك وقالت لك لو ما ابيك ماكان قبلت فيك خلاص وش تبغى اكثر من هالرد

نصيحتي انك تتعامل معها بنفس الاسلوب اللي تعاملك فيه لانه واضح ان هالشي يريحها اكثر

لا تكثر من مسجاتك لها واتصالاتك واجل هالشي الى بعد الملكة

وممكن تكلمها مكالمة اخيرة وتطلب منها تقول لك وش اللي يريحها في هالوقت وتطلب منها الصراحة وتوعدها انك تنفذه لها وقول لها تبغين ناجل حديثنا مع بعض الى بعد الملكة والا نمتنع تماما الى وقت الزواج ومن هالكلام يعني

حسسها انك تبي اللي يريحها وماتبي تثقل عليها او تجبرها على شي

ولا تستعجل .. ياما بتجلسون مع بعض وتتكلمون وتتهاوشون بعد ^_^

بوليانه · 27-07-2008, 11:36

ممكن تكون تستحي منك
ممكن تكون مغصوبه عليك
انت اثقل ولا تكلمها ولا تهديها
والحل لمشكلتك وللي لازم تسويه تكلمها وتعرف ليه تتصرف معاك كدا ومع غيرك لا
هل هو ثقل ولا طبع ولا غصب
اتمنالك السعاده وطمنا لماتزبط الامور معاك

برة الشبابيك · 27-07-2008, 12:11

اخي العزيز
ربنا يهنيك ويسعد ايامك مع زوجة المستقبل الخجولة تلك
انها تحبك لا بل تعشقك لحد الجنون ولكن الخجل هو السبب
ولقد مررت بنفس ظروفك في البداية مثل قلة كلامها وعدم
شكرها على الهدايا والتهرب عند زيارتهم.............الخ

ولكن مع مرور الوقت ومع الصبر على خجلها الان نجلس
على النت بالساعات ونتكلم بأشياء لم تكن هي نفسها
تتوقع ان نتحدث فيها يوم من الايام

وبما انك سعودي والوع قد يختلف عن ما يحدث عندنا
بمصر ،فإن الامر بالنسبة لك اصعب ويحتاج صبر اكثــــــــــــــــر

انها تحبك لدرجة الجنون والكنه خجل الانثى الجميل
اغرقها بكلمات الحب دون ان تنتظر منها الرد
حاصرها بنظرات الاعجاب دون ان تنظر من نظرة
اغدق عليها بالهدايا دون ان تنتظر كلمة شكر
وبعد كل هذا سيحدث الانفجار الاعظم وستجدها
فجأة ان قلبها اصبح اصغر من ان يتحمل كل هذا الحب
فينفجر بعبارات الحب والهيام ونظرات الرغبة والعشق
وتهديك اعز ما تملك قلبها وجسدها.................

تلك هي المرأة

мόόη Ļίģħт · 27-07-2008, 12:36

اخوي مثل ماقالوا لك .. لا تستعجل .. انتوا لسا مخطوبين وتعتبر رجل اجنبي عنها ولا يحق لكم الغزل والكلام الطويل الا بعد الملكة

الواجب عليك تخفف شوي من لهفتكـ وتصارحها بالامر حتى ماتفسر تصرفك غلط

او خفف بالتدريج .. بعد الملكة يحق لك تكلمها وتعاتبها كونك زوجها شرعا ويكون للملكة طعم ثاني بدون ملل من الحين

اتمنى لك التوفيق

همس قلبي · 27-07-2008, 16:00

اولا/
الله يوفقكم ويهنيكم .. امين
ثانيا/
انا امر بنفس الحاله .. يعني مره مستحيه ورافضه المكالمات رغم اني ما تملكت .. مودلع لكن ما احب اكلم ..( يعني تطمن اخوي) ما فيه داعي للخووف وانا عندي احساس من كلامك انها تموووووت عليك .. وإلا ليش توافق من الأساس

ثالثا/
لا تنساني من دعوه صادقه بأن الله يسخرنا لبعضنا ويقر عيوننا ببعضنا ..امين واياك

سعودي20 · 27-07-2008, 16:03

كلامكم مرريح نوعا ما لي وانا ادري انها تحبني وخجلانه لكن احساسي يقولي هي ماتبيك طبعاا بسبب تصرفاتها معي
وبيني وبينكم انا طفششت
تخيلووو جريئه مع الكل الا انا
وانا مو اجنبي عليها انا ولد خالها وهي بنت عمتي تخيلوو حتى امها تقولها كلميه تقول لا يعني مرره رفض تاام نسيت اقولكم شيئن طبعا البنت جميله جدا ومغروره بجمالها
والشي الثاني احدى المكالماات كانت من فترره وكانت مكالمه اخر الليل فتكلمت كلام خارج عن ارادتي مثل ودي اضمك وابوسك ومن هالكلام وكاان لها رفض شديد وانصداام من الموضوع تمااما بحيث انها حاولت تقفل الخط بأي طريقه
وثقوو كل الي ردوو لهم دعوه بالحرم
والله يوفقكم ويريحكم بدنياكم
لكن انا فيه ضيقه بسبب هذي الامور وش تنصحووني الا الان مانصحتوني وشأسوي
ابعد ؟؟
اذا بعدت عمتي واخوانها بيزعلون جداا وانا محبوب بالعائله ولله الحمد محبوب جداا
انا اريد احد ينصحني وشأسوي بس
انتظر ردكم

روآآبي · 27-07-2008, 16:15

وضعها طبيعي .. الان كل العيون عليكم ولانكم اقارب فالعين اكثر
وصمتها وخجلها طبيعي جدا في ظل احساسها بان الكل يترقب تصرفاتكم ويسأل عنكم
مع ذلك انا اتوقع ان تجاهلها فترة معينه ممكن يكون حل لتفجير مشاعرها
وانا رايي لو ماتحبك ماوافقت عليك وخاصة انك تقول انهم عائله منفتحه وابوها مااعتقد بيغصبها عليك
ثانيا كونها تغار عليك هذا اول دليل انها تحبك لكن الخجل يمنعها
واخيرا
لاتستعجل الامور .. الان مازلتم خارج اطار الحلال ..والمكالمات بينكم والغزل مايعتبر تصرف سليم

دعواتك بالخلف الصالح

мόόη Ļίģħт · 27-07-2008, 16:19

لاتبعد بمعنى تنقطع عنها وعن اهلها

لكن لاتكون لحوح بزيادة .. شفت منها صد او خجل .. عطها حريتها لا تضغط عليها لانك للحين مو زوجها

خلك طبيعي تزور اهلها وتسأل عنها

ااذا ماشفت تجاوب منها خلها براحتها راح تشتاق لك بنفسها بدون ضغوط

الله يوفقك يارب

اعشقه · 27-07-2008, 19:04

هي خجوله كثير
الله يسعدكم

ريم الكويت · 27-07-2008, 23:49

اولا اعتقد انه خجل ،،

يا اخي انا ولد خالي استحي اكلمه او حتى اسلم عليه والله العظيم يسلم علي ارد بصوت خفيف ،،

انا فرفوشه بس لما يجي اسكت والله استحي منه بشكل مو طبيعي مع انه فقط هو ولد خالي !!

فكيف يا اخوي لو كان حبيبي او حتى خطيبي اكيد بتخجل وبتسحي بيكفي انها بتفكر انك في بعض الاحيان بتفكر فيها بوضع معين !!!! والله فشيله ،،

ثانيا : انت ما ملكت عليها فشي طبيعي بتلقى تصرفاتها ثقيله وماتاخذ وتعطي معاك علشان ما تاخذ عنها فكره سيئه او انها خفيفه ،،

يا اخي اقسم بالله احنا البنات في هذا الوقت مساكين تخاف تسوي شغله او تقول كلمه انت تحسبها شي ثاني ،،

فشافت انها تؤجل المكالمات والغزل بعد الملكه ،،

واعتقد انه المكالمه الاخيره يمكن لها دور بانها زادت في ثقلها ،، علشان ما تتمادى وبعدها تدخلون في مكالمات من نوع ثاني ،،،

ويكفي انها تغار عليك وهذا الشعور ما قدرت تخفيه ،،

والله خطيبتك طبيعيه ومافيها الا العافيه ،، صل على النبي وارتاح وفكر بها من ناحيه ايجابيه ،،

فهي انسانه خجوله وملتزمه بانها ما تحل لك الا بالملكه ،،

اتمنى لك التوفيق وحياه سعيده ،،

لاتنسى تدعي لي ،،

~المَستشَار~ · 28-07-2008, 00:10

الاخوان كفو ووفو بماقالوا
وبالاخص الاخت ريم الكويت قالت مااردت ان اقوله
واتمنى لك التوفيق..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

انا في مشكله من يجد لي حل له دعوه في الحرم المكي انا في مكه حاليا..