عالم الحياة الزوجية - منتدى

@..فراوله..@ · 27-07-2008, 12:36

-- سؤال 6 --
احبك مووت

اقتباس:

سمعت عن كريم أسمه (سودو كريم) لحفاظ البيبي يقولون مره ممتااااااااز ولا ميبو وخلاص؟؟

للطفح الجلدي لحفاظ الاطفال

سودو كريم؟؟
بصراحه فاااااااااااااااااااشل جد ماكان منه فايده الا ترطيب الوجه بس
<<تستخدمه مرطب للجسم من كثر العلب
شوفي مافي نوع ماجربته لان احيان يجيهم التهاب
طبي مو طبي مافيه فايده
عارفه وش الي عجبني
اول واحد طبعا مبو اذا كانت الحاله مره احيان ترحمينه يكون الجلد ملتهب ومو قادر ينام حطي ميبو يسكن الالم بعد
المرتبه الثانيه وجدا فظيييييييييييييييييع من اول استخدام يروح الحساسيه والطفح
كريم الاطفال من جونسن الي لونه وردي العلبه ورديه والكريم وردي بعد
هذا خياااااااااااالي بمعنى الكلمه

@..فراوله..@ · 27-07-2008, 12:41

-- مشكلة الرضاعه والتشققات --

بنوتــات اليوم بقولكم عن كريم للصدر حلو مره
طبعا احيان يحصل تشقق بسيط ويالم وقت الرضاعه
واحيان من رضاعة الطفل مرا تتالمين
فيه كريم زبدة الكاكاو يباع بكل صيدليه علبته كبير وروووووووعه واحلى مافيه مايضر الطفل وقت الرضاعه
يعني ممكن تحطينه على صدرك ويرضع بدون ماتمسحينه
مخحصص للرضاعه
بالــمرز

Balmer"s

نصيحه اشتروه من الحين

@..فراوله..@ · 27-07-2008, 12:43

-- مشكلة الصفار عند المواليد --

امممممممممم احيان بعد يكون عنده حاجه اسمها صفــار بصراحه مدري ايش بالضبط بس اعتقد حاجه بالكبد مو كويسه
وماتخوف عموما لان 80% من المواليد عندهم
بسيطه وحلها ابسط
تحطينه عند النور الابيض دائما عشان كذا غرف المواليد اضائتها بيضاء قويه حتى وهم نايمين
و تشربينه ماء كثير كثير
بالاضافه للحليب والسوائل لازم الماء

ويفضل اول ماتولدين تحطينه بالشمس خصوصا لو ماكنتي تجلسين بالشمس وانتي حامل
حاولي الحين تجلسين بالشمس او عن الشباك وانتي كاشفه بطنك وتخلين الشمس تجي عليه
واذا ولدتي حطيه هو
طبعا مو تستاثمين فيه
ترى شمسنا مو شمس هههههههههههه
افضل وقت وافيد وقت
الصباح اول ماتطلع الشمس او عند الغروب قبله بنص ساعه تكون خفيفه وحلوه

@..فراوله..@ · 27-07-2008, 12:45

-- مشكلة الرضاعه --

بنات على طاري المصاصه والرضاعه
اليوم نبدا بشي مهم
<<صدقت انها مدرسه خخخخخخخخخخخ

بصو بقى ترى الصغار ملاعين هههههههه<<<من قلب ههههههههه

اووكي يجننون بس والله عليهم استهبال
لاتحقرونهم
صغار مايفهمون ياحياتي ياربيه
والله الهظيم انهم من ينولدون يفهمون
وركزوا على هالنقطه وخلوها لصالحكم
لازم تخلين هالنقطه تفيدك وتمشينه على نظام معين
وقت النوم معين
الرضاعه معين
اووكي بيصير رجل الي ههههههههه بس بيصير نظامي ومرتب حياته كلها

تقولون لي كـــيف؟؟ وبايــش؟؟

طيب انا اقولكم

الحين لنفترض خلصتي نفاس والحمدلله على سلامتك وصرتي نطلعين وتجين ومعاك كتكوتك
تخيلي انك بعزيمه او رحتي لناس او لاهلك حتى وطولتي 4 ساعات 5
نص ساعه بيصيح يبي رضعه جوعاان بعدها بساعه ساعتين بيصيح وبتعطينه رضعه وبستمرين على هالوضع....!!!
رايحه جايه عند الناس..!!
كل شوي حايسه وكل شوي مرضعته
والناس انواع الفضاوه
والله قاعد يرضع
والله رضع مرتين
لا 3
وانتي اصلا بتملين
غير كذا ماراح تعرفين صياحه جوع؟؟
بينام؟؟
متضايق؟؟
لانك مانظمتيه ولاله نظام معين

لكن نجي نفرض

والله بداية
كل ساعتين اسويله رضعه مثلا 90 مل
بيصير خلاص مبرمج بعد ساعتين يبكي يبي رضعه
وانتي عارفه الساعه جت الساعه .... خلاص موعد رضعته
طلعتي لناس عارفه كم رضعه تاخذين
ومحدده وقتك
بعدها بشهر تزودين كمية الرضعه تدريجيا وتزودين الوقت
يعني كل ساعتين ونص ويشرب 120 مل
وبعدها كل 3 ساعات ويشرب 150 مل

وبكذا لحد ماتوصلين 3 ساعات ونص -4 ساعات
وهذا الوقت المثالي

لاتقولين حرام جوعان
ترى الاطفال مايدرون وين ربي حاطهم ومو بالدليل بكائه جووع بس هذي طريقة التعبير عن اي شي يبيه

وبكذا تكونين نظمتيه ارتحتي وريحتيه
بالوقت المناسب يبكي بعدها تدورين اسباب ثانيه لبكائه..

شراح اكثر لـ أحبك مووت:

احبك ياقلبو والله تعبك راحه احلى نشببببه هههههههههههه

ايه من اول ماتنولد تقريبا 3 ايام وابداي نظميها
لانها اول شي ماراح تعرف ترضع زين حرااااااااام
3 ايام اسبوع كاقصى حد وابدي علميها
ابداي ب 90 مل وهذا الحد المثالي لهم
حتى شوفي
علب الحليب لما تشترينها
راح تلاقين مكتوب من الخلف النسبه والعمر
وانتي بالتدريج طبقيها

اول الايام عادي
لانها بتشرب وبتنام وتقوم وتشرب وهي ماكملت الرضعه
بيجيك الصمرقع منها ودك تصفقينها ههههههههه
بعدها بتتنشط وترضع كويس

اول ماتبداين
عطيها رضعه اذا صاحت بعدين احسبي ساعتين وخليها لين ماتفحط صياح ههههههههه
عشان تشرب الرضعه كلها مره وحده
والا بتشرب شوي وتنام
لااااااااا مو على كيفها
خليها لين تجوع
معليش تحمليها بس عشان تتنظم
وكلها يومين اسبوع وتمشي زي الالف
<<مجرمه هههههههههه

بس والله ترتاحين

وصححح
انتبهي انو بعد ماتشرب ربع الرضعه
حطيها على كتفك وطقي كتفها ع الخفيف عشان تهضم لحد ماتسمعين بعععع <<<الله يحوم كبدها
هههههههه
<<معليش تحب توضح الشرح ههههههههههه

بعدها كملي ربع ونفس الشي

والا بتجيبلك العيد من جددد
لو ماسويتي كذا وخلصت الرضعه احسبي دقيقتين و الله يعينك ههههههههههه

@..فراوله..@ · 27-07-2008, 12:51

-- مشكلة تشققات الحمل --

جميع العضوات كانوا يسالون عن التشققات هل رغم الكريمات تطلع او لا

انتي عارفه انا كنت شاريه ترليون كريم خذي استلمي:
بالمرز زبدة الجسم--فازلين-- كريم البطن والصدر من مذركير--كريم بخلاصة الصبار-- جونسون
كريم طبي
هذا الي اذكره بسس
شفتي هذولي كلهم
وربي كنت من اول مااقوم احط واحد منهم والظهر واحد والعصر واحد والمغرب والعشاء وقبل ماانام
ومع ذلك طلعت لي خطوط
الخطوط تطلع بعد الولاده واكثر شي بعد النفاس
عشان كذوا اقول ركزوا بالنفاس على الكريم
ومع ذلك
بتطلع
بس اي احسن خطوط والا خريطة العالم ههههههههههه

والله تطلع ابار وانفاق ووادي وجبال
هههههههههههههههههههه

ايمان الشاذلي · 27-07-2008, 14:02

والله ورديتي يافراوله بعد اختفاء والجروب الي هنا اقصد الي كان هنا كلهم ولدو ماشاءالله والي منهم حبلو للمره الثانيه ياسبحان الله

@..فراوله..@ · 27-07-2008, 14:31

عقبالك ياسكرهـ..
هلا وغلا ومليوووون هلا
واحشيني والله بجد اشتقتلكم..
بس بنت ترى بتنطقين
لحد يسولف هنا ابد

لحد مااخلص كل الموضوع عشان الكل يستفيد منه

بتسولفون سرينا هناك ههههههههههههههههههههههههههههههههههههههه

لي عودهـ لاكمال البقيه

فديتكم

وحده من الناس84 · 27-07-2008, 14:33

تسلمين عزيزتي فراولة وموضوعك ريحني كثييييييييييير الله يريحك

@..فراوله..@ · 28-07-2008, 11:45

اقتباس:

المشاركة الأصلية كتبت بواسطة وحده من الناس84

تسلمين عزيزتي فراولة وموضوعك ريحني كثييييييييييير الله يريحك

يالبا دنيتك وعمرك

ريحي ع الاخير ياقلبي
وتدلعي تراك باحلى وقت
وانشاءالله اكمل الباقي اليوم

فديت قلبك وكرشتك ههههههههههههههههه

@..فراوله..@ · 28-07-2008, 11:52

-- سؤال 7 --

ام ميثه

اقتباس:

كنت بسال انا احس بنفس الشد على بطني وبعدها احسه يقسى

والم باسفل الظهر .. ويوصل لفخوذي واحس اني مب قادرة امشي عدل حتى

فهذي علامات الولادة المبكرة صج

هذي العلامات تبدأ من بداية دخولك الشهر التاسع وتزداد مع زيادة الوقت والمشي
عليك اول ماتمشين ترجعين وترفعين رجولك على مخده عاليه عشان يرتفع الجنين شوي

ومع كثرة المشي راح تقرب ولادتك مرررره..

بس اذا كانت من الشهر الثامن او قبله
ريحي مررره ولاتطولين مشي خليها 10 دقايق بس
عشان ماتجيك ولاده مبكره..

@..فراوله..@ · 28-07-2008, 11:58

-- سؤال 8 --

s س s س

اقتباس:

فراوله أنا الحين قربت أخلص السابع ويجيني تشنج باالساق الايمن ويروح مدري طبيعي؟؟؟
والحين الحامل ممكن تولد وهيه ببدايه التاسع ولا لازم تخلص خاصه إذا كانت بكر زي أنا؟؟

اممممممممممم

1- بالنسبه لساقك حبيبتي عااااااااااادي جدا

هذا من الثقل بس عشان ترتاحين ويخف الالم حطي عليها مشد حق الساق تشترينه من الصيدليه يريحك مرره
2-وعادي ممكن تولدين بالسابع بعد
<<تخوفك ههههههههه
ممكن تولدين قبل الموعد وقبل الشهر التاسع ولكن البكر نااااادر جدا جدا جدا ماتولد بدري بالعكس تكمل التاسع واحيان زياده يومين - اسبوع..

@..فراوله..@ · 28-07-2008, 12:02

-- سؤال 9 --

ام ميثه

اقتباس:

سمعت عن الاحباط بعد الحمل

بسبت الهرمونات .. كيف نقدر نتجنبه؟؟

لان اختي اذكرها كانت تبكي وماتبي ولدها..

بالنسبه لبعد الولاده..
فعلا بنوتات لاتستغربون من انفسكم
راح تكونين حساسه لدرجه خياليه
تتاثرين بكل شي وتزعين من اي شي
تتشرهين على زوجك وتتشرهين على الكل بينك وبين نفسك..
واتفه الاشياء تكون مو طبيعيه بالنسبه لك
وبعضهم تكون الحاله قويه فـ تاخذ موقف من البيبي
وهذا كله طبيعي ترى من الهرمونات مو منك انتي
وبالعكس الوضع عادي وطبيعي.. ولافيه شي صعب بحياتك
وحياتك الحين حووسه شوي لكن بتترتب وتستمتعين بالامومه وحياتك بشكل خيالي..
بس حطي في بالك ان البيبي حرااام محتاجك وماله غنى عنك
وقربه راح يريحك جدا
بس عطي نفسك فرصه معاهـ وتشوفين كيف الدنيا غير..

@..فراوله..@ · 28-07-2008, 12:04

-- فاصل دلـع لكل حامل تعبانه --

كتـــــــــــــــــاكيت
فيه كريم شريته امس جونااااااااااااااااااااااااااااااااان
جد احس ترطيبه قوي بشكلللل خيااااااااااااااااااااااااااالي وريحته يمممم يمممممممم تجنن تفتح النفس على الصباح
زبدة الجسم "الفراوله" من بودي شوب
فيه انواااع كثير بس عجبتني الفراوله ريحتها شييي فديت الفراوله كلها هههههههههه

جد حاولوا تنعنشون
بوصو ح اقولكم حاجه
انتي بيدك تغيرين مزاجك لليوم كله
ان بديتي متضايقه بتتضايقين
وان سهلتي الموضوع بتصيرين اسعد حامل بالدنيا

بجد جربوا اليوم

قبل لاتنامين غسلي وجهك و رجولك بمويه بارده بعدين حطي كريم مرطب على عيونك و وجهك
ونامي روووووقي لاتصحين الا اذا شبعتي
اول ماتصحين تمددي شوي بالفراش
بعدين قومي خذي لك شــور بمويه داااااااافيه اطلعي حطي لك دهن عود بشعرك ورقبتك
حطي كريم الفراوله او اي كريم ريحته تنعنش وبخي عطر هاااااااااااااادي
البسي لبس ابيض او الوانه حلوه
اجلسي ناظري نفسك بالمرايه
جددد تمتعي بانك حامل
ترى شكلك هذا بتفقدينه الايام الجايه
شوفي جسمك جنااااااان بالحمل

افطري فطور رايق
اشربي حليب وحطي معاه شوكولا او عسل
حطي ماسك
مكياج
تدلعي على الاخييييير

دلعي نفسك مررره لاتهتمين باي شي ثاني
انتي اميرة بيتك وخلي زوجك غصب يدلعك هو وخشته
قولي اليوم بكيفي بتسويلي الي ابيه بدون اي كلمه
اطلعي تمشي حول البيت معاه
او ع البحر للي تقدر

خلي كل يوم غير
عيشي حياتك وتخيلي البيبي معاك بعدين
تاكلينه تشربينه

واللللللله الي تدلع نفسها وتبدا يومها كذا تشوووف احساس ثاني
هونيها وتهوون
كلها ساعه بس مقابل حياة كامله

لاتاخذينها انك بتصيرين مسؤوله عن شخص يووووه

خذيها على انك انتي
قدرتي تجيبين حياة لهالدنيا
وان هالمخلوق الصغير طالع منك انتي وراح يهتم فيك بعدين وبيكون احسن واحد بالدنيا
بيكون لك هدف بالحياة
شخص يحتاجك ويحبك فيه براءة الدنيا كلها..

@..فراوله..@ · 28-07-2008, 12:11

-- زوجك والحمل والولادهـ --

بنوتات
فيه شي بنبهكم له اليوم

زوجــك

اممممممممم وقت الحمل توقعي منه اي شي وبتحسينه يوووووووووه صاير عصبي
او نوع منهم يصير حقنه مره 24 ساعه يسالك تحبيني؟؟
ونووع ع الصامت
ونووع يشغل نفسه

واكثر شي بتشوفونه بعدين وقت النفاس
عارفين كل هذا من ايش؟؟

من الغيره

ترى الرجاال يموووووووووت من الغيره هالوقت لانه يحس كل اهتمامك بالبيبي وتركتيه على جنب
ويصير يحس انه ضايع ويتنرفز
اذا ركزتي عليه بتنتبهين
انتي عليك انك تقولين

تدري وش اكثر شي حبيته بالحمل؟؟
انه قطعه منك
امووت فيك .....................................الخ عاد كل وحده فيكم تنصب على مزاجها ههههههههههههههههههههههه

وبعد اذا قربت الولاده فيه شي ثاني بيضايقه
احم معليش اقوول؟؟
بيخاف انك انك يووووووووه انك تخربين من الناحيه ذيك
لان الرجال يحطون دايم في بالهم ان الوحده بعد الولاده تتوسع
ف يجلس متضايق بينه وبين نفسه طوال النفاس لحد مايجرب بعدها بتشوفون بيقولك اصلا هو تصدقين الحريم بعد الولاده يخربون انتي لا
وبتتغير مشاعره تجاه البيبي وكل شي
وانتي لاتركزين ع البيبي قولي افف طفشاانه مالي خلق تعبانه قدامه واذا راح حضني وبوسي فيه لين تشبعين..

كمان فيه نقطه بجد انصحكم فيها من قلب لاتغلطون غلطة بعض الامهات

ترى الاب على ماعودتيه
عودتيه المسؤوليه بيتحملها
خليتيه وقلتي حرام والله يطنشك
عوديه هو يرضع وياكل ويشرب وهو يشتري الملابس
بطريقه حلوه طبعا
امممممممم تدري وش توقعت؟؟
توقعتك تجيب اليوم حاجه للبيبي
وهو بيجيب
علميه المسئوليه من اول يوم

واحلى طريقه انك تسوين نفسك مو مرره مع البيبي اذا صار موجود يووووووووووووووه رضعه خله يسكت
وبنفس الوقت
قولي تصدق احسه يفز لاشافك يبيك رغم انه صغير مايفهم بس غريبه
لاشلته سكت ويضحك
ويبيك و و و
ومن هالحكي علقيه فيه
واصحَك اصحك تنامين برا الغرفه انتي وياه اطلعي نوميه وارجعي علطول خليه ينومه..

قلتلك الرجال على ماتعود

@..فراوله..@ · 28-07-2008, 12:30

-- تجهيزات الدلع "استقبال الولاده" --

الا بنات جهزتوا خرابيط الولاده
شريتوا لبس للاستقبال؟؟
بنوتات
نصيحتي
احنا عندنا صرنا نسوي كذا وبصراحه مره ارتحت
ياطويلات العمر
فيه انواع من الزياره حاليا
1
تجلس 7 ايام بالمستشفى
وقت الزياره مفتوح فيهاا
وتحط حيلها بالغرفه تضبيط وورد وبالونات وحركات وكل شي
الي بيجي يجي خلال هالــ 7 ايام لانو اذا طلعت ماراح تستقبل احد...
<<بس رايي مره متعبه خصوصا انو اول الايام مافيك حيل تقعدين وتعب
طيب
2
تجلس يوم بالمستشفى او 2 بالكثير
الي بيجي يجي براحته
بس اذا طلعت لحد يجي لحد ماتخلص 15 يوم او شهر
بعدها
تقوم تطق الزين وتلبس لبس حلو وهي الي تستقبل الضيوف وتجلس معهم
يعني ايام المفرش حق الولاده والقميص والسدحه بالفراش ولــت
<<هذي برايي مره حلوووه وانا شخصيا سويتها وارتحت فيها بجد ريحت اول الايام وماكان يجيني الا اخلي القريبين مرره الي عادي انسدح عندهم واموون
3
نفس النوع الي فات بس رسميه اكثر
يعني الي فاتت الزياره بعد 15 يوم مفتوحه كل يوم
هذي لا
بعد 15 يوم
كل اثنين وخميس او اي يوم انتي تحددينه لهم الزياره مفتوحه
الي بيجي يجي وقتها
وتقدرين تتعذرين باي شي
<<برايي اريح بكثير
بجدددد
لانو يوم ناس تجي وانوااااااااااع الحوسه قهوهحلا شاي فطاير
وبكرى نفس الشي و و و و
جد تطلعين منها بحووووووسه وتعب وهلكه وميزانيه لها لحالها
بس اذا ترتب الوضع لا مرررررررررره كويس
وبيني وبينكم اكثر الاهتمام دايم
لاهل الزوج هم الي تحاولين تكشخين وتدورين لبس حلو
انا احب البينجابي وقت الولاده
احس الجلابيه حقت الكبار مرره وراح وقتها
البنجابي ستايل وحلو مررره

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 3 ( الأعضاء 0 والزوار 3)

عالم الحياة الزوجية - منتدى

أول مرهـ تولدين..وخايفه..!!..تعالي نسولف وأقولك شلون تسهلين ولادتك -2-