عالم الحياة الزوجية - منتدى

@..فراوله..@ · 27-07-2008, 11:10

من اول
ماحملتك
في حشاي
وقل بي
صبري

الـيـن اجـمل صـباح بـشر عيوني بـلـمحاتك

وانا احس
الفرح كله
هو الي
نام
في صدري

اذا لمـلـمـتك بـحضني وضمَ الشووق لمساتك

صباحــ الـهنـا والـسـ ع ــادهـ

صبــاح الدلــــ ع

صــباح الحنااااان

اسعد الله صباح وممسى كل كرووشه فيكم

اليوم حبيت اطرح هذا الموضوع واختصر فيه كل النصائح والتساؤلات الي طرحت في موضوعي السابق

||-- الـجـزء الأول --||

ونظرا لانكم قلبتوهـ تشات وسوالف هههههههههههههههههه

قلت اخلي النبذهـ المختصره لبقية الكروشات هنا:

اهم ماكتب

اهم الاستفسارت

اهم المشاكل

وكل مايهم الام الجديدهـ

كله راح تلاقونه هنا..

والي حابه تطرح اي استفسار
فديت قلبها تكتبه هناك وتبشر وتدلل بالي تبيه

ياويل الي تسولف هنا

هههههههههههههههههههههههههههههههههههههههههههههه

فديت قلبكم كتكووته كتكوووته

والله يهونها عليكم يااحلى كروشات ونفرح فيكم

//-- دمـتـم بــحـب وحنااااان --//

@..فراوله..@ · 27-07-2008, 11:14

بالدور شوي شوي

كل وحده تنتبه للكرشه الي جنبها ههههههههه

حامل مدام..؟؟
يلا اطلع فوق سوي قياس وزن
<<متعقده

يؤؤؤؤؤؤؤؤؤؤؤؤؤ ليش بطنك منتفخ كذا؟؟
ههههههههههه

هلا ومرحبا كتكوتاتي كيفكم كروشات؟؟

لبا عمر كل كرشه فيكم
<<ترحم الحوامل

كيفكم الحين
تعبانين

واصله حدكم؟؟

غثيان ودوخه وحوسه؟؟

وماتدرون وش تسووون؟؟

تنتظرون لحظة الولاده على فارغ الصبر...تبون ترتاحون من كل هالتعب وتشوفون كتكوتكم صح

موضوعي هذا اشبه بالسوالف

كل يوم بجي اسولف معاكم شوي عن تعبكم اسئلتكم وحتى الاسئله المحرجه شوي كل شي في بالك تعال اسدحيه هنا اتفقنا؟؟

وانا بحكيلكم كل شي عن الحمل والولاده وحتى الاشياء الي تستخدمينها

الكريمات-الادويه وكل شي

يلا تعالي اجلسي بسولف معاك

@..فراوله..@ · 27-07-2008, 11:22

اممممممممممممممممممممممم

اول شي ببدا فيه

-- الحاله النفسيه --

شوفي ياقلبي

ترى احيان يمر الحمل اووكي

واحيان كثير تحسين انك تعبانه وطفشانه ونفسيتك عدم بشكل خيال

تحسين ان ودك تبكين بدون سبب حتى

تحسين انك تعجلتي بالحمل

يوووووووووووه

اشياء كثير

هل استعجلت بالحمل؟؟

طيب لو جاني بيبي بيحد من حياتي ماراح اعيشها بكيفي

بكون مسؤوله عن شخص

يووووووووه يعني بكون ام؟؟..فيه شخص بيكون تحت رعايتي

شلون بتصرف؟؟..

طيب كيف حياتي مع زوجي بتتغير؟؟..طيب بيحبني زي اول؟؟

طيب حياتي الاجتماعيه نفسها؟؟..بقدر اطلع وادخل بكيفي؟؟

لاااااااا هذا مسؤوليه مو شي بسيط

طيب

يوووووووووه جد تعبت من الحمل والله تعبت

غثيان ودوخه وتعب ماعاد اقدر اطلع زي اول بسرعه اتعب

طيب الولاده تالم؟

طيب كيف؟

وش بيصير؟

ابي زوجي يدخل

لا مو زين يشوف

بس خايفه ادخل لحالي

يالله وش بيصير من جد خايفه مووووت

طيب افكر اخذ الابره اجل عشان يخف الالم

يوووه جد طفشانه وتعبانه

وماعندي احد اكلمه مافي احد يفهمني مين اسال مين اكلم..!!

اذا قلت لامي قالت عادي "كل الحريم ولدوا قبلك هذا انا جبتكم شوفوا ماضرني"

بس جيلنا غير مااااااااااابي

كل هذا وغيره وغيره واكثر بعد
صدقيني يصير معاك ومع كل حامل
النفسيه تتغير وتتعب

الله لايلومك جد الحمل متعب بس صدقيني ترى كلها هرمونات تتغير وهي الي تخليك حساسه

ويضيق صدرك على كل شي واي تصرف خصوصا مع اهلك وزوجك

وسعي صدرك كلها كم شهر وتروح تهون عليك كل هالبلاوي لما تضمينه بيدك

احساس ينسيك كل شي

بس الاهم

انتي استعدي نفسيا من الحين

واول شي تسوينه

تحطين في بالك انك:
قويه ماتتاثرين بسهوله
وانك بهاللحظه تحملين حياة بداخلك
كائن صغير يجنن يحتاجك و يحس بدفاك

وصدقيني مو كذب والله انه يحس فيك

جربي يكون ضايق صدرك وشوفي حركاته

جربي تفرحين وشوفي بعد

وربي انه يحس فيك

غمضي عيونك وحطي يدينك عليه وتواصلي معاه انتي وياه وبسس

وتعرفين وقتها ان كل هالتعب يهون

@..فراوله..@ · 27-07-2008, 11:34

نبدأ بالمشاكل..!!!

انتي بالشهور الاولى؟؟

يعني عندك غثيان مو طبيعي
وبعض البنات الغثيان يجي بالشهور الاخير

يوووووه اشين شي بالدنيا جد وعععععععع

مايخليك تنامين زين وحومة كبد

ومالها حل غير انك تاخذين حبوب للغثيان تخفف عليك شوي

بس عني انا ماكان عندي غثيان بالشهور الاولى

بالشهور الوسط ؟؟

هههههههههههههههههههه وقت الحمام يادبه ههههههههههه
داخله طالعه مايمديك داخله الحمام وواقفه عند الباب بتطلعين الا وراجعة له وعلى شي مايسوى
<<متحمسه بالشرح ههههههههههههه

عادي عارفه ليه لانه يكون نازل الحين ويضغط على المثانه ف تحسين انك ودك تنامين بالحمام ههههههه

بالشهور الاخيره ؟؟؟

يووووووووووووووووووووووووووووه هذي عقده

غثيــــــــــــــــــــــان * غثيــــــــــــــــــــان

ماراح تنامين مرتاحه

لازم تاخذين حبوب الغثيان وتنامين بوضعيه معينه

وتكونين كون شبه جالسه

وتسندين المخده على راسك وتميلينه على جنب

والا مستحيل تنامين

هنا يكون الطفل متجهز للولاده راسه فوق ورجوله تحت او العكس

وبكذا يضغط على المعده ويخليك تحسين بغثيان خيالي
ومالها حل الا الي قلتلك

>>>

راجعه اسولف معاكم

<<ماتخلص سواليفها

@..فراوله..@ · 27-07-2008, 11:42

اممممممممم طبعا راح ابدا معاكم حبه حبه بكل شي الى بعد الولاده والكريمات والاشياء الي تستخدمينها

الحين نركز على الاشهر الاخيره

الحين نبدا نجهزك للولاده

لازم تبدين تمشين كثير لان المشي بيسهل ولادتك حيل وكل
مامشيتي كل ماكان جسمك رياضي ويساعدك بالولاده

طبعا مو من اول مره تمشين كثير

لاتجيبين العيد وابتلش فيك هههههههههه

امشي اول مره 10 دقايق
وبعدها نفس الشي
وبعدها بيومين ربع ساعه
وتابعي لحد ماتوصلين نص ساعه باليوم

طبعا اول مره بتحسين بالم بالبطن خفيف

اسفل البطن

انا اقولك ليه

لان المشي ينزل الطفل شوي ف تحسينه يضغط على بطنك

بس ترجعين

انسدحي وارفعي رجولك فوق

ارفعيها على مستوى اعلى من جلستك بشوي

مو تتشقلبين خخخخخخخخخ

طبعا احلى شي انك لازم تتقضين للبيبي

يعني راح تفيدك طلعة السوق

وش تشترين؟؟

نجي نحكي عن الي تحتاجينه

امممممممممممممممم

اول شي
وحطي هالشي في بالك

مصــــــــــــــــــــــــــــــــــــــــــــــــ ـــــــــــــــــــــاصه

نصيحه نصيحه من كل قلبي هشان ترتاحين لمدة 3 سنوات

لاتنسينها

عوديه على المصاصه

بيرفض
اجبريه عليها

يوم يومين ثلاثه لحد مايتعود
والله بترتاحين عمرك كله

انا اقولك ليه؟؟

الطفل لما يتعود على المصاصه بعد كم شهر ماراح يحتاج انك تقومين تسوين له رضعه بالليل كل شوي
لا خلاص
تعطينه رضعه قبل ماينام والمصاصه وخلاص نامي وانتي مرتاحه

لحد عمر سنتين 3 سنوات بعدها يتعشى وخلاص

اما الطفل الي ماتعود عليها افففففففففففف

شي مو طبيعي

انواع القلق

يرضع شوي وينام ويقوم ويصيح وانواع الازعاج يعني الله يعينك منه

ومن زوجك الي بيسطرك هههههههههههههههههههههههههه

نرجع للاغراض المهمه

اممممممممم
تحتاجين
مهاد>>اللفه الي يلف فيها

لانه توه طالع من بطنك ويحتاج لمكان يلمه نفس البطن

ملابس داخليه ولاتكثرين لانه بيكبر عليها

وانا اشجع الي من مذكر كير تستمر لك طول العمر وتناسبه لحد 6
شهور يعني خذي 3 من محل عادي مقاس مواليد والباقي المجموعه الي من عند مذركير
امممم
بعد
نحتاج
قمصان صغنونه له لانه اول الايام فيه السره مانبي نعوره ويكفيه المهاد
بعد نحتاج
مسحه طبيه للسره
رضاعات وننتبه ان مقاس الحلم حق الرضاعه صغير
اممممممممم تقريبا هذا الي له

انتي

تحتاجين اول شي
شنطه للولاده عشان اذا رحتي للمستشفى
وحطي فيها:
فوطه لانك اول ماتطلعين تحتاجين تتسبحين
قميص او افضل البيجاما لانها تلمك وتدفيك احسن
ملابس داخليه راح تضطرين تبدلينها كثير اول الايام
ستيانة رضاعه
اولويز للولاده<<مخصص للولاده
بعض المستشفيات تحطه وبعضها لا
اممممممم
وانا شخصيا احب استعمل مشد لانه يريحني كثيييير
بس تقريبا هذا الي اذكره
وفيه كريم

انصحك من جد تحطينه قبل كل شي فعلا شي خياااااااااااااااااااااااااااااااااااااااااااااااا اااااااااااااااااااااااااااااالي يريحك من الالم
هو كريم تجميلي ومسكن بنفس الوقت طبيعي ماتضر كثرته
<<لها نسبه من البيع خخخخخخخخ
جد لو استعملتيه على ضمانتي ماتحسين الا بالم خفييييف مره

اسمه
||-- ميـــبو Mebo--||

مو طبيعي خذي منه كرتون من الحين
اول ماتطلعين من غرفة الولاده حطيه ونامي

الموهم بكذا انتهينا من الاشياء الي نحتاجها

@..فراوله..@ · 27-07-2008, 11:46

طيب

وصلنا للايام الاخيره وجهزنا الشنطه لاننا للحين ماندري متى نولد..!!

يمكن الحين وانتي تقرين يجيك طلق خخخخخخخخخخخخخخخ

حاولي تاكلين تمر لانه يسهل الولاده كثير
والمشي احرصي عليه زي ماقلتلك

طيب وصلنا للايام الاخيره

والله من النفسيه

||--ودك تعرفين الولاده والطلق؟؟--||

طيب

ياقلبو بجد اقولك الولاده ماتالم ابد ابد

ماامزح

الي يالم الطلق

الله لايوريك

مااروعك بس عشان تفهمين

الطلق وشو؟؟

يجيك الم باسفل الظهر مثل لسعات الكهرباء
<<بتتصفق

مو قصدي اخوفكم بس عشان تعرفون لاني احسب الطلق دلع

كنت كل شوي اقول لامي ماما جاني الطلق مشينا

وتضحك

تقولي لو جاك الطلق تتوقعين انك بتسولفين هههههههههههههههههههههههه

هذي اسمها سوالف ليل

>>والله من السوالف يستخف دمه هالليل

بتجيك اخر الايام الام خفيفه

بعدها بيجيك الطلق صدق

بس انتبهي
اذا قلت الحركه تقريبا لازم ماتقل عن 10 حركات باليوم
علطول درعمي للمستشفى

وانتبهي من اي شي ينزل معاك
و لاتنزلين كثير

لانه ممكن يلتف الحبل السري عليه وتكتمي نفسه

الموهم ممكن مايجيك طلق

وتنزل المويه
ممكن تنزل نقط دم

وقتها بدون تفكير شيليي شنطتك وروحي المستشفى
بيعطونك طلق صناعي

نرجع للطلق
راح يكون الم نهاية الظهر والم باسفل البطن
يبدا شوي بعدين يرجع بعد نص ساعه
وبيستمر لحد مايكون متتابع ووقتها خلاص دقايق وتولدين

هذا الطلق

@..فراوله..@ · 27-07-2008, 11:52

طيب نجي للـ:

||-- الولاده--||

طيب فيه مستشفيات يعطونك مثل العلبه تستخدمينها الله يكرمك تنزل كل الي ببطنك

هذي تساعدك وقت الولاده
وفيه مستشفيات لا
نصيحتي
تاخذينها انتي بالبيت عشان مايحوسونك وتلوع كبدك

هي كرتونتها خضراء الظاهر اسمها
d out

<<والله من التوصيف

جواها علبه شفافه فيها سائل تستخدمينه بفتحة الشرج دقايق ويبدا مفعوله
ينزل كل الي بالامعاء
عشان وقت الولاده الطفل بيضغط عليها فهذا افضل

طيب
دخلنا غرفة الولاده غرفه فاضيه مافيه الا سرير
بيشيلونك من سريرك ويحطونك بالثاني طبعا بتدخلين ماعليك الا لبس الولاده
ماراح تجي الدكتوره الا اذا خلاص بيطلع البيبي
نجي هنا والباقي كله عليك

اول شي بقوله

عشان ترتاحين وماتتعبين
لازم تجهزين نفسك نفسيا

انه مامعاك احد ولاراح يدخل معك احد وان الموضوع كله عليك بيلك تريحين نفسك انتي

كذا ماراح تتعب نفسيتك بعدين

طيب بدينا بالولاده

الطلق كل ماله ويزيد وخلاااااااااااااص تحسين البيبي بيطلع

المطلوب منك تدفين البيبي

تاخذين نفس كبير تمسكينه وتدفين البيبي
الله يعزك كنك بالحمام
<<تحوم الكبد من الشرح
طبعا والاهمممممممممممممممم

ماتدفين الا لحد ماتشوفين البيبي يدف نفسه والا احتمال تخنقينه باللف

اطلبي منهم اوكسجين اول ماتدخلين يسهل الولاده ويساعدك حيل ويخفف الالم

خذي نفس لاتصارخين ابد لانك بتتعبين ع الفاضي وتزعجينهم
وبيتنرفزون ولايكونون متعاونين معك

خذي نفس خلااااااااااااااص الحين بيطلع

بتجي الدكتوره طبعا

بهالوقت بتشق شق صغير ماراح تحسين فيه ابد ابد ابد

يلا نفس واكتمي ودفي

طلع الحمدلله سندي راسك اسمعيه يصارخ

بيحطونه فوق
يووووووووووووووووووووووووووووووووووووووووووووووووو ووه

احساس اتحداك تعيشين مثله لحظه مو طبيعيه تستاهل التعب
تسندي

راح تعطيك بنج خفيف

وتبدا تخيط الشق

ملاحظه:فيه بنات مايحتاجون شق او خياطه

راح يطلعونك من الغرفه بتجي تشيك عليك دكتوره ثانيه تتاكد من الرحم بس بتمسك بطنك وتضغط عليه
راح يرجعونك الغرفه

قومي قلبو خذي شور

نشفي نفسك

الحين منتي حاسه بالم لانك مفعول البنج ماراح

بس ولوو

البسي الاولويز بس حطي فوقها قطعة شاش وفوقها الكريم الي
قلتلك "ميبو"
عشان ترتاحين وماتحسين بالغرز
وصححححححححححح

عشان اذا جاك احد ماتتعبين من العطر
امسكي عطر

لاتتعطرين بس بخي الغرفه من بعيد

ونامي

والف الحمدلله على سلامتك

@..فراوله..@ · 27-07-2008, 11:56

امممممممممممممممممم
جينا نطلع من المستشفى يووووووه جد تعب

رجعتي للبيت

بدا مشوار حومة الكبد بجدد

||-- النفاس --||

وعععععععع

اااااااااااااه بس اشين فتره بجد

بس لازم تعتنين بنفسك جَدَ
الظهر فقراته متخلخله شوي من اثر الولاده

لازم ترجعين الحوض بمكانه بالراحه والا بتتعبين عمرك كله بالمشي

طيب نبدا

طبعا مازلتي تستخدمين الكريم

اوكي اول 4 اايام مافيه شي تسوينه

بس الكريم وبس

وقاعده تتهاوشين مع هالنــتفه :

يمص المصاصه
ويرضع من صدرك
لانه مايعرف يمسك صدرك

نجي للصدر عاد افففففففف سالفته سالفه

بما ان البيبي مايرضع الا شوي راح يتكتل الحليب جوا الصدر وبتحسين بالم يذبحححح
ف وش الحل؟؟

اول شي تشترين الشفاطه حقت الحليب وتشفطين الحليب الي بصدرك ويفضل تحتفظين فيه

لان اول الايام بالذات فيه ماده شفافه اخف من الحليب هذي تحتوي المناعه الي يحتاجها الطفل اول ايامه

جيبي كماده او فوطه وبلليها بماء دافي

او اغلي خس قطع كبيره وحطيه مثل الكماده

تدفي الصدر وتفكك الكتل الي تكونت واشفطي الحليب وارتاحي
بس ترى بيرجع بعد ساعات ولازم تكررين الحركه
لحد مايرضع البيبي زين

اوووكي خلصت 4 ايام تحسين بالم خفيف؟؟

جيبي طشت مويه يكفي تجلسين فيه

وحطيه بالبانيو او مدري شسمه هذا الي بالحمام وحطي فيه مويه دافيه وملح
واجلسي فيه 10 دقايق -ربع ساعه
راح ترتاحين راحه مو طبيعيه
وحطي الكريم واطلعي

ومايضر تقدرين تكررينه مرتين 3 باليوم

@..فراوله..@ · 27-07-2008, 12:08

-- سؤال 1 -

وينك ياغلا الدنيا؟؟

اقتباس:

تعالي يالدربيه الحين تقولين طشت واقعد به عقب اربع ايام

وشلوووووووووووووون ماتجي
انا عقب ولادتي الاولى قعدت 15 يوم عشان قدرت امشي زين واقعد شوي شوي

وشلون اقعد بطشت وانا توني مسويه خياطه .. تنفك والله

فهميني هالنقطة عجزت استوعب اقعد متربعه ؟ ولا وشلون

اقتباس:

انتي بالبدايه عشان الالم بتحسين ان اي حركه راح تفك الخياطه

طيب للتوضيح
انتي راح تحطين الطشت فالي يسمونه (بيديه) الي دائما تستخدمينه لقضاء الحاجه <<اوووخخخصص يالفصحى هههههههههههههه
يعني بتكونين شبه جالسه ماراح تضغطين على الخياطه مره
يعني مافي داعي للخوف ابدا ابدا ابدا
بس مو بالمغطس وتجيبين العيد
هههههههههههههههههههههههه
يعني خليك شبه جالسه..
وفاااااااااااااالك طيب

@..فراوله..@ · 27-07-2008, 12:12

-- مشكله --

نجي احيان لمشكله جد مو بوقتها
الامساك
يؤؤؤ جد حاله مو بوقتها بصراحه مشكله مهمه كثير

مع الغرز راح تتعبين كثير كثير
الحل انك من الاول تنتبهين

فيه ملين كويس وطبيعي اسمه "اجيولاكس"
علبته صفراء كنه صمغ فيران خخخخخخخخخ
وجواه حبوب صغيره مثل الشوكولا
تاكلين ملعقه الصباح وملعقه قبل النوم
يخفف الامساك ويساعدك تروحين الحمام بدون الم
بس تراه ياثر على الطفل اذا يرضع منك مو مضر لاااااا بس يخليه يطلع الي ببطنه
اول الايام احسن له لانه يطلع الماء الي بلعه ف البطن واثناء الولاده بس بعدين ترحمينه

بس اذا عرفتي ان الله حق بتاكلينه هههههههههه

@..فراوله..@ · 27-07-2008, 12:15

-- سؤال 2 --

روز البحرين

اقتباس:

دوووم احاتي موضوع الحبل السري ..(( الدكتوره تقول وضعيه النوم ما لها علاقه بالحبل السري )) انتي شرايج ؟؟

الرد:

روز قلبو بالنسبه لوضعية النوم لا بالعكس تاثر تخيلي تكوني نايمه وهو نايم على جنب مثلا تنقلبين على جنبك وتضغطين عليه وانتي نايمه ممكن تلفين الحبل السري عليه

بالوضعيات يابنات دائما الافضل
اذا بتشيلين شي من الارض ماتنزلين ظهرك تنزلين جسمك كله بدون ماتثنين الظهر يعني باستقامه
اذا انتي جالسه وهذا بالشهور الاخيره اجلسي وانتي فاتحه رجولك شوي عشان ماتضغطين البطن بفخوذك
اذا بتنامين افضل وضع مريح
تنامين على جنب وانتي حاطه مخده بين ركبك وفخوذك عشان تفصلين بينهم ويرتاح البطن وتضمنين وقت النوم انك ماتضغطين عليه..

@..فراوله..@ · 27-07-2008, 12:18

-- سؤال 3 --

جوري

اقتباس:

الاكل وقت النفاس والاشياء الممنوعه

وينك ياجوري انتي هنا..!!

طيب كتوتات
جوري كانت تسال عن الاكل وقت النفاس
طيب..
وقت النفاس لازم تاكلين كويس مره عشان تعوضين نقص الدم وتخلخل الفقرات
والمعروف دائما مع النفاس ...الحلــبه
بس الي اعرفهم ينصحون دايم بشرب الحلبه ال15 يوم الاولى بس يقولون افضل للرحم

وممكن نفس الوقت تسوين لك مغلي (كمون-يانسون-محلب) ممكن تحطينها مع الحلبه وممكن تخلينها كاس باي وقت باليوم وبالنسبه للحلبه اشربيها 3 مرات باليوم..

طيب وش بعدد
اممممممممم

نجي للممنوع
الحمضيات ممنوعه>>البرتقال-الليمون....الخ
الغازيات ممنوعه برضو>>الكولا-البيبسي...الخ
والسبب انها تسبب رطوبه بالرحم ومو كويسه بالمره<<<<<كلام العجز الخبيرات عندنا ههههههههههه
والله ياعم ذبحوني يوم ولدت
لاتشربين بيبسي يطير رحمك
لاتشربين برتقال ينزل رحمك
لحووووووووووووووووووووووووووووووووول ياذا الرحم الي يتمشى بكل مكان ههههههههههه

طيب برضو لاتجلسي عند المكيف قريب
والبسي بنطلون دافي
عارفه ايش المشكله انو وقت الولاده لما يجون يخيطون يدخل هواء كثير داخل الرحم واحيان يسبب الم
فاحسن شي خصوصا عشان يطلع الهواء
تلبسين لبس دافي
وتشرين دوافي (شوربه-شاي-الحلبه دافيه-..........الخ)
اوكي انا عارفه انك قرفانه وحرانه وحايمه كبدك بس وربي نصيحه لانك اذا مااهتميتي بنفسك بتندمين بعدين
الهواء هذا مشكله راح يسببلك احراجات بعدين مع زوجك لانه ..مدري كيف اشرح
بس يبين وقت الجماع بعدين
حتى هو بيحس بالفرق
ف عشان كذا لازم تهتمين كويس مره

وفيه حركة عجايز يسوونها بس بجددد ررووووووووووووووووعه وتريح كثير
هذي تفيدك في حالات كثير
لو جاك الطلق بس كنتي حاسه بالم
وانتبهي تحطين عطر وقت الطلق والا بتتعذبين
وبرضو بتفيدك بعد الولاده اول الايام لو حسيتي بالم مره سواء من عطر او اي شي
برضو بتفيدك لو كان عندك مغص وعشان تطلع الهواء بعد
طيب ايش الحركه هذي..!!
تجيبين مبخره وتحطين فيها خلطه شعبيه (مره -كمون بودره)
وتتبخرين فيها من تحت
ادخلي الحمام وانتي لابسه قميص وارفعي القميص طبعا من دون ماتكونين لابسه ملابس داخليه
وقربيه شوي منك
وخلي البخور يوصل فوق حرارته بتريحك والكمون والمره بيروحون الالم
من جد خيااااااااااااااااااااااااااااااااااااااال هذي
وتروح المغص علطول
بس انتبهي لاتنكتمين لان الريحه قويه وممكن تستخدمينها اكثر من مره مالها تاثير وحلوه..

@..فراوله..@ · 27-07-2008, 12:28

-- سؤال 4 --

أحـبـك مووت

اقتباس:

الفحص الاخير بالاسبوع الاخير من الولاده

اذا هو الي اعرفه فهي تضطر تدخل اصبع او اثنين تشوف الحوض كيف
هل هو كافي للولاده الطبيعيه ؟؟
او تحتاجين قيصريه..!!
الم خفييييييييييييييييييييييييييييييف مايالم كثير بس مزعج
بس اذا ارخيتي نفسك ماراح يالمك
ويحث ع الولاده لانها ممكن تفتح الرحم ويبدا معاك الطلق
جهزي شنطتك
<<تخوفها ههههههههههههه

الله يكون بعونك يارب بس اسمعي خذي ميبو وحطيه على الجرح حتى لو كانت العمليه قيصريه لانه مسكن وتجميلي

@..فراوله..@ · 27-07-2008, 12:30

-- ابرة البنج في الظهر --

بنات ولاوحده تفكر فيكم بابرة البنج حقت الظهر
اصحكم تتعرضون لاغرائات المستشفيات
انا عارفه انكم خايفين
بس الم بسيط لفتره والا احتمالات كثيره بالشلل
شوفي فائدتها
ان الالم يروح
لكن اضرارها بالمقابل
ممكن تاثر على الطفل وتضعف حركته قبل الخروج
ممكن يصيبك شلل لانها بمكان خطر
وقله 10% من المحترفين يعرفون يعطونها يعني نتيجتها تكون سلبيه لو غلط الدكتور

تحملي الالم واللللللللله انه اول ماتنتهين ويحطون البيبي فوقك انك بتنسين الدنيا كلها

وتذكرت
ترى فيه حديث بس نسيته يقولك وقت الطلق اي دعوه مستجابه
ادعي بس لاتدعين على زوجك ههههههههههه

@..فراوله..@ · 27-07-2008, 12:32

-- سؤال 5 --
أم ود &&

اقتباس:

انا عندي سؤال اختي فراولة
وهو عن الخياطة اللي بتكون في منطقة الشق يعني الصراحة كيف بتكون بعد الولادة يعني هل بتالم كثير؟ وهل تلتأم بسهولة؟
يعني اذا الواحدة مثلا بتستحم او شئ بيكون عايدي او مؤلم؟
وهل بيرجع المكان زي اول وبعد كم؟
ارجوك اختي فصلي الموضوع لان ودي اعرف عن كل شئ

ام ود تدللي حبيبتي
لاتشغلين بالك فيها شوفي بالتفصيل هو شق يسوونه بالمايل شوي وبعدها يخيطونه تقريبا 3 غرز او 4 بالكثير
راح تحسين بانزعاج منها شوي بس اذا استخدمتي الكريم راح يخفف الاحتكاك وبالتالي الانزعاج والالم
واحسبيلك 7 ايام وتبدا تطيح من نفسها ويلتام الجرح وراح ترجعين مثل اول واحسن
وفيه ناحيه عارفه ودكم تسالونها: الولاده توسع؟؟..لا للي راح يسون لها شق وخياطه راح ترجع مثل اول بالضبط تتطمن بقووه

وعموما احسبوا 10 ايام بالضبط ويصير كان مافيكم شي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 2 ( الأعضاء 0 والزوار 2)

عالم الحياة الزوجية - منتدى

أول مرهـ تولدين..وخايفه..!!..تعالي نسولف وأقولك شلون تسهلين ولادتك -2-