عالم الحياة الزوجية - منتدى

pocy2010 · 30-07-2008, 17:48

السلام عليكم
اخواتى فى الله لم اعد احتمل ضيقتى فانا منذ حوالي يومين وانا لا اعمل شئ الا واحس انى قد ازعجت زوجى ولا اعلم هل هذا طبيعي فى تلك الفتره والله هو انسان طيب القلب احبه ولكن لا ادرى ما يحدث الا وانا اغضبه وهو لا يرد على خوفا على عندى احساس بالاكتئاب فهل هذا من اعراض الشهر ولا ايه لانى بجد حاسه انى بتعصب بسرعه ولاشياء تافهه لدرجه انى ساحكي لكم موقف بسيط طلب منى ان يشرب وانا احسست بتنميل فى رجلى فلم استطع الوقوف بسرعه فطلب منى مره اخرى فوجدت نفسي اتعصب عليه واقوله حاضر حاضر حتى الميه مش قادر تجيبها لنفسك لازم يعنى تقومنى راح قام وجاب لنفسه ميه بس والله ما كان قصدى وهو مكنش عارف ان رجلى منمله ومش قادره اقف ومش عارفه ايه اللى كتم لسانى بعديها وبعدين لقيت نفسي بقوم واروح انام قعدت اعيط لحد ما نمت وجيت تانى يوم اتصل بي فى الشغل علشان يطمن على ويشوف لخبارى ايه مش اسكت لا اقوله انت لسه فاكر ان ليك واحده تسأل عليها والله انا استغربت انا بقول كده ليه الراجل مغلطتش راح قالى انا اسف ياستى الحمد لله انك كويسه ومع السلامة ولما جه البيت قلتله اعملك اكل قالى لا مليش نفس والله انا مش عارفه مالى هل ده طبيعي انا عمر ماطلع منى كلمه وحشه ليه ولا عمرى فكرت انى ازعله باى شكل من الاشكال بس ........................ الحمد لله على كل شئ انتوا مأكد فاكرين انى فى نهايه الثامن دلوقت وبدعى ان الايام تمر بسرعه واخلص من التقل والعذاب بتاع ورم الرجلين والوش المنتفخ والايد كمان بس ربنا ييسر اللى فيه خير ويهون الايام ان شاء الله

نور الهدى والمحبة · 31-07-2008, 10:43

الله يكون بعونك حبيبتي هو الرجال هيك خصوصا بأول ولد\ انا فرقت جوزي كثير في تعامله معاي بابنتين ربما ما بيتصوروا الحالة النفسية اللي نحنا فيها حاولي حبيبتي ما تزعلي نفسك وهونيها بتهون والله يحنن رجالنا علينا

دم الزغلول · 31-07-2008, 11:18

والله يا بوسي انا كمان بمر بنفس حالتك والمشكلة كمان انه جوزي حساس زيادة عن اللزوم ومرات انا بكون متنرفزة من الشغل والحر والتورم في الرجلين وببقى مش طايقة نفسي ولما برد عليه بنرفزة او بحدة بيزعل مني وانا بكون مش قاصدة ابداً اني ازعله واقعد اراضي فيه وهوه يضل زعلان

pocy2010 · 31-07-2008, 15:36

حبيبتى نور الهدى والمحبة ودم الزغلول جزاكم الله خيرا على ردكم الكريم وبحاول اهدى نفسي وخصوصا انه طيب وحنين ومش عايزه اضايقه ابدا وربنا هو الكريم

ابن القاهرة · 31-07-2008, 16:17

أخوتنا الكرام أنه من نزغات الشيطان فأستعينوا بالله من الشيطان الرجيم .
وربنا يهدى السبيل.

شوشو 23 · 01-08-2008, 07:16

حبيبتي دا طبيعي في الحمل
ومع الثقل والتعب لازم تطلع تصرفااات غير مرغوبه ولا اراديه
وتحسي بعصبيه وتبكي لاتفه السباب
يلا كلو يهون
مابقيلك الا شهر خلاااااااااااااااااااااص راح ترتاحي وتريحي سي السيد

@ كوكو شانيل @ · 04-08-2008, 02:21

الله يكون بعونك ويسهل عليك ولادتك

خطوات راحله · 09-08-2008, 01:45

الله يعينك اختي وان شاء الله تقوومي بالسلالامه
ذكرتيني بأيامي اول الزواااج كنت ازعل من اتفه شي واصرخ فيه ويزعل مني وانا ما اقصد لاارادي الله يعين

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)