قمر الجبيل

أخواتي اليوم احب أطرح عليكم موضوع الغيرة شنو رأيكم بغيرة الرجل وهل المرأة تفضل هذا النوع من الرجال أم المرأة تفضل النوع الاخر من الرجال هل للغيرة نتائج سلبية وايجابية في نفس الوقت ؟ واريدكم تتفاعلون ويانا وكل وحدة تنطينا رأيها بهاي الموضوع وكل وحدة تكول ألنا زوجها شلون طبعة غيور لو لا ؟؟ اني بالنسبة الي زوجي يغار جدا حتى احياناً يكولي أغار من تحجين وي اختج الصغيرة ويضوج جدا من احجي وي أحد مع أنه اني احبه جدا ودائماً اكوله انت اهم شي بحياتي وحتى اني بشغلي دائما يخابرني بالجوال وأهواية يطرح عليه سؤال منو كاعد وياج هسة؟ وي منو تحجين حاليا؟ ومرات الجوال بالجنطة ومااسمع رنة الموبايل ويسويلي مشكلة كبيرة وحتى لواحد من زملائي يمدحني بخير يضوج لأن اني والحمد لله مو مدحاً بنفسي وأنما انسانة هادئة وماأتدخل بشي واحب اساعد الناس والي عندة مشكله يطرحها الي واحياناً أحل مشاكل لأشخاص يكبروني بسنوات عديدة بالسن وحتى استغنيت عن صداقات من اشخاص ساعدوني بمواقف معينة حتى أراضيه بس هو ابدمايقتنع بأي شي على الرغم من انه اني أملك اسلوب لابأس بيها بطريقةى الاقناع شنو الحل برائيكم ؟؟؟وجزاكم الله الف خير

احصل على الاف المقالات , المواضيع و الصور باستخدام البحث في المنتدى انقر هنا