عالم الحياة الزوجية - منتدى

حناين · 23-04-2005, 14:52

السلام عليكم

حبيباتي اكيد وايد منكن يعانون من هالمشكلة وانا كنت وحدة منهم
كان شعري خفيف وايد من قدام ..

قلت لاا ماراح اسكت لازم القى علاج لمشكلتي عن اصير صلعا

ف سالت صديقاتي عن حل او وصفة .. قالولي زيت الخروع كلش حلو ويكثف الشعر

نطيت للصيدلية وخذت لي الزيت واستخدمته كم مرة

بس ما ارتحت لهالعلاج .. قلت الا اسير لدكتور الجلدية فهو متخصص في الشعر

وحتى سالته اذا كان زيت الخروع ينفع ولا لا قال شنووو زيت خروع يكثف الشعر

عاد انا تفشلت لوول

قال لي انتي ييبي زيت وماي وصبيهم ويا بعض منو بينزل اسرع .. قلت له اكيد الماي

قال لي ليش ... قلت : لانه كثافة الزيت اكبر (تفلسفت عليه شوي

) قال صحيح

واكتشفت ان الزيوت ما تنفع للشعر الا عشان تنعيم الشعر ( يعني اطراف الشعر بس ما يدخل للجذور ويعالجه)

ادري قلت لكم قصة حياتي هههه بس بغيت اييبها بطريقة شيقة عشان تقرون الموضوع وتستفادون

المهم الدكتور وصف لي شيئين واستخدمتهم لمدة شهرين وصار شعري غليظ والكل مدحوا العلاج

والعلاج كان كالتالي:

1. تونيك
2فيتامين e

التونيك عبارة عن مقوي لبصيلات الشعر الضعيفة .. ومعاه فيتامين يقوي الشعر

واسم التونيك هو Panthophil لونه برتقالي .. تلقونه بالصيدلية

يوضع كل يوم على المنطقة المصابة ومع التدليك

وتخذون فيتامين e عشان يساعد اكثر .. حبه في اليوم

اي سؤال انا حاضرة

وان شا الله ما طولت عليكم

كلمة من صدق · 23-04-2005, 15:06

والله ححاول اخدو بس هالعلاج مناسب لكل انواع الجسم او الشعر.....؟؟؟؟؟؟؟؟؟؟؟
بليز خبريني انا شعري بحالة يرثى لها بيوقع بالهبل....مع اني قصيتو كذا مره وما بصبغ ابدا....
بس المشكله هيا هيا
وبدي تفاصيل اكتر عن هالدوا بليز
وعن سعره
وفتره الاستخدام
ولما توقفيه بيضل الشعر زي ما هوا ولا بترجع المشكله
تحياتي
وشكرا على الموضوع
لانو بصراحه ببالي انزل موضوع اسأل فيه بس كنت مستحيه...
شكرا
كلمة من صدق
ِ

بكرى أحلى · 23-04-2005, 15:47

مشكووووووورة على هذا الموضوع اللي نحتاااااجه ..
وعندي سؤال مهم جدا انتي ياحبيبتي ماذكرتيه ...

هل نستخدمه بعد التروش مباشرة والشعر مبلول ؟
أم ممكن نستخدمه والشعر جاف .. وبعد ساعات محددة نغسله بالشامبو ؟

حناين · 23-04-2005, 16:10

السلام عليكم

كلمة من صدق :

هلا اختي ..
__هالعلاج مناسب لكل انواع الجسم او الشعر.....؟؟؟؟؟؟؟؟؟؟؟

ما دخل الجسم في الموضوع .. اذا كان انواع الشعر ايه مناسب لانه مجرد تونيك مقوي للشعر ما يضر وللتاكيد اسالي الصيدلي

__وبدي تفاصيل اكتر عن هالدوا بليز
وعن سعره
وفتره الاستخدام
ولما توقفيه بيضل الشعر زي ما هوا ولا بترجع المشكله

السعر في الامارات : تقريبا 50 درهم

فترة الاستخدام : الين ما يخلص الدوا

ايه حبيبتي بيضل الشعر لاني قويت الشعر من الداخل وعالجته وما اظنه شي مؤقت

ولتساقط الشعر مرة اختي استخدمت دوا كان فظيع .. اسمه ريكسول اسالي عنه اكثر (مجرد نصيحة)

واكيد حافظي على طريقة اكلج كلي الخضروات والفواكه ونوعي بالاكل
والمشاكل النفسية تسبب تساقط في الشعر
وكثرة التعرض للشمس .. وشد الشعر بطريقة مؤذية .. لاتمشطين شعرج بعد الاستحمام لان مسامات الجلد تكون مفتوحة
خليه يجف وبعدين مشطيه بطريقة لطيفه

لا حبيبتي اذا تبين اي شي اسالي عادي وبنحاول نساعدج لا تستحين

_____________

بدون مجاملة :

العفو اختي احب اساعد خواتي

ولا يهمج

___هل نستخدمه بعد التروش مباشرة والشعر مبلول ؟
___أم ممكن نستخدمه والشعر جاف .. وبعد ساعات محددة نغسله بالشامبو ؟

حبيبتي تستخدمينه مرة في اليوم
ومو شرط الشعر يكون مبلول بالعكس لما يكون جاف احسن

لكن _يفضل _تغسلينه بالشامبو ولما يجف حطيه (عشان تخوز الدهون عن فروة الراس ويتغلغل في الراس اسرع)
لا ما يحتاي تغسلين شعرج بعد ما تحطين التونيك خليه وما راح يبين انج حاطة شي حبيبتي لانه يدخل داخل ( ويسوي شغله ههههه)

اي سؤال انا حاضرة وان شا الله ما اقصر

واذا مافهمتوا علي قولوا لا تستحون *_^

ورده حمره · 23-04-2005, 17:03

مشكوره على المعلومه وانا باسال الدكتور ان شاء الله

عروس الشرق · 24-04-2005, 12:17

مشكوره حبيبتي بسأل عنه الصيدلاني

حناين · 24-04-2005, 13:51

السلام عليكم

شكرا وردة حمرا .. وعروس الشرق على مروركم
وان شا الله تستفيدون منه مثل ما استفدت منه

سلام

Hoor · 24-04-2005, 15:07

مشكورة حناين اذا احتجته سالتك الحمدلله شعري غلييييييييظ مرة قولوا ماشاء الله
تسلممين حناين
سلالالالالالالام

حناين · 24-04-2005, 18:08

السلام عليكم

ماشا الله عليج حوور ولا يهمج عيني مب حارة .. بس راح يتساقط شعرج ويتقصف ويمكن يحترق بس

لوول اسولف ههههه

شكرا لج حبيبتي

الشريرة · 25-04-2005, 20:21

انا أخاف أجرب اي شئ لأن بشرتي حساسة ... لكن شعري يتساقط بشكل فظيع و خصوصا استخدمت بلسم مكتوب عليه مقاوم لتقصف الشع
و بعد شهرين اتزوج !!!!!!

حناين · 25-04-2005, 23:08

السلام عليكم

اختي الشريرة ..( لاحول ليش هالنك لوول)

حبيبتي ممكن تشرحين لنا مشكلتج بشكل اوضح وادق .. وبنحاول انساعدج ان شا الله

شكرا

أسيرة الأحزان · 26-04-2005, 05:25

مشكووورة حبيبتي
يعطيكي العافية
تحياتي

سكينه · 03-05-2005, 16:07

مشكوره اختي بس اني مشكلتي بان شعري يتساقط من كل الاتجاهات مو من مكان معينوالله اني حايره اشاسوي لان اصبح شعري خفيف جدا واني عايشه ابالمانياوهذا الدواء يصلح لشعري واريد اسم الدواء بلكامل
مشكوره اختي العزيزه

مرتاح احبك ولاع · 05-05-2005, 02:01

مشكورررررررررررررة وايد وايد وراح اجربة من باكر

حناين · 05-05-2005, 16:11

السلام عليكم

اسفة عالتاخير

اختي سكينة .. ان شا الله راح تستفادين من هالدوا لانه صج نفعني وطالعة شعيرات في الاماكن اللي ماكان فيها شعر
وحتى اختي تشجعت وشرته
بس لازم تصبرين شهرين تقريبا لين ما يتقوى الشعر وينبت من جديد ويظهر ..
اسم الدوا ... panthophil ._vitamin hair tonic _ for strong hair
هذا اللي مكتوب عليه بالضبط .. ولون التونيك برتقالي

وتاخذين فيتامين e معاه

اذا قدرت اساعدج حبيبتي

_______

مرتاح احبك ولاع(شنو هالنك وابويه( اسولف

العفو وان شا الله تستفادون منه

سلام

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

علاج للشعر الخفيف (مجرب)