بسم الله الرحمن الرحيم

شحالكــــم اليوم ^^
حبيت أنقل لكم بعض من تجاربي في ترويض الأزواج <<<< يعني كيف تييبون راسهم ^^
في وايد مواقف تصير بحياتنا اليومية وما نعرف كيف نتصرف يا نزعل أو نصرخ بويه بعض أو نضايج
مع إن الوحدة لو حاولت تدارك الموقف راح يمر كل شي بسلام ..
بذكر لكم بعض المواقف عشان تستفيدون ..





أول موقف ..
يعني مثلا ييتوا للسرير بترقدون يا ريلج وعطاج ظهره ورقد ...
كيف بتتصرفين ؟؟
راح تزعلين أو تتضايجين أو تعاتبينه <<<< ومنهم يعاند إذا عاتبتيه ..
ويمكن تستوي زعلة محترمة واللي بتقول مب طايق تشوفني <<< انا كنت جي اقول خخخخ
المهم فمرة أنا أول ما عطاني ظهره وبيرقد قلته بكل رقة ونعومه حبيبي ليش لفيت ويهك عني
وقلته ترى يقولون اللي ينام وراسه جهة اليسار تييه كوابيس وبعد دقيقة بس شفته لف صوبي ويلس يضحك
ووسولف شوي ونام ^^











ثاني موقف ..
فمرة كان ريلي زعلان ..
وإحترت كيف اراضيه ..
يلست أفكر ويت فبالي هالفكرة ^^
رحت المسبح سبحت وخلصت وتعمدت أنسى الفوطة في الغرفة ..
فزقرته قلته تعال يا قلان نسيت الفوطة هناك ويابها لي جان أقوله مشكور غناتي تعبتك وياي فقال حد يروح المسبح وينسى الفوطة ..
قلته بالي مشغول فيك عشان جي نسيت الدنيا وما فيها <<< من قلت جي طاح الحطب (:







ثالث موقــف ..
فمرة ريلي كان معصب واصل حده شوي وعداده بينفجر ههه
ويتهمني باشيا انا ما سويتها ومالي خص فيها بعد ..
وهو يرمسني بالفون ويصارخ وحالته حالة وأنا ساكتة ولا كلمة إتبعت لغة الصمت فبند بويهي ويا البيت
ونفس الحالة صراخ ومتنرفز وأنا منزلة راسي واقول دعاء يونس ( لا إله إلا أنت سبحانك إني كنت من الظالمين )
وأستغفر ربي هو تفاجأ من سكوتي وسكت شوي قال لي شو فيج وأنا ما نطقت بشي بس دموعي نزلت غصب فيلس يهديني ويتأسف عن اللي صار وبعدين بكل هدووء تفاهمنا وعرف منو الغلطان ..
وهني حبيت أقول لكل الزوجات إمتصي غضب ريلج بالصمت والله له فوايد عجيبة ..
مب كل وحدة يصارخ عليها ريلها تسير تزيد النار حطب وتصارخ وترد الصاع صاعين هني ثنيناتكم بتجرحون بعض وبيكون الزعل قوي ^^






رابع موقـــف ..
إذا كان ريلج مب من النوع اللي يمدح لبسج ما عليج غير إنج يوم تشترين لبس يديد إلبسيه
وروحي جدامه وقوليه شو رايك باللي شريته طبعا مع شوية حركات دلع وخاصة إذا كان ملابس داخليه بس ..
وصدقيني راح يمدحج ويمدح لبسج ^^







خامس موقـــف ..
فمرة كنت بسير بيت اهلي وبرد في الليل ..
وكان ريلي زعلان مني شوي ..
فرحت وحطيت وردة لونها أصفر والثانية حمرا وكتبت فورقة ( هالورود لك الحمرا لإني أحبك والصفرا يعني دام إني حبك أغار عليك يعني لا تلومني )
ورحت حطيت فوطة وملابسه الداخلية في الحمام جهزت له يعني عشان يوم يي يسبح يشوفني مهتمة فيه وحطيت داخل الفوطة صورتي وكتبت عليها ( يرضيك تزعل مني لألحين )
المهم سويت كل هذا ورحت لأهلي ,,
وتفاجأت ع المغرب مطرش لي مسج كاتب فيه ( الحين بمر عليج )
مع إني متعودة يوم اسير بيت هلي ايلس لين في الليل بس مر وخذاني من وقت ..





هالمواقف اللي حسيت إنكم بتستفيدون منها
وأتمنى لكل المتزوجين حياة سعيدة بعيد عن النكد
وربي يوفقكم لكل خير
تقبلوا تحياتي
إختكم ( حطمني ريلي )