عالم الحياة الزوجية - منتدى

استاهل دموعك · 12-08-2008, 06:27

لا ادري من اين ابدأ بس بدش على الموضوع على طول ..

مشكلتي اهي انو حماتي تخرب علاقاتي بحمواتي لدرجة قطعو العلاقه فيني..طبعا تضايقت بحكم انهم يحبووني الغريبة مدري اهي وش قايلتلهم بس واللي باط جبدي كل يوم تقولي كلمتني فلانه وتسلم عليك تبي تحرني انا ماسويت لها شي بالعكس مسويت لها مواقف تشكرني عليها وياما سويت معروف لها ولا عمري جرحتها بكلمه اخر مره علاقتي بحمواتي اتفقنا نطلع سوى لشاليه ولما عرفت على طول فركشت الرحله انا ماهمتني الرحله الحمدلله مو محرووم من سفر او روحات بس كل هذا علشان ما احتك فيهم واللي يقهر اكثر انو انا مو ماخذا جو بالعكس لما نجلس سوا اول ما اذكر اني ثقيلة دم او اذب كلام لا لا ومره من المرات دقت علي وقالت ابزورك قلت حياك الله وبنفس اليوم اللي تبي تجيني اتصلت واعتذرت وقالت لي بجونها ضيوف قلت حصل خير.. وبعدها جاء زوزي وقالي وش رايك اليوم نطلع كوفي شوب قلت اوكي المهم يوم جاء المغرب وانا وزوزي طلعنا الا شاف اخوه عند الباب ومرته معاه جايين عند حماتي اللي جنبي طبعا انا يوم شفتهم انصدمت وقالي زوجي هذيلا الضيوف اللي قالت لك بجونها انا هني ضاق صدري وحسيت انها خانت الاخوه اللي كانت بينا عن جد صدمتني وعقبها ما صرت اسال عنها وجاني اتصال منها اول مره مارديت بعدين قلت خل اكبر عقل وارد ورديت الا قالت الو قلت هلا قالت قالت تحسبين فلانه جتني قلت ايه شفتها دخلت عندك قالت لا اهي جايه تزور اهلها بحكم اهلها بنفس الحاره طبعا ماعلقت على كلامها وقلت اوكي حصل خير وصرفتها لاني ماقدرت اسولف معاها وسكرت..

استاهل دموعك · 12-08-2008, 06:42

وانا عارفه انها تكذب علي بس ليه تستخف بعقلي علشانها تشوفني ما اتعارك مع في الجدال قالت ايه هذي صحيحه لا لاني مابي ابين لها انها هامني تصرفها ..ودايم تقول بزورك طبعا اذا كنت فاضيه اقولها اوكي ولمن تجيني تحسبونها تسولف لا بس تبحلق بعيونها وتا خذ اخبار وتروح ..ومره من كثر ماتزورني قلت لها بزورك قالت حياك المهم جيتها الا صارت تتضايق من جيتي عقبها ماصرت ازورها طبعا ..ومره من المواقف مره احنا رايحين للمول نتمشى ونتسوق الا قالت لي بتشتري هديه لزوجها بمناسبة عيد زواجهم المهم شافت الهديه وعجبتها وكانت متردده تشتريها ..المهم طلعنا من المحل ورحنا لكوفي نطلب الا قالت ممكن تسلفيني بحكم مامعها شرت الهديه قلت اوكي وحاسبة الا قالت اطلبي وانا شوي وراجعه المهم انطرها الا جت وقالت لي ان الهديه ماعجبتها واسترجعت فلوسها ولا كلفت على عمرها وقالت خوذي اللي طلبتي ..الحين موقفتني احاسب وبنفس الوقت تسترجعين فلوسك ليه استخفاف لهدرجه فيني ..انا ماقلت السالفه هذي علشان هامنتني الفلوس لا لا مابي تفهموني غلط انا دايم اسلفها مبالغ كبيره واحيانا ادفع لها فواتير اذا انزنقت بس الموقف سخيف اللي سوته لي..واشوفها مع حمواتي بالعكس تباشرهم بس معاي لا ساعات احس تكرهني والحين انا ودي ابتعد عنها او تكون علاقتي فيها سطحية..

ارجو منكم اراء تفيدني..

السر الدفين · 12-08-2008, 06:49

تعرفين شئ اسمه طنش تعش تنتعش

انتي اعملي بأصلك الطيب وخلي المكايد لأهلها وبالأخير مايصح الا الصحيح

انتبهي لبيتك وزوجك غير كذا لاتهتمي

استاهل دموعك · 12-08-2008, 07:18

اقتباس:

المشاركة الأصلية كتبت بواسطة شهريه

تعرفين شئ اسمه طنش تعش تنتعش
انتي اعملي بأصلك الطيب وخلي المكايد لأهلها وبالأخير مايصح الا الصحيح
انتبهي لبيتك وزوجك غير كذا لاتهتمي

مشكوره على ردك اللي اثلج صدري ..

زهور المدينة · 12-08-2008, 10:13

انا مع اختي شهرية

و انتي امبين عليك بنت ناس ومحترمة وطيبة كثيييير

وهذي حماتك مستغله طيبتك

لا تسوين لها اي اهتمام وعيشي حياتك

أشجآن آلعمر · 12-08-2008, 11:12

ســلآم عليكـ آختي ‘‘

جداً مؤلم بأن تتعآملي مع آلنآس بطيب وهمآ بإستخفآف ‘‘

بس أبداً لآ يهمكـ تعآملهم ‘‘ أهم حآجهـ إنكـ تعملي بأصلكـ ‘‘

خليكي طيبهـ مع آلنآس كلهم وعلآقتك سطحيه معآهم ‘‘

ســـلآم ‘‘ كيف آلحآل ‘‘ مع آلسلآمهـ ‘‘

وإذا بتزوركـ خليهآ تجي وفي نفس آلوقت نآدي آي أحد من أهلكـ ‘‘

أو من جيرانكـ أو وحدهـ من حموآتكـ .. أهم حآجهـ لآ تكوني انتي وهيا رأسين في بعض ‘‘

يعني خليهآ جمعة حريم ‘‘

وأنآ أحسهآ إستغلآليهـ .. وغيرآنهـ منكـ ‘‘ وهذآ مجرد إحسآس لآ غير ‘‘

أهم حآجهـ إهتمي بزوجكـ وأطفالكـ ‘‘

و إتعآملي مع آلنآس كلهم بمعدنكـ الأصيل ‘‘

وطنش تعش تنتعش <---------- حطيهآ في بآلكـ دآيم ‘‘

بوم شيكا واوا · 12-08-2008, 17:40

الأخوات ماقصروا ومنكم نستفيد............

مهجول · 12-08-2008, 21:21

انتي ليش مهتمه انتي مو بحاجتها ولا حاجة غيرها اعملي لاصلك ولا لك شغل فيهم ومن زعل على الفاضي يرضيه الفاضي

وحمواتك زعلوا بدون سبب بس كلاام خليهم يرضيهم الفاضي ومو لازم تكونين صداقات معهم اكيد لك صداقه برى محيط العائله

واستمتعي مع زوجك ولا دقيقين ابد

وبالتوفيق

استاهل دموعك · 13-08-2008, 01:36

[QUOTE=أشجآن آلعمر;3528421]ســلآم عليكـ آختي ‘‘
جداً مؤلم بأن تتعآملي مع آلنآس بطيب وهمآ بإستخفآف ‘‘
بس أبداً لآ يهمكـ تعآملهم ‘‘ أهم حآجهـ إنكـ تعملي بأصلكـ ‘‘
خليكي طيبهـ مع آلنآس كلهم وعلآقتك سطحيه معآهم ‘‘
ســـلآم ‘‘ كيف آلحآل ‘‘ مع آلسلآمهـ ‘‘
وإذا بتزوركـ خليهآ تجي وفي نفس آلوقت نآدي آي أحد من أهلكـ ‘‘
أو من جيرانكـ أو وحدهـ من حموآتكـ .. أهم حآجهـ لآ تكوني انتي وهيا رأسين في بعض ‘‘
يعني خليهآ جمعة حريم ‘‘
وأنآ أحسهآ إستغلآليهـ .. وغيرآنهـ منكـ ‘‘ وهذآ مجرد إحسآس لآ غير ‘‘
أهم حآجهـ إهتمي بزوجكـ وأطفالكـ ‘‘
و إتعآملي مع آلنآس كلهم بمعدنكـ الأصيل ‘‘
وطنش تعش تنتعش <---------- حطيهآ في بآلكـ دآيم ‘‘[/QUOالحTE]
بالنسبه لو انادي احد اكيد بتقلبهم علي لا انا راح اقلل اني اشوفها احاول ماعطيها اهتمام ..

ومشكوره على النصايح ماقصرتي..

استاهل دموعك · 13-08-2008, 01:39

اقتباس:

المشاركة الأصلية كتبت بواسطة مهجول

انتي ليش مهتمه انتي مو بحاجتها ولا حاجة غيرها اعملي لاصلك ولا لك شغل فيهم ومن زعل على الفاضي يرضيه الفاضي
وحمواتك زعلوا بدون سبب بس كلاام خليهم يرضيهم الفاضي ومو لازم تكونين صداقات معهم اكيد لك صداقه برى محيط العائله
واستمتعي مع زوجك ولا دقيقين ابد
وبالتوفيق

اشكرك على اهتمامك..

استاهل دموعك · 13-08-2008, 01:41

اقتباس:

المشاركة الأصلية كتبت بواسطة بوم شيكا واوا

الأخوات ماقصروا ومنكم نستفيد............

مشكوره..

استاهل دموعك · 13-08-2008, 01:42

اقتباس:

المشاركة الأصلية كتبت بواسطة زهور المدينة

انا مع اختي شهرية
و انتي امبين عليك بنت ناس ومحترمة وطيبة كثيييير
وهذي حماتك مستغله طيبتك
لا تسوين لها اي اهتمام وعيشي حياتك

الله يسعدك دنيا واخره..

فــــ الحنان ــــاقد · 13-08-2008, 02:47

شكلها غيرانة منك.

سانتالوشيانو · 13-11-2008, 05:39

عليك بضبط النفس والترفع عن الصغائر...

مستحيل انساااه · 13-11-2008, 14:18

لاتنتظرين مقابل من الناس

وبنفس الوقت خليك حذره شخص شفتي منه موقف خلاص تجنبيه
يعني هالانسانه صار منها كذا موقف خلاص تجنبيها وخلي علاقتك معها جداااااا سطحيه لابكره تسويلك شي افظع من الي سوته وصدق تنصدمين وتتعب نفسيتك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مشكلتي مع حماتي