عالم الحياة الزوجية - منتدى

wannas · 13-08-2008, 00:35

آآآآسف عن التأخيير ....

سأترك الزوجة بنفسها تكمل لكم الحكاية للاخر !!!!!

رجعت الشريحة بتاعتي في الموبيل و اتصلت بصاحبتنا و رجعنا قعدنا على الترابيزة معاهم و كبست على نفسه لحد ما روحنا و هو طول القاعدة عينه زايغة و عمال يبص على كل واحدة حولينا فاكرها هي الزبونة اللي اتصلت و انا قاعدة جانبه و لا حاسس بيا

و احنا مروحين لقيته منشكح و منهرش و عمال يصفر و يطبل على الدريكسيون اكن فرح خالته
عاملت روحي مش مركزة و قعدت اتكلم مع العيال في اي كلام

تاني يوم.. راح الشغل و على الساعة 11 اتصلت بيه من الشريحة اياها

انا: النوووو

هو:اهلا يا جميل

انا: وحشتني

هو: انتي اكتر كده برضه متخلنيش اشوفك

انا : استنى بس مش نتعرف الاول و بعدين نتقابل

هو:طيب حشوفك امتى

يا نهارك مش فايت و كمان عايز تقابلها مع سبق الاصرار و الترصد

انا: انت عندك كام سنة؟

هو:30 سنة و كام شهر

يا ابن الكذابة مواليد 60 و لسة 30 سنة ليه كنت واخد عشر سنين اجازة رضاعة طفل

انا: ياه انت كبير عليا انا 25

هو: و ماله هو في احلى من كده

انا: بس انا شايفة شعر ابيض في راسك امبارح؟

هو: ها ها ها ها لا ده من الخضة

انا:هيهيهيهيهي (بدلع بس من جوه بابور مولع)

هو: طيب انت بتشتغلي فين؟

انا: حسب ساعات و ساعات

هو: طيب...

قاطعته

انا باي بقى اكلمك بكرة في نفس الميعاد

و قفلت الخط و انا مولعة و فاضلي لتر بنزين و انفجر

و فضلت كده اتصل اتدلع عليه و مديلهوش اي معلومات عني خمس ايام لحد يوم الخميس و طبعا سمعني

كلام عجب و كذب يودي كلية الطب و قالي نكت عمره ما حكهالي و هراني مسجات معاكسة و ادالت و

غرام و اخيرا فاض بيا و قلت لازم اكشفه قدام نفسه

اتصلت

انا: النووو

هو: اهلا يا حبي

حبي؟!! و انا كل ما اتصل بيه و انا مراته يقولي نعم يا ماما و لو حد ساله مين يقولة ----البيت-----

انا: فاضي بكرة الصبح عندي تدريب في الناتي و عايسة اشوفك

هو: طبعا الساعة كام

انا : 12 كويس؟

هو : اوك يا قمر

انا: اوك سلام

هو : استني بس حعرفك ازاي؟

انا: زي ما قلتلك قبل ده انا شبه نيكول سابا بس للصراحة عنيا مش زارقة عنيا خضرا و حكون لابسة شورت تنس و بادي بينك

هو: اتفقنا يا قمر( و طبعا انا حسيت بالريالة بتنزل على سماعة التليفون و هو بيقول العبارة الاخيرة دي)
استنى اما نشفت ريقك

و لما روح سبع البرومبة قلتله عايزين نفسح الاولاد بكرة يا بيسو
قالي لا بكرة مش فاضي عندي مشوار واحد صاحبنا عنده المرارة و حيعمل عملية و لازم اروح معاه علشان نعمل التحاليل اللي قبل العملية و..و...و.. و عاملي قصة
قلتله: طيب اروح انا عند ماما بقى و لما تخلص ابقى تعالى اتغدى معانا
قالي: لا ما انا يمكن اتغدي معاه
كمان ناوي على غدا طيب حوقف اللقمة في زورك ان شاء الله

تاني يوم من الساعة 10 صحي و لبس و نزل مش عارفة ليه بدري كده بس احسن
اخدت العيال عند ماما و طلعت على النادي و لقيته مستني في المكان اللي اتفقنا عليه و عمال يتصل برقم الزبونة و انا مش مركبة الشريحة اصلا
اتصلت بيه من موبيلي و قلتله

انا:انت فين يا بابا

هو: ايوة...بزهق... ما انا قلتلك مع صاحبي

انا: طيب انا بس حبيت اقولك اننا رحنا النادي علشان ماما عندها ضيوف

هو: اتسرع و اتلجلج و انا شايفاه حط ايده على راسه
و قالي: نادي اية؟

قلتله: النادي الفلاني(اللي هو نفس النادي بتاع الرونديفوه)

هو: ليه كده الجو برد العيال حتعيا خديهم و روحي احسن

انا: طيب طيب

بس و عنها و ركبت شريحة الزبونة و اتصلت بيه

انا: النوووو

هو: انت فين يا جميل الساعة 2 مش تيجي بقى

انا: انت فين بالظبط

هو: جنب ملعب التنس زي ما اتفقنا

انا: طيب انا جايه اهو فايف منتس

هو: اوك(بحماس منقطع النظير)

و رحت واخده بعضي و عملت هجوم مباشر عليه من الخلف
و قلتله:بيسوووو انت هنا

هو: اتلهى و اترزى و بقى عرقه مرقه و قالي انت ايةجابك هنا

انا : انا روحت العيال علشان البرد و قلت اجي الف التراك الله امال فين صاحبك !!!و اية التسريحة الجميلة دي ؟؟انت رحت عند الحلاق؟ و صبغت كمان! واو صغرت 5 سنين يا مضروب

هو: الفار لعب في عبه و قالي لا ..اصله... اجل ... تعالى نروح ناخد العيال و نتغدى برة

انا دوست على ريديل و انا واقفة معاه من شريحة الزبونة و استمتعت بوشة و هو بيجيب الوان و العرق بيفط من سحنته و هو حاسس ان البت جت و حتطب علينا

قالي: يلا يلا الجو برد النهاردة

قلتله: مش حترد على التليفون

قالي: مش مهم بقى

قلتله: طيب استنى حروح التويلت و ارجعلك

قالي: طيب

و انتهز الفرصة وراح متصل على رقم الزبونة
رديت بصوتي الأصلي

انا: الو

هو:بتردد..........انت فين؟

انا: ما انا لسة قايلالك رايحة الحمام

هو: اية(بصدمة)

انا: انت لسة معرفتش يا مدهول اني بشتغلك من اسبوع عاملي فالنتينو يا بيسو
طيب قبل ما تبص برة بص جوة
صدق اللي قال زي القرع تمد لبرة
سلام بقى علشان رايحة اقابل الواد بتاعي

و طلعتله لساني بمنتهى الانشراح اللي يضحك في الاخر هو اللي يضحك اكتر

و قفلت التليفون و رحت عند واحدة صاحبتي اتغديت معاها و سبته طول اليوم يضرب روحه تلاتين صرمة
و الحلقة الجاية حقولكم عملت فيه ايه بعد كده

محدش يقولي سيبيه لاني بحبه رغم حركاته القرعة اللي تطهق بس

دلالي من الفرقا ذاب · 13-08-2008, 07:32

ماشاء الله عليها عرفت تجيب راسه اللي مايستحي عى وجهه

wannas · 13-08-2008, 17:28

اقتباس:

المشاركة الأصلية كتبت بواسطة دلالي من الفرقا ذاب

ماشاء الله عليها عرفت تجيب راسه اللي مايستحي عى وجهه

صحيح كيدهن ومكرهن عطييييم...

مشكورة ع المرور الطيب والعليق الجميييييييييييييييييييييييييييييييييييييييييييييي ييييييييل !!!!!!!.

أم الفواطم · 16-08-2008, 00:49

ذكية ما شاء الله عليها وبصراحه هو خاين ولا عنده وفاااء يستاهل المقلب الي اكله ,,,,,,

يسلمووووو ,,,, ننتظر جديدك .

wannas · 16-08-2008, 01:33

صدقت أم الفواطم.

الله يصلح من حالنا جميييعا.

مشكورة كثير ع المرور الكريم.

تحياااتى

*حور* · 16-08-2008, 04:59

صحيح ما شاء الله عليها تتحمل بس انا بالنسبه لي ماعطته حقه

والله انه يستاهل اكثر من كذا

(صاحبة القصه الأحق بالقرار المناسب)
بس انتظر واشوف الاحداث الجايه
ومشكور اخوي ننتظر باقي الاحداث

النجمة العالية · 16-08-2008, 17:17

يستاهل اكثر من كيدة
مشكورة على طرح قصتك حتى تفيدينا بالمستقبل

ْامة الرحمن · 17-08-2008, 23:59

رووووووووووووووووعه وذكيه ودمها خفييييييييييييييف جدا جدا

soumia · 19-08-2008, 19:55

و الله يستاهل اللي جرى بس ما برد قلبي عليه

بْقَاٌيَاٌ҉ذِكْرَيَاٌتِ · 26-08-2008, 11:44

ههههههههههههههههههه حلوة حلوة يستاهل الجامد

والله وطلعت قدعه اووووووووووي وذكيه بنت الرجاله 000000

يسلموووووووو ونسسسسسسسسس لاتحرمنا جديدك 00

من سيفوز بى · 26-08-2008, 14:01

ههههههههههههههههههه شاطرة شاطرة شاطرة والله العضيم عملت لاازم معاه تسلمى

ميموزة · 26-08-2008, 18:16

ههههههههههه والله حلوة كثير القصة و هي كمان عبرة للي زي بيسووو خخخخخخخخخ
هو عامل فيها فالنتينو و ناسي انو حبل الكدب قصير
و لا ايه المدام طلعت واعية و دكية و عرفت ازاي تتعامل معاه خخخخخخخخ طلعت هي اللي جامدة خخخخخخ
و هو لا طال توت الشام ولا عنب اليمن خخخخخخخخخخخ
مشكور ونسسسسسسسسسس على الطرح الرائع

رقة مشاعر · 26-08-2008, 18:44

..

هههههههههههههههههههههه
وهو احنا ضحكنا معها بالاخر بقى <<تاثرت باللهجة المصرية كنت اقراا القصة بصوت عالي من حلاوتها ههههههههههه
بانتظااااااااااااااااااااار الباقي بفارغ الصبررررررررررر

..

جلاديوس · 28-08-2008, 03:13

حقيقى براافو عليكى متابعه بقوه

نبـ الروح ـض · 28-08-2008, 07:30

النووووووووووو
هههههههههههه
قدعه البت دي
لاكن ان جيتوا للحق صبووووووووووووره
متشكرييييين اوي اوي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ذكاء النسوان وهبل الرجاله 2 !!!!!